ຂ່າວຫຼ້າສຸດ

ກຽມຄວາມພ້ອມໃນທຸກດ້ານ ເພື່ອການສຶກສາ

5.543 16 ກ.ກ. 2012 ສຶກສາ
ກຽມຄວາມພ້ອມໃນທຸກດ້ານ ເພື່ອການສຶກສາ

<p>  </p> <p style="text-align: justify; "> ການ​ກຽມ­ພ້ອມ​ໃຫ້​ແກ່​ການ​ສຶກ​ສາ​ຮ່ຳ­ຮຽນ ກໍ​ຄື: ຜົນ­ສຳ­ເລັດ​ໃນ​ເບື້ອງ​ຕົ້ນ ທີ່​ຈະ​ກ້າວ​ສູ່​ການ​ສຶກ​ສາ​ຄົ້ນ­ຄວ້າ​ຮ່ຳ­ຮຽນ​ໃນ​ອະ­ນາ­ຄົດ ເພາະ​ການ​ກຽມ​ຕົວ​ໃນ​ແຕ່​ຫົວ­ທີ ແມ່ນ​ການ​ສ້າງ​ພື້ນ­ຖານ​ອັນ​ເຂັ້ມ­ແຂງ ສາ­ມາດ​ເປັນ​ແຮງ​ຊຸກ­ຍູ້​ຕໍ່­ສູ້​ກັບ​ອຸ­ປະ­ສັກ​ທີ່​ຈະ​ປະ​ເຊີນ​ໃນ­ຕໍ່­ໜ້າ.</p> <p style="text-align: justify; "> ນາງ ນິ​ພາ​ພອນ ແກ້ວ​ມີ​ໄຊ ນັກ­ຮຽນ​ຊັ້ນ ປໍ 5/2 ໂຮງ­ຮຽນ​ອະ­ນຸ­ບານ ປະ­ຖົມ ມ.ສ ຮຸ່ງ­ເຮືອງ ນະ­ຄອນ­ຫຼວງ​ວຽງ​ຈັນ ເປັນ​ແບບ­ຢ່າງ​ໜຶ່ງ​ຂອງ​ນ້ອງ​ນັກ­ຮຽນ ມີ​ຄວາມ​ຄິດ​ວາງ​ຈຸດ­ປະ­ສົງ​ເປົ້າ​ໝາຍ​ໃນ​ການ​ຮຽນ​ຂອງ​ຕົນ​ຢ່າງ​ຊັດ​ເຈນ ໂດຍ​ສະ­ເພາະ​ການ​ກຽມ​ຄວາມ​ພ້ອມ​ໃຫ້​ກັບ​ຕົນ​ເອງ ໃນ​ການ​ຄົ້ນ­ຄວ້າ​ຮ່ຳ­ຮຽນ ຊຶ່ງ​ຜູ້­ກ່ຽວ​ກ່າວ​ວ່າ: ທຸກໆ​ສົກ­ຮຽນ ນັບ​ຈາກ​ກ້າວ​ເຂົ້າ​ສູ່​ຊັ້ນ​ຮຽນ​ປະ­ຖົມ ໄດ້​ມີ​ການ​ກຽມ​ໂຕ​ໃນ​ການ​ຮ່ຳ­ຮຽນ ໂດຍ​ສະ­ເພາະ​ເວ­ລາ​ພັກ​ພາກ­ຮຽນ​ໃນ​ແຕ່​ລະ​ປີ ນອກ­ຈາກ​ຈະ​ພັກ­ຜ່ອນ​ຊ່ວຍ​ວຽກ​ຄອບ­ຄົວ​ຕາມ​ເຫື່ອ­ແຮງ​ຂອງ​ຕົນ​ແລ້ວ ສິ່ງ​ໜຶ່ງ​ທີ່​ຂາດ​ບໍ່​ໄດ້​ຄື: ການ​ຄົ້ນ­ຄວ້າ​ຮ່ຳ­ຮຽນ ຊອກ​ຫາ​ເວ­ລາ​ໃຫ້​ຕົນ​ເອງ ຮຽນ​ເພີ່ມ​ບາງ​ວິ­ຊາ​ທີ່​ເຫັນ​ວ່າ​ຍັງ​ບໍ່​ທັນ​ດີ​ເທົ່າ​ທີ່​ຄວນ.</p> <p style="text-align: justify; "> ທ່ານ​ນາງ ຄຳ​ມອນ ໄຊ­ຊະ­ນະ ຜູ້​ເປັນ​ນ້າ­ສາວ ກ່າວ​ວ່າ: ສຳ​ລັ​ຫຼານ​ສາວ​ຄົນ​ນີ້ ມີ​ແນວ​ຄວາມ​ຄິດ​ເປັນ​ຜູ້​ໃຫ່​ຍ​ມາ​ແຕ່​ຍັງ​ນ້ອຍ ເປັນ​ຄົນ​ຊ່າງ​ຄິດ​ຊ່າງ​ເວົ້າ ກ້າ​ສະ­ແດງ​ອອກ ເປັນ​ຕົວ​ຂອງ​ຕົວ​ເອງ ມີ​ເຫດ­ຜົນ ສິ່ງ​ໜຶ່ງ​ອາດ​ເປັນ​ເພາະ​ພໍ່​ແມ່​ສ້າງ​ປູກ­ຝັງ​ແນວ​ຄວາມ​ຄິດ​ດັ່ງ­ກ່າວ​ມາ​ແຕ່​ຍັງ​ນ້ອຍ ໃຫ້​ເຮັດ​ເອງ​ທຳ​ເອງ ສ່ວນ​ພໍ່​ແມ່​ຄອຍ​ແນະ­ນຳ​ຕິດ­ຕາມ​ໃກ້­ຊິດ​ເທົ່າ​ນັ້ນ ແລະ ທີ່​ສຳ­ຄັນ ພໍ່​ແມ່​ຍາດ​ພີ່­ນ້ອງ​ທຸກ​ຄົນ​ໃຫ້​ຄວາມ​ອົບ​ອຸ່ນ ສະ­ໜັບ­ສະ­ໜູນ​ໃນ​ການ​ຮຽນ.</p> <p style="text-align: justify; "> ຈຸດ​ເດັ່ນ​ໜຶ່ງ​ຂອງ​ຫຼານ​ສາວ​ຄົນ​ນີ້ ຄື: ມັກ​ຫຼິ້ນ ມັກ​ມ່ວນ ອາ­ລົມ​ດີ ຍິ້ມ­ແຍ້ມ​ແຈ່ມ​ໃສ​ຕະ­ຫຼອດ​ເວ­ລາ ແຕ່​ສິ່ງ​ສຳ­ຄັນ​ເຖິງ​ຈະ​ມັກ​ຫຼິ້ນ ເຮ​ຮາ​ຕາມ​ພາ­ສາ​ເດັກ­ນ້ອຍ ແຕ່​ກໍ​ບໍ່​ເຄີຍ​ລືມ​ການ​ຮຽນ ຮອດ​ເວ­ລາ​ຮຽນ​ກໍ​ຕັ້ງ­ໃຈ​ຮຽນ ເວ­ລາ​ຫຼິ້ນ​ກໍ​ຫຼິ້ນ ຈັດ​ສັນ​ເວ­ລາ​ໃຫ້​ແກ່​ຕົນ​ເອງ​ຢ່າງ​ລົງ​ຕົວ.</p> <p style="text-align: justify; "> ຈາກ​ເຫດ­ຜົນ​ດັ່ງ­ກ່າວ ເຮັດ​ໃຫ້​ລາວ​ສາ­ມາດ​ສອບ­ເສັງ​ເອົາ​ຄະ­ແນນ​ເກັ່ງ​ຮອບ­ດ້ານ ແຕ່​ລະ­ວິ​ຊາ​ບໍ່​ຫຼຸດ 7 ຄະ­ແນນ ໃນ​ການ​ສອບ­ເສັງ​ຈົບ​ຊັ້ນ ປໍ5 ໃນ​ສົກ­ຮຽນ 2011-2012ທີ່​ຜ່ານ​ມາ.</p> <p style="text-align: justify; "> <strong>​ໂດຍ: ​ແວ່ວນຂາວ</strong></p>

ຂ່າວທີ່ກ່ຽວຂ້ອງ