ຂ່າວຫຼ້າສຸດ

ກັບໄປຊົນນະບົດ

1.602 16 ກ.ກ. 2012 ນານາສາລະ

<p>  </p> <p style="text-align: justify; "> ພັກ​ຮຽນ (ລະ­ດູ­ຝົນ) ຂອງ​ນັກ­ຮຽນ ແຕ່​ຊັ້ນ​ປະ­ຖົມ ຈົນ​ຮອດ​ມະ­ຫາ­ວິ­ທະ­ຍາ­ໄລ​ຢູ່​ບ້ານ​ເຮົາ ແມ່ນ​ການ​ພັກ​ຍາວ​ກວ່າ​ໝູ່ ປີ​ນີ້​ຢູ່​ນະ­ຄອນ­ຫຼວງ​ເຮົາ​ອາດ​ພັກ​ບໍ່​ດົນ ເພາະ​ຈະ​ໄປ​ພັກ​ອີກ​ເທື່ອ​ໜຶ່ງ... ເວ­ລາ​ດຳ­ເນີນ​ກອງ​ປະ­ຊຸມ​ອາ​ເຊັມ ທີ່​ລາວ​ເຮົາ​ເປັນ​ເຈົ້າ­ພາບ​ໃນ​ເດືອນ​ພະ­ຈິກ.</p> <p style="text-align: justify; "> ໃນ​ເວ­ລາ​ພັກ​ຮຽນ​ນີ້ ຢູ່​ຕົວ​ເມືອງ​ໃຫຍ່ ຜູ້​ປົກ­ຄອງ​ມັກ​ໃຫ້​ລູກ​ຮຽນ​ເພີ່ມ... ໄປ​ຄຽງ​ຄູ່​ກັບ​ການ​ສະ­ໜອງ​ອຸ­ປະ­ກອນ​ເຕັກ​ໂນ​ໂລ​ຊີ​ໃຫ້​ລູກ​ຫຼິ້ນ​ຢູ່​ເຮືອນ... ທັງ​ນີ້​ກໍ​ເພື່ອ​ຫຼີກ­ເວັ້ນ​ຈາກ​ສະ­ພາບ​ແວດ​ລ້ອມ​ທີ່​ເປັນ​ອັນ­ຕະ­ລາຍ​ໃນ​ຕົວ​ເມືອງ​ໃຫຍ່ ເຊັ່ນ: ຢາ​ເສບ​ຕິດ.</p> <p style="text-align: justify; "> ການ​ທີ່​ຜູ້​ປົກ­ຄອງ​ຄຶດ​ແນວ​ນັ້ນ​ກໍ​ຫາກ​ດີ ແຕ່​ຫາກ​ມາ​ເບິ່ງ​ໃນ​ແງ່​ຈິດ­ຕະ­ສາດ​ຂອງ​ເດັກ... ການ​ຮັບ​ຂໍ້​ມູນ​ຂອງ​ເດັກ​ແລ້ວ ເຫັນ​ວ່າ­ການ​ກະ­ທຳ​ດັ່ງ­ກ່າວ​ເກີນ​ການ​ຮັບ​ເອົາ​ຂອງ​ເດັກ... ເກີດ​ມີ​ສະ­ພາບ​ເດັກ​ຕິດ​ເກມ​ຈາກ​ຄອມ ຈາກ​ເຄື່ອງ­ໃຊ້​ເອ​ເລັກ​ໂຕຼ​ນິກ ແທນ​ທີ່​ຈະ​ດີ​ຂຶ້ນ ພັດ​ກາຍ­ເປັນ​ສິ່ງ​ເບື່ອ​ເມົາ​ເດັກ​ອີກ​ຊ້ຳ.</p> <p style="text-align: justify; "> ມີ​ການ​ຕັ້ງ​ບັນ­ຫາ​ວ່າ: ນອກ­ຈາກ​ການ­ຈັດ­ຕັ້ງ​ເພິ່ນ​ເຮັດ​ແລ້ວ ຜູ້​ປົກ­ຄອງ​ຄວນ​ນຳ­ພາ​ລູກ​ຫຼານ​ຂອງ​ຕົນ​ມຸ້ງ​ໜ້າ​ສູ່​ຊົນ­ນະ­ບົດ ສູ່​ບ້ານ​ເກີດ​ເມືອງ​ນອນ​ຂອງ​ຕົນ ເພື່ອ​ໃຫ້​ເດັກ​ໄດ້​ສຳ​ພັດ​ກັບ​ການ​ດຳ­ລົງ​ຊີ­ວິດ​ຂອງ​ພໍ່​ປູ່-ແມ່​ຍ່າ ພໍ່­ເຖົ້າ-ແມ່­ເຖົ້າ ຫຼື ລຸງ​ປ້າ... ອາວ​ອາ ຢູ່​ຊົນ­ນະ­ບົດ.</p> <p style="text-align: justify; "> ການ​ໄປ​ນີ້ ແມ່ນ​ການ​ສ້າງ​ທັດ­ສະ­ນະ​ອອກ­ແຮງ​ງານ​ໃຫ້​ເດັກ!.. ສ້າງ​ໃຫ້​ພວກ​ເຂົາ​ໄດ້​ຊື່ນ​ຊົມ​ກັບ​ທີວ​ທັດ​ທຳ​ມະ​ຊາດ​ອັນ​ອຸ­ດົມ­ສົມ­ບູນ​ຂອງ​ປະ­ເທດ​ເຮົາ ໃນ​ເວ­ລາ​ເຂົາ​ດຳ­ລົງ​ຊີ­ວິດ​ຢູ່​ຊົນ­ນະ­ບົດ ເຂົາ​ຈະ​ໄດ້​ຮ່ວມ​ກັບ​ພີ່­ນ້ອງ​ໃກ້­ຊິດ ຮ່ວມ​ສ້າງ​ກິດ­ຈະ­ກຳ​ຕາມ​ວິ­ຖີ​ຊີ­ວິດ​ຂອງ​ຄົນ​ຊົນ­ນະ­ບົດ ທີ່​ອີງ­ໃສ່​ທຳ​ມະ​ຊາດ​ເປັນ​ຫຼັກ ເຊັ່ນ: ການ​ຊອກ​ຢູ່​ຫາ​ກິນ​ຕາມ​ທຳ​ມະ​ຊາດ (ເກັບ​ຜັກ-ຫັກ​ໜໍ່­ໄມ້ ຕຶກ­ເບັດ-ໃສ່​ມອງ​ຫາ​ປາ​ລອຍ­ນ້ຳ...ບຸ​ປ່າ... ແລະ ອື່ນໆ) ເຊິ່ງ​ການ​ດຳ­ເນີນ​ຊີ­ວິດ​ແບບ​ນີ້ ຢູ່​ຕົວ​ເມືອງ​ບໍ່​ເຄີຍ​ພົບ­ພໍ້... ຈະ​ເຮັດ​ໃຫ້​ເດັກ­ນ້ອຍ​ມີ​ການ​ແລກ­ປ່ຽນ​ການ​ດຳ­ເນີນ​ຊີ­ວິດ ແລະ ຮູ້​ຮັກ​ສາ­ມັກ­ຄີ ຮູ້​ຮັກ​ທຳ​ມະ​ຊາດ ແລະ ບ້ານ​ເກີດ​ເມືອງ​ນອນ​ຂອງ​ຕົນ.</p> <p style="text-align: justify; "> ການ​ນຳ­ພາ​ລູກ-ຫຼານ ທວນ­ຄືນ​ຊົນ­ນະ­ບົດ​ຍັງ​ແມ່ນ​ການ​ສ້າງ​ຈິດ​ສຳ­ນຶກ​ໃຫ້​ເຂົາ ເມື່ອ​ໃຫຍ່​ກ້າ​ໜ້າ­ບານ​ຂຶ້ນ​ມາ ເພື່ອ​ສຶກ​ສາ​ຮຽນ​ຮູ້ ຈົນ​ເຂົາ​ຈະ​ຕ້ອງ​ມີ​ພັນ­ທະ​ກັບ​ຄືນ​ມາ​ພັດ­ທະ­ນາ​ຊົນ­ນະ­ບົດ... ພັດ­ທະ­ນາ​ບ້ານ​ເກີດ​ເມືອງ​ນອນ​ຂອງ​ຕົນ​ໃຫ້​ຈະ­ເລີນ​ຮຸ່ງ­ເຮືອງ​ໃນ​ພາຍ​ພາກ​ໜ້າ.</p> <p style="text-align: justify; "> ຫາກ​ເອົາ​ແນວ­ທາງ​ມາ​ເຍືອງ​ໃສ່ ໂດຍ​ສະ­ເພາະ​ແມ່ນ​ມະ­ຕິ 03 ສ້າງ​ຂອງ​ພັກ-ລັດ​ເຮົາ​ແລ້ວ ຈະ​ເຫັນ​ໄດ້​ວ່າ ການ​ທີ່​ພໍ່​ແມ່​ຜູ້​ປົກ­ຄອງ​ເດັກ​ຄິດ ແລະ ເຮັດ​ແນວ​ນັ້ນ ມັນ​ສອດ­ຄ່ອງ​ຕາມ​ແນວ­ທາງ... ທັງ​ແມ່ນ​ການ­ຈັດ­ຕັ້ງ​ປະ­ຕິ­ບັດ​ແນວ­ທາງ​ພັດ­ທະ­ນາ​ຊົນ­ນະ­ບົດ​ທີ່​ພັກ​ເຮົາ​ວາງ​ອອກ​ຢ່າງ​ແທ້​ຈິງ.</p> <p style="text-align: justify; "> <strong>​ໂດຍ: ​ແນວ​ລາວ</strong></p>

ຂ່າວທີ່ກ່ຽວຂ້ອງ