ຂ່າວຫຼ້າສຸດ

ລົດອັ່ງອໍຫຼາຍ ຈະແກ້ຢ່າງໃດ?

2.205 12 ກ.ກ. 2012 ນານາສາລະ

<p>  </p> <p style="text-align: justify; "> ເພື່ອນ​ຜູ້​ອ່ານ​ຕັ້ງ​ບັນ­ຫາ​ເລື່ອງ​ການ​ສັນ­ຈອນ​ຢູ່​ນະ­ຄອນ­ຫຼວງ​ເຮົາ​ວ່າ: ດຽວ­ນີ້​ລຳ­ບາກ​ແລ້ວ ເພາະ​ລົດ​ອັ່ງ​ອໍ​ຫຼາຍ​ໂພດ ໂດຍ​ສະ­ເພາະ​ແມ່ນ​ຊົ່ວ­ໂມງ​ຮີບ​ຮ້ອນ.</p> <p style="text-align: justify; "> ມີ​ການ​ຕັ້ງ​ບັນ­ຫາ​ເລື່ອງ​ທາງ​ອອກ​ໃນ​ຫຼາຍ​ຄວາມ​ຄິດ​ເຊັ່ນ​ວ່າ:</p> <p style="text-align: justify; "> - ຄວນ​ກໍ່­ສ້າງ ແລະ ຈັດ​ສັນ​ສະ­ຖານ­ທີ່​ຮັບ​ຝາກ ແລະ ຈອດ​ລົດ​ໃຫ້​ຫຼາຍ​ຂຶ້ນ... ໃຊ້​ມາດ​ຕະ­ການ​ເດັດ­ຂາດ​ຫ້າມ​ຈອດ​ລົດ​ແຄມ​ທາງ​ຫຼາຍ​ຊົ່ວ­ໂມງ.</p> <p style="text-align: justify; "> - ປັບ­ປຸງ​ລົດ​ບໍ­ລິ­ການ​ສາ­ທາ­ລະ­ນະ ໃຫ້​ແລ່ນ​ໃນ​ສາຍ​ທາງ​ຕ່າງໆ ຈາກ​ຊານ­ເມືອງ​ເຂົ້າ​ສູ່​ຕົວ​ເມືອງ​ໃນ​ຫຼາຍ​ຂຶ້ນ ແລະ ດີ​ຂຶ້ນ.</p> <p style="text-align: justify; "> - ຢູ່​ຈຸດ​ໄຟ​ອຳ­ນາດ ຄວນ​ປ່ອຍ​ໃຫ້​ລົດ​ແລ່ນ​ໄປ​ຕາມ​ກົນ​ໄກ ເຈົ້າ​ໜ້າ­ທີ່​ບໍ່​ຈຳ­ເປັນ​ໄປ​ປະ­ຕິ­ບັດ​ງານ​ຢູ່​ບ່ອນ​ນັ້ນ ! ບ່ອນ​ທີ່​ຄວນ​ປະ­ຈຳ ແມ່ນ​ໃຫ້​ຫ່າງ​ຈາກ​ໄຟ​ແດງ ຢ່າງ​ໜ້ອຍ 500 ແມັດ.</p> <p style="text-align: justify; "> - ຄວນ​ໃຊ້​ມາດ​ຕະ­ການ​ເດັດ­ຂາດ ສຳ­ລັບ​ຜູ້​ບຽດ​ຢຶດ​ທາງ​ຄົນ​ຍ່າງ​ໃນ​ທຸກ​ກໍ­ລະ­ນີ.</p> <p style="text-align: justify; "> - ປັບ­ປຸງ​ໂມງ​ເຂົ້າ​ຮຽນ​ຊັ້ນ​ອະ­ນຸ­ບານ ປະ­ຖົມ ມັດ­ທະ­ຍົມ​ຕົ້ນ ແລະ ປາຍ ໃຫ້​ເຂົ້າ​ໄວ​ຄື ປະ­ມານ 7 ໂມງ​ເຊົ້າ ແລະ ເລີກ​ໄວ ປະ­ມານ 15 ໂມງ 30 ນາ­ທີ (ພັກ​ທ່ຽງ 1 ຊົ່ວ­ໂມງ).</p> <p style="text-align: justify; "> - ຄວນ​ຈັດ​ສັນ​ທີ່​ຕັ້ງ​ສຳ­ນັກ­ງານ​ອົງ­ການ​ຕ່າງໆ​ຄືນ­ໃໝ່ ເປັນ­ຕົ້ນ​ແມ່ນ​ໂຮງ­ຮຽນ ຕ້ອງ​ມີ​ເດີ່ນ ມີ​ທາງ​ເຂົ້າ-ອອກ​ສະ­ດວກ ຮ້ານ​ຄ້າ-ຕະ­ຫຼາດ ຕ້ອງ​ມີ​ບ່ອນ​ຈອດ​ລົດ ຫ້າມ​ສ້າງ​ຕະ­ຫຼາດ​ມໍ່​ກັນ​ໂພດ.</p> <p style="text-align: justify; "> ຂ້າງ​ເທິງ​ນັ້ນ ແມ່ນ​ບາງ​ຄຳ​ເຫັນ​ຂອງ​ເພື່ອນ​ຜູ້​ອ່ານ​ທີ່​ມີ​ໂອ­ກາດ​ພົບ​ປະ​ໃນ​ວັນ​ເສົາ-ອາ­ທິດ​ທີ່​ຜ່ານ​ມາ.</p> <p style="text-align: justify; "> ໃນ​ຖາ­ນະ​ຜູ້​ຮັບ­ຜິດ­ຊອບ​ຄໍ​ລຳ “ແນວ​ລາວ” ຄິດ​ວ່າ ການ​ກວດ­ກາ​ຄຳ​ສັ່ງ​ຕ່າງໆ ຫຼື ການ­ຈັດ­ຕັ້ງ​ປະ­ຕິ­ບັດ​ບໍ່​ຄ່ອຍ​ເຂັ້ມ​ງວດ​ປານ­ໃດ? ເພາະ​ໃນ​ຕົວ​ຈິງ​ເລື່ອງ​ນີ້​ມີ​ຄຳ​ສັ່ງ​ຂອງ​ເຈົ້າ​ຄອງ​ນະ­ຄອນ​ອອກ​ມາ​ແລ້ວ ເຊັ່ນ: ຄຳ​ສັ່ງ​ເລກ​ທີ 002/ຈ​ນວ ລົງ​ວັນ​ທີ 1 ມີ­ນາ 2012 ວ່າ​ດ້ວຍ​ການ​ຈັດ​ສັນ​ຄວາມ​ເປັນ​ລະ­ບຽບ​ຮຽບ​ຮ້ອຍ​ໃນ​ຕົວ​ເມືອງ ຄຳ​ສັ່ງ​ເລກ​ທີ 003/ຈ​ນວ ລົງ​ວັນ​ທີ 9 ມີ­ນາ 2012 ວ່າ​ດ້ວຍ​ການ­ຈັດ­ຕັ້ງ​ອອກ­ແຮງ​ງານ​ວັນ​ເສົາ​ແດງ ແລະ ສ້າງ​ຄວາມ​ສະ­ອາດ​ສວຍ​ງາມ​ສ້າງ​ຂະ​ບວນ​ການ​ຮັກ​ຊາດ-ພັດ­ທະ­ນາ ແລະ ປະ­ຕິ­ບັດ​ນະ­ໂຍ­ບາຍ 6 ສ ຂອງ​ນະ­ຄອນ­ຫຼວງ​ວຽງ​ຈັນ ເພື່ອ​ຂ່ຳ­ນັບ​ຮັບ​ຕ້ອນ​ກອງ​ປະ­ຊຸມ​ສຸດ​ຍອດ​ອາ­ຊີ-ເອີ​ຣົບ (ອາ​ເຊັມ) ຄັ້ງ​ທີ 9 ໃນ​ເດືອນ​ພະ­ຈິກ ປີ 2012 ທີ່​ນະ­ຄອນ­ຫຼວງ​ວຽງ​ຈັນ.</p> <p style="text-align: justify; "> ໃນ​ຄຳ​ສັ່ງ​ນີ້ ຍັງ​ມີ​ການ​ມອບ​ໜ້າ­ທີ່​ໃຫ້​ພາ­ຫະ­ນະ​ສື່​ມວນ​ຊົນ​ທຸກ​ພາກ­ສ່ວນ ຕ້ອງ​ໄດ້​ເຜີຍ­ແຜ່​ເນື້ອ​ໃນ​ຂອງ​ຄຳ​ສັ່ງ​ສະ­ບັບ​ນີ້​ຢ່າງ​ເປັນ​ປົກ­ກະ­ຕິ ເພື່ອ​ເຕືອນ​ສະ­ຕິ ແລະ ສ້າງ​ຄວາມ​ຊິນ​ເຄີຍ​ໃຫ້​ແກ່​ສັງ­ຄົມ.</p> <p style="text-align: justify; "> <strong>ມີ​ແຕ່​ຂັ້ນ​ຕອນ​ຈັດ​ຕັ້ງ​ປະ­ຕິ­ບັດ​ເຄັ່ງ​ຄັດ​ເຂົ້າ ທຸກ​ບັນ­ຫາ​ທີ່​ພວກ​ເຮົາ​ພົບ­ພໍ້ ຈະ​ຄ່ອຍ​ຖືກ​ແກ້​ໄຂ​ດີ​ຂຶ້ນ.</strong></p> <p style="text-align: justify; "> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ