ຂ່າວຫຼ້າສຸດ

... ນ້ຳໝາກໄມ້ຈາກທຳມະຊາດ ...

1.793 10 ກ.ກ. 2012 ນານາສາລະ

<p>  </p> <p style="text-align: justify; "> ມື້­ກ່ອນ​ໄປ​ສູນ​ການ​ຄ້າ​ລາວ-ໄອ​ເຕັກ ໄດ້​ເຫັນ​ກາ­ນວາງ­ສະ­ແດງ​ສິນ­ຄ້າ​ຈາກ​ປະ­ເທດ​ໄທ ເປັນ­ຕົ້ນ ການ​ປຸງ​ແຕ່ງ​ເຄື່ອງ​ດື່ມ​ໝາກ​ໄມ້​ທຳ​ມະ​ຊາດ ເຊັ່ນ: ໝາກ​ຂາມ­ປ້ອມ ສົ້ມ­ມໍ ໝາກ​ຫວ້າ ໝາກ​ແງວ ໝາກ​ຄໍ້ ເຊິ່ງ​ລາ­ຄາ​ຂາຍ​ແກ້ວ​ນ້ອຍ​ກວ່າ​ແກ້ວ​ເບຍ ແມ່ນ 45.000 ກີບ​ພຸ້ນ.</p> <p style="text-align: justify; "> ກໍ​ເລີຍ​ເກີດ​ມີ​ຄວາມ​ຄິດ​ວ່າ ໃນ​ຄວາມ​ອຸ­ດົມ­ສົມ­ບູນ​ຂອງ​ປ່າ­ໄມ້​ຢູ່​ໃນ​ປະ­ເທດ​ເຮົາ ມັນ​ມີ​ຫຼາຍ​ສິ່ງ​ຫຼາຍ​ຢ່າງ​ທີ່​ສາ­ມາດ​ຜະ­ລິດ​ເປັນ​ສິນ­ຄ້າ... ອັນ​ທຳ​ອິດ​ທີ່​ບໍ່​ແຕະ­ຕ້ອງ​ຫຍັງ​ກໍ​ຄົງ ແມ່ນ​ການ​ຂາຍ​ກາກ​ບອນ ຄື​ດັ່ງ​ໄດ້​ຂຽນ​ລົງ​ໃນ​ຄໍ​ລຳ​ພວກ​ເຮົາ​ທີ່​ຜ່ານ​ມາ ນອກ​ນັ້ນ ຈຶ່ງ​ແມ່ນ​ການ​ຂາຍ­ເຄື່ອງ​ປ່າ​ຂອງ​ດົງ ຕິດ­ຕາມ​ມາ​ດ້ວຍ​ການ​ປຸງ​ແຕ່ງ​ໝາກ​ໄມ້​ຈາກ​ທຳ​ມະ​ຊາດ ເຊິ່ງ​ເປັນ​ໝາກ​ໄມ້​ທີ່​ຫາ​ງ່າຍ​ຕາມ​ທຳ​ມະ​ຊາດ​ຢູ່​ບ້ານ​ເຮົາ.</p> <p style="text-align: justify; "> ນ້ຳ­ໝາກ​ໄມ້​ທຳ​ມະ​ຊາດ​ນີ້ ມີ​ຄຸນ­ສົມ­ບັດ​ຫຼາຍ​ຢ່າງ​ໃນ​ການ​ຮັກ­ສາ​ສຸ­ຂະ­ພາບ​ຮ່າງ­ກາຍ ລວມ​ໄປ​ເຖິງ​ການ​ປິ່ນ­ປົວ​ບາງ​ພະ­ຍາດ ເຊັ່ນ​ວ່າ: ໝາກ​ຂາມ­ປ້ອມ ມີ​ຊື່​ທາງ​ວິ­ທະ­ຍາ­ສາດ​ວ່າ: Phyllanthus emblica Linn ນ້ຳ­ໝາກ​ຂາມ­ປ້ອມ​ເປັນ​ຢາ​ບຳ­ລຸງ​ຫົວ­ໃຈ ຟອກ​ເລືອດ ລົດ​ໄຂ້ ຂັບ​ປັດ​ສະ​ວະ ແກ້​ເລືອດ​ອອກ​ໃນ​ເຟັນ​ແຂ້ວ ຫຼຸດ​ຄວາມ­ດັນ ແລະ ໄຂ­ມັນ​ໃນ​ເລືອດ ບຳ­ລຸງ​ຕັບ ປັບ​ປະ­ຈຳ​ເດືອນ​ສຳ­ລັບ​ຜູ້­ຍິງ ໃຫ້​ມາ​ເປັນ​ປົກ­ກະ­ຕິ ໝາກ​ສົ້ມ­ມໍ ມີ​ຊື່​ທາງ​ວິ­ທະ­ຍາ­ສາດ​ວ່າ: Terminalia chebula Retz ຖື​ເປັນ​ຢາ​ອາ­ຍຸ­ວັດ­ທະ­ນະ​ຂະ­ໜານ​ເອກ.</p> <p style="text-align: justify; "> “ແນວ​ລາວ” ເອງ​ກໍ​ເຄີຍ​ດື່ມ​ເຫຼົ້າ​ບອງ​ໝາກ​ຂາມ­ປ້ອມ ຫຼື ວ່າ​ໝາກ​ສົ້ມ­ມໍ ກໍ​ເຫັນ​ວ່າ​ລົດ​ຊາດ​ໃຊ້​ໄດ້ ຊ່ວຍ​ຈະ­ເລີນ​ອາ­ຫານ​ໄດ້​ດີ ! ດຽວ­ນີ້​ມີ​ຫຼາຍ​ຄົນ​ນິ­ຍົມ​ເຫຼົ້າ​ບອງ​ປະ­ເພດ​ນີ້ ສ່ວນ­ວ່າ​ການ​ຜະ­ລິດ​ເປັນ​ສິນ­ຄ້າ​ຄັກ­ແນ່​ຢູ່​ບ້ານ​ເຮົາ ກໍ​ເຫັນ​ແຕ່​ເຫຼົ້າ​ວາຍ​ໝາກ​ຂາມ­ປ້ອມ.</p> <p style="text-align: justify; "> ເມື່ອ​ມາ​ເຍືອງ​ໃສ່​ແນວ­ທາງ​ຂອງ​ພັກ-ລັດ ທີ່​ຊຸກ­ຍູ້​ສົ່ງ­ເສີມ​ໃຫ້​ພໍ່​ແມ່​ປະ­ຊາ­ຊົນ​ບັນ­ດາ­ເຜົ່າ​ເຮົາ ໂດຍ​ສະ­ເພາະ​ຜູ້​ຢູ່​ຊົນ­ນະ­ບົດ​ຫ່າງ​ໄກ​ສອກ­ຫຼີກ ໄດ້​ພາ­ກັນ​ຜະ­ລິດ​ເປັນ​ສິນ­ຄ້າ​ນັ້ນ ແມ່ນ​ຖືກ­ຕ້ອງ​ສອດ­ຄ່ອງ​ທີ່​ສຸດ ! ແນວ­ທາງ​ໃນ​ການ­ຈັດ­ຕັ້ງ​ປະ­ຕິ­ບັດ ກໍ​ຄົງ​ແມ່ນ​ມະ­ຕິ 3 ສ້າງ ທີ່​ເປັນ​ແສງ​ສະ­ຫວ່າງ​ເຍືອງ​ທາງ.</p> <p style="text-align: justify; "> ຫາກ​ມີ​ການ­ຈັດ­ຕັ້ງ​ສຳ​ຫຼວດ​ກວດ­ກາ​ເບິ່ງ​ທ່າ­ແຮງ​ທາງ​ທຳ​ມະ​ຊາດ​ແລ້ວ ການ​ປຸງ​ແຕ່ງ​ເຄື່ອງ​ດື່ມ​ຈາກ​ໝາກ​ໄມ້​ທຳ​ມະ​ຊາດ ຄື​ດັ່ງ­ກ່າວ​ມາ​ຂ້າງ​ເທິງ​ນັ້ນ ກໍ​ຈະ​ເປັນ​ອີກ​ທາງ​ອອກ​ໜຶ່ງ​ໃນ​ການ​ສ້າງ​ລາຍ​ຮັບ​ໃຫ້​ແກ່​ພໍ່​ແມ່​ປະ­ຊາ­ຊົນ ໄປ​ຄຽງ​ຄູ່​ກັບ​ລາຍ​ຮັບ​ອື່ນໆ... ເວ­ລາ​ນັ້ນ ການ​ສ້າງ​ບ້ານ​ພັດ­ທະ­ນາ​ຕົວ​ເມືອງ​ນ້ອຍ​ໃນ​ຊົນ­ນະ­ບົດ​ຕາມ​ທິດ​ນຳ​ຂອງ​ມະ­ຕິ 3 ສ້າງ​ນັ້ນ ຄົງ​ບັນ­ລຸ​ຜົນ­ສຳ­ເລັດ​ໄວ​ຂຶ້ນ.</p> <p style="text-align: justify; "> ຂໍ​ສະ­ໜັບ­ສະ­ໜູນ​ບ້ານ​ເມືອງ ໃນ​ທົ່ວ​ປະ­ເທດ​ທີ່​ພວມ​ທົດ​ລອງ​ປະ­ຕິ­ບັດ​ມະ­ຕິ 3 ສ້າງ ທີ່​ຄິດ​ຢາກ​ເອົາ​ແນວ​ຄວາມ​ຄິດ​ດັ່ງ­ກ່າວ​ໄປ​ນຳ​ໃຊ້.</p> <p style="text-align: justify; "> ຂໍ​ອວຍ­ພອນ​ໃຫ້​ທຸກ​ທ່ານ​ຈົ່ງ​ປະ­ສົບ​ຜົນ­ສຳ­ເລັດ ບັນ­ລຸ​ການ​ສ້າງ​ບ້ານ​ພັດ­ທະ­ນາ​ຕົວ​ເມືອງ​ນ້ອຍ​ໃນ​ຊົນ­ນະ­ບົດ.</p> <p style="text-align: justify; ">  </p> <p> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ