“ຄ່ານິຍົມທີ່ບໍ່ຄວນນິຍົມ”

1.828 09 ກ.ກ. 2012 ນານາສາລະ

<p>  </p> <p style="text-align: justify; "> “ຄ່າ​ນິ­ຍົມ​ທີ່​ບໍ່​ຄວນ​ນິ­ຍົມ” ເປັນ​ຫົວ­ຂໍ້​ທີ່​ຍົກ​ຂຶ້ນ​ມາ​ແລກ­ປ່ຽນ​ກັບ​ບັນ­ດາ​ທ່ານ​ຜູ້​ອ່ານ​ໃນ​ມື້ໆ​ນີ້ ເພື່ອ​ເປັນ​ການ​ຄົ້ນ​ຄິດ​ນຳ​ກັນ​ວ່າ: ຈະ​ແກ້​ດ້ວຍ​ວິ­ທີ​ໃດ? ເພື່ອ​ບໍ່​ໃຫ້​ເກີດ​ມີ­ຄ່າ​ນິ­ຍົມ​ຄື​ດັ່ງ­ກ່າວ.</p> <p style="text-align: justify; "> ຄ່າ​ນິ­ຍົມ​ທີ່​ບໍ່​ຄວນ​ນິ­ຍົມ​ໃນ​ທີ່​ນີ້ ຈະ​ເວົ້າ​ສະ­ເພາະ​ແຕ່​ເລື່ອງ​ດຽວ ແຕ່​ຕົວ​ຈິງ​ກໍ​ມີ​ຫຼາຍ​ເລື່ອງ​ຢູ່ ຖ້າ​ຈະ​ເວົ້າ​ໝົດ​ກໍ​ຄື​ຍືດ​ຍາວ ເລື່ອງ​ທີ່​ບໍ່​ຄວນ ກໍ​ຄື​ການ​ເອົາ​ຮູບ​ພຣະ​ພຸດ­ທະ­ເຈົ້າ​ໄປ​ຕົກ­ແຕ່ງ​ປະ­ດັບ​ປະ­ດາ​ເອ້​ຮ້ານ​ເອ້​ເຮືອນ ແລະ ເດີ່ນ​ຫຍ້າ​ໜ້າ​ເຮືອນ ໃນ​ນີ້​ລວມ​ທັງ​ໂຮງ­ແຮມ ຮ້ານ​ນວດ ແລະ ສະ​ປາ​ນຳ​ອີກ.</p> <p style="text-align: justify; "> ຮູບ​ພຣະ​ພຸດ­ທະ­ເຈົ້າ​ທີ່​ເອົາ​ໄປ​ຕົກ­ແຕ່ງ​ນັ້ນ​ມີ​ຫຼາຍ​ຢ່າງ ຈຳ­ແນກ​ອອກ​ເປັນ​ຮູບ­ແຕ້ມ ຮູບ​ຫຼໍ່ ແລະ ຮູບ​ແກະ­ສະ­ຫຼັກ ເຫຼົ່າ​ນີ້​ເປັນ­ຕົ້ນ.</p> <p style="text-align: justify; "> ປະ­ກົດ​ການ​ທີ່​ວ່າ​ນີ້​ເກີດ​ຂຶ້ນ​ໃນ​ສັງ­ຄົມ​ບ້ານ​ເຮົາ ເຫັນ​ວ່າ​ພວມ​ແຜ່​ຫຼາຍ​ເຮີ່​ຕາມ​ກັນ ໂດຍ​ຄິດ​ວ່າ​ເຮັດ​ຖືກ ຄິດ​ວ່າ​ສວຍ​ງາມ ແຕ່​ໃນ​ຄວາມ​ເປັນ​ຈິງ ສວຍ​ງາມ​ແຕ່​ບໍ່​ຈົບ­ງາມ ດັ່ງ​ເຮົາ​ຈະ​ເຫັນ​ຢູ່​ຫຼາຍ​ບ່ອນ​ທີ່​ເອົາ​ຮູບ­ແຕ້ມ​ພຣະ​ພຸດ­ທະ­ເຈົ້າ​ໄປ​ຕິດ​ຮ້ານ​ສະ​ປາ ຮ້ານ​ນວດ ແລະ ໂຮງ­ແຮມ ຮ້ານ​ອາ­ຫານ ບໍ່​ທໍ່​ນັ້ນ ຍັງ​ເອົາ​ຮູບ​ພຣະ​ພຸດ­ທະ­ເຈົ້າ​ໄປ​ວາງ​ໄວ້​ຕາມ​ບ່ອນ​ທີ່​ບໍ່​ຄວນ​ວາງ ທີ່​ບໍ່​ຄວນ​ນຳ­ໄປ​ໄວ້ ແລະ ການ​ນຳ­ໄປ​ໄວ້​ກໍ​ພຽງ​ເພື່ອ​ເປັນ​ວັດ­ຖຸ​ຕົກ­ແຕ່ງ​ເທົ່າ​ນັ້ນ ແຕ່​ບໍ່​ເປັນ​ເພື່ອ​ຄວາມ​ເຄົາ­ລົບ​ຂາບ​ໄຫວ້​ບູ­ຊາ​ຫຍັງ.</p> <p style="text-align: justify; "> ເຊັ່ນ​ດຽວ​ກັບ​ການ​ຄວັດ ການ​ແກະ­ສະ­ຫຼັກ​ສຽນ (ຫົວ) ພຣະ​ພຸດ­ທະ­ເຈົ້າ ໃສ່​ໄມ້​ເປັນ​ແຜ່ນ ໃສ່​ຂອນ​ໄມ້ ແລ້ວ​ເອົາ​ໄປ​ຕັ້ງ​ໄວ້​ຕາມ​ໜ້າ​ເຮືອນ ສວນ​ຫຍ້າ ນ້ຳ­ພຸ ການ​ເອົາ​ໄປ​ຕັ້ງ​ໄວ້​ໃນ​ສະ­ຖານ­ທີ່​ແບບ​ນີ້ ມັນ​ບໍ່​ແມ່ນ​ເພື່ອ​ຄວາມ​ເຄົາ­ລົບ.</p> <p style="text-align: justify; "> ການ​ເອົາ​ຮູບ​ພຣະ​ພຸດ­ທະ­ເຈົ້າ​ໄປ​ປະ­ດິດ​ຖານ​ໄວ້​ໃນ​ສະ­ຖານ­ທີ່​ໃດ? ດ້ວຍ​ຈຸດ­ປະ­ສົງ​ໃດ​ກໍ​ຕາມ ຖ້າ​ບໍ່​ແມ່ນ​ເພື່ອ​ຄວາມ​ເຄົາ­ລົບ​ແລ້ວ ກໍ​ບໍ່​ຄວນ​ເຮັດ​ທັງ​ນັ້ນ ຍ້ອນ​ວ່າ ພຣະ​ພຸດ­ທະ­ເຈົ້າ ກໍ​ຄື​ສັນ­ຍະ­ລັກ​ຂອງ​ພຣະ​ພຸດ​ທະ​ສາ­ສະ­ໜາ ມີ​ຜູ້​ຄົນ​ສັດ­ທາ​ໃຫ້​ຄວາມ​ເຄົາ­ລົບ​ນັບ­ຖື​ເປັນ​ຈຳ­ນວນ​ຫຼາຍ ຊຶ່ງ​ພໍ່​ແມ່​ປູ່­ຍ່າ­ຕາ­ນາຍ​ເພິ່ນ​ຖື​ວ່າ ການ​ກະ­ທຳ​ແບບ​ນີ້​ຖື​ວ່າ “ເປັນ​ບາບ”.</p> <p style="text-align: justify; "> ຖື​ວ່າ​ເປັນ​ການ​ດູ​ໝິ່ນ­ປະ­ໝາດ ເປັນ​ການ​ສ້າງ​ບໍ່­ເກີດ​ແຫ່ງ​ຄວາມ​ແຕກ​ແຍກ​ລະ­ຫວ່າງ​ຜູ້​ນັບ­ຖື ແລະ ຜູ້​ບໍ່​ນັບ­ຖື ເປັນ​ການ​ທຳ­ລາຍ​ວັດ­ທະ­ນະ­ທຳ​ອັນ​ດີ­ງາມ​ຂອງ​ຊາດ ເປັນ​ການ​ທ້າ​ທາຍ​ຕໍ່​ສະ​ຖາ​ບັນ​ທາງ​ຄວາມ​ຄິດ ຄວາມ​ເຊື່ອ​ຖື ຄື​ອົງ­ການ​ພຸດ​ທະ​ສາ­ສະ­ໜາ ແລະ ລວມ​ທັງ​ເປັນ​ການ​ທ້າ​ທາຍ​ຕໍ່​ລະ­ບຽບ​ກົດ­ໝາຍ​ອີກ​ດ້ວຍ ເພາະ​ເປັນ​ການ​ທຳ­ລາຍ​ຂະ­ໜົບ­ທຳ­ນຽມ​ທີ່​ດີ­ງາມ​ຂອງ​ຊາດ​ລາວ.</p> <p style="text-align: justify; "> <strong>ຈາກ​ສະ­ພາບ​ຄວາມ​ເປັນ​ຈິງ​ຄື​ແນວ​ນັ້ນ ລອງ​ຕັ້ງ​ບັນ­ຫາ​ເພື່ອ​ຊອກ​ວິ­ທີ​ແກ້​ໄຂ​ຫາ​ທາງ​ອອກ​ເຊັ່ນ​ວ່າ:</strong></p> <p style="text-align: justify; "> 1.ພາກ­ສ່ວນ​ທີ 1ຄື​ຝ່າຍ​ຄຸ້ມ​ຄອງ​ວັດ­ທະ­ນະ­ທຳ ຕ້ອງ​ລົງ​ກວດ­ກາ​ເບິ່ງ​ຄືນ ຕາມ​ຮ້ານ​ນວດ ຮ້ານ​ສະ​ປາ ຮ້ານ​ອາ­ຫານ ໂຮງ­ແຮມ ແລະ ສະ­ຖານ­ທີ່​ຕ່າງໆ ເບິ່ງ​ວ່າ​ພຶດ­ຕິ​ກຳ​ແບບ​ນີ້​ມີ​ແທ້​ບໍ່?.</p> <p style="text-align: justify; "> 2.ພາກ­ສ່ວນ​ທີ 2ຄື​ອົງ­ການ​ພຸດ​ທະ​ສາ­ສະ­ໜາ ແລະ ແນວ​ລາວ​ສ້າງ​ຊາດ ຕ້ອງ​ປະ­ສານ​ສົມ­ທົບ ສ້າງ​ເອ­ກະ­ສານ ສ້າງ​ຄູ່​ມື ສ້າງ​ກິດ­ຈະ­ກຳ​ປູກ​ຈິດ​ສຳ­ນຶກ​ກ່ຽວ​ກັບ​ເລື່ອງ​ນີ້​ໃຫ້​ແຜ່​ຫຼາຍ ແລະ ກວ້າງ­ຂວາງ ເພື່ອ​ເປັນ​ການ​ສະ­ກັດ ຕີ​ຖອຍ​ພຶດ­ຕິ​ກຳ​ອັນ​ບໍ່​ດີ​ເຫຼົ່າ​ນີ້.</p> <p style="text-align: justify; "> 3.ທັງ​ສອງ​ພາກ­ສ່ວນ​ຕ້ອງ​ປະ­ສານ​ສົມ­ທົບ​ກັນ ເພື່ອ​ອອກ​ຂໍ້​ຫ້າມ​ໃນ​ເລື່ອງ​ນີ້​ຢ່າງ​ເປັນ​ກິ​ຈະ​ລັກ­ສະ­ນະ​ຄັກ­ແນ່ ເພື່ອ​ເປັນ​ການ​ຕັດ​ໄຟ​ແຕ່​ຕົ້ນ​ລົມ ດີ​ກວ່າ​ຈະ​ປ່ອຍ­ປະ​ໃຫ້​ເລື່ອງ​ດັ່ງ­ກ່າວ​ແຜ່​ລາມ​ໄປ​ສູ່​ສິ່ງ​ທີ່​ບໍ່​ດີ­ງາມ​ຫຼາຍ​ກວ່າ​ທີ່​ມັນ​ກຳ­ລັງ​ເປັນ.</p> <p style="text-align: justify; "> ປະ­ກົດ​ການ​ໜຶ່ງ​ທີ່​ເກີດ​ຂຶ້ນ ແລະ ກະ­ທົບ­ກະ­ເທືອນ​ຕໍ່​ຈິດ­ໃຈ​ຂອງ​ຊາວ​ພຸດ ກໍ​ຄື​ມີ​ບາງ​ບໍ­ລິ­ສັດ​ໃນ​ໂລກ ໄດ້​ນຳ​ເອົາ​ຮູບ​ພຣະ​ພຸດ­ທະ­ເຈົ້າ​ໄປ​ຜະ­ລິດ​ໃນ​ຮູບ​ແບບ​ຕ່າງໆ ຊຶ່ງ​ຖືກ​ຊາວ​ພຸດ​ໃນ​ໂລກ​ກຳ­ລັງ​ຈັບ​ຈ້ອງ ແລະ ຕໍ່­ຕ້ານ​ການ​ກະ­ທຳ​ຂອງ​ພວກ​ຄົນ​ດັ່ງ­ກ່າວ ທັງໆ​ທີ່​ບໍ່​ສົມ­ຄວນ ກໍ່​ບັງ­ອາດ​ເຮັດ​ໂດຍ​ບໍ່​ຄຳ­ນຶງ​ເຖິງ​ຫົວ­ອົກ​ຫົວ­ໃຈ​ຂອງ​ຜູ້​ທີ່​ເຄົາ­ລົບ​ສັດ­ທາ.</p> <p style="text-align: justify; "> ປະ­ກົດ​ການ​ການ​ເອົາ​ຮູບ​ພຣະ​ພຸດ­ທະ­ເຈົ້າ​ໄປ​ຕົກ­ແຕ່ງ ເພື່ອ​ເປັນ​ການ​ປະ­ດັບ​ເອ້​ຢ້ອງ​ຕາມ​ຝາ​ເຮືອນ ຕາມ​ຮ້ານ ແລະ ຕາມ​ສະ­ຖານ­ທີ່​ບໍ່​ເໝາະ​ສົມ​ເຫຼົ່າ​ນີ້ ຄວນ​ມີ​ການ​ຕັກ­ເຕືອນ ແລະ ສັ່ງ​ຫ້າມ​ໃຫ້​ຢຸດ​ເຊົາ ແລະ ໃຫ້​ເຂົ້າ­ໃຈ​ໃນ​ຄວາມ​ເຄົາ­ລົບ​ນັບ­ຖື​ຂອງ​ບັນ­ດາ​ຊາວ​ພຸດ​ທີ່​ເຫັນ​ວ່າ ພຶດ­ຕິ​ກຳ​ແບບ​ນີ້ ເປັນ​ການ​ທຳ­ລາຍ​ຄວາມ​ຮູ້­ສຶກ​ດີໆ ເປັນ​ການ​ທຳ­ລາຍ​ວັດ­ທະ­ນະ­ທຳ​ອັນ​ດີ­ງາມ​ຂອງ​ຊາດ ແລະ ເປັນ​ການ​ສ້າງ​ຄ່າ​ນິ­ຍົມ​ທີ່​ບໍ່​ຄວນ​ນິ­ຍົມ​ຂຶ້ນ​ໃນ​ຜືນ​ແຜ່ນ­ດິນ ທີ່​ປະ­ຊາ­ຊົນ​ສ່ວນ​ຫຼາຍ​ໃຫ້​ຄວາມ​ສຳ­ຄັນ ໃຫ້​ຄວາມ​ເຄົາ­ລົບ​ນັບ­ຖື ໃນ​ພຸດ​ທະ​ສາ­ສະ­ໜາ.</p> <p style="text-align: right; "> <strong>ໂດຍ: ຊາຍ​ຄຳ ຈຳ­ປາ​ອຸ​ທຸມ</strong></p>

ຂ່າວທີ່ກ່ຽວຂ້ອງ