ຂ່າວຫຼ້າສຸດ

ຍາດແຍ່ງເວລາຮຽນ

5.644 02 ກ.ກ. 2012 ສຶກສາ
ຍາດແຍ່ງເວລາຮຽນ

<p>  </p> <p style="text-align: justify; "> ຂຶ້ນ​ຊື່­ວ່າ​ນັກ­ຮຽນ​ເກັ່ງ ແຕ່­ລະ­ຄົນ​ລ້ວນ​ແຕ່​ມີ​ຄວາມ​ແຕກ​ຕ່າງ ແລະ ເຄັດ​ລັບ​ຂອງ​ການ​ຮຽນ​ທີ່​ແຕກ​ຕ່າງ​ກັນ​ໄປ​ຕາມ​ເງື່ອນ­ໄຂ ແລະ ສະ­ພາບ​ແວດ​ລ້ອມ​ທີ່​ເອື້ອ​ອຳ­ນວຍ ບວກ​ກັບ​ການ​ສິດ­ສອນ​ທີ່​ດີ ແລະ ຄວາມ​ບຸກ​ບຶນ​ຫ້າວ­ຫັນ ພອນ​ສະ­ຫວັນ​ຂອງ​ແຕ່­ລະ­ຄົນ.</p> <p style="text-align: justify; "> ທ້າວ ອາ​ນຸ​ສອນ ວິ­ໄລ​ທອງ ນັກ­ຮຽນ​ຫ້ອງ ປ5 ໂຮງ­ຮຽນ​ປະ­ຖົມ​ວົງ​ຄຳ​ສີ ກໍ​ແມ່ນ​ໜຶ່ງ​ທີ່​ຮຽນ​ເກັ່ງ ຈົນ​ສາ­ມາດ​ຍາດ​ໄດ້​ຄະ­ແນນ​ສູງ​ສຸດ​ເປັນ​ທີ​ໜຶ່ງ​ຂອງ​ເມືອງ​ຈັນ­ທະ​ບູ​ລີ ໃນ​ການ​ສອບ­ເສັງ​ຈົບ​ຊັ້ນ ປ5 ສົກ­ຮຽນ 2011-2012 ຄູ​ສອນ​ຂອງ​ລາວ​ກ່າວ​ວ່າ: ປົກ­ກະ­ຕິ​ນ້ອງ​ນັກ­ຮຽນ​ຄົນ​ນີ້​ກໍ​ມີ​ພື້ນ­ຖານ​ການ​ຮຽນ​ທີ່​ດີ​ຢູ່​ແລ້ວ ເປັນ​ຄົນ​ຕັ້ງ­ໃຈ​ຟັງ​ຮູ້­ຈັກ​ແບ່ງ​ເວ­ລາ​ຫຼິ້ນ ແລະ ເວ­ລາ​ຮຽນ​ອອກ​ຈາກ​ກັນ​ໄດ້​ເດັ່ນ​ຊັດ ເວ­ລາ​ຮຽນ​ກໍ​ຕັ້ງ­ໃຈ​ຮຽນ ເວ­ລາ​ເຄື່ອນ​ໄຫວ​ກິດ­ຈະ­ກຳ​ຕ່າງໆ​ກໍ​ຕັ້ງ­ໃຈ​ເຮັດ​ຈົນ​ສຸດ​ກົກ​ສຸດ​ປາຍ ມີ​ຄວາມ​ບຸກ​ບືນ​ມາ­ນະ​ອົດ­ທົນ ສູງ​ເປັນ​ຄົນ​ຖະ­ໜອມ​ທ່ອມ​ຕົວ ບໍ່​ດື້​ແຕ່​ມີ​ຄວາມ​ກ້າ­ຫານ ກ້າ​ສະ­ແດງ​ອອກ​ໃນ​ທາງ​ທີ່​ຖືກ­ຕ້ອງ ຈົນ​ກາຍ­ເປັນ​ທີ່​ຮັກ­ແພງ​ຂອງ​ຄູ-ອາ­ຈານ ແລະ ໝູ່​ເພື່ອນ​ຜູ້​ປົກ­ຄອງ ທ້າວ ອາ​ນຸ​ສອນ ກ່າວ​ວ່າ: ເບື້ອງ​ຕົ້ນ​ກໍ​ບໍ່​ໄດ້​ເກັ່ງ​ປານ­ໃດ​ແຕ່​ພໍ​ເລີ່ມ​ຮຽນ​ມາ​ຮອດ​ຫ້ອງ ປ3 ເລີ່ມ​ມີ​ຜົນ​ການ​ຮຽນ​ທີ່​ດີ​ຂຶ້ນ​ຕາມ​ລຳ­ດັບ​ເມື່ອ​ເປັນ​ຄື​ແນວ​ນັ້ນ ຄອບ­ຄົວ​ກໍ​ໄດ້​ເອົາ­ໃຈ­ໃສ່​ເປັນ​ພິ­ເສດ​ໃຫ້­ການ​ສະ­ໜັບ­ສະ­ໜູນ​ຕາມ​ເງື່ອນ­ໄຂ​ທີ່​ມີ ສ່ວນ​ໃຫຍ່​ລູກ​ຊາຍ​ມັກ​ຈະ​ຊ່ວຍ​ພໍ່​ແມ່​ເບິ່ງ­ແຍງ​ນ້ອງ ເພາະ​ເປັນ​ລູກ​ຜູ້​ກົກ ເວ­ລາ​ຮຽນ​ຕ້ອງ​ຍາດ​ແຍ່ງ​ເວ­ລາ​ເປັນ​ສ່ວນ​ໃຫຍ່​ກວ່າ​ຈະ​ໄດ້​ຮຽນ​ໜັງ­ສື​ແຕ່​ລະ​ວັນ ຕ້ອງ​ໃຫ້​ນ້ອງ​ນອນ​ຫຼັບ​ກ່ອນ​ຈຶ່ງ​ໄດ້​ຮຽນ.</p> <p style="text-align: justify; "> ນອກ­ຈາກ​ນີ້ ລາວ​ຍັງ​ເປັນ​ຄົນ​ກະ­ຕັນ­ຍູ​ຮູ້​ຄວາມ ບໍ່​ມັກ​ທ່ຽວ​ຫຼິ້ນ​ທົ່ວ­ທີບ​ເວ­ລາ​ວັນ​ພັກ­ໂຮງ­ຮຽນ​ກໍ​ຈະ​ຊ່ວຍ​ວຽກ​ຄອບ­ຄົວ ຊ່ວຍ​ແມ່­ລ້ຽງ​ນ້ອງ ລ້ຽງ​ຫຼານ​ດົນໆ​ຈຶ່ງ​ຂໍ­ອະ­ນຸ­ຍາດ​ແມ່​ໄປ​ຫຼິ້ນ​ກີ­ລາ​ນຳ​ໝູ່ ນອກ­ຈາກ​ນັ້ນ ກໍ​ໃຊ້​ເວ­ລາ​ໃນ​ການ​ຄົ້ນ­ຄວ້າ​ຮ່ຳ­ຮຽນ​ເປັນ​ສ່ວນ</p> <p style="text-align: justify; "> ໃຫຍ່ ເວົ້າ​ໄດ້​ວ່າ ເວ­ລາ​ຂອງ​ການ​ຮຽນ​ສຳ­ລັບ​ລູກ​ມີ​ໜ້ອຍ ຕ້ອງ​ຍາດ​ແຍ່ງ​ເວ­ລາ​ໃນ​ການ​ຄົ້ນ­ຄວ້າ​ຮ່ຳ­ຮຽນ ແຕ່​ພໍ່​ແມ່​ກໍ​ພະ­ຍາ­ຍາມ​ເປີດ​ໂອ­ກາດ​ໃຫ້​ລູກ​ຕະ­ຫຼອດ ຖ້າ​ຫາກ​ມີ​ວຽກ­ບ້ານ ຫຼື ກຽມ​ຈະ​ສອບ­ເສັງ​ກໍ​ໃຫ້​ລູກ​ຮຽນ​ເປັນ​ສ່ວນ​ໃຫຍ່ ຍົກ​ເວັນ​ກໍ­ລະ­ນີ​ຈຳ­ເປັນ ແລະ​ເປັນ­ຄວາມ​ສະ­ໝັກ​ໃຈ​ຂອງ​ລູກ​ເທົ່າ​ນັ້ນ.</p> <p style="text-align: justify; "> ເຖິງ​ຢ່າງ­ໃດ​ກໍ​ດີ ມາ​ຮອດ​ຈຸດ​ນີ້ ພໍ່​ແມ່​ກໍ​ພູມ­ໃຈ​ຫຼາຍ​ຈະ​ທຸ້ມ­ເທ​ຊຸກ­ຍູ້​ໃຫ້​ລູກ​ຮຽນ​ໃຫ້​ເຖິງ​ທີ່​ສຸດ ເທົ່າ​ທີ່​ລູກ​ສາ­ມາດ​ຮຽນ​ໄດ້ ເພາະ​ພໍ່​ແມ່​ໂອ­ກາດ​ຮຽນ​ມີ​ນ້ອຍ ພໍ​ເຫັນ​ລູກ​ມີ​ຄວາມ​ບຸກ​ບືນ​ບວກ​ກັບ​ພອນ​ສະ­ຫວັນ​ທີ່​ມີ ພໍ່​ແມ່​ກໍ​ຈະ​ຫາ​ທຸກ​ວິ­ທີ​ທາງ​ໃຫ້​ລູກ​ໄດ້​ຮຽນ​ສູງໆ.</p> <p style="text-align: justify; ">  </p> <p style="text-align: right; "> <strong>ໂດຍ: ແວ່ນຂ່າວ</strong></p>

ຂ່າວທີ່ກ່ຽວຂ້ອງ