ຄວນເພີ່ມສີສັນໃຫ້ວົງການສື່ມວນຊົນ

1.518 29 ມິ.ນ. 2012 ນານາສາລະ

<p>  </p> <p style="text-align: justify; "> ພົບ​ກັບ​ທ່ານ​ຜູ້​ອ່ານ​ມື້­ນີ້ ຂໍ​ແລກ­ປ່ຽນ​ບັນ­ຫາ​ເລື່ອງ​ຂີດ​ຂຽນ​ບົດ-ຂ່າວ​ໃນ​ໜ້າ​ສື່​ສິ່ງ​ພິມ ກໍ​ຄື​ສື່​ເອ​ເລັກ​ໂຕຼ​ນິກ​ຂອງ​ປະ­ເທດ​ພວກ​ເຮົາ ເຫດ­ຜົນ​ທີ່​ປວດ​ຢາກ​ເວົ້າ​ບັນ­ຫາ​ນີ້ ກໍ​ເພາະ​ມີ​ຜູ້​ມາ​ເຮັດ​ໃຫ້​ຫຶນ ໂດຍ​ບອກ​ວ່າ ຂ່າວ ແລະ ບົດ​ຕ່າງໆ​ທີ່​ລົງ​ຜ່ານ​ສື່​ມວນ​ຊົນ​ລາວ​ນັ້ນ ຈືດ­ຈາງ ບໍ່​ຈັບ​ອົກ​ຈັບ­ໃຈ ດັ່ງ­ນັ້ນ ຄົນ​ເລີຍ​ບໍ່​ຕິດ​ໃຈ​ອ່ານ ຖ້າ​ອ່ານ​ກໍ​ອ່ານ​ພໍ­ແລ້ວ​ຮີດ ເຫັນ​ອ່ານ​ຫຼາຍ​ແດ່​ກໍ​ແມ່ນ​ຕອນ​ເລກ​ອອກ ເພາະ​ຄົນ​ສົນ­ໃຈ​ວ່າ ຕົນ​ຊິ​ໂຊກ​ດີ ຫຼື ບໍ່?.</p> <p style="text-align: justify; "> ຜູ້​ຂຽນ​ເປັນ​ຜູ້​ໜຶ່ງ​ທີ່​ຕິດ­ຕາມ ແລະ ມີ​ສ່ວນ​ຮ່ວມ​ໃນ​ວົງ​ການ​ໜັງ­ສື­ພິມ ແລະ ສື່​ມວນ​ຊົນ​ລາວ ເຖິງ​ວ່າ​ບໍ່​ຢູ່​ຂັ້ນ​ກິ້ງ­ເກືອກ​ລີ­ເລືອ​ກໍ​ຕາມ ແຕ່​ກໍ​ບໍ່​ເຄີຍ​ບົກ​ເປັນ​ຫາດ-ຂາດ​ເປັນ​ວັງ ຍາມ​ໃດ​ສາ­ມາດ​ແຮກ­ສ່ຽວ​ກັບ​ເວ­ລາ​ໄດ້ ການ​ຂຽນ​ບົດ​ກໍ​ຖີ່​ແດ່ ເວ­ລາ​ໃດ​ວຽກ​ອື່ນ​ລົ້ນ​ບ່າ ກໍ​ສີ​ຫ່າງໆ​ແດ່ ແຕ່​ບໍ່​ໄດ້​ປະ ການ​ທີ່​ມີ​ຜູ້​ທັກ​ທ້ວງ​ວ່າ ຂ່າວ ຫຼື ບົດ ໃນ​ສື່​ມວນ​ຊົນ​ລາວ​ບໍ່​ດຶງ​ດູດ ຫຼື ບໍ່​ເປັນ­ຕາ​ອ່ານ ໂດຍ​ບໍ່​ມີ​ການ​ອະ­ທິ­ບາຍ​ຢ່າງ​ຈະ­ແຈ້ງ​ເຖິງ​ສາ­ເຫດ​ນັ້ນ ມັນ​ຕຳ​ໃຈ​ຜູ້​ຂຽນ​ເປັນ​ທຳ​ມະ​ດາ ເພາະ​ໃນ​ຕົວ​ຈິງ​ຄຸນ​ນະ​ພາບ​ຂອງ​ປາຍ​ປາກ­ກາ​ຂອງ​ນັກ​ຂຽນ-ນັກ​ຂ່າວ ນັກ​ປະ­ພັນ​ລາວ​ເຮົາ​ພັດ­ທະ­ນາ​ຂຶ້ນ​ເລື້ອຍໆ ທີ່​ວ່າ​ບໍ່​ເປັນ­ຕາ​ອ່ານ​ນັ້ນ ອາດ​ເປັນ​ຄຳ​ເວົ້າ​ຕໍ່­ປາກ ຫຼື ຢືມ​ກັນ​ມາ​ເວົ້າ​ຕໍ່​ຊື່ໆ ເພາະ​ເຄີຍ​ຖາມ​ຄືນ​ວ່າ ຖ້າ​ຊັ້ນ​ເຄີຍ​ອ່ານ​ບົດ​ໃດ​ແດ່ ຢູ່​ໜັງ­ສື­ພິມ​ໃດ? ຄຳ​ຕອບ​ທີ່​ໄດ້​ຮັບ​ກໍ​ມັກ​ຈະ​ມີ​ລັກ­ສະ­ນະ​ມະ​ຫຼຳ​ມະ​ກ້ອຍ ແຕ່​ການ​ທັກ​ທ້ວງ ຫຼື ການ​ຕຳ​ໜິ​ດັ່ງ­ກ່າວ​ນັ້ນ ພັດ​ມີ​ຊ່ວງ​ແຍ່​ສ້ວງ​ໃຫ້​ຄົນ​ໃນ​ວົງ​ການ​ສື່​ພວກ​ເຮົາ​ໄດ້​ຄິດ​ຄົ້ນ​ກົ່ນ​ຫາ​ຄວາມ​ເປັນ​ຈິງ.</p> <p style="text-align: justify; "> ຈຳ​ໄດ້​ວ່າ​ວັນ​ໜຶ່ງ​ໃນ​ປີ 1984 ຜູ້​ຂຽນ​ເຄີຍ​ໄດ້​ຮ່ວມ​ກອງ​ປະ­ຊຸມ​ປຶ​ສາ​ຫາ­ລື​ເລື່ອງ​ວຽກ​ງານ​ຂ່າວ­ສານ​ຢູ່​ຫ້ອງ­ການ​ຄະ­ນະ​ໂຄ­ສະ­ນາ​ອົບ­ຮົມ​ສູນ​ກາງ​ພັກ ທີ່​ໜອງ​ບອນ ຜູ້​ຂຽນ​ໄດ້​ສະ­ເໜີ​ບັນ­ຫາ​ໜຶ່ງ ເຊິ່ງ​ຄິດ​ວ່າ​ມາ​ຮອດ​ປັດ­ຈຸ­ບັນ​ຍັງ​ມີ​ຊ່ອງ​ຫວ່າງ​ໃຫ້​ໄດ້​ປັບ­ປຸງ​ຢູ່ ນັ້ນ​ຄື​ຄວາມ​ຊ້ຳ​ຊາກ​ຫຼຳ​ເກົ່າ​ໃນ​ຮູບ​ການ​ສະ­ເໜີ​ຂ່າວ ແລະ ບົດ​ຜ່ານ​ສື່ ພາ­ຫະ­ນະ​ສື່​ທຸກ​ປະ­ເພດ ຍັງ​ຂາດ​ຫົວ­ຄິດ​ປະ­ດິດ​ສ້າງ​ໃນ​ການ​ແຍກ​ລັກ­ສະ­ນະ ແລະ ເອ­ກະ​ຮັກ​ຂອງ​ພາ­ຫະ­ນະ​ສື່ ແຕ່​ລະ​ປະ­ເພດ​ຂ່າວ ຫຼື ບົດ​ດຽວ​ກັນ​ນັ້ນ ມັກ​ພົບ​ຢູ່​ທຸກ​ບ່ອນ ທັງ​ຢູ່​ໜ້າ​ໜັງ­ສື­ພິມ​ທຸກໆ​ສະ­ບັບ ແລະ ທັງ​ຟັງ​ອ່ານ​ອອກ​ວິ­ທະ­ຍຸ​ທຸກ​ຂັ້ນ ມີ​ບາງ​ຄັ້ງ​ອ່ານ​ປະ­ກອບ​ພາບ​ຢູ່​ໂທລະ­ພາບ​ກໍ​ແມ່ນ​ອັນ​ດຽວ ຂ່າວ​ພາ­ສາ​ຕ່າງ­ປະ­ເທດ​ກໍ​ຄື​ກັນ ອອກ​ໜັງ­ສື­ພິມ​ກໍ​ແມ່ນ​ອັນ​ນັ້ນ ອ່ານ​ທາງ​ວິ­ທະ­ຍຸ ຫຼື ສະ­ເໜີ​ໃນ​ລາຍ­ການ​ໂທລະ­ພາບ​ກໍ​ອັນ​ດຽວ​ອ້ອຍ­ຕ້ອຍ ສະ­ນັ້ນ ໃຜ​ໄດ້​ອ່ານ​ແລ້ວ​ກໍ​ບໍ່​ມັກ​ຟັງ ຫຼື ເບິ່ງ​ອີກ ເພາະ​ມັນ​ແມ່ນ​ອັນ​ດຽວ-ອັນ​ດຽວ​ເຖິງ​ຮອດ​ບ່ອນ​ຈຸດ-ຈ້ຳ ປະ­ກົດ​ວ່າ ພວກ​ເຮົາ​ທີ່​ເຮັດ​ວຽກ​ສື່​ບໍ​ຄ່ອຍ​ຈະ​ສົນ­ໃຈ​ດັດ​ປັບ​ບົດ ໃຫ້​ເຂົາ​ກັບ​ລັກ­ສະ­ນະ​ຂອງ​ປະ­ເພດ​ສື່ ການ​ສະ­ເໜີ​ລາຍ​ລະ­ອຽດ​ເປັນ​ໂຕ​ເລກ​ໃນ​ໜ້າ​ໜັງ­ສື­ພິມ ອາດ​ບໍ່­ເກີດ​ປະ­ໂຫຍດ​ເທົ່າ​ທີ່​ຄວນ ຖ້າ​ເອົາ​ໄປ​ອ່ານ​ອອກ​ລາຍ­ການ​ວິ­ທະ­ຍຸ ລາຍ​ລະ­ອຽດ​ກິ­ກີ​ອາດ​ບໍ່​ເໝາະ​ກັບ​ການ​ເອົາ​ໄປ​ປະ­ກອບ​ກັບ​ພາບ​ທີ່​ເຄື່ອນ​ເໜັງ ໃນ​ໜ້າ​ຈໍ​ໂທລະ­ພາບ.</p> <p style="text-align: justify; "> ຜູ້​ຂຽນ​ວ່າ​ຈຸດ​ນີ້​ລະ​ຄວນ​ເອົາ­ໃຈ­ໃສ່ ຄື​ການ​ສະ­ເໜີ​ຂ່າວ​ດຽວ-ບົດ​ດຽວ ຕ້ອງ​ເຮັດ​ໃຫ້​ມີ​ດ້ວຍ​ສີ­ສັນ​ສະ­ເພາະ ລວມ​ທັງ​ຂະ­ໜາດ ສັ້ນ-ຍາວ ເພື່ອ​ໃຫ້​ຜູ້​ອ່ານ​ຈັບ​ບັນ­ຫາ​ດຽວ​ໄດ້​ຈາກ​ຫຼາຍ​ມູມ ຍິ່ງ​ເປັນ​ສື່​ສະ­ເພາະ​ກິດ ສື່​ທີ່​ລົງ​ເລິກ​ບັນ­ຫາ​ສະ­ເພາະ ຮູບ​ການ​ສະ­ເໜີ​ຂ່າວ ຫຼື ບົດ ກໍ​ຕ້ອງ​ຕ້ອມ​ໃສ່​ເປົ້າ​ໝາຍ​ດັ່ງ​ກາວ ພວກ​ເຮົາ​ຄວນ​ສຸບ​ຊຸດ​ທີ່​ຕິດ​ຕາ​ຕ້ອງ​ໃຈ​ໃສ່​ຄົນໆ​ດຽວ ເພື່ອ​ໃຫ້​ເບິ່ງ​ບໍ່​ເປີດ ຜູ້​ຂຽນ​ວ່າ​ນີ້​ອາດ​ເປັນ​ທາງ​ແກ້ ວິ­ທີ​ແກ້​ອີກ​ແບບ​ໜຶ່ງ ເພື່ອ​ເພີ່ມ​ມົນ​ສະ­ເໜ​ໃຫ້​ວົງ​ການ​ສື່​ພວກ​ເຮົາ.</p> <p style="text-align: right; "> <strong>​ໂດຍ: ຄົ​ນ​ແດດ​ດຽວ</strong></p>

ຂ່າວທີ່ກ່ຽວຂ້ອງ