ຂ່າວຫຼ້າສຸດ

...ຢ່າໃຫ້ ! ຜີພະນັນເຂົ້າສິງ...

1.529 27 ມິ.ນ. 2012 ນານາສາລະ

<p>  </p> <p style="text-align: justify; "> ອາ­ທິດ​ນີ້ ຜົນ​ຂອງ​ການ​ແຂ່ງ­ຂັນ​ບານ­ເຕະ​ຢູ​ໂຣ 2012 ສຳ­ລັບ 4 ທີມ​ສຸດ​ທ້າຍ​ອອກ​ມາ ແລະ ເລີ່ມ​ການ​ແຂ່ງ­ຂັນ​ແລ້ວ?.</p> <p style="text-align: justify; "> ມີ​ເພື່ອນ​ຜູ້​ອ່ານ​ສ່ອງ​ແສງ​ມາ​ວ່າ ນັບ​ແຕ່​ມື້​ເລີ່ມ​ແຂ່ງ­ຂັນ ຄື​ແຕ່​ວັນ​ທີ 8 ມິ­ຖຸ­ນາ​ເປັນ­ຕົ້ນ​ມາ ຢູ່​ນະ­ຄອນ­ຫຼວງ​ຂອງ​ພວກ​ເຮົາ ມີ​ບັນ­ຍາ­ກາດ​ຄຶກ­ຄັກ ໂດຍ​ສະ­ເພາະ​ແມ່ນ “ສິງ​ການ​ພະ­ນັນ” ເງິນ​ຕົວ​ເລກ​ສູງ​ເຖິງ 10 ລ້ານ​ກີບ ທີ່​ມີ​ການ​ໄດ້/ການ​ເສຍ ໃນ​ການ​ສ່ຽງ​ໂຊກ.</p> <p style="text-align: justify; "> ເວົ້າ​ໃນ​ຫຼັກ​ທຳ​ຄຳ​ສັ່ງ­ສອນ​ຂອງ​ພຸດ​ທະ​ສາ­ສະ­ໜາ​ແລ້ວ ການ​ພະ­ນັນ​ທຸກ​ຢ່າງ ລວມ​ເຖິງ​ການ​ພະ­ນັນ​ຂັນ​ຕໍ່ ການ​ແຂ່ງ­ຂັນ​ບານ­ເຕະ​ຢູ​ໂຣ​ນີ້ ຈັດ​ເຂົ້າ​ເປັນ​ໜຶ່ງ​ໃນ​ອະ­ບາຍ​ຍະ​ມຸກ 6 ຢ່າງ ເຊິ່ງ​ປະ­ກອບ​ມີ​ດັ່ງ­ນີ້: 1.ດື່ມ​ສິ່ງ​ມຶນ­ເມົາ 2.ທ່ຽວ​ກາງ­ຄືນ 3.ທ່ຽວ​ຫຼິ້ນ​ຟຸມ​ເຟືອຍ 4.ຫຼິ້ນ​ການ​ພະ­ນັນ 5.ພົບ​ຄົນ​ຊົ່ວ​ເປັນ​ມິດ 6.ຂີ້­ຄ້ານ​ບໍ່​ເຮັດ​ວຽກ​ເຮັດ​ງານ.</p> <p style="text-align: justify; "> ໃນ​ຄຳ​ສອນ​ເພິ່ນ​ໃຫ້​ຫຼີກ­ເວັ້ນ​ຈາກ​ອະ­ບາຍ​ຍະ​ມຸກ 6 ຢ່າງ ເພາະ​ມັນ​ເປັນ​ເສັ້ນ­ທາງ​ແຫ່ງ​ການ​ເຊື່ອມ​ເສຍ​ກຽດ­ຕິ­ຍົດ ຊື່​ສຽງ ແລະ ເປັນ​ເສັ້ນ­ທາງ​ສູ່​ຄວາມ​ຈິບ­ຫາຍ​ແຫ່ງ​ຊັບ​ສິນ.</p> <p style="text-align: justify; "> ສະ­ນັ້ນ ຄົນ​ຈີນ ຈຶ່ງ​ມີ​ຄຳ​ສອນ​ລູກ​ຫຼານ​ໃນ​ເລື່ອງ​ການ​ພະ­ນັນ​ວ່າ ຄົນ​ມີ​ລາຍ​ໄດ້​ນ້ອຍ​ຈະ​ຍາກ­ຈົນ ເພາະ​ການ​ກິນ​ຢູ່​ເກີນ​ຖາ­ນະ ສ່ວນ​ຄົນ​ຮັ່ງ­ມີ​ນັ້ນ​ຈະ​ຍາກ­ຈົນ ຫາກ​ຫຼິ້ນ​ການ​ພະ­ນັນ ເຊິ່ງ​ກໍ​ຄ້າຍ­ຄື​ກັນ​ກັບ​ຄຳ​ສັ່ງ­ສອນ​ຂອງ​ລາວ​ເຮົາ​ທີ່​ວ່າ: ໂຈນ​ປຸ້ນ 10 ເທື່ອ ຍັງ​ບໍ່​ທໍ່​ໄຟ​ໄໝ້​ເຮືອນ​ເທື່ອ​ດຽວ ແລະ ໄຟ​ໄໝ້​ເຮືອນ​ກໍ​ບໍ່​ສ້າງ​ຄວາມ​ເສຍ​ຫາຍ​ທໍ່​ກັບ​ຕິດ​ການ​ພະ­ນັນ.</p> <p style="text-align: justify; "> ນອກ­ຈາກ​ການ​ສູນ​ເສຍ​ຊັບ​ສິນ​ແລ້ວ ຍັງ​ເຮັດ​ໃຫ້​ເກີດ​ຄວາມ​ເສື່ອມ​ຖອຍ​ທາງ​ສັງ­ຄົມ ເປັນ­ຕົ້ນ​ແມ່ນ​ປະ­ກົດ​ການ​ຫຍໍ້­ທໍ້​ໃນ​ສັງ­ຄົມ ເຊັ່ນ: ການ​ເກີດ​ຂີ້­ລັກ​ງັດ​ແງະ ປຸ້ນ​ຈີ້​ຊີງ​ຊັບ ຂ້າ​ເຈົ້າ​ເອົາ​ຂອງ ເພາະ​ຕ້ອງ​ຫາ​ເງິນ​ມາ​ຫຼິ້ນ​ການ​ພະ­ນັນ ຫຼື ໃຊ້​ໜີ້ ດັ່ງ​ທີ່​ພວກ​ເຮົາ​ປະ­ກົດ​ເຫັນ​ຂ່າວ​ຕາມ​ໜ້າ​ໜັງ­ສື­ພິມ ແລະ ຂ່າວ​ຈາກ​ວິ­ທະ­ຍຸŒໂທລະ­ພາບ ທີ່​ມີ​ການ​ຈັບ​ກຸມ​ຄຸມ​ຂັງ​ຈາກ​ເຈົ້າ​ໜ້າ­ທີ່​ຕຳ­ຫຼວດ.</p> <p style="text-align: justify; "> ປະ­ກົດ​ການ​ຫຍໍ້­ທໍ້​ອີກ​ອັນ​ໜຶ່ງ​ທີ່​ສ້າງ​ຜົນ​ສະ­ທ້ອນ​ຕໍ່​ສັງ­ຄົມ ຖືກ​ຮັບ​ຢ່າງ​ຫຼີກ­ເວັ້ນ​ບໍ່​ໄດ້ ຄື “ຄວາມ​ເສື່ອມ​ຖອຍ​ທາງ​ປັນ­ຍາ” ເພາະ​ຄົນ​ຕິດ​ການ​ພະ­ນັນ ຍ່ອມ​ຈະ​ມີ​ຄວາມ​ຄິດ​ຄວາມ​ເຫັນ​ທີ່​ຜິດ­ພາດ ໂດຍ​ຖື​ວ່າ ຊີ­ວິດ​ນີ້​ຈະ​ຮັ່ງ­ມີ​ໄດ້​ງ່າຍໆ ດ້ວຍ​ການ​ສ່ຽງ​ໂຊກ ບໍ່​ແມ່ນ​ຈາກ​ຄວາມ​ດຸ­ໝັ່ນ​ຂະ­ຫຍັນ​ພຽນ ປະ­ກອບ​ອາ­ຊີບ​ດ້ວຍ​ຄວາມ​ຊື່­ສັດ​ສຸດ­ຈະ­ລິດ... ທ່ານ​ລອງ​ວາດ​ພາບ​ເບິ່ງ​ດຸ​ວ່າ ຫາກ​ຄົນ​ຕິດ​ການ​ພະ­ນັນ​ຫຼາຍ ສັງ­ຄົມ​ນັ້ນ​ຈະ​ເປັນ​ຢ່າງ­ໃດ ?.</p> <p style="text-align: justify; "> ສະ­ນັ້ນ ຄວນ​ຕັກ­ເຕືອນ​ກັນ​ໃຫ້​ຢຸດ­ຕິ​ການ​ພະ­ນັນ​ດັ່ງ­ກ່າວ ໂດຍ​ເລີ່ມ​ຈາກ​ສະ​ຖາ​ບັນ​ຄອບ­ຄົວ ໂຮງ­ຮຽນ ສຳ­ນັກ­ງານ ຫ້ອງ­ການ... ອັນ​ສຳ­ຄັນ​ແມ່ນ​ຄວາມ​ເປັນ​ແບບ­ຢ່າງ ໂດຍ​ສະ­ເພາະ​ແມ່ນ​ຜູ້​ບໍ­ລິ­ຫານ ຜູ້­ນຳ​ອົງ​ກອນ ຕ້ອງ​ເດັດ­ຂາດ ບໍ່​ຕົກ​ຢູ່​ໃນ​ວົງ­ວຽນ​ຂອງ​ການ​ພະ­ນັນ​ທຸກ​ຢ່າງ.</p> <p style="text-align: justify; "> ຂໍ​ນຳ​ເທາະ ! ຢ່າ​ໃຫ້​ຜີ​ການ​ພະ­ນັນ​ເຂົ້າ​ສິງ.</p> <p style="text-align: right; "> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ