ຂ່າວຫຼ້າສຸດ

ບ່ອນຈອດລົດ

2.307 04 ມິ.ນ. 2012 ນານາສາລະ

<p>  </p> <p style="text-align: justify; "> ຂະ­ຫຍາຍ​ທາງ​ກວ້າງ​ອອກ ລົດ​ກໍ​ຍັງ​ແອ​ອັດ​ຄື­ເກົ່າ ແນວ​ວ່າ​ຄົນ​ມີ​ເງິນ​ຊື້​ລົດ​ຍ້ອນ​ເສດ­ຖະ­ກິດ​ດີ​ຂຶ້ນ ອັນ​ນີ້​ມັນ​ສະ­ແດງ​ໃຫ້​ເຫັນ​ເຖິງ​ຜົນ­ສຳ­ເລັດ​ຂອງ​ແນວ­ທາງ​ສ້າງ­ສາ​ພັດ­ທະ­ນາ​ປະ­ເທດ​ຊາດ​ຂອງ​ພັກ ແລະ ລັດ​ເຮົາ.</p> <p style="text-align: justify; "> ຄົນ​ເຮົາ​ຄັນ​ແມ່ນ​ມີ​ເງິນ​ມີ​ທຸ­ລະ​ກິດ ມັນ​ກໍ​ຕ້ອງ­ການ​ຄວາມ​ສະ­ດວກ​ສະ­ບາຍ​ໃນ​ການ​ເດີນ­ທາງ ການ​ຕິດ­ຕໍ່​ຊື້-ຂາຍ ຫຼື​ວ່າ­ການ​ໄປ​ເຮັດ​ວຽກ​ເຮັດ​ງານ...ສະ­ນັ້ນ ການ​ທີ່​ມີ​ຄວາມ​ຄິດ​ຢາກ​ຫຼຸດ­ຜ່ອນ​ປະ­ລິ­ມານ​ລົດ​ຄົງ​ເປັນ​ໄປ​ໄດ້​ຍາກ.</p> <p style="text-align: justify; "> ທາງ​ອອກ​ມີ​ແຕ່​ເຮັດ​ແນວ­ໃດ​ຈຶ່ງ​ຈະ​ຄຸ້ມ​ຄອງ​ໃຫ້​ດີ! ໂດຍ​ສະ­ເພາະ​ການ​ສັນ­ຈອນ​ໄປ-ມາ​ໃນ​ນະ­ຄອນ­ຫຼວງ​ຂອງ​ພວກ​ເຮົາ.</p> <p style="text-align: justify; "> ມີ​ໂອ­ກາດ​ພົບ​ປະ​ສົນ­ທະ­ນາ​ຫຼາຍ​ຄົນ ກໍ​ມີ​ຫຼາຍ​ຄວາມ​ຄິດ ແຕ່​ທີ່​ຫຼາຍ​ຄົນ​ເຫັນ​ເປັນ​ເອ­ກະ​ພາບ ກໍ​ຍັງ​ຄົງ​ແມ່ນ​ການ​ຈອດ​ລົດ​ຕາມ­ໃຈ​ຂອງ​ນັກ​ຂັບ​ຂີ່ ຈອດ​ລົດ​ຊະ­ຊາຍ​ຕາມ​ແຄມ​ທາງ ທາງ​ຄົນ​ຍ່າງ ແລະ ຕໍ່­ໜ້າ​ອາ­ຄານ​ແຄມ​ທາງ ຫຼື ຢູ່​ມໍ່​ສະ­ຖານ­ທີ່​ສຳ­ນັກ­ງານ ອົງ­ການ ຮ້ານ​ອາ­ຫານ... ຈອດ​ເປັນ​ສອງ​ແຖວ... ສາມ​ແຖວ ອັນ​ນັ້ນ​ລະ​ຄື​ສາ­ເຫດ​ລົດ​ແອ​ອັດ? ແລ້ວ​ຈະ​ແກ້​ນິ­ໄສ​ມັກ­ງ່າຍ​ນີ້​ແນວ­ໃດ? ຫຼາຍ​ຄົນ​ມີ​ຄຳ​ເຫັນ​ວ່າ ຕ້ອງ​ລົງ​ວິ­ໄນ ແຕ່​ໃນ​ຂະ­ນະ​ດຽວ​ກັນ​ນັ້ນ ກໍ​ຕ້ອງ​ມີ​ບ່ອນ​ຈອດ​ລົດ​ຫຼາຍ​ຂຶ້ນ? ດຽວ­ນີ້​ຢູ່​ຈຸດ​ຕະ­ຫຼາດ​ເຊົ້າ ບ່ອນ​ຈອດ​ລົດ​ບໍ່​ພໍ? ບໍ່​ເວົ້າ​ບ່ອນ​ອື່ນ​ທີ່​ມີ​ຄົນ​ເຂົ້າŒອອກ​ຫຼາຍ ຄື​ບໍ­ລິ­ເວນ​ນ້ຳ­ພຸ ຕະ­ຫຼາດ... ເປັນ­ຕົ້ນ.</p> <p style="text-align: justify; "> ບ່ອນ​ຈອດ​ລົດ​ນີ້​ໃຜ​ຈະ​ເຮັດ? ຜູ້​ທຳ​ອິດ​ແມ່ນ​ເຈົ້າ​ຂອງ​ສຳ­ນັກ­ງານ ເຈົ້າ​ຂອງ​ຕຶກ​ທີ່​ປຸກ​ໃຫ້​ເຊົ່າ ໂຮງ­ແຮມ ຮ້ານ​ອາ­ຫານ ຜູ້​ດຳ­ເນີນ​ທຸ­ລະ​ກິດ​ບໍ­ລິ­ການ​ສະ­ຖານ­ທີ່​ຈອດ​ລົດ.</p> <p style="text-align: justify; "> ຕໍ່​ໄປ​ນີ້​ຄຽງ​ຄູ່​ກັບ​ການ​ອະ­ນຸ­ມັດ​ໃຫ້​ປຸກ​ສ້າງ​ອາ­ຄານ​ສູງ ຕ້ອງ​ບັງ­ຄັບ​ໃຫ້​ມີ​ການ​ກໍ່­ສ້າງ​ສະ­ຖານ­ທີ່​ໃຫ້​ຈອດ​ລົດ​ໃຫ້​ພຽງ­ພໍ?.</p> <p style="text-align: justify; "> ບໍ່​ທໍ່​ນັ້ນ ຄວນ​ລະ­ດົມ​ນັກ­ທຸ­ລະ­ກິດ​ໃຫ້​ລົງ­ທຶນ​ໃສ່​ການ​ສ້າງ​ສະ­ຖານ­ທີ່​ຈອດ​ລົດ​ຫຼາຍ​ຂຶ້ນ ເມື່ອ​ມີ​ສະ­ຖານ­ທີ່​ຈອດ​ລົດ​ຫຼາຍ​ຂຶ້ນ ກໍ​ອອກ​ລະ­ບຽບ​ຫ້າມ​ຈອດ​ຕາມ​ແຄມ​ທາງ​ເດັດ­ຂາດ (ຍົກ­ເວັ້ນ​ກໍ­ລະ­ນີ​ສຸກ​ເສີນ) ໃຜ​ລ່ວງ​ລະ­ເມີດ​ແມ່ນ​ເຮັດ​ຄື​ຢູ່​ຫຼາຍ​ປະ­ເທດ ເພີ່ນ​ຈັດ­ການ​ດ້ວຍ​ການ​ເອົາ​ລົດ​ຍົກ​ໜີ​ໂລດ.</p> <p style="text-align: justify; "> ຄູ່​ສົນ­ທະ­ນາ​ເລົ່າ​ວ່າ: ລອງ​ສັງ­ເກດ​ເບິ່ງ​ແມ້? ຕາມ​ຖະ­ໜົນ​ສາຍ​ສຳ­ຄັນ ເຖິງ​ຈະ​ສ້າງ​ປານ­ໃດ? ກໍ​ແອ​ອັດ ແນວ​ວ່າ​ຈອດ​ລົດ​ບໍ່​ເປັນ​ລະ­ບຽບ? ມີ​ບາງ​ຄົນ​ກໍ​ໃຊ້​ສິດ​ບໍ່​ເໝາະ​ສົມ ສ້າງ​ຕາ​ໜ່າງ​ເຫຼັກ​ອ້ອມ​ລົດ​ຂອງ​ຕົນ​ຈອດ​ໃສ່​ໜ້າ​ບ້ານ ທັບ​ທາງ​ຄົນ​ຍ່າງ? ໂດຍ​ຫຼົງ​ວ່າ​ຈຸດ​ນັ້ນ​ແມ່ນ​ດິນ​ໜ້າ​ບ້ານ... ຕົນ​ມີ​ສິດ ບໍ່​ຕ່າງ​ຫຍັງ​ກັບ​ວາງ​ໂຕະ​ຕັ່ງ ແລ້ວ​ຂຽນ​ປ້າຍ​ວ່າ ຫ້າມ​ຈອດ​ລົດ​ຕັນ​ໜ້າ​ບ້ານ? ເຫັນ​ແລ້ວ​ກໍ​ໜ້າ​ສັງ­ເວດ ເພາະ​ຫຼົງ​ຕົນ​ຄິດ​ວ່າ​ຖະ­ໜົນ​ຫົນ­ທາງ ທາງ​ຄົນ​ຍ່າງ ທີ່​ລັດ­ຖະ­ບານ​ລົງ­ທຶນ​ລົງ​ຮອນ​ສ້າງ­ສາ​ນັ້ນ ຢູ່​ໜ້າ​ເຮືອນ​ຕົນ ແມ່ນ​ຕົນ​ມີ​ສິດ.</p> <p style="text-align: justify; "> ໃນ​ຍາມ​ທີ່​ການ​ສ້າງ​ບ່ອນ​ຈອດ​ລົດ​ບໍ່​ທັນ​ຫຼາຍ​ເຮົາ ກໍ​ສາ­ມາດ​ຈັດ​ສັນ​ການ​ຈອດ​ລົດ​ເປັນ​ລະ­ບຽບ​ໄດ້ ຫາກ​ພາ­ກັນ​ປະ­ຕິ­ບັດ​ຄຳ​ສັ່ງ​ແນະ­ນຳ​ຂອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ເລກ​ທີ 002/ຈ​ນວ ລົງ​ວັນ​ທີ 1 ມີ­ນາ 2012 ຢ່າງ​ເຄັ່ງ​ຄັດ.</p>

ຂ່າວທີ່ກ່ຽວຂ້ອງ