ຂ່າວຫຼ້າສຸດ

ການເປັນຕົວຢ່າງທີ່ດີໃນສັງຄົມ

2.203 15 ພ.ພ. 2012 ນານາສາລະ

<p>  </p> <p style="text-align: justify; "> ໃນ​ສັງ­ຄົມ​ພວກ​ເຮົາ ຖ້າ​ຈະ​ກ່າວ​ລວມ​ແລ້ວ ເປັນ​ສັງ­ຄົມ​ທີ່​ພຽບ​ພ້ອມ​ໄປ​ດ້ວຍ​ດີ ບ້ານ​ເມືອງ​ຈຶ່ງ​ຢູ່​ລອດ​ປອດ​ໄພ ມີ​ຄວາມ​ສະ­ຫງົບ​ໝັ້ນ​ທ່ຽງ ແລະ ພວມ​ຢູ່​ໃນ​ທ່າ​ກ້າວ​ໄປ​ສູ່​ການ​ພັດ­ທະ­ນາ​ແບບ​ຍືນ​ຍົງ ເພື່ອ​ການ​ຫຼຸດ​ພົ້ນ​ຈາກ​ສະ­ພາບ​ດ້ອຍ​ພັດ­ທະ­ນາ ແນ­ໃສ່​ສ້າງ​ໃຫ້​ປະ­ຊາ­ຊົນ​ຮັ່ງ­ມີ​ຜາ​ສຸກ ປະ­ເທດ​ຊາດ​ມັ່ງ​ຄັ່ງ​ເຂັ້ມ­ແຂງ ສັງ­ຄົມ​ມີ​ຄວາມ​ສາ­ມັກ­ຄີ​ປ້ອງ​ດອງ ມີ​ປະ­ຊາ­ທິ­ປະ­ໄຕ ສີ­ວິ­ໄລ ຍຸ­ຕິ​ທຳ.</p> <p style="text-align: justify; "> ໃນ​ຂະ­ນະ​ທີ່​ປະ­ເທດ​ຊາດ​ບ້ານ​ເມືອງ​ພວມ​ມຸ່ງ​ໜ້າ​ໄປ​ສູ່​ຄວາມ​ສຳ­ເລັດ ຈາກ​ນະ­ໂຍ­ບາຍ​ປ່ຽນ­ແປງ​ໃໝ່​ທີ່​ວາງ​ອອກ​ຢ່າງ​ມີ​ຫຼັກ­ການ ດ້ວຍ​ບາດ­ກ້າວ​ທີ່​ໜັກ​ແໜ້ນ​ນັ້ນ ກໍ​ເກີດ​ມີ​ປະ­ກົດ​ການ​ຫຍໍ້­ທໍ້​ຈຳ­ນວນ​ໜຶ່ງ ອັນ​ເກີດ​ມາ​ຈາກ​ສະ­ພາບ​ແນວ​ຄິດ​ຂອງ​ນາຍ­ທຶນ​ນ້ອຍ ແລະ ສັກ​ດີ​ນາ ເຊິ່ງ​ສະ­ທ້ອນ​ໄປ​ສູ່​ການ​ປ່ຽນ­ແປງ​ທາງ​ດ້ານ​ແບບ­ແຜນ​ດຳ­ລົງ​ຊີ­ວິດ​ທີ່​ຫ່າງ​ເຫີນ​ການ​ອອກ­ແຮງ​ງານ ດ້ວຍ​ການ­ສະ­ແດງ​ອອກ​ເຖິງ​ຮູບ​ການ ການ​ສະ­ເຫວີຍ​ສຸກ​ຕາມ​ຮູບ​ແບບ​ຂອງ​ຜູ້​ເປັນ​ອາ­ຍາ​ເຈົ້າ​ນາຍ​ມີ​ຢູ່​ມີ​ກິນ​ເຫຼືອ​ເຟືອ ດ້ວຍ​ມີ​ລົດ​ນິ­ຍົມ​ຕາ­ເວັນ­ຕົກ ແລ່ນ­ນຳ​ກະ­ແສ​ບໍ­ລິ­ໂພກ​ນິ­ຍົມ ມີ​ຕະ­ຫຼາດ​ອາ­ຫານ ບ່ອນ​ຊື້​ເຄື່ອງ ຝາກ​ເງິນ​ຢູ່​ຕ່າງ­ປະ­ເທດ ໂດຍ​ຖື​ເອົາ​ການ​ຫຼິ້ນ​ການ​ກິນ​ເພີດ­ເພີນ​ຈະ­ເລີນ​ໃຈ ແຕ່​ນຳ​ຄວາມ​ສະ­ດວກ​ສະ­ບາຍ​ມ່ວນ­ຊື່ນ​ລື່ນ​ເລິງ​ບໍ່​ມີ​ຂອບ​ເຂດ ມັກ​ການ​ໃຊ້​ຈ່າຍ​ຟຸມ​ເຟືອຍ ຖື​ກຽດ​ສັກ​ສີ​ຄວາມ​ຮັ່ງ­ມີ ອວດ​ໜ້າ​ຕາŒອວດ​ວັດ­ຖຸ​ສິ່ງ​ຂອງ ນັບ​ແຕ່​ນ້ຳ​ຫອມ ໂມງ ແວ່ນ­ຕາ ລົດ ເສື້ອ​ຜ້າ​ອາ­ພອນ ທີ່​ຈະ​ຕ້ອງ​ແມ່ນ​ຍີ່­ຫໍ້​ດັງ ລາ­ຄາ​ແພງ ພວມ​ໄດ້​ຮັບ​ຄວາມ​ນິ­ຍົມ ສັງ­ຄົມ ການ​ຈັດ​ງານ​ບຸນ ງານ​ວັນ​ເກີດ ດອງ ກໍ​ແມ່ນ​ຈະ​ຕ້ອງ​ຈັດ​ທີ່​ໂຮງ­ແຮມ​ໃຫຍ່ ພັດ​ທະ​ຄານ​ໃຫຍ່ໆ​ໂອ​ໂຖງ ບ່ອນ​ມີ​ຊື່​ສຽງ ບັດ​ເລົ່າ ບັດ​ເຊີນ ກໍ​ເຮັດ​ຫຼາຍ​ເຊັ່ນ​ກັນ ຊອງ​ໃດ​ກໍ​ໃຫຍ່​ຊ່ຳ​ເຈ້ຍ A4 ຫຼື ເຮັດ​ອັນ​ໃດ​ກໍ​ພິ­ລຶກ​ກຶກ​ກື ເພື່ອ​ເຮັດ​ແນວ­ໃດ​ໃຫ້​ລື່ນ​ບ້ານ​ລື່ນ​ເມືອງ ເພິ່ນ​ກໍ​ສຸກ​ໃຈ​ແລ້ວ ແຕ່​ໃຜ​ຈະ​ຮູ້​ບໍ່​ວ່າ​ຊັບ​ສິນ​ທີ່​ໄດ້​ມາ ເພື່ອ​ບໍ­ລິ­ຫານ​ຄວາມ​ຟຸມ​ເຟືອຍ​ເຫຼົ່າ­ນັ້ນ ມາ​ຈາກ​ຄວາມ​ຊື່­ສັດ​ບໍ­ລິ­ສຸດ​ຫຼື​ບໍ່ ຫຼື​ໄດ້​ມາ​ຈາກ​ການ​ຂາດ​ຄວາມ​ບໍ­ລິ­ສຸດ​ຜຸດ​ຜ່ອງ​ຕາມ​ທຳ​ມະ​ຊາດ​ຂອງ​ຄົນ​ຜູ້​ອອກ­ແຮງ​ງານ ຊັບ​ສົມ­ບັດ​ທີ່​ໄດ້​ມາ​ຈາກ​ການ​ອອກ​ເຫື່ອ​ເທ​ແຮງ​ແທ້ໆ​ມັກ​ຈະ​ມີ​ວິ­ໄນ​ອົດ ຢອມ​ຄຳ­ນຶງ​ເຖິງ​ເຫດ­ຜົນ​ການ​ຈ່າຍ ເພາະ​ເຫັນ​ຄຸນ­ຄ່າ​ຂອງ​ການ​ໄດ້​ມາ​ແມ່ນ​ລຳ­ບາກ​ກາກ​ກຳ​ແທ້ ດັ່ງ­ນັ້ນ ມີ​ແຕ່​ໄດ້​ລ້າ​ຈາກ​ທໍ່​ນ້ຳ​ລ້ຽງ ໄດ້​ຈາກ​ສໍ້​ລາດ​ບັງ​ຫຼວງ​ເທົ່າ​ນັ້ນ ຫຼື ໄດ້​ມາ​ຈາກ​ການ​ເຮັດ​ໃນ​ສິ່ງ​ຜິດ​ກົດ­ໝາຍ ຈຶ່ງ​ສາ­ມາດ​ຟຸມ​ເຟືອຍ​ໄດ້ ເມື່ອ​ເປັນ​ແນວ​ນັ້ນ ເຖິງ​ຈະ​ເປັນ​ບຸກ​ຄະ­ລາ​ກອນ​ປະ­ເພດ​ໃດ​ກໍ​ຕາມ ເຫັນ​ວ່າ​ປະ­ພຶດ​ບໍ່​ເໝາະ​ສົມ​ເສຍ​ແລ້ວ ຕາມ​ເຈດ​ຕະ​ນາ​ລົມ​ຂອງ​ປະ­ເທດ​ຊາດ​ບ້ານ​ເມືອງ​ເສຍ​ແລ້ວ.</p> <p style="text-align: justify; "> ປະ­ທານ​ໄກ­ສອນ ພົມ­ວິ­ຫານ ເຄີຍ​ມີ​ທັດ­ສະ­ນະ​ຕໍ່​ບາງ​ພຶດ­ຕິ​ກຳ​ຂອງ​ພະ­ນັກ­ງານ​ວ່າ: ພ້ອມໆ​ກັບ​ການ​ຂະ­ຫຍາຍ­ຕົວ​ທາງ​ດ້ານ​ເສດ­ຖະ­ກິດŒສັງ­ຄົມ ປະ­ຊາ­ທິ­ປະ­ໄຕ​ຕ້ອງ​ໄດ້​ຮັບ​ການ​ເປີດ​ກວ້າງ ແລະ ຍົກ​ສູງ​ຂຶ້ນ​ເປັນ​ລຳ­ດັບ ການ​ເສີມ​ຂະ­ຫຍາຍ​ປະ­ຊາ­ທິ­ປະ­ໄຕ​ຕ້ອງ​ໄປ​ຄຽງ​ຄູ່​ກັບ​ການ​ຕ້ານ​ໄພ​ອາດ­ຍາ​ສິດ ເພື່ອ​ປົກ​ປ້ອງ​ສິດ ແລະ ຜົນ​ປະ­ໂຫຍດ​ອັນ​ຊອບ​ທຳ​ຂອງ​ປະ­ຊາ­ຊົນ ແລະ ເພື່ອ​ສະ­ກັດ​ກັ້ນ​ການ​ເສຍ​ທາດ​ຂາດ​ຄຸນ ໃຊ້​ອຳ­ນາດ​ບາດ​ໃຫຍ່​ຂົ່ມ­ຂູ່​ປະ­ຊາ­ຊົນ​ຂອງ​ພະ­ນັກ­ງານ​ສະ­ມາ­ຊິກ​ພັກ ແນ­ໃສ່​ເຮັດ​ໃຫ້​ພະ­ນັກ­ງານ​ສະ­ມາ­ຊິກ​ພັກ​ເປັນ​ຜູ້​ຮັບ​ໃຊ້​ທີ່​ບໍ­ລິ­ສຸດ​ຂອງ​ປະ­ຊາ­ຊົນ ຫາກ​ບໍ່​ແມ່ນ​ເປັນ​ອາດ­ຍາ​ເຈົ້າ​ນາຍ​ປະ­ຕິ­ວັດ ສວຍ​ໃຊ້​ອຳ­ນາດ​ໜ້າ­ທີ່​ຕຳ­ແໜ່ງ​ເພື່ອ​ສໍ້​ລາດ​ບັງ​ຫຼວງ ລ່ວງ​ອຳ­ນາດ​ລະ­ເມີດ​ສິດ​ອຳ­ນາດ​ຂອງ​ປະ­ຊາ­ຊົນ.</p> <p style="text-align: justify; "> ດັ່ງ­ນັ້ນ ເມື່ອ​ພະ­ນັກ­ງານ​ຫຼັກ​ແຫຼ່ງ​ລະ­ດັບ​ຕ່າງໆ​ຫາກ​ບໍ່​ເປັນ​ແບບ­ຢ່າງ​ແລ້ວ ຢ່າ​ຫວັງ​ເລີຍ​ຈະ​ມີ​ຕົວ­ຢ່າງ​ອື່ນ​ມາ​ເຮັດ​ແທນ ນອກ­ຈາກ​ຄົນ​ບໍ່​ດີ​ນັ້ນ​ລະ​ຈະ​ພາ​ເພ ພາ​ໄປ​ສູ່​ການ​ດຳ­ລົງ​ຊີ­ວິດ​ທີ່​ລະ­ເມີ​ເພີ້​ຝັນ ຫາ​ຄວາມ­ສຸກ​ຈາກ​ເງິນ​ໂດຍ​ມີ​ອະ­ບາຍ​ຍະ​ມຸກ​ເປັນ​ສິ່ງ​ນຳ​ທາງ​ອະ­ບາຍ​ຍະ​ມຸກ ເພື່ອ​ກ້າວ​ໄປ​ສູ່​ການ​ເຊື່ອມ​ທາດ​ເຊື່ອມ​ຂາດ​ຄຸນ​ໃນ​ທີ່​ສຸດ.</p> <p style="text-align: justify; "> ພະ­ນັກ­ງານ​ເປັນ​ບ່ອນ​ອີງ​ໃຫ້​ແກ່​ວຽກ​ງານ ວຽກ​ງານ​ຂອງ​ພະ­ນັກ­ງານ​ແມ່ນ​ບໍ­ລິ­ການ​ຮັບ​ໃຊ້​ຊາດ ຮັບ​ໃຊ້​ປະ­ຊາ­ຊົນ ຖ້າ​ພະ­ນັກ­ງານ​ຫາກ​ຫຼົງ​ຕົວ​ເປັນ​ຜູ້​ຢູ່​ເໜືອ​ປະ­ຊາ­ຊົນ ແລະ ບໍ່​ເປັນ​ແບບ­ຢ່າງ ແຖມ​ຍັງ​ຫຼິ້ນ​ກິນ​ຟຸມ​ເຟືອຍ ສໍ້​ລາດ​ບັງ​ຫຼວງ ຫຼື ແລ່ນ­ນຳ​ການ​ຫາ​ລາຍ​ໄດ້​ມາ­ສູ່​ຕົນ​ເອງ ໂດຍ​ໜ້າ­ທີ່​ຕຳ­ແໜ່ງ​ແລ້ວ ການ­ຈັດ­ຕັ້ງ ແລະ ປະ­ຊາ­ຊົນ​ກໍ​ຈະ​ໝົດ​ສັດ­ທາ​ນຳ ເຖິງ​ແນວ­ໃດ​ກໍ​ປະ­ຕິ­ຍານ​ໃນ​ໃບ​ຄຳ​ຮ້ອງ​ສະ­ໝັກ​ເຂົ້າ​ເຮັດ​ການ​ແລ້ວ ແໜງ​ສູ້​ຕ້ອງ​ທຳ​ດີ ຊື່­ສັດ​ບໍ­ລິ­ສຸດ​ໃນ​ການ​ຮັບ​ໃຊ້​ຊາດ​ຮັບ​ໃຊ້​ປະ­ຊາ­ຊົນ ຈຶ່ງ​ຈະ​ເກີດ​ມີ​ຜູ້­ນຳ​ແນວ ເປັນ​ແບບ­ຢ່າງ​ຢູ່​ໃນ​ແນວ​ຄິດ ແລະ ການ​ກະ­ທຳ​ຍ້ອນ​ແນວ​ນັ້ນ ພະ­ນັກ­ງານ​ຈຶ່ງ​ປຽບ​ເໝືອນ​ຜູ້​ບໍ­ລິ­ການ​ປະ­ຊາ­ຊົນ​ຢ່າງ​ເຕັມ​ປ່ຽມ ແລະ ບໍ່​ຄວນ​ຢູ່​ເໜືອ​ປະ­ຊາ­ຊົນ ຮັບ​ໃຊ້​ປະ­ຊາ­ຊົນ​ໄດ້​ດີ​ເທົ່າ­ໃດ ປະ­ຊາ­ຊົນ​ຍິ່ງ​ນັບ​ໜ້າ​ຖື​ຕາ ປະ­ເທດ​ຊາດ​ຮຸ່ງ­ເຮືອງ​ພັດ­ທະ­ນາ ດີ​ກ່ວ​າ​ຈະ​ຖືກ​ນິນ­ທາ​ຈົ່ມ​ບູດ​ຈົ່ມ​ເນົ່າ ເຖິງ​ບໍ່​ຕາຍ​ກໍ​ເໝັນ​ຄັບ​ບ້ານ​ຄັບ​ເມືອງ​ໃດ​ນໍ !.</p> <p style="text-align: justify; ">  </p> <p> ​ໂດຍ: ນະ​ບ່າວ</p>

ຂ່າວທີ່ກ່ຽວຂ້ອງ