ຂ່າວຫຼ້າສຸດ

ປ້າຍເຕືອນສະຕິ-ດ້ານບວກ ແລະ ດ້ານລົບ

2.842 02 ພ.ພ. 2012 ນານາສາລະ

<p>  </p> <p style="text-align: justify; "> ໃນ​ໄລ­ຍະ​ຫຼິ້ນ​ບຸນ­ປີ­ໃໝ່​ລາວ​ທີ່​ຫາ​ກໍ​ຜ່ານ​ໄປ​ນີ້ ຜູ້​ຂຽນ​ສັງ­ເກດ​ເຫັນ​ບັນ­ດາ​ປ້າຍ​ຄຳ​ຂວັນ​ທີ່​ແຍ່​ຂ້າງ​ໃຫ້​ຜູ້​ຂັບ​ຂີ່​ມີ​ສະ­ຕິ​ລະ­ວັງ​ຕົວ ເນື້ອ​ໃນ​ຄຳ​ຂວັນ​ເຕືອນ​ສະ­ຕິ​ເຫຼົ່າ­ນັ້ນ ເນັ້ນ​ບັນ­ຫາ​ການ​ຂັບ​ລົດ​ໄວ ແລະ ການ​ດື່ມ​ສິ່ງ​ມຶນ­ເມົາ ເຊິ່ງ​ເປັນ​ກົກ​ເຄົ້າ​ເຫງົ້າ​ກໍ​ແຫ່ງ​ຄວາມ​ສູນ​ເສຍ​ອັນ​ໜັກ­ໜ່ວງ ທາງ​ດ້ານ​ຊີ­ວິດ ແລະ ວັດ­ຖຸ​ສິ່ງ​ທີ່​ຜູ້​ຂຽນ​ພໍ­ໃຈ ກໍ​ແມ່ນ​ວ່າ​ຄຳ​ເວົ້າ​ໃນ​ປ້າຍ​ເຕືອນ​ເຫຼົ່າ­ນັ້ນ​ສັ້ນ ກະ­ທັດ​ຮັດ ມີ​ເນື້ອ​ໃນ​ເຂັ້ມ​ຂຸ້ນ ຂະ­ໜາດ​ຂອງ​ປ້າຍ​ກໍ​ໄດ້​ລະ­ດັບ​ໂຕ​ໜັງ­ສື​ໃຫຍ່ ແລະ ບ່ອນ​ແຂວນ​ກໍ​ເປັນ​ບ່ອນ​ປະ­ຈັກ​ຕາ​ງ່າຍໆ.</p> <p style="text-align: justify; "> ເມື່ອ​ກ່ອນ​ຜູ້​ຂຽນ​ເຄີຍ​ຍົກ​ບັນ­ຫາ​ເລື່ອງ​ປ້າຍ​ຄຳ​ຂວັນ​ເຕືອນ​ສະ­ຕິ​ທີ່​ບໍ່​ໄດ້​ມາດ­ຖານ ບໍ່​ວ່າ​ຈະ​ເປັນ​ຂະ­ໜາດ​ຂອງ​ປ້າຍ ຂະ­ໜາດ​ໂຕ​ໜັງ­ສື ແລະ ບາງ​ຄັ້ງ​ເນື້ອ​ໃນ​ກໍ​ບໍ່​ເດັດ­ຂາດ ບໍ່​ສົມ​ກັບ​ເປັນ​ຄຳ­ເຕືອນ.</p> <p style="text-align: justify; "> ສິ່ງ​ທີ່​ຜູ້​ຂຽນ​ເປັນ​ຫ່ວງ​ອີກ​ອັນ​ໜຶ່ງ ກໍ​ແມ່ນ​ປ້າຍ​ໂຄ­ສະ­ນາ ບໍ່​ວ່າ​ຈະ​ເປັນ​ປ້າຍ​ຊັກ​ຊວນ​ໄປ​ຊົມ​ຄອນ­ເສີດ​ໄປ​ຮ່ວມ​ຊົມŒຮ່ວມ​ຊື້​ສິນ­ຄ້າ​ຢູ່​ງານ​ວາງ­ສະ­ແດງ​ຕ່າງໆ ເພາະ­ວ່າ​ເນື້ອ​ໃນ​ປ້າຍ​ໂຄ­ສະ­ນາ​ປະ­ເພດ​ນີ້ ມັນ​ຈະ​ຍາວ​ໂຕ​ໜັງ­ສື​ບໍ່​ໃຫຍ່​ພໍ ແລະ ບາງ​ຄັ້ງ​ກໍ​ຕິດ​ໄວ້​ຂອບ​ທາງ ຫຼື​ປັກ​ໄວ້​ຕາມ​ແລວ​ໜານ​ດອກ​ໄມ້ ຫຼື​ຄັນ​ຄູ​ກາງ​ເສັ້ນ­ທາງ​ໃຫຍ່ ຜູ້​ຂັບ​ຂີ່​ທີ່​ສົນ­ໃຈ​ເນື້ອ​ໃນ ກໍ​ຕ້ອງ​ໄດ້​ເວ​ສາຍ­ຕາ​ແນມ​ໄປ​ທາງ​ຂ້າງ ແທນ​ທີ່​ຈະ​ເບິ່ງ​ໄປ​ທາງ​ໜ້າ​ເຮັດ​ແນວ​ນີ້​ແມ່ນ​ສ່ຽງ​ຕໍ່​ການ​ເກີດ​ອຸ­ປະ­ຕິ­ເຫດ ຄັ້ງ​ໜຶ່ງ​ດົນ​ມາ​ແລ້ວ ໄວ​ໜຸ່ມ​ຄົນ​ໜຶ່ງ​ມົວ​ແຕ່​ອ່ານ​ເນື້ອ​ໃນ​ປ້າຍ​ໂຄ­ສະ­ນາ ເລີຍ​ຂັບ​ລົດ​ມາ​ຊົນ​ກົ້ນ​ລົດ​ຜູ້​ຂຽນ ເມື່ອ​ຖາມ​ກໍ​ໄດ້​ຄຳ​ຕອບ​ວ່າ ຍ້ອນ​ເຂົາ​ເງີຍ​ອ່ານ​ປ້າຍ​ໂຄ­ສະ­ນາ.</p> <p style="text-align: justify; "> ປ້າຍ​ເຕືອນ​ສະ­ຕິ​ເລື່ອງ​ຈະ­ລາ­ຈອນ​ນັ້ນ ບາງ​ຄັ້ງ​ກໍ​ເຮັດ​ສະ­ເພາະ​ງານ​ສຳ­ຄັນ​ໃດ​ໜຶ່ງ ເຊັ່ນ: ປີ​ໃໝ່ ຈາກ​ນັ້ນ​ກໍ​ປົດ​ອອກ​ບາງ​ປ້າຍ​ກໍ​ໃຊ້​ຍາວ​ນານ ເລື່ອງ​ນີ້​ຕ້ອງ​ກຳ­ນົດ​ຄັກໆ ເພາະ​ຖ້າ​ປະ­ປ່ອຍ​ໄວ້ ໂຕ​ໜັງ­ສື​ກໍ​ຈະ​ຫຼ້ອນ ບາງ​ປ້າຍ​ອາດ​ຖືກ​ລົມ​ພັດ​ກ້ຽວ​ຕາມ​ງ່າ­ໄມ້ ບາງ​ປ້າຍ​ອາດ​ຈະ​ຢູ່ ຫຼື​ຢ່ອນ​ເຕະ​ເຊະ ຜູ້​ຢາກ​ຮູ້​ເນື້ອ​ໃນ​ຕ້ອງ​ໄດ້​ໃຊ້​ຄວາມ​ພະ­ຍາ­ຍາມ​ສູງ ເລີຍ​ພາ­ໃຫ້​ຂາດ​ສະ­ມາ­ທິ​ໃນ​ການ​ຂັບ​ລົດ ຜົນ​ຕາມ​ມາ​ກໍ​ຄື​ອຸ­ປະ­ຕິ­ເຫດ ຜູ້​ຂຽນ​ຂໍ​ຮ້ອງ​ໃຫ້​ພາກ­ສ່ວນ​ກ່ຽວ­ຂ້ອງ​ເອົາ­ໃຈ­ໃສ່​ບັນ­ຫາ​ນີ້​ເພື່ອ​ຫຼີກ​ລ້ຽງ​ຄວາມ​ເສຍ​ຫາຍ​ທີ່​ອາດ​ຈະ​ຕາມ​ມາ.</p>

ຂ່າວທີ່ກ່ຽວຂ້ອງ