ຂ່າວຫຼ້າສຸດ

ເຖິງເວລາ ! ຟັນດາບແລ້ວ ?

2.906 26 ມ.ສ. 2012 ນານາສາລະ

<p>  </p> <p style="text-align: justify; "> ໄລ­ຍະ​ມໍ່ໆມານີ້ ປະ­ກົດ​ການ​ຫຍໍ້­ທໍ້​ໃນ​ສັງ­ຄົມ​ທີ່​ພົ້ນ​ເດັ່ນ ນອກ­ຈາກ​ຢາ​ເສບ​ຕິດ​ອຸ­ປະ­ຕິ­ເຫດ​ແລ້ວ ແມ່ນ​ຂະ​ບວນ​ການ​ຫາ​ກິນ​ນຳ​ຄວາມ​ເຊື່ອ​ຖື​ງົມ­ງວາຍ ໂດຍ​ເລີ່ມ​ຈາກ​ການ​ດູ​ມໍ ການ​ໄປ​ຫາ​ໝໍ​ໃສ​ຍາ​ສາດ ການ​ໄປ​ຊອກ​ຫາ​ເຄື່ອງ​ລາງ​ຂອງ​ຂັງ ໄປ​ບະ​ໄປ​ບົນ​ນຳ​ນາງ​ທຽມ ເພື່ອ​ໃຫ້​ຮັ່ງ­ມີ​ເປັນ​ເສດ­ຖີ​ໄດ້​ຂຶ້ນ​ຊັ້ນ​ຂຶ້ນ​ຍົດ​ເປັນ​ເຈົ້າ​ຄົນ​ນາຍ​ຄົນ ແລະ ອື່ນໆ.</p> <p style="text-align: justify; "> ທີ່​ແປກ ແລະ ຄວນ​ສຶກ​ສາ​ອົບ­ຮົມ​ກັນ​ນັ້ນ​ຄື: ມີ​ພະ­ນັກ­ງານ​ຈຳ­ນວນ​ໜຶ່ງ​ໄປ​ນຳ​ຂະ​ບວນ​ການ​ອັນ​ນີ້... ເມື່ອ​ໄປ​ກໍ​ປະ­ຕິ­ບັດ ແລະ ເຊື່ອ​ຟັງ​ຄຳ​ສັ່ງ​ຂອງ​ນາງ​ທຽມ... ຂອງ​ໝໍ ເຊິ່ງ​ບາງ​ອັນ​ກໍ​ເຫັນ​ວ່າ ມັນ​ຝືນ​ວິ­ທະ­ຍາ­ສາດ ຄັນ​ແມ່ນ​ບໍ່​ມີ​ການ​ຕັກ­ເຕືອນ​ກັນ​ແລ້ວ ຢ້ານ​ວ່າ​ຂະ​ບວນ​ການ​ນີ້​ຈະ​ສວຍ­ໂອ­ກາດ​ເຮັດ​ແນວ​ບໍ່​ດີ​ຂຶ້ນ​ມາ... ອາ​ໃສ​ອຳ­ນາດ​ຈາກ​ພະ­ນັກ­ງານ ຜູ້​ບອກ ໄດ້​ໃຊ້​ຟັງ​ເວ­ລາ​ນັ້ນ​ບໍ່​ຮູ້​ວ່າ​ຈະ​ມີ​ຫຍັງ​ເກີດ​ຂຶ້ນ ?....</p> <p style="text-align: justify; "> ການ​ທີ່​ຄໍ​ລຳ​ເຮົາ​ຕັ້ງ​ບັນ­ຫາ​ນີ້​ຂຶ້ນ​ມາ​ຢ່າງ​ລຽນ­ຕິດ ກໍ​ມີ​ຈຸດ­ປະ­ສົງ​ຢາກ​ເຕືອນ​ໃຫ້​ຜູ້​ທີ່​ຫຼົງ­ໄຫຼ​ໄປ​ຕາມ​ເສັ້ນ­ທາງ​ດັ່ງ­ກ່າວ ກໍ​ຄື​ຜູ້​ທີ່​ຈະ​ກ້າວ​ໄປ​ທາງ​ນັ້ນ ໄດ້​ພິ­ຈາ­ລະ­ນາ​ຢ່າງ​ຖີ່​ຖ້ວນ​ສາ­ກ່ອນ ວ່າ​ສົມ­ຄວນ​ຫຼື​ບໍ ? ລອງ​ຕັ້ງ​ເປັນ​ຂໍ້​ສົມ­ມຸດ​ວ່າ: ຢາກ​ຮັ່ງ­ມີ​ຫາກ​ບໍ່​ສ້າງ­ສາ​ພັດ­ທະ­ນາ​ຫຍັງ​ໝົດ ມີ​ແຕ່​ແລ່ນ​ຫາ​ໝໍ ເອົາ​ວິ­ຊາ​ອາ­ຄົມ​ໄປ​ຂົ່ມ​ເຫັງ​ຈິດ​ວິນ​ຍານ​ຄົນ​ອື່ນ ເພື່ອ​ໃຫ້​ຕົນ​ຮັ່ງ­ມີ... ຄັນ​ແມ່ນ​ໝໍ​ເກັ່ງ​ແທ້​ຄິດ​ວ່າ​ຄົງ​ເຮັດ​ເອົາ​ເອງ​ຫຼາຍ​ກ່ວ​າ ແລະ ທ້າຍ​ທີ່​ສຸດ​ຄົງ​ບໍ່​ຍືນ​ຍົງ... ເຊັ່ນ​ດຽວ​ກັນ​ກັບ​ການ​ຢາກ​ຂຶ້ນ​ຊັ້ນ​ຂຶ້ນ​ຍົດ​ເປັນ​ເຈົ້າ​ຄົນ​ນາຍ​ຄົນ... ຄັນ​ບໍ່​ມີ​ຄວາມ​ສາ­ມາດ ບໍ່​ມີ​ຜົນ­ງານ ໄດ້​ເປັນ​ກໍ​ບໍ່​ຍືນ​ຍົງ... ກາຍ­ເປັນ​ຂີ້​ປາກ​ຂອງ​ຄົນ​ອື່ນ ແນວ​ວ່າ​ມີ​ຊັ້ນ​ມີ​ຍົດ ແຕ່​ເຮັດ​ວຽກ​ບໍ່​ໄດ້... ເຮັດ​ບໍ່​ດີ​ສົມ​ກຽດ​ສັກ​ສີ ການ​ສຶກ​ສາ​ອົບ­ຮົມ ແລະ ເຕືອນ​ກັນ​ນີ້ ! ຢາກ​ໃຫ້​ເລີ່ມ​ຕົ້ນ​ຈາກ​ສະ​ຖາ​ບັນ​ຄອບ­ຄົວ ໂດຍ​ທີ່​ພໍ່​ແມ່ ພໍ່​ຕູ້ ເຈົ້າ​ກົກ​ເຈົ້າ​ເຫຼົ່າ​ທັງ­ຫຼາຍ ຄວນ​ແນະ­ນຳ​ໂອ້​ລົມ​ບົ່ມ​ສອນ ໃຫ້​ລູກ​ໃຫ້​ຫຼານ​ເຊື່ອ​ໃນ​ເຫດ ແລະ ຜົນ... ຕັ້ງ­ໜ້າ​ທຳ​ມາ​ຫາ​ກິນ​ດ້ວຍ​ຄວາມ​ບໍ­ລິ­ສຸດ​ສັດ­ຊື່ ດ້ວຍ​ເຫື່ອ­ແຮງ​ຄິດ​ວ່າ​ບໍ່​ຮັ່ງ ແຕ່​ກໍ​ບໍ່​ເຖິງ​ຂັ້ນ​ອົດ​ທຸກ​ອົດ​ຍາກ​ສຳ­ລັບ​ປະ­ຊາ­ຊົນ​ທົ່ວ​ໄປ​ນໍ ? ເບື້ອງ​ພະ­ນັກ­ງານ​ຫາກ​ເຮັດ​ສຳ­ເລັດ​ໜ້າ­ທີ່​ຕາມ​ການ­ຈັດ­ຕັ້ງ​ມອບ​ໝາຍ ຄິດ​ວ່າ​ມີ​ມື້​ໃດ​ມື້­ໜຶ່ງ​ການ­ຈັດ­ຕັ້ງ​ຫາກ​ແນມ​ເຫັນ ແລະ ກໍ​ຈະ​ໂປ­ໂລ​ຂຶ້ນ​ໄດ້ ! ອັນ​ສຳ­ຄັນ​ແມ່ນ​ຕ້ອງ​ຮູ້​ເພ­ດານ​ຕົນ​ເອງ ແລະ ຮູ້​ຕົ້ນ​ທຶນ​ໃນ​ການ​ເຮັດ​ວຽກ​ຈາກ​ສະ​ຖາ​ບັນ​ຄອບ­ຄົວ​ແລ້ວ ເບື້ອງ​ການ­ຈັດ­ຕັ້ງ ຄັນ​ແມ່ນ​ເບື້ອງ​ຊາວ​ໜຸ່ມ ກໍ​ຄວນ​ແມ່ນ​ສະ​ຖາ​ບັນ​ການ​ສຶກ​ສາ​ຕ້ອງ​ຢັ້ງ­ຢືນ ຄວາມ​ເຊື່ອ​ຖື​ໃນ​ແງ່​ວິ­ທະ­ຍາ­ສາດ​ແທ້ໆ ເພາະ​ນັກ­ຮຽນ​ຄື​ກັບ​ຜ້າ​ຂາວ...ນໍ ? ສຸດ​ທ້າຍ​ກໍ​ຄົງ​ແມ່ນ​ສຳ­ນັກ­ງານ ອົງ­ການ ບໍ­ລິ­ສັດ ຫ້າງ​ຮ້ານ​ທີ່​ມີ​ລູກ​ນ້ອງ ມີ​ພະ­ນັກ­ງານ​ສັງ­ກັດ​ຢູ່ ກໍ​ຕ້ອງ​ໄດ້​ເປັນ​ແບບ­ຢ່າງ​ໃນ​ທາງ​ປະ­ຕິ­ບັດ ແລະ ນຳ­ພາ​ການ​ເຊື່ອ​ຖື​ແບບ​ວິ­ທະ­ຍາ­ສາດ.</p> <p style="text-align: justify; "> ເວ­ລາ​ລົມ​ເລື່ອງ​ງົມ­ງວາຍ​ນີ້ ? ເພື່ອນ​ຜູ້​ອ່ານ​ສະ­ເໜີ​ຄວາມ​ຄິດ​ນຳ​ຜູ້​ຮັບ­ຜິດ­ຊອບ​ຄໍ​ລຳ “ແນວ​ລາວ” ວ່າ: ເບື້ອງ​ສຳ­ນັກ­ງານ​ຂອງ​ລັດ​ຄັນ​ແມ່ນ​ຮູ້​ວ່າ ພະ­ນັກ­ງານ​ແລ່ນ­ນຳ​ໃສ​ຍາ​ສາດ​ແບບ​ໜ້າ​ມືດ​ຕາ­ມົວ ບໍ່​ທໍ່​ນັ້ນ ຍັງ​ແກ່​ດຶງ​ຜູ້​ອື່ນ​ເຂົ້າ​ສູ່​ວົງ​ໂຄ­ຈອນ​ນຳ​ຕົນ... ຄວນ​ຕຳ​ໜິ​ສົ່ງ​ຂ່າວ... ຫາກ​ຮ້າຍ​ແຮງ​ກໍ​ບໍ່​ຄວນ​ຂຶ້ນ​ຊັ້ນ​ເລື່ອນ​ຍົດ ຫຼື ມອບ​ໝາຍ​ວຽກ​ສຳ­ຄັນ​ຂອງ​ກະ­ຊວງ ທະ­ບວງ​ກົມ ໃຫ້​ຜູ້­ກ່ຽວ​ກຳ​ອຳ­ນາດ... ເພາະ​ມັນ​ສ່ຽງ​ທີ່​ຈະ​ເຮັດ​ໃຫ້​ຢູ່​ບ່ອນ​ຫັ້ນ​ສູນ​ເສຍ​ແບບ­ຢ່າງ​ໃນ​ການ​ປົກ­ຄອງ...</p> <p style="text-align: justify; "> ຢາກ​ໃຫ້​ຝ່າຍ​ປົກ­ຄອງ​ຟັນ­ດາບ​ໃນ​ເລື່ອງ​ນີ້ ?...</p> <p style="text-align: justify; "> <strong>ໂດຍ: ແນວ​ລາວ</strong></p>

ຂ່າວທີ່ກ່ຽວຂ້ອງ