ຂ່າວຫຼ້າສຸດ

ຖອດຖອນບົດຮຽນຈາກການສະຫຼອງປີໃໝ່ລາວ

1.991 25 ມ.ສ. 2012 ນານາສາລະ

<p>  </p> <p style="text-align: justify; "> ກ່ອນ​ສະ­ຫຼອງ​ບຸນ­ປີ­ໃໝ່​ລາວ ຄໍ​ລຳ​ພວກ​ເຮົາ​ໄດ້​ລົງ​ພິມ​ບົດ​ກ່ຽວ​ກັບ​ການ​ຄຸ້ມ​ຄອງ​ການ​ຫຼິ້ນ​ບຸນ­ປີ­ໃໝ່​ລາວ ໂດຍ​ການ​ນຳ​ສະ­ເໜີ​ແຈ້ງ​ການ​ຕ່າງໆ​ຂອງ​ນະ­ຄອນ­ຫຼວງ​ວຽງ​ຈັນ ໃນ​ນັ້ນ​ໄດ້​ເນັ້ນ​ໜັກ​ໃສ່ 8 ຂໍ້​ຫ້າມ.</p> <p style="text-align: justify; "> ປີ​ໃໝ່​ລາວ​ຜ່ານ​ໄປ ຕ້ອງ​ຍອມ­ຮັບ​ວ່າ​ການ­ຈັດ­ຕັ້ງ​ປະ­ຕິ­ບັດ​ແຈ້ງ​ການ​ດັ່ງ­ກ່າວ ບໍ່​ໄດ້​ບັນ­ລຸ​ຜົນ​ສູງ​ສຸດ ແຕ່​ຖ້າ​ທຽບ­ໃສ່​ປີ­ຜ່ານ­ມາ ກໍ​ເຫັນ​ວ່າ​ມີ​ຫຼາຍ​ຢ່າງ​ປ່ຽນ­ແປງ​ທີ່​ດີ​ຂຶ້ນ.</p> <p style="text-align: justify; "> ເມື່ອ​ເປັນ​ເຊັ່ນ​ນີ້ ກໍ​ມີ​ຫາງ​ສຽງ​ສະ­ເໜີ​ວ່າ: ຢາກ​ໃຫ້​ການ­ຈັດ­ຕັ້ງ​ປະ­ຊຸມ​ຖອດ​ຖອນ​ບົດ­ຮຽນ​ເບິ່ງ​ວ່າ ຍັງ​ມີ​ຈຸດ​ໃດ​ຄ້າງ​ຄາ ແລະ ເປັນ​ຂອດ​ອ່ອນ​ທີ່​ສົມ­ຄວນ​ແກ້​ໄຂ​ໃນ­ຕໍ່­ໜ້າ ເປັນ­ຕົ້ນ​ແມ່ນ​ການ​ນຸ່ງ​ຖື​ເວ­ລາ​ເຂົ້າ​ສົງ​ນ້ຳ​ພຣະ ຕາມ​ສະ­ຖານ­ທີ່​ສຳ­ຄັນ​ຕ່າງໆ ວ່າ​ຊັ້ນ ! ຮອງ​ລົງ​ມາ​ຈຶ່ງ​ແມ່ນ​ການ​ບັນ­ຈຸ​ນ້ຳ​ໃສ່​ຖົງ​ຢາງ ແກ່ວ​ງ​ໃສ່​ກັນ​ຢ່າງ​ເມົາ​ມັນ​ຂອງ​ຊາວ​ໜຸ່ມ ແລະ ຄວາມ​ເຂັ້ມ​ງວດ​ຂອງ​ຄະ­ນະ​ກຳ­ມະ­ການ​ໃນ​ບາງ​ຈຸດ ຍັງ​ບໍ່​ທັນ​ເຂັ້ມ­ແຂງ​ເທົ່າ​ທີ່​ຄວນ “ແນວ​ລາວ” ກໍ​ມີ​ໂອ­ກາດ​ເລາະ​ສົງ​ນ້ຳ​ພະ​ຫຼາຍ​ບ່ອນ ແຕ່​ບໍ່​ກ້າ​ເຂົ້າ​ໄປ​ໃນ​ຈຸດ​ແຄມ​ຂອງ ເພາະ​ຍິນ​ຂ່າວ​ວ່າ​ຄົນ​ຫຼາຍ... ເລີຍ​ເລືອກ​ແຖບ​ຊານ­ເມືອງ ແຕ່​ປະ­ກົດ​ວ່າ ການ​ນຸ່ງ​ຖື​ບໍ່​ຄ່ອຍ​ເໝາະ​ສົມ​ປານ­ໃດ ? ຍັງ​ມີ​ນຸ່ງ​ສັ້ນ... ນຸ່ງ​ເຂີນ​ຂອງ​ຍິງ​ໜຸ່ມ​ເຂົ້າ​ວັດ... ມີ​ຂະ​ບວນ​ລັດ​ລົດ­ຈັກ​ຫົດ​ນ້ຳ​ກາງ​ທາງ ມີ​ການ​ແກ່ວ​ງ​ຖົງ​ຢາງ ແຕ່​ບໍ່​ຄ່ອຍ​ເຫັນ​ເຈົ້າ​ໜ້າ­ທີ່​ເຂັ້ມ​ງວດ ຫຼື​ຕັກ­ເຕືອນ​ເຄັ່ງ​ຄັດ ຫຼື​ວ່າ​ຍ້ອນ​ເປັນ​ຍາມ​ທ່ຽງ​ກໍ​ເປັນ​ໄດ້ ! ເລື່ອງ​ນີ້​ຢາກ​ຕຳ​ໜິ​ສະ​ຖາ​ບັນ​ຄອບ­ຄົວ​ຫຼາຍ​ກ່ວ​າ ເພາະ​ເຫັນ​ວ່າ​ພໍ່​ແມ່... ອ້າຍ​ນ້ອງ​ໄປ​ນຳ​ກັນ ກໍ​ບໍ່​ຄ່ອຍ​ທ້ວງ ຫຼື ຕຳ​ໜິ​ການ​ນຸ່ງ​ຖື ຍັງ​ຄົງ​ຍ່າງ​ໄປ​ໃຫ້​ຄູ­ບາ​ຜູກ​ແຂນ​ເສີຍ ທັງໆ​ທີ່​ການ​ນຸ່ງ​ຖື​ບໍ່​ເໝາະ​ສົມ ? ຄັນ​ແມ່ນ​ຄອບ­ຄົວ​ບໍ່​ໃຫ້­ການ​ຮ່ວມ​ມື​ແລ້ວ​ແມ່ນ​ແກ້​ຍາກ.... ທີ່​ໜ້າ​ເປັນ​ຫ່ວງ​ກໍ​ແມ່ນ​ຢູ່​ຈຸດ​ພຣະ​ທາດ­ຫຼວງ ຜູ້​ຄົນ​ເຂົ້າ​ໄປ​ບໍ່​ຄ່ອຍ​ລະ­ມັດ­ລະ­ວັງ​ເລື່ອງ​ການ​ນຸ່ງ​ຖື ຄະ­ນະ​ກຳ­ມະ­ການ​ຈັດ​ງານ​ກໍ​ບໍ່​ເຄັ່ງ​ຄັດ ຄື​ດັ່ງ​ການ​ເຂົ້າ​ໄປ​ກາບ​ໄຫວ້​ມື້­ບຸນ​ພຣະ​ທາດ­ຫຼວງ ເລື່ອງ​ການ​ຫຼິ້ນ​ຕາມ​ແຄມ​ທາງ... ເຕັ້ນ​ຫົດ​ນ້ຳ ລັດ​ລົດ ກໍ​ເຊັ່ນ​ກັນ ຄອບ­ຄົວ​ບໍ່​ຫ້າມ ຫຼື​ບາງ​ຈຸດ​ກໍ​ເຂົ້າ​ຮ່ວມ​ນຳ​ອີກ ນີ້​ກໍ​ຍາກ​ຄື​ກັນ... ຄັນ​ແມ່ນ​ຄອບ­ຄົວ​ຕັກ­ເຕືອນ​ໃຫ້​ມີ​ຂອບ​ເຂດ​ກໍ​ຄົງ​ເປັນ​ເລື່ອງ​ດີ.</p> <p style="text-align: justify; "> ເວົ້າ​ລວມ​ແລ້ວ ການ­ຈັດ­ຕັ້ງ​ປະ­ຕິ­ບັດ​ແຈ້ງ​ການ​ນີ້ ມີ​ສອງ​ຈຸດ​ຄວນ​ຄິດ​ຫງຳ​ວ່າ ໃນ​ປີ​ຕໍ່​ໄປ​ຈະ​ແກ້​ຢ່າງ­ໃດ ? ຈຸດ​ທີ​ໜຶ່ງ​ແມ່ນ​ສະ​ຖາ​ບັນ​ຄອບ­ຄົວ ຈຸດ​ທີ​ສອງ​ແມ່ນ​ຄວາມ​ເຂັ້ມ​ງວດ​ຂອງ​ຄະ­ນະ​ກຳ­ມະ­ການ​ຈັດ​ງານ ທີ່​ປະ­ຈຳ­ການ​ຢູ່​ໃນ​ວັດ ຫຼື ສະ­ຖານ­ທີ່​ສັກ­ສິດ ແລະ ຊຸມ​ຊົນ​ໜາ​ແໜ້ນ.</p> <p style="text-align: justify; "> ມີ​ຄຳ​ເຫັນ​ວ່າ ກ່ອນ​ປີ​ໃໝ່​ລາວ​ໜຶ່ງ​ຫຼື​ສອງ​ເດືອນ ຄວນ​ເປີດ​ບັ້ນ​ອົບ­ຮົມ​ໃຫ້​ເປົ້າ​ໝາຍ​ທີ່​ຈະ​ເອົາ​ເຂົ້າ​ໃສ່​ໃນ​ຄະ­ນະ​ກຳ­ມະ­ການ​ຈັດ​ງານ ສະ­ຫຼອງ​ປີ​ໃໝ່​ລາວ​ຂອງ​ທຸກໆ​ພາກ­ສ່ວນ ທັງ​ສິ­ລະ​ປະ ກີ­ລາ ຮີດ­ຄອງ​ປະ­ເພ­ນີ ຜູ້​ຈະ​ເປັນ​ກຳ­ມະ­ການ​ຢູ່ ວັດ​ຢູ່​ສະ­ຖານ­ທີ່​ສັກ­ສິດ ຢູ່​ສະ­ຖານ­ທີ່​ຊຸມ​ຊົນ.... ໃນ​ນັ້ນ ບໍ່​ຄວນ​ລືມ​ນາຍ­ບ້ານ ກອງ​ຫຼອນ ແລະ ພະ­ນັກ­ງານ​ລົງ​ຮາກ​ຖານ​ປະ­ຈຳ​ກຸ່ມ​ບ້ານ !...</p> <p style="text-align: justify; "> ນັ້ນ​ຄື​ບາງ​ຄຳ​ເຫັນ​ຜ່ານ​ການ​ສະ­ຫຼອງ​ປີ​ໃໝ່​ລາວ​ນໍ ?.</p>

ຂ່າວທີ່ກ່ຽວຂ້ອງ