ຮຸ່ງເຮືອງ ປູກຈິດສຳນຶກໃຫ້ນ້ອງນ້ອຍເຍົາວະຊົນ

5.691 23 ມ.ສ. 2012 ສຶກສາ

<p>  </p> <p style="text-align: justify; "> ໂຮງ­ຮຽນ​ຮຸ່ງ­ເຮືອງ ເປັນ​ໂຮງ­ຮຽນ​ພາກ​ເອ­ກະ​ຊົນ​ແຫ່ງ​ໜຶ່ງ ທີ່​ຕັ້ງ​ຢູ່​ເຂດ​ບ້ານ​ໜອງ​ບົວ­ທອງ​ເໜືອ ເມືອງ​ສີ​ໂຄດ​ຕະ­ບອງ ນະ­ຄອນ­ຫຼວງ​ວຽງ​ຈັນ ຊຶ່ງ​ໄດ້​ສ້າງ­ຕັ້ງ​ຂຶ້ນ​ມາ​ແຕ່​ປີ 2004 ແລະ ມາ​ຮອດ​ປັດ­ຈຸ­ບັນ ໂຮງ­ຮຽນ​ດັ່ງ­ກ່າວ​ເຫັນ​ວ່າ​ມີ​ຄວາມ​ພ້ອມ​ຫຼາຍ​ດ້ານ ໃນ​ການ​ປະ­ກອບ­ສ່ວນ​ສ້າງ​ນ້ອງ​ນ້ອຍ​ເຍົາ­ວະ​ຊົນ ໃຫ້​ກາຍ­ເປັນ​ຄົນ​ທີ່​ມີ​ອະ­ນາ­ຄົດ​ອັນ​ສົດ­ໃສ.</p> <p style="text-align: justify; "> ໂຮງ­ຮຽນ​ຮຸ່ງ­ເຮືອງ ລວມ​ມີ​ຊັ້ນ​ອະ­ນຸ­ບານŒຊັ້ນ​ປະ­ຖົມ ແລະ ຊັ້ນ​ມັດ­ທະ­ຍົມ ມີ​ເນື້ອ­ທີ່​ກ້ວ​າງ​ຂວາງ​ເຖິງ 18.440 ຕາ​ແມັດ ມີ 37 ຫ້ອງ​ຮຽນ ພະ­ນັກ­ງານ ຄູŒອາ­ຈານ ມີ​ທັງ​ໝົດ 70 ຄົນ ຍິງ 50 ຄົນ ສະ­ເພາະ​ນັກ­ຮຽນ ປັດ­ຈຸ­ບັນ​ມີ​ທັງ​ໝົດ 1.347 ຄົນ ຍິງ 594 ຄົນ ໃນ​ນີ້​ຊັ້ນ​ອະ­ນຸ­ບານ​ມີ 355 ຄົນ ຍິງ 168 ຄົນ ຊັ້ນ​ປະ­ຖົມ​ມີ 536 ຄົນ ຍິງ 231 ຄົນ ແລະ ຊັ້ນ​ມັດ­ທະ­ຍົມ​ມີ 456 ຄົນ ຍິງ 195 ຄົນ ໃນ​ໄລ­ຍະ​ຜ່ານ​ມາ ໂຮງ­ຮຽນ​ຮຸ່ງ­ເຮືອງ​ໄດ້​ເຂົ້າ​ຮ່ວມ 5 ໂຄງ­ການ​ຄື: ໂຄງ­ການ​ໂຮງ­ຮຽນ​ທົດ​ລອງ​ຄຸນ​ນະ​ພາບ ໂຄງ­ການ​ເລື່ອນ​ຂັ້ນ​ແບບ​ຕໍ່​ເນື່ອງ (ປ.1 ຫາ ປ.4) ໂຄງ­ການ​ໂຮງ­ຮຽນ​ຕົວ​ແບບ​ໂຄງ­ການ​ໂຮງ­ຮຽນ​ຂຽວ​ສະ­ອາດ ແລະ ມີ​ຄຸນ​ນະ​ພາບ (ໄດ້​ທີ 1 ຂັ້ນ​ນະ­ຄອນ­ຫຼວງ​ວຽງ​ຈັນ 3 ປີ​ຊ້ອນ) ໂຄງ­ການ​ໂຮງ­ຮຽນ​ປອດ​ຢາ​ເສບ​ຕິດ.</p> <p style="text-align: justify; "> ໃນ​ໄລ­ຍະ​ຜ່ານ​ມາ ຢູ່​ພາຍ​ໃນ​ໂຮງ­ຮຽນ​ໄດ້​ມີ​ຫຼາກ​ຫຼາຍ​ກິດ­ຈະ­ກຳ ໄປ​ຄຽງ​ຄູ່​ກັບ​ການ​ຮຽນŒການ​ສອນ ສະ­ເພາະ​ເຍົາ­ວະ​ຊົນ ປີ­ຜ່ານ­ມາ​ໄດ້​ຮ່ວມ​ກັບ​ສູນ​ກາງ​ຊາວ​ໜຸ່ມ​ໄປ​ອວຍ­ພອນ​ປະ­ທານ​ປະ­ເທດ ໃນ​ວັນ​ບຸນ​ສົງ­ການ ເຂົ້າ​ຮ່ວມ​ແຂ່ງ­ຂັນ​ແບບ­ແຜນ​ເຍົາ­ວະ​ຊົນ​ຂັ້ນ​ນະ­ຄອນ­ຫຼວງ​ວຽງ​ຈັນ ທຸກໆ​ປີ​ໄດ້​ທີ 2 ແລະ ທີ 3 ນຳ­ພາ​ເຍົາ­ວະ​ຊົນ​ໄປ​ທັດ­ສະ­ນະ​ສຶກ​ສາ​ຫໍ​ພິ​ພິ​ທະ​ພັນ​ປະ­ທານ ໄກ­ສອນ ພົມ­ວິ­ຫານ ຫໍ​ພິ​ພິ​ທະ​ພັນ​ກອງ­ທັບ ຫໍ​ພິ​ພິ​ທະ​ພັນ ປກສ ເຂື່ອນ​ໄຟ­ຟ້າ​ນ້ຳ​ງື່ມ ສວນ­ສັດ​ບ້ານ​ເກິນ ວັງ​ວຽງ ແລະ ສະ­ຖານ­ທີ່​ສຳ­ຄັນ​ທາງ​ປະ­ຫວັດ­ສາດ​ຕ່າງໆ ສ່ວນ​ທາງ​ດ້ານ​ຜົນ­ງານ​ການ​ສອບ­ເສັງ​ນັກ­ຮຽນ​ເກັ່ງ​ຂັ້ນ​ເມືອງ ຂັ້ນ​ນະ­ຄອນ­ຫຼວງ ທຸກໆ​ປີ​ຊັ້ນ ປ5 ໄດ້​ທີ 1 ທີ 2 ແລະ ທີ 3 ການ​ສອບ­ເສັງ​ນັກ­ຮຽນ​ເກັ່ງ​ຂັ້ນ​ເມືອງ ຂັ້ນ​ນະ­ຄອນ­ຫຼວງ ຊັ້ນ ປ4 ໄດ້​ທຸກ​ປີ​ການ​ເຂົ້າ​ຮ່ວມ​ແຂ່ງ­ຂັນ ດ້ານ​ສິ­ລະ​ປະ​ຊັ້ນ​ອະ­ນຸ­ບານ​ຈົນ​ເຖິງ​ຊັ້ນ​ມັດ­ທະ­ຍົມ​ຕອນ​ປາຍ ໄດ້​ອັນ​ດັບ 1 ອັນ​ດັບ 2 ແລະ ອັນ​ດັບ 3 ທຸກ​ປີ ສະ­ເພາະ​ວຽກ​ງານ​ກີ­ລາ ໄດ້​ເຂົ້າ​ຮ່ວມ​ແຂ່ງ­ຂັນ​ຂັ້ນ​ເມືອງ​ທຸກ​ລາຍ­ການ ເດັ່ນ​ກ່ວ​າ​ໝູ່​ແມ່ນ​ຫ້ອງ ມ5 ໄປ​ເຂົ້າ​ຮ່ວມ​ແຂ່ງ­ຂັນ​ງານ​ມະ​ຫະ​ກຳ​ກີ­ລາ​ແຫ່ງ​ຊາດ ຄັ້ງ​ທີ IX ທີ່​ແຂວງ​ຫຼວງ​ພະ​ບາງ​ທ້າຍ​ປີ 2011 ຜ່ານ​ມາ ກໍ​ສາ­ມາດ​ຍາດ​ໄດ້ 1 ຫຼຽນ​ຄຳ ຈາກ​ກີ­ລາ​ຢູ​ໂດ ແລະ 1 ຫຼຽນ​ເງິນ ຈາກ​ກີ­ລາ​ກາ​ຣາ​ເຕ​ໂດ ອີກ 1 ປະ­ເພດ​ກີ­ລາ​ຄື​ກີ­ລາ​ໝາກ­ເສິກ ກໍ​ສາ­ມາດ​ຍາດ​ໄດ້​ອັນ​ດັບ 3.</p> <p style="text-align: justify; "> ວັນ​ທີ 31 ມີ­ນາ 2012 ຜ່ານ​ມາ ໂຮງ­ຮຽນ​ຮຸ່ງ­ເຮືອງ ກໍ​ໄດ້​ມີ​ການ​ຕັ້ງ​ຄ້າຍ​ເຍົາ­ວະ​ຊົນ​ພາຍ​ໃນ​ໂຮງ­ຮຽນ ພາຍ​ໃຕ້​ຫົວ­ຂໍ້ “ການ​ປູກ​ຈິດ​ສຳ­ນຶກ​ໃນ​ການ​ດຳ­ລົງ​ຊີ­ວິດ​ຂອງ​ທະ­ຫານ ໂດຍ​ຜ່ານ​ການ​ຕັ້ງ​ຄ້າຍ​ເຍົາ­ວະ​ຊົນ” ໃນ​ມື້​ຕັ້ງ​ຄ້າຍ​ນັ້ນ ກໍ​ມີ​ທ່ານ​ນາງ ຂັນ­ກາບ ໄຊ​ຍະ​ກຸມ­ມານ ຫົວ­ໜ້າ​ກົມ​ເຍົາ­ວະ​ຊົນ​ຂອງ​ສູນ​ກາງ​ຊາວ​ໜຸ່ມ ປະ­ຊາ­ຊົນ​ປະ­ຕິ­ວັດ​ລາວ ທ່ານ ບຸນ​ຈັນ ສິນ​ທະ​ລາ­ພອນ ຫົວ­ໜ້າ​ຫ້ອງ­ການ​ສຶກ​ສາ​ທິ​ການ ເມືອງ​ສີ​ໂຄດ​ຕະ­ບອງ ແລະ ທ່ານ ລິດ​ທິ​ໄຊ ຮຸ່ງ­ເຮືອງ ຜູ້­ອຳ­ນວຍ­ການ​ໂຮງ­ຮຽນ​ຮຸ່ງ­ເຮືອງ ພ້ອມ​ດ້ວຍ​ພະ­ນັກ­ງານ ຄູŒອາ­ຈານ ນ້ອງ​ນັກ­ຮຽນ ເຂົ້າ​ຮ່ວມ.</p> <p style="text-align: justify; "> ຄະ­ນະ​ອຳ­ນວຍ​ການ​ໂຮງ­ຮຽນ​ຮຸ່ງ­ເຮືອງ ໄດ້​ແຈ້ງ​ໃຫ້​ຮູ້​ວ່າ: ການ​ຕັ້ງ​ຄ້າຍ​ເຍົາ­ວະ​ຊົນ ປະ­ຈຳ​ສົກ­ຮຽນ 2011Œ2012 ນີ້ ແມ່ນ​ເພື່ອ​ສືບ­ຕໍ່​ປູກ​ຈິດ​ສຳ­ນຶກ​ໃຫ້​ນ້ອງ​ນ້ອຍ​ເຍົາ­ວະ​ຊົນ ໄດ້​ຮູ້​ເຖິງ​ການ​ດຳ­ລົງ​ຊີ­ວິດ​ຂອງ​ທະ­ຫານ ແລະ ສາ­ມາດ​ນຳ­ໄປ​ເປັນ​ບົດ­ຮຽນ​ໃນ​ຊີ­ວິດ​ປະ­ຈຳ​ວັນ​ພາຍ​ໃນ​ຄອບ­ຄົວ​ຂອງ​ຕົນ​ເອງ​ໄດ້.</p>

ຂ່າວທີ່ກ່ຽວຂ້ອງ