ຂ່າວຫຼ້າສຸດ

ຈະສູ້ຊົນໃຫ້ໄດ້ໃບປະກາດແດງ

5.958 12 ມ.ສ. 2012 ສຶກສາ
ຈະສູ້ຊົນໃຫ້ໄດ້ໃບປະກາດແດງ

<p>  </p> <p style="text-align: justify; "> ຄວາມ​ໄຝ່​ຝັນ​ມຸ່ງ​ຫວັງ​ຂອງ​ນັກ­ຮຽນ​ຈຳ­ນວນ​ບໍ່​ໜ້ອຍ ທີ່​ຕ້ອງ­ການ​ໃບ​ປະ­ກາດ​ແດງ ເພາະ​ນັ້ນ​ຄື​ຕົວ​ຊີ້​ວັດ​ເຖິງ​ຜົນ​ຂອງ​ການ​ສຶກ​ສາ​ຄົ້ນ​ຄ້ວ​າ​ຮ່ຳ­ຮຽນ ເປັນ​ສິ່ງ​ເອກ­ອ້າງ​ຜົນ­ງານ​ຂອງ​ຕົນ ໃຫ້​ທຸກ​ຄົນ​ໄດ້​ຮູ້​ເຫັນ​ເຖິງ​ຄວາມ​ມາ­ນະ​ອົດ­ທົນ​ເອົາ­ໃຈ­ໃສ່​ຄົ້ນ​ຄ້ວ​າ​ຮ່ຳ­ຮຽນ​ມາ​ໂດຍ​ຕະ­ຫຼອດ ຈຶ່ງ​ເຮັດ​ໃຫ້​ຜົນ​ການ​ຮຽນ​ມີ​ຄະ­ແນນ​ດີ­ເລີດ.</p> <p style="text-align: justify; "> ທ້າວ ສຸ­ລິ­ຍົງ ໄຊ​ຍະ​ວົງ­ສາ ນັກ­ຮຽນ​ຊັ້ນ ມ.7 ໂຮງ­ຮຽນ​ວຽງ​ສະ­ຫວັນ ເມືອງ​ໄຊ​ເຊດ​ຖາ ນະ­ຄອນ­ຫຼວງ​ວຽງ​ຈັນ ກ່າວ​ວ່າ: ຕົນ​ເອງ​ມີ​ຄວາມ​ມຸ່ງ​ໝັ້ນ​ຕັ້ງ­ໃຈ​ຮ່ຳ­ຮຽນ​ມາ​ໂດຍ​ຕະ­ຫຼອດ ນັບ​ແຕ່​ຊັ້ນ​ອະ­ນຸ­ບານ​ມາ​ຈົນ​ເຖິງ​ປັດ­ຈຸ­ບັນ ຄວາມ​ຄິດ​ທີ່​ຫ້າວ­ຫັນ​ດຸ­ໝັ່ນ​ຕໍ່​ການ​ຮຽນ​ບໍ່​ເຄີຍ​ຫຼຸດ​ໜ້ອຍ​ຖອຍ​ລົງ​ເລີຍ ມີ​ແຕ່​ນັບ​ມື້​ເພີ່ມ​ທະ­ວີ​ສູງ​ຂຶ້ນ ສະ­ແດງ​ອອກ​ຄະ­ແນນ​ວິ­ຊາ​ຮຽນ​ໃນ​ແຕ່​ລະ​ປີ​ມີ ຄະ­ແນນ​ສະ­ເລ່ຍ​ສູງ​ຂຶ້ນ​ເປັນ​ລຳ­ດັບ ຈົນ​ສາ­ມາດ​ມາ​ຢືນ​ຢູ່​ແຖວ​ໜ້າ​ໃນ​ການ​ຮຽນ ໄດ້​ເປັນ​ຕົວ​ແທນ​ເຂົ້າ​ຮ່ວມ​ແຂ່ງ­ຂັນ​ສອບ­ເສັງ​ນັກ­ຮຽນ​ເກັ່ງ ໃນ​ວິ­ຊາ​ເຄ​ມີ​ສາດ​ຂອງ​ນະ­ຄອນ­ຫຼວງ​ວຽງ​ຈັນ.</p> <p style="text-align: justify; "> ລາວ​ກ່າວ​ຕື່ມ​ວ່າ: ໃນ​ຄວາມ​ເປັນ​ຈິງ​ແລ້ວ ບໍ່​ແມ່ນ​ຮຽນ​ດີ ແຕ່​ວິ­ຊາ​ເຄ​ມີ​ເທົ່າ​ນັ້ນ ທຸກໆ​ວິ­ຊາ​ຕົນ​ເອງ​ກໍ​ຮຽນ​ໄດ້​ດີ​ທຸກ​ວິ­ຊາ ແຕ່​ວິ­ຊາ​ວິ­ທະ­ຍາ­ສາດ​ທຳ​ມະ​ຊາດ​ແມ່ນ​ດີ​ກ່ວ​າ ໂດຍ​ສະ­ເພາະ​ວິ­ຊາ​ເຄ​ມີ​ສາດ ກໍ​ເລີຍ​ໄດ້​ຮັບ​ຄັດ​ເລືອກ​ເປັນ​ຕົວ​ແທນ​ຂອງ​ໂຮງ­ຮຽນ ເຂົ້າ​ຮ່ວມ​ແຂ່ງ­ຂັນ​ສອບ­ເສັງ​ນັກ­ຮຽນ​ເກັ່ງ ປະ­ຈຳ​ສົກ­ຮຽນ 2011Œ2012 ເຊິ່ງ​ໄດ້​ຈັດ​ຂຶ້ນ​ໃນ​ວັນ​ທີ 15 ມີ­ນາ 2012 ທີ່​ຜ່ານ​ມາ​ນີ້ ເຖິງ​ແມ່ນ​ວ່າ​ຜົນ​ຂອງ​ການ​ຮ່ຳ­ຮຽນ​ຈະ​ອອກ​ມາ​ແບບ​ໃດ ຄວາມ​ຫວັງ​ຕັ້ງ­ໃຈ​ເອົາ​ໄວ້​ກໍ​ຄື: ໃບ​ປະ­ກາດ​ແດງ​ຕ້ອງ​ໃຫ້​ໄດ້ ເພາະ​ປີ​ນີ້​ກໍ​ເປັນ​ປີ​ສຸດ​ທ້າຍ​ແລ້ວ ຈະ​ສູ້​ຊົນ​ຄົ້ນ​ຄ້ວ​າ​ຮ່ຳ­ຮຽນ​ໃຫ້​ເຕັມ­ທີ່.</p> <p style="text-align: justify; "> ຜູ້​ປົກ­ຄອງ​ຂອງ​ລາວ​ໄດ້​ກ່າວ​ວ່າ: ສຳ­ລັບ​ຜູ້​ປົກ­ຄອງ​ແລ້ວ ໃຫ້­ການ​ສະ­ໜັບ­ສະ­ໜູນ​ດູ​ແລ ຕອບ​ສະ­ໜອງ​ທຸກ​ເງື່ອນ­ໄຂ​ຂອງ​ລູກ​ທີ່​ຕ້ອງ­ການ ບໍ່​ເຄີຍ​ຂັດ­ໃຈ ຂໍ​ພຽງ​ສິ່ງ​ນັ້ນ​ບໍ່​ເຫຼືອ​ບ່າ​ກ່ວ​າ​ແຮງ ແລະ ເງື່ອນ­ໄຂ​ທີ່​ເໝາະ​ສົມ​ເອື້ອ​ອຳ­ນວຍ ເປັນ​ຜົນ​ປະ­ໂຫຍດ​ຕໍ່​ການ​ຄົ້ນ​ຄ້ວ​າ​ຮ່ຳ­ຮຽນ​ຂອງ​ລູກ ເພາະ​ເຊື່ອ​ໝັ້ນ​ລູກ​ຂອງ​ຕົນ ນັບ​ແຕ່​ເຂົ້າ​ຮົ້ວ​ໂຮງ­ຮຽນ​ມາ​ແຕ່​ຊັ້ນ​ອະ­ນຸ­ບານ​ຈົນ​ເຖິງ​ປັດ­ຈຸ­ບັນ ກໍ​ໄດ້​ຮັບ​ຄຳ​ຊົມ­ເຊີຍ​ຕໍ່​ຜົນ​ການ​ຮ່ຳ­ຮຽນ​ດີ​ມາ​ໂດຍ​ຕະ­ຫຼອດ ບໍ່​ເຄີຍ​ເຮັດ​ໃຫ້​ພໍ່​ແມ່​ຕ້ອງ​ຜິດ​ຫວັງ​ນຳ​ຕໍ່​ການ​ຮຽນ​ຂອງ​ລູກ.</p> <p style="text-align: justify; "> ສຳ­ລັບ​ຜູ້​ປົກ­ຄອງ​ແລ້ວ ບໍ່​ໄດ້​ຄາດ​ຫວັງ ແລະ ບັງ­ຄັບ​ລູກ​ໃນ​ການ​ຄົ້ນ​ຄ້ວ​າ​ຮ່ຳ­ຮຽນ ແລະ ການ​ເລືອກ​ທາງ​ເດີນ (ໝາຍ​ເຖິງ​ວິ­ຊາ​ຊີບ) ທີ່​ສຳ­ຄັນ​ຕ້ອງ­ການ​ໃຫ້​ລູກ​ຮຽນ​ຈົບ ປະ­ກອບ­ສ່ວນ​ວຽກ​ງານ​ອັນ​ໃດ​ກໍ​ໄດ້ ໃນ​ການ​ສ້າງ­ສາ​ພັດ­ທະ­ນາ​ປະ­ເທດ​ຊາດ ສ້າງ​ຕົນ​ໃຫ້​ມີ​ຄຸນ​ປະ­ໂຫຍດ​ຕໍ່​ສັງ­ຄົມ​ສົມ​ກັບ​ເປັນ​ລູກ​ທີ່​ດີ​ຂອງ​ພໍ່​ແມ່ ລູກ­ສິດ​ທີ່​ດີ​ຂອງ​ຄູ-ອາ­ຈານ ແລະ ເປັນ​ພົນ­ລະ­ເມືອງ​ດີ​ຂອງ​ປະ­ເທດ​ຊາດ.</p>

ຂ່າວທີ່ກ່ຽວຂ້ອງ