ຂ່າວຫຼ້າສຸດ

ຝາກເຖິງໄຟຟ້ານະຄອນຫຼວງ

1.663 12 ມ.ສ. 2012 ນານາສາລະ

<p>  </p> <p style="text-align: justify; "> ເພື່ອນ​ຜູ້​ອ່ານ​ເມືອງ​ໄຊ​ເຊດ​ຖາ ນະ­ຄອນ­ຫຼວງ​ວຽງ​ຈັນ ໂດຍ​ສະ­ເພາະ​ບ້ານ​ໂນນ​ຄໍ້​ເໜືອ​ໃຕ້ ໂນນ​ຫວາຍ ຕ່າງ​ສ່ອງ​ແສງ​ມາ​ວ່າ: ໄຟ­ຟ້າ​ມັກ​ດັບ​ໂດຍ​ບໍ່​ຮູ້​ລ່ວງ​ໜ້າ ເຊິ່ງ​ໃນ​ໄລ­ຍະ​ທ້າຍ​ເດືອນ​ມີ­ນາ ຫາ​ຕົ້ນ​ເດືອນ​ເມ­ສາ​ນີ້ ດັບ​ຖີ່​ເຂົ້າ​ທັງ​ມື້​ເວັນ ແລະ ມື້​ຄືນ ... ຄັນ­ວ່າ​ຟ້າ​ລົມ​ຝົນ­ຕົກ​ກໍ​ບໍ່​ວ່າ !..</p> <p style="text-align: justify; "> ປະ­ກົດ​ການ​ຍາມ​ຮ້ອນ ຄົນ​ໃຊ້​ໄຟ​ຫຼາຍ ໄຟ​ມັກ​ຕົກ ຫຼື​ວ່າ​ມັກ​ດັບ ນີ້​ເປັນ​ເລື່ອງ​ຊຳ​ເຮື້ອ​ແກ່­ຍາວ​ມາ​ຫຼາຍ​ປີ​ແລ້ວ ຖ້າ​ຈື່​ບໍ່​ຜິດ ເພິ່ນ​ວ່າ​ຕັ້ງ­ແຕ່​ປີ​ເພິ່ນ​ມາ​ອາ­ໄສ​ຢູ່​ບ້ານ​ໂນນ​ຄໍ້​ພຸ້ນ​ລະ (1993) ເລີຍ​ຢາກ​ໃຫ້​ມີ​ການ​ລົງ­ທຶນ​ປັບ­ປຸງ​ແດ່ ? ເພາະ​ນີ້​ຄື​ການ​ບໍ­ລິ­ການ​ສ້າງ​ລາຍ​ຮັບ​ໃຫ້​ແກ່​ບໍ­ລິ­ສັດ ?.</p> <p style="text-align: justify; "> ບໍ່​ທໍ່​ນັ້ນ ເພິ່ນ​ຍັງ​ສົມ​ທຽບ​ວ່າ: ບາດ​ໄຟ​ດັບ ຜູ້​ຊົມ­ໃຊ້​ເກີດ​ເສຍ​ຫາຍ ຢ່າງ​ໜ້ອຍ​ກໍ​ພາ­ໃຫ້​ປາ​ຄຳ​ຢູ່​ໂຖ ລາ­ຄາ​ສິບ​ພັນ​ຊາວ​ພັນ​ຕາຍ​ໄປ​ໂຕ​ໜຶ່ງ​ສອງ​ໂຕ ຈະ​ຮຽກ​ຄ່າ​ເສຍ​ຫາຍ​ຈາກ​ໃຜ ?.. ບາດ​ຈ່າຍ​ຄ່າ​ໄຟ­ຟ້າ​ບໍ່​ທ່ວງ​ທັນ​ເວ­ລາ​ທາງ​ໄຟ­ຟ້າ​ພັດ​ມາ​ຕັດ​ສາຍ​ໄຟ ... ຕ້ອງ​ເສຍ​ຄ່າ​ປັບ­ໄໝ​ຈຶ່ງ​ຕໍ່­ໃຫ້​ໃໝ່ ສະ­ນັ້ນ ຈຶ່ງ​ຢາກ​ໃຫ້​ເບິ່ງ​ຄືນ ເລື່ອງ​ຄວາມ​ຍຸ­ຕິ​ທຳ​ແດ່​ໜ້ອຍ​ໜຶ່ງ.</p> <p style="text-align: justify; "> ໃນ​ຖາ­ນະ​ຜູ້​ຮັບ­ຜິດ­ຊອບ​ຄໍ​ລຳ <strong>ແນວ​ລາວ </strong>ຄິດ​ວ່າ​ທາງ​ໄຟ­ຟ້າ​ນະ­ຄອນ­ຫຼວງ ຄວນ​ອອກ​ມາ​ຊີ້​ແຈງ​ເຖິງ​ເຫດ­ຜົນ​ເລື່ອງ​ນີ້​ຈະ​ດີ​ທີ່​ສຸດ​ນໍ ?.</p> <p style="text-align: justify; "> ໃນ​ຕົວ​ຈິງ ໄຟ​ເຂດ​ນີ້​ຫຼັງ​ປີ​ໃໝ່​ລາວ ຫຼື​ກ່ອນ​ປີ​ໃໝ່​ລາວ ມັກ​ປະ­ສົບ​ບັນ­ຫາ​ເລື້ອຍໆ ຄື​ເພື່ອນ​ຜູ້​ອ່ານ​ສ່ອງ​ແສງ​ແທ້ !.</p> <p style="text-align: justify; "> ແຕ່​ໃນ​ຄວາມ​ເປັນ​ຈິງ ເພິ່ນ​ຄົງ​ມີ​ບັນ­ຫາ​ຂັດ­ຂ້ອງ​ເຕັກ­ນິກ ຫຼື​ວ່າ​ເກີດ​ເຫດ​ຂັດ­ຂ້ອງ​ແນວ­ໃດ​ແນວ​ໜຶ່ງ ຈຶ່ງ​ເຮັດ​ໃຫ້​ປະ­ກົດ​ການ​ດັ່ງ­ກ່າວ​ເກີດ​ຂຶ້ນ !. ແຕ່​ການ​ບໍ່​ອອກ​ມາ​ບອກ​ກ່າວ​ໃຫ້​ສັງ­ຄົມ​ໄດ້​ຮັບ​ຮູ້​ຢ່າງ​ເປັນ​ທາງ​ການ​ເຖິງ​ຂໍ້​ຂັດ­ຂ້ອງ ມັນ​ກໍ​ຈະ​ພາ­ໃຫ້​ຜູ້​ຊົມ­ໃຊ້​ຄິດ​ໄປ​ຫຼາຍ​ແນວ ທີ່​ບໍ່​ຄ່ອຍ​ເປັນ​ຜົນ​ດີ​ໃຫ້​ແກ່​ບໍ­ລິ­ສັດ​ນໍ ?.</p> <p style="text-align: justify; "> ໃນ​ນາມ​ສື່​ມວນ​ຊົນ ຄໍ​ລຳ​ພວກ​ເຮົາ​ຂໍ​ເຮັດ​ຕາມ​ໜ້າ­ທີ່ ເຊິ່ງ​ກົດ­ໝາຍ​ວ່າ​ດ້ວຍ​ສື່​ມວນ​ຊົນ​ລະ­ບຸ​ໄວ້ ໃນ​ການ​ລົງ​ພິມ​ຄຳ​ສ່ອງ​ແສງ​ຂອງ​ປະ­ຊາ­ຊົນ ເຊິ່ງ​ເຂົາ­ເຈົ້າ​ມີ​ສິດ​ຕາມ​ລັດ​ຖະ​ທຳ​ມະ­ນູນ​ແຫ່ງ ສປປ ລາວ ລະ­ບຸ​ໄວ້.</p> <p style="text-align: justify; "> ໃນ​ໂອ­ກາດ​ປີ​ໃໝ່​ລາວ​ນີ້ ຍິ່ງ​ຕ້ອງ​ເອົາ­ໃຈ­ໃສ່ ເພາະ​ການ​ໃຊ້​ໄຟ​ຈະ​ຫຼາຍ​ຂຶ້ນ ຍ້ອນ​ອາ­ກາດ​ຮ້ອນ​ອົບ­ເອົ້າ ສະ­ນັ້ນ ຈຶ່ງ​ຂໍ​ຖື​ໂອ­ກາດ​ນີ້​ຕັກ­ເຕືອນ​ເຖິງ​ຜູ້​ໃຊ້​ໄຟ ຈົ່ງ​ໄດ້​ລະ­ມັດ­ລະ­ວັງ ມີ​ສະ­ຕິ​ມອດ​ໄຟ​ກ່ອນ​ອອກ​ຈາກ​ເຮືອນ ເພາະ​ອັກ­ຄີ​ໄພ​ເກີດ​ໄດ້​ທຸກ­ເມື່ອ​ຫາກ​ເຮົາ​ຂາດ​ສະ­ຕິ... ສ່ວນ​ເບື້ອງ​ບໍ­ລິ­ສັດ​ໄຟ­ຟ້າ​ລາວ​ທີ່​ໃຫ້​ບໍ­ລິ­ການ ກໍ​ຕ້ອງ​ໄດ້​ລົງ​ກວດ­ກາ​ເບິ່ງ​ຄວາມ​ພ້ອມ​ໃນ​ການ​ໃຫ້​ບໍ­ລິ­ການ ເຖິງ​ແມ່ນ​ວ່າ​ເຮົາ​ເປັນ​ຜູ້​ບໍ­ລິ­ການ​ຜູກ­ຂາດ ແຕ່​ກໍ​ຄວນ​ຄຳ­ນຶງ​ເຖິງ​ຜູ້​ຊົມ­ໃຊ້​ເຊັ່ນ​ກັນ.</p> <p style="text-align: justify; "> ຂໍ​ໃຫ້​ມີ​ການ​ຖະ­ແຫຼງ​ຂ່າວ ຫຼື​ແຈ້ງ​ການ​ກ່ຽວ​ກັບ​ບັນ­ຫາ​ນີ້​ຈະ​ດີ​ທີ່​ສຸດ ...</p> <p style="text-align: justify; "> ຄໍ​ລຳ​ພວກ​ເຮົາ​ຍິນ​ດີ​ຮັບ​ໃຊ້​ທ່ານ ...</p> <p style="text-align: justify; "> <strong>ໂດຍ: ມືຊ້າຍ</strong></p>

ຂ່າວທີ່ກ່ຽວຂ້ອງ