ປີມະໂລງ...ປີແຫ່ງສິລິມົງຄຸນ

3.160 29 ມີ.ນ. 2012 ນານາສາລະ

<p>  </p> <p style="text-align: justify; "> ຄົນ​ອາ­ຊີ​ຄື​ກັນ ຖື​ສາ­ສະ­ໜາ​ພຸດ​ຄື​ກັນ ເປັນ​ປະ­ເທດ​ເພື່ອນ​ບ້ານ​ໃກ້​ຄຽງ​ເຮົາ​ຄື​ກັນ​ເຊັ່ນ: ປະ­ເທດ​ຈີນ ຫວຽດ­ນາມ ເຂົາ­ເຈົ້າ​ຖື​ວ່າ​ປີ​ນີ້ (2012) ເປັນ​ປີ​ມັງ­ກອນ ເປັນ​ປີ​ສິ­ລິ​ມົງ​ຄຸນ ສະ­ນັ້ນ ຈະ​ແຕ່ງ­ງານ ຈະ​ເຮັດ​ກິດ­ຈະ­ກຳ​ໃດ​ກໍ​ຕາມ ບໍ່​ວ່າ​ທຳ​ມາ​ຄ້າ­ຂາຍ ລົງ­ທຶນ​ລົງ​ຮອນ ລ້ວນ​ແຕ່​ດີ​ທັງ​ນັ້ນ... ສະ­ນັ້ນ ຫວ່າງ​ມໍ່ໆມານີ້ ມີ​ຂ່າວ​ວ່າ​ຢູ່​ເຂດ​ປົກ­ຄອງ​ຕົນ​ເອງ ຮົງ​ກົງ ມີ​ຄົນ​ແຫ່​ຈ່ອງ​ໂຮງ­ແຮມ​ເພື່ອ​ແຕ່ງ­ງານ.</p> <p style="text-align: justify; "> ເຫດ­ການ​ນີ້​ພັດ​ກົງ­ກັນ­ຂ້າມ​ກັບ​ຄົນ​ລາວ​ຈຳ­ນວນ​ໜຶ່ງ ຖື​ວ່າ​ປີ​ນີ້ (2012) ໂດຍ​ສະ­ເພາະ​ວັນ​ຂຶ້ນ​ປີ​ໃໝ່​ລາວ​ນີ້ ເປັນ​ປີ​ມະ­ໂລງ ບໍ່​ຄ່ອຍ​ດີ ຈະ​ແຕ່ງ­ງານ ຈະ​ເຮັດ​ກິດ­ຈະ­ການ​ໃດ ບໍ່​ວ່າ­ການ​ລົງ­ທຶນ ຄ້າ­ຂາຍ ປຸກ​ສ້າງ​ເຮືອນ​ຊານ ກໍ​ຕ້ອງ​ເລັ່ງ​ເຮັດ​ໃຫ້​ແລ້ວ​ກ່ອນ​ປີ​ໃໝ່​ລາວ ບໍ່​ຊັ້ນ​ຫຼັງ​ປີ​ໃໝ່​ລາວ ແມ່ນ​ບໍ່​ດີ​ທັງ​ນັ້ນ.</p> <p style="text-align: justify; "> <strong>ແນວ​ລາວ </strong>ໄດ້​ລົມ​ກັບ​ຫຼາຍ​ຄົນ ລວມ​ມີ​ຜູ້​ຮູ້​ຫຼາຍ​ຄົນ​ຕ່າງ​ກໍ​ບອກ​ວ່າ: ເປັນ​ຄຳ​ເລົ່າ​ລື​ທັງ​ນັ້ນ ຄວາມ​ຈິງ​ປີ​ມະ­ໂລງ​ກໍ​ດີ ກໍ​ເປັນ​ສິ­ລິ​ມົງ​ຄຸນ... ເວ­ລາ​ໄປ​ຊອກ​ເບິ່ງ​ປະ­ຕິ­ທິນ​ທີ່​ເວົ້າ​ເຖິງ​ປີ​ໃໝ່​ລາວ ຕາມ​ການ​ຄຳ­ນວນ​ຂອງ​ຄູ­ບາ​ອາ­ຈານ ກໍ​ເຫັນ​ວ່າ: ດີ ເຊັ່ນ​ວ່າ ເກນ​ທາ​ຣາ​ທິ​ຄຸນ ທີ່​ເວົ້າ​ເຖິງ​ຝົນ​ກໍ​ຢັ້ງ­ຢືນ​ວ່າ ຈະ​ມີ​ຝົນ​ດີ ເຂົ້າ​ຈະ​ງາມ ນາ​ດອນ ແລະ ນາ​ລຸ່ມ​ຈະ​ດີ ທັງ​ສອງ​ຢ່າງ​ເໝືອນ​ກັນ.</p> <p style="text-align: justify; "> ບາດ​ແລ້ວ​ມາ​ເບິ່ງ​ຂ່າວ​ເລື່ອງ​ປີ​ມະ­ໂລງ​ນໍ ? ຢູ່​ໃນ​ຂໍ້​ທີ່​ເວົ້າ​ເຖິງ ຣຸກ​ຂະ​ຊາດ ບອກ​ວ່າ: ໄມ້​ສົ້ມ​ພໍ່ (ໄມ້​ກອມ​ເກາະ) ເປັນ​ພະ­ຍາ ຄົນ​ມັກ​ຕື່ນ​ຂ່າວ​ອະ­ກຸ­ສົນ ຈະ​ຕ້ອງ​ມີ​ສະ­ຕິ​ລະ­ວັງ​ຕົວ​ຢູ່​ສະ­ເໜີ.</p> <p style="text-align: justify; "> ຈາກ​ຂໍ້​ມູນ​ດັ່ງ­ກ່າວ​ນີ້ ຈຶ່ງ​ສາ­ມາດ​ເວົ້າ​ໄດ້​ໃນ​ແງ່​ໜຶ່ງ​ອີ​ກວ່າ ການ​ທີ່​ມີ​ຂ່າວ​ເລື່ອງ​ບໍ່​ດີ​ຂອງ​ປີ​ມະ­ໂລງ​ນັ້ນ ແມ່ນ​ຂ່າວ​ອະ­ກຸ­ສົນ ຄື​ດັ່ງ​ເພິ່ນ​ທຳ­ນາຍ​ໄວ້.</p> <p style="text-align: justify; "> ສະ­ນັ້ນ ພວກ​ເຮົາ​ເຈົ້າ+ຂ້ອຍ ໃນ​ທົ່ວ​ສັງ­ຄົມ ໂດຍ​ສະ­ເພາະ ຜູ້​ຢູ່​ນະ­ຄອນ­ຫຼວງ​ວຽງ​ຈັນ ກໍ​ຄວນ​ຕັ້ງ​ສະ­ຕິ​ຄິດ​ຫງຳ​ໃຫ້​ຖີ່​ຖ້ວນ ຈຶ່ງ​ເຊື່ອ​ຄຳ​ລ່ຳ​ລື​ດັ່ງ­ກ່າວ​ນໍ ?.</p> <p style="text-align: justify; "> ໃນ​ຄວາມ​ເປັນ​ຈິງ ຫາກ​ພາ­ກັນ​ເຊື່ອ​ງົມ­ງວາຍ​ແນວ​ນັ້ນ ມັນ​ຈະ​ເປັນ​ສິ່ງ​ບໍ່​ດີ​ຕໍ່​ການ​ດຳ­ລົງ​ຊີ­ວິດ​ເນີ ! ຍ້ອນ​ວ່າ​ໃຜ​ກໍ​ບໍ່​ເຮັດ​ບໍ່​ສ້າງ​ຫຍັງ ? ໂລດ​ຊິ​ພາ­ກັນ​ນອນ​ຢູ່​ລ້າ ແລ້ວ​ການ​ຜະ­ລິດ ການ​ທຳ​ມາ​ຫາ​ກິນ​ກໍ​ຢຸດ​ຊະ​ງັກ ບາດ​ແລ້ວ​ຊິ​ເອົາ​ຫຍັງ​ມາ​ຢູ່​ມາ​ກິນ ລອງ​ວາດ​ພາບ​ເບິ່ງ­ດູ ສັງ­ຄົມ​ໜຶ່ງ​ບໍ່​ສ້າງ​ບໍ່​ສາ ບໍ່​ເຄື່ອນ​ເໜັງ... ຢຸດ​ຈຶ້ງ​ຢູ່​ກັບ​ທີ່... ຄົນ​ທີ່​ອາ­ໄສ​ຢູ່​ສັງ­ຄົມ​ນັ້ນ​ຈະ​ເຮັດ​ຢ່າງ­ໃດ ? ມັນ​ຊິ​ບໍ່​ພາ­ກັນ​ນັ່ງ ແລະ ແນມ​ເບິ່ງ​ໜ້າ​ກັນ​ລໍ­ຖ້າ​ຄວາມ​ເສຍ​ຫາຍ​ຈະ​ເກີດ​ຂຶ້ນ​ຕໍ່­ໜ້າ​ຕໍ່​ຕາ​ທໍ່​ນັ້ນ​ຕິ໋​ບໍ ?.</p> <p style="text-align: justify; "> ເຊົາ​ສາ ! ບອກ​ລູກ...ບອກ​ຫຼານ...ບອກ​ຕໍ່​ກັນ​ໄປ ບໍ່​ໃຫ້​ຕື່ນ​ຕໍ່​ຂ່າວ​ອະ­ກຸ­ສົນ​ດັ່ງ­ກ່າວ ຮີບ​ພາ­ກັນ​ທຳ​ການ​ຜະ­ລິດ ທຳ​ການ​ສ້າງ­ສາ​ພັດ­ທະ­ນາ ເພື່ອ​ຄວາມ​ຈະ­ເລີນ​ວັດ­ທະ­ນາ​ຂອງ​ປະ­ເທດ​ຊາດ ຕາມ​ແນວ­ທາງ​ຂອງ​ພັກ-ລັດ​ເຮົາ​ວາງ​ອອກ.</p>

ຂ່າວທີ່ກ່ຽວຂ້ອງ