ຂ່າວຫຼ້າສຸດ

ຈ.ມ ຈາກເພື່ອນຜູ້ອ່ານ

1.636 23 ມີ.ນ. 2012 ນານາສາລະ

<p>  </p> <p style="text-align: justify; "> ຄໍ​ລຳ​ພວກ​ເຮົາ​ໄດ້​ຮັບ ຈ.ມ ຫຼາຍ​ສະ­ບັບ​ໃນ​ເດືອນ​ກຸມ­ພາ ຜ່ານ​ມາ ແລະ ໃນ​ເດືອນ​ມີ­ນາ ເຊິ່ງ​ສັງ​ລວມ​ເອົາ​ບາງ​ຈຸດ​ມາ​ລົງ​ພິມ ດັ່ງ­ນີ້:</p> <p style="text-align: justify; "> 1. ຈ.ມ ຈາກ ທ້າວ ຄຳ​ຜາ ພົມ​ສຸ­ວັນ ບ້ານ​ຈອມ​ມະ­ນີ​ກາງ ເມືອງ​ໄຊ​ເຊດ​ຖາ ນະ­ຄອນ­ຫຼວງ​ວຽງ​ຈັນ ຂຽນ​ລົງ​ວັນ​ທີ 5 ກຸມ­ພາ 2012 ສ່ອງ​ແສງ​ເລື່ອງ ການ​ເປີດ​ບັນ­ຊີ​ສ່ຽງ​ໂຊກ​ໃນ​ທະ­ນາ­ຄານ​ແຫ່ງ​ໜຶ່ງ ມາ​ໄດ້​ສອງŒສາມ​ປີ​ແລ້ວ ແຕ່​ເກີດ​ຄວາມ​ບໍ່​ເຊື່ອ​ໝັ້ນ​ຕໍ່​ທະ­ນາ­ຄານ ຈຶ່ງ​ຢາກ​ໃຫ້​ຊ່ວຍ​ປະ­ສານ​ໄປ​ຫາ​ທະ­ນາ­ຄານ​ດັ່ງ­ກ່າວ ອອກ​ມາ​ຊີ້​ແຈງ​ດ້ວຍ !.</p> <p style="text-align: justify; "> ຈ.ມ ຂອງ​ເພື່ອນ​ຍັງ​ຂຽນ​ໄປ​ເຖິງ​ເຈົ້າ​ໜ້າ­ທີ່​ຂັ້ນ​ສູງ​ຂອງ​ທະ­ນາ­ຄານ​ແຫ່ງ ສປປ ລາວ ນຳ​ອີກ.</p> <p style="text-align: justify; "> ທາງ​ຄໍ​ລຳ​ເຮົາ​ຈຶ່ງ​ຄິດ​ວ່າ ທາງ​ພາກ­ສ່ວນ​ກ່ຽວ­ຂ້ອງ ເພິ່ນ​ຄົງ​ປະ­ສານ​ໄປ​ທາງ​ທະ­ນາ­ຄານ​ດັ່ງ­ກ່າວ ເພື່ອ​ໃຫ້​ອອກ​ມາ​ຊີ້​ແຈງ​ຂໍ້​ຂ້ອງ​ໃຈ​ຂອງ​ລູກ​ຄ້າ​ເປັນ​ຢ່າງ​ແທ້​ແນ່­ນອນ ... ລໍ­ຖ້າ​ຟັງ​ຂ່າວ​ດີ​ເນີ ! ທ້າວ ຄຳ​ຜາ... ?</p> <p style="text-align: justify; "> 2. ຈ.ມ ລົງ​ວັນ​ທີ 7 ກຸມ­ພາ 2012 ຈາກ​ຜູ້​ໃສ່​ນາມ​ວ່າ: ຜູ້​ໃຊ້​ລົດ​ໃຊ້​ຖະ­ໜົນ ສ່ອງ​ແສງ​ເລື່ອງ​ການ​ກວດ­ກາ​ຂອງ​ເຈົ້າ​ໜ້າ­ທີ່​ຈະ­ລາ­ຈອນ​ຢູ່​ນະ­ຄອນ­ຫຼວງ ເຊິ່ງ​ເຫດ­ການ​ເກີດ​ຂຶ້ນ​ກັບ​ເພິ່ນ​ເອງ ຢູ່​ສີ່​ແຍກ​ໄຟ​ແດງ​ຕະ­ຫຼາດ​ທົ່ງ​ຂັນ​ຄຳ ໃນ​ມື້​ວັນ​ເສົາ ທີ 4 ກຸມ­ພາ 2012 ເພິ່ນ​ຂຽນ​ດ້ວຍ​ລາຍ​ມື ເລົ່າ​ລາຍ​ລະ­ອຽດ​ເກືອບ​ສາມ​ໜ້າ​ເຈ້ຍ​ນໍ ? ສຸດ​ທ້າຍ​ເຫດ­ການ​ກໍ​ລົງ​ເອີ່ຍ​ດ້ວຍ​ການ​ລ້ຽງ​ນ້ຳ​ລ້ຽງ​ໃນ ຈຶ່ງ​ລຸ​ລ່ວງ​ໄປ​ໂດຍ​ດີ ...</p> <p style="text-align: justify; "> ທາງ​ຄໍ​ລຳ​ພວກ​ເຮົາ​ເຫັນ​ວ່າ ປະ­ກົດ​ການ​ຫຍໍ້­ທໍ້​ນີ້​ມາ​ທັງ​ສອງ​ຝ່າຍ ເຈົ້າ​ໜ້າ­ທີ່​ຮັບ​ສິນ​ບົນ ... ປະ­ຊາ­ຊົນ​ຕິດ​ສິນ​ບົນ​ເຈົ້າ​ໜ້າ­ທີ່ ເວົ້າ​ໃນ​ແງ່​ກົດ­ໝາຍ ຜິດ​ທັງ​ສອງ​ຝ່າຍ ແລ້ວ​ການ​ແກ້​ໄຂ​ຈະ​ເຮັດ​ຢ່າງ­ໃດ ? ກໍ​ຂໍ​ຝາກ​ຕໍ່​ເຖິງ​ພາກ­ສ່ວນ​ທີ່​ກ່ຽວ­ຂ້ອງ​ນໍ ?.</p> <p style="text-align: justify; "> 3. ຈ.ມ ພ້ອມ​ຮູບ ລົງ​ວັນ​ທີ 16 ມີ­ນາ 2012 ຈາກ​ຜູ້​ບໍ່​ປະ­ສົງ​ອອກ​ນາມ ແຕ່​ພັດ​ຢາກ​ໄດ້​ທາງ​ດີ ... ເລີຍ​ມາ​ອາ­ໄສ​ຄໍ​ລຳ​ເຮົາ ຜູ້​ໃຈ­ດີ​ສ່ອງ​ແສງ​ຕໍ່ ... ? ແຕ່​ເພື່ອ​ສະ­ແດງ​ຄວາມ​ເປັນ​ພົນ­ລະ­ເມືອງ​ເຂັ້ມ­ແຂງ ຕ້ອງ​ກ້າ­ຫານ​ບອກ​ຊື່ ທີ່­ຢູ່ ໃຫ້​ຄໍ​ລຳ​ໄດ້​ຊາບ​ເນີ ! ເພິ່ນ​ສ່ອງ​ແສງ​ເລື່ອງ​ຖະ­ໜົນ​ສາຍ​ດົງ​ຄຳ​ຊ້າງ ຄໍ​ລຳ​ເຮົາ​ຄິດ​ວ່າ​ທາງ​ໂຄງ­ການ​ເພິ່ນ​ຄົງ​ຈະ​ມີ​ຄຳ​ຕອບ ...! ລໍ­ຄອຍ​ຟັງ​ຂ່າວ​ດີ​ເນີ ! ຜູ້​ບໍ່​ປະ­ສົງ​ອອກ​ນາມ.</p> <p style="text-align: justify; "> ເວົ້າ​ເລື່ອງ​ການ​ຂຽນ ຈ.ມ ສ່ອງ​ແສງ​ເຖິງ​ຄໍ​ລຳ​ນີ້ ຂໍ​ຮຽກ­ຮ້ອງ​ໃຫ້​ເພື່ອນ​ຜູ້​ອ່ານ​ບອກ​ບ່ອນ­ຢູ່​ລະ­ອຽດ ຈະ­ແຈ້ງ ເພື່ອ​ສະ­ດວກ​ໃນ​ການ​ຕິດ­ຕໍ່​ພົວ­ພັນ ສຳ­ລັບ​ພວກ​ເຮົາ​ຜູ້​ຮັບ­ຜິດ­ຊອບ ... ສ່ວນ​ເລື່ອງ​ອື່ນໆ ພວກ​ເຮົາ​ມີ​ຈັນ​ຍາ​ບັນ ແລະ ກົດ­ໝາຍ​ສື່​ມວນ​ຊົນ​ຮອງ​ຮັບ ເປັນ­ຄວາມ​ລັບ​ລະ­ຫວ່າງ​ພວກ​ເຮົາ​ກັບ​ທ່ານ​ຢູ່​ແລ້ວ !.</p> <p style="text-align: justify; "> ຈ.ມ ທີ່​ຂຽນ​ມາ ຄວນ​ເວົ້າ​ເຖິງ​ທາງ​ອອກ​ໃນ​ທັດ­ສະ­ນະ​ຄວາມ​ຄິດ​ຂອງ​ທ່ານ ເພື່ອ​ພ້ອມ​ກັນ​ຊອກ​ທາງ​ອອກ ! ບໍ່​ຄວນ​ຖື​ວ່າ ຄໍ​ລຳ​ເຮົາ​ເປັນ​ບ່ອນ​ຮອງ​ຮັບ​ອາ­ລົມ​ຂອງ​ທ່ານ... ຕ້ອງ​ມີ​ສະ­ຕິ ແລະ ແນວ​ຄິດ​ສ້າງ­ສັນ ! ຄວນ​ຖອດ​ບົດ­ຮຽນ​ຈາກ​ຄວາມ​ຫຍຸ້ງ​ເຫຍີງ​ຂອງ​ສື່​ມວນ​ຊົນ​ປະ­ເທດ​ທຶນ​ນິ­ຍົມ​ໃກ້​ຄຽງ ທີ່​ສ້າງ​ຂຶ້ນ​ໃນ​ສັງ­ຄົມ ຍ້ອນ​ຄວາມ​ເຫັນ­ແກ່­ຕົວ​ຂອງ​ກຸ່ມ​ຄົນ​ໃດ​ໜຶ່ງ !.</p> <p style="text-align: justify; "> ຄໍ​ລຳ​ຂອງ​ພວກ​ເຮົາ​ເປັນ​ເວ­ທີ​ສ້າງ­ສັນ​ທາງ​ດ້ານ​ຄວາມ​ຄິດ ແລກ­ປ່ຽນ​ບົດ­ຮຽນ​ເພື່ອ​ສ້າງ​ສິ່ງ​ທີ່​ດີ­ງາມ ເປັນ​ແບບ­ຢ່າງ​ໃຫ້​ແກ່​ສັງ­ຄົມ !.</p>

ຂ່າວທີ່ກ່ຽວຂ້ອງ