ຂ່າວຫຼ້າສຸດ

ລັດຖະບານຍີ່ປຸ່ນ ສືບຕໍ່ໃຫ້ທຶນພັດທະນາສຶກສາ

4.406 13 ມີ.ນ. 2012 ສຶກສາ
ລັດຖະບານຍີ່ປຸ່ນ ສືບຕໍ່ໃຫ້ທຶນພັດທະນາສຶກສາ

<p>  </p> <p style="text-align: justify; "> ລັດ­ຖະ­ບານ​ຍີ່­ປຸ່ນ ຖື​ຄວາມ​ສຳ­ຄັນ​ໃນ​ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ໂດຍ​ເນັ້ນ​ໜັກ​ການ​ພັດ­ທະ­ນາ​ຂະ­ແໜງ­ການ​ສຶກ​ສາ​ອັນ​ເປັນ​ພື້ນ­ຖານ ຊຸກ­ຍູ້​ໃຫ້​ແກ່​ຂະ­ແໜງ­ການ​ວຽກ​ງານ​ອື່ນໆ ໃຫ້​ສາ­ມາດ​ພັດ­ທະ­ນາ​ໄປ​ພ້ອມ​ກັນ ຕະ­ຫຼອດ​ໄລ­ຍະ​ຜ່ານ​ມາ ລັດ­ຖະ­ບານ​ຍີ່­ປຸ່ນ ກໍ​ໃຫ້​ທຶນ​ສະ­ໜັບ­ສະ­ໜູນ​ໃນ​ການ​ພັດ­ທະ­ນາ​ວຽກ​ງານ​ການ​ສຶກ​ສາ​ຂອງ ສປປ ລາວ ຫຼາຍ​ດ້ານ ອັນ​ມີ​ມູນ​ຄ່າ​ມະ­ຫາ­ສານ ເປັນ­ຕົ້ນ​ການ​ກໍ່­ສ້າງ​ໂຮງ­ຮຽນ​ປະ­ຖົມ​ສົມ­ບູນ 373 ແຫ່ງ​ໃນ​ທົ່ວ​ປະ­ເທດ ລວມ​ທັງ​ໂຮງ­ຮຽນ​ມັດ­ທະ­ຍົມ​ຕອນ​ຕົ້ນ 49 ແຫ່ງ ເຊິ່ງ​ໄດ້​ສຳ­ເລັດ​ເປັນ​ທີ່​ຮຽບ​ຮ້ອຍ​ແລ້ວ ແລະ ຫຼ້າ​ສຸດ ໃນ​ຕົ້ນ​ປີ 2012 ນີ້​ກໍ​ໄດ້​ມີ​ການ​ເຊັນ​ບົດ​ບັນ­ທຶກ​ຄວາມ​ຊົງ​ຈຳ ລະ­ຫວ່າງ​ລັດ­ຖະ­ບານ​ຍີ່­ປຸ່ນ​ກັບ​ກະ­ຊວງ​ສຶກ​ສາ​ທິ​ການ ໃຫ້­ການ​ຊ່ວຍ­ເຫຼືອ​ສ້າງ​ໂຮງ­ຮຽນ​ມັດ­ທະ­ຍົມ​ຕົ້ນ ເພີ່ມ​ອີກ 3 ແຫ່ງ ລວມ​ມູນ​ຄ່າ 1.522 ລ້ານ​ກ່ວ​າ​ກີບ ປະ­ມານ 191.049 ໂດ​ລາ​ສະ­ຫະ­ລັດ.</p> <p style="text-align: justify; "> ໂອ­ກາດ​ນີ້ ທ່ານ​ນາງ ຈຸນ​ໂກະ ໂຢ​ໂກ​ຕະ ເອກ​ອັກ­ຄະ­ລາ­ຊະ­ທູດ​ຍີ່­ປຸ່ນ ປະ­ຈຳ ສປປ ລາວ ໄດ້​ສະ­ແດງ​ຄຳ​ເຫັນ​ຕອນ​ໜຶ່ງ​ວ່າ: ໂຮງ­ຮຽນ​ມັດ­ທະ­ຍົມ​ຫຼັງ​ໃໝ່​ທັງ 3 ແຫ່ງ ທີ່​ຈະ​ສ້າງ​ຂຶ້ນ​ນີ້ ຍ້ອນ​ວ່າ​ໂຮງ­ຮຽນ​ມັດ­ທະ­ຍົມ​ບ້ານ​ນ້ຳ​ຫ້າ ແລະ ໂຮງ­ຮຽນ​ມັດ­ທະ­ຍົມ​ບ້ານ​ດອນ​ໃໝ່ ຢູ່​ແຂວງ​ຫຼວງ​ນ້ຳ​ທາ ເປັນ​ອາ­ຄານ​ໂຮງ­ຮຽນ​ເກົ່າ​ແກ່​ຫຼາຍ ຫ້ອງ​ຮຽນ​ກໍ​ບໍ່​ພຽງ­ພໍ ເຊັ່ນ​ດຽວ​ກັບ​ໂຮງ­ຮຽນ​ມັດ­ທະ­ຍົມ​ຕົ້ນ​ຢູ່​ບ້ານ​ນາ​ເລົ່າ ແຂວງ​ສະ­ຫວັນ​ນະ​ເຂດ ເຊິ່ງ​ມີ​ລາຍ​ງານ​ວ່າ ອາ­ຄານ​ເກົ່າ​ແກ່​ຫຼາຍ ມີ​ຄວາມ​ຫຍຸ້ງ­ຍາກ​ໄປ​ມາ ໂດຍ​ສະ­ເພາະ​ໃນ​ລະ­ດູ­ຝົນ ດັ່ງ­ນັ້ນ ການ​ກໍ່­ສ້າງ​ອາ­ຄານ​ຮຽນ 3 ຫຼັງ ຈຶ່ງ​ເປັນ​ສິ່ງ​ຈຳ­ເປັນ​ຮີບ​ດ່ວນ ໂຄງ­ການ​ນີ້ ຍັງ​ຈະ​ມອບ​ເຄື່ອງ­ໃຊ້​ອຸ­ປະ­ກອນ​ຈຳ­ເປັນ ໃນ​ດ້ານ​ການ​ສຶກ​ສາ​ຈຳ­ນວນ​ໜຶ່ງ​ໃຫ້​ແກ່​ອາ­ຄານ​ຮຽນ​ຫຼັງ​ໃໝ່ 3 ແຫ່ງ​ອີກ​ນຳ ໂດຍ​ຜ່ານ​ການ​ຊ່ວຍ­ເຫຼືອ​ນີ້ ຈະ​ເປັນ​ການ​ປະ­ກອບ­ສ່ວນ​ເຮັດ​ໃຫ້​ບັນ­ຍາ­ກາດ​ຂອງ​ການ​ຮຽນ ອັດ­ຕາ​ການ​ເຂົ້າ​ໂຮງ­ຮຽນ​ຢູ່ 2 ແຫ່ງ​ນີ້ ຈະ​ໄດ້​ຮັບ​ການ​ປັບ­ປຸງ​ໃຫ້​ດີ​ຂຶ້ນ ແລະ ເຊື່ອ​ວ່າ­ການ​ຍົກ​ຄຸນ​ນະ​ພາບ​ຂອງ​ການ​ສຶກ​ສາ ອັນ​ປະ­ກອບ​ດ້ວຍ 3 ປັດ​ໄຈ​ຄື: ສິ່ງ​ອຳ­ນວຍ​ຄວາມ​ສະ­ດວກ​ຄູ​ຜູ້​ອຸ­ທິດ​ຕົນ ແລະ ຜູ້​ປົກ­ຄອງ​ທີ່​ເຂົ້າ­ໃຈ​ຄວາມ​ສຳ­ຄັນ​ຂອງ​ການ​ສຶກ​ສາ ບວກ​ກັບ​ການ​ສະ­ໜັບ­ສະ­ໜູນ​ຂອງ​ສັງ­ຄົມ ເຊື່ອ​ວ່າ​ໂຮງ­ຮຽນ​ທັງ 3 ແຫ່ງ​ນີ້ ຈະ​ສ້າງ​ຄວາມ​ສະ­ດວກ​ໃຫ້​ແກ່​ການ​ຮ່ຳ­ຮຽນ ແລະ ຈະ​ຖືກ​ນຳ​ໃຊ້​ຢ່າງ​ມີ​ປະ​ສິດ­ທິ​ຜົນ.</p> <p style="text-align: justify; "> ພ້ອມ​ດຽວ​ກັນ ທ່ານ ສໍ​ພິດ ສິດ​ບຸນ​ລັງ ຈາກ​ພະ​ແນກ​ສຶກ​ສາ ແລະ ກີ­ລາ ແຂວງ​ຫຼວງ​ນ້ຳ​ທາ ຕາງ­ໜ້າ​ໃຫ້​ໂຮງ­ຮຽນ 3 ແຫ່ງ​ທີ່​ໄດ້​ຮັບ​ການ​ຊ່ວຍ­ເຫຼືອ​ໃນ​ຄັ້ງ​ນີ້ ກ່າວ​ວ່າ: ພາຍ­ຫຼັງ​ໂຄງ­ການ​ກໍ່­ສ້າງ​ສຳ­ເລັດ ຈະ​ນຳ​ໃຊ້​ໃຫ້​ເກີດ​ປະ­ໂຫຍດ​ສູງ​ສຸດ ໃນ​ນາມ​ຄະ­ນະ​ນຳ​ຈະ​ນຳ­ພາ​ຄະ­ນະ​ພັດ­ທະ­ນາ​ການ​ສຶກ​ສາ​ຂັ້ນ​ບ້ານ ຄະ­ນະ​ອຳ­ນວຍ​ການ​ໂຮງ­ຮຽນ ຄູ-ອາ­ຈານ ປຸກ­ລະ­ດົມ​ນັກ­ຮຽນ​ເຂົ້າ​ມາ​ສຶກ​ສາ​ຮ່ຳ­ຮຽນ​ໃຫ້​ຫຼາຍ​ຂຶ້ນ ຈະ​ປົກ​ປັກ​ຮັກ­ສາ ແລະ ນຳ​ໃຊ້​ອາ­ຄານ​ຮຽນ​ດັ່ງ­ກ່າວ​ໃຫ້​ຄຸ້ມ​ຄ່າ ແລະ ຂໍ​ສະ­ແດງ​ຄວາມ​ຂອບ­ໃຈ​ຕໍ່​ທ່ານ​ທູດ ກໍ​ຄື​ລັດ­ຖະ­ບານ​ຍີ່­ປຸ່ນ ທີ່​ໃຫ້­ການ​ອູ້ມ­ຊູ​ຊ່ວຍ­ເຫຼືອ ພັດ­ທະ­ນາ​ຂະ­ແໜງ­ການ​ສຶກ​ສາ​ຕະ­ຫຼອດ​ມາ ໂດຍ​ສະ­ເພາະ​ໃນ​ສົກ­ຮຽນ 2002-2003ກໍ​ໄດ້​ໃຫ້­ການ​ກໍ່­ສ້າງ​ໂຮງ­ຮຽນ​ປະ­ຖົມ 4ແຫ່ງ ຢູ່​ເມືອງ​ຫຼວງ​ນ້ຳ​ທາ ແລະ ເມືອງ​ລອງ ແຂວງ​ຫຼວງ​ນ້ຳ​ທາ ຫຼ້າ​ສຸດ​ກໍ​ໄດ້​ໂຮງ­ຮຽນ​ມັດ­ທະ­ຍົມ​ຕົ້ນ​ອີກ 2ແຫ່ງ ແລະ ຫວັງ​ຢ່າງ​ຍິ່ງ​ວ່າ ໃນ­ຕໍ່­ໜ້າ​ຄົງ​ຈະ​ໄດ້​ຮັບ​ການ​ສະ­ໜັບ­ສະ­ໜູນ​ຊ່ວຍ­ເຫຼືອ​ອີກ.</p> <p style="text-align: justify; "> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ