ຂ່າວຫຼ້າສຸດ

ສັກສີຂອງຝ່າຍປົກຄອງ

2.023 12 ມີ.ນ. 2012 ນານາສາລະ

<p>  </p> <p style="text-align: justify; "> ຕາມ​ທິດ​ສະ​ດີ​ວ່າ​ດ້ວຍ​ການ​ປົກ­ຄອງ​ແລ້ວ ຝ່າຍ​ປົກ­ຄອງ​ຖື​ເປັນ​ຜູ້​ມີ​ອະ­ພິ­ສິດ​ໃນ​ການ​ບໍ­ລິ­ຫານ​ຈັດ­ການ ເພາະ​ຖືກ​ມອບ​ໝາຍ​ໜ້າ­ທີ່​ຈາກ​ປະ­ຊາ­ຊົນ ໃນ​ຖາ­ນະ​ຕົວ​ແທນ​ປະ­ຊາ­ຊົນ​ຄົນ​ສ່ວນ​ຫຼາຍ ສະ­ນັ້ນ ການ​ບໍ­ລິ­ຫານ​ຈັດ­ການ​ຂອງ​ຝ່າຍ​ປົກ­ຄອງ ຕ້ອງ​ເດັດ­ຂາດ ຖ້າ​ບໍ່​ເດັດ­ຂາດ​ແກ້​ບໍ່​ໄດ້ ເພື່ອ​ຜົນ​ປະ­ໂຫຍດ​ສ່ວນ​ລວມ​ແລ້ວ ກໍ​ສະ­ແດງ​ໃຫ້​ເຫັນ​ເຖິງ​ກຽດ​ສັກ​ສີ​ຂອງ​ຝ່າຍ​ປົກ­ຄອງ.</p> <p style="text-align: justify; "> ຂໍ​ຍົກ​ຕົວ­ຢ່າງ​ການ​ຈັດ​ສັນ​ພື້ນ​ທີ່ ເກີດ​ມີ​ບັນ­ຫາ​ພາ​ໃຫ້­ການ​ສັນ­ຈອນ​ແອ​ອັດ ຕິດ​ຂັດ ເພາະ​ຝ່າຍ​ປົກ­ຄອງ​ອະ­ນຸ­ຍາດ​ໃຫ້​ເກີດ​ມີ​ຕະ­ຫຼາດ​ມໍ່​ກັນ​ໂພດ ຢູ່​ບໍ­ລິ­ເວນ​ບຶງ​ທາດ­ຫຼວງ ຊຶ່ງ​ຜ່ານ​ມາ​ມີ​ຫາງ​ສຽງ​ທັກ​ທ້ວງ​ຫຼາຍ... ດຽວ­ນີ້​ມີ​ເຈົ້າ​ໜ້າ­ທີ່​ມາ​ອຳ­ນວຍ​ຄວາມ​ສະ­ດວກ ແທນ​ທີ່​ຈະ​ໄປ​ເຮັດ​ໜ້າ­ທີ່​ອື່ນ ! ໃນ­ຕໍ່­ໜ້າ​ນີ້ ກໍ​ຈະ​ມີ​ໂຄງ­ການ​ພັດ­ທະ­ນາ​ບຶງ​ທາດ­ຫຼວງ​ອີກ ແນ່­ນອນ​ບໍ­ລິ­ເວນ​ນັ້ນ​ຈະ​ຕິດ​ຂັດ​ຍິ່ງ​ຂຶ້ນ ! ຫາກ​ຝ່າຍ​ປົກ­ຄອງ​ບໍ່​ຕັດ­ສິນ​ໃຈ​ລົບ​ລ້າງ​ຕະ­ຫຼາດ​ໃດ​ໜຶ່ງ​ແມ່ນ​ແກ້​ບໍ່​ຕົກ ! ອັນ​ນີ້​ກໍ​ສະ­ແດງ​ເຖິງ​ຄວາມ​ສາ­ມາດ ແລະ ສັກ​ສີ​ຂອງ​ຝ່າຍ​ປົກ­ຄອງ​ໃນ​ການ​ບໍ­ລິ­ຫານ​ຈັດ­ການ ກໍ­ລະ­ນີ​ໜຶ່ງ​ອີກ​ແມ່ນ​ໃຫ້​ໂຮງ­ຮຽນ​ເອ­ກະ​ຊົນ​ຕັ້ງ​ຂຶ້ນ​ໃນ​ເນື້ອ­ທີ່​ຄັບ­ແຄບ​ບໍ່​ເໝາະ​ສົມ ແຕ່​ມີ​ຫຼາຍ​ຊັ້ນ​ຮຽນ​ທາງ​ຮ່ອມ​ດຽວ​ມີ​ໂຮງ­ຮຽນ​ຕັ້ງ​ສອງ​ແຫ່ງ ແຕ່​ລະ​ແຫ່ງ​ມີ​ແຕ່​ຊັ້ນ​ປະ­ຖົມ​ຈົນ​ຮອດ​ມັດ­ທະ­ຍົມ​ປາຍ ຢູ່​ຮ່ອມ​ນັ້ນ​ພັດ​ມີ​ສຳ­ນັກ­ງານ ອົງ​ການ­ຈັດ­ຕັ້ງ​ຂອງ​ພັກ​ຕັ້ງ​ຢູ່ (ບໍ­ລິ­ເວນ​ບ້ານ​ໜອງ​ບອນ ຖະ­ໜົນ 23 ສິງ­ຫາ) ພາ​ໃຫ້­ການ​ສັນ­ຈອນ​ຫຍຸ້ງ­ຍາກ ໂດຍ​ສະ­ເພາະ​ຊົ່ວ­ໂມງ​ຮີບ​ຮ້ອນ ມີ​ສຽງ​ທັກ​ທ້ວງ​ຈາກ​ຫຼາຍ​ຝ່າຍ ສື່​ມວນ​ຊົນ​ສ່ອງ​ແສງ​ຫຼາຍ​ເທື່ອ ແຕ່​ບັນ­ຫາ​ນີ້​ແກ່­ຍາວ​ມາ​ຫຼາຍ​ປີ ເບິ່ງ​ທ່າ​ທີ​ຝ່າຍ​ເອ­ກະ​ຊົນ ຈະ​ເປັນ​ຜູ້​ຢູ່​ຕໍ່​ໄປ...! ອັນ​ນີ້​ມັນ​ກໍ​ສະ­ແດງ​ເຖິງ​ການ​ບໍ­ລິ­ຫານ​ຈັດ­ການ​ຂອງ​ຝ່າຍ​ປົກ­ຄອງ ສະ­ແດງ​ເຖິງ​ກຽດ​ສັກ​ສີ​ຂອງ​ການ­ຈັດ­ຕັ້ງ​ພັກ ໃນ​ຖາ­ນະ​ຜູ້­ນຳ​ພາ​ລັດ ນຳ­ພາ​ຝ່າຍ​ປົກ­ຄອງ.</p> <p style="text-align: justify; "> ຍົກ​ສອງ​ກໍ­ລະ­ນີ​ນີ້​ຂຶ້ນ​ມາ ກໍ​ເພື່ອ​ຢາກ​ເຕືອນ​ຝ່າຍ​ປົກ­ຄອງ​ໃຫ້​ມີ​ຄວາມ​ເຂັ້ມ​ງວດ​ຕື່ມ ໃນ​ການ​ປະ­ຕິ­ບັດ​ໜ້າ­ທີ່ ເພາະ​ຝ່າຍ​ປົກ­ຄອງ​ເປັນ​ຕົວ​ແທນ​ປະ­ຊາ­ຊົນ ເຮັດ​ວຽກ​ເພື່ອ​ຜົນ​ປະ­ໂຫຍດ​ຂອງ​ປະ­ຊາ­ຊົນ​ສ່ວນ​ຫຼວງ­ຫຼາຍ.</p> <p style="text-align: justify; "> ແນ່­ນອນ​ຫາກ​ເວົ້າ​ໃນ​ການ­ຈັດ­ຕັ້ງ​ປະ­ຕິ­ບັດ​ຕົວ​ຈິງ ຍ່ອມ​ພົບ​ຫຼາຍ​ອຸ­ປະ­ສັກ ບໍ່​ສາ­ມາດ​ແກ້​ໄຂ​ລຸ​ລ່ວງ​ໄປ​ຢ່າງ​ວ່ອງ­ໄວ​ໄດ້ ແຕ່​ການ​ອອກ​ມາ​ໃຫ້​ຂ່າວ​ຕໍ່​ສື່​ມວນ​ຊົນ ເຖິງ​ສາ­ເຫດ​ຂອງ​ການ​ແກ້​ໄຂ​ບັນ­ຫາ​ຈະ​ເປັນ​ການ​ດີ​ທີ່​ສຸດ.</p> <p style="text-align: justify; "> ການ​ທີ່​ຄໍ​ລຳ​ພວກ​ເຮົາ​ສະ­ເໜີ​ບັນ­ຫາ​ນີ້​ມາ ກໍ​ແມ່ນ​ເຮັດ​ໜ້າ­ທີ່​ສ່ອງ​ແສງ​ຄຳ​ເຫັນ​ຂອງ​ເພື່ອນ​ຜູ້​ອ່ານ ກໍ​ຄື​ພໍ່​ແມ່​ປະ­ຊາ­ຊົນ ພະ­ນັກ­ງານ​ທີ່​ພົບ​ຄວາມ​ລຳ­ບາກ​ໃນ​ການ​ສັນ­ຈອນ​ໄປŒມາ​ບໍ­ລິ­ເວນ​ນັ້ນ !.</p> <p style="text-align: justify; "> ແລະ​ອີກ​ປະ­ການ​ໜຶ່ງ​ແມ່ນ​ປະ­ຕິ­ບັດ​ຕາມ​ກົດ­ໝາຍ​ສື່​ມວນ​ຊົນ ໂດຍ​ສະ­ເພາະ​ໃນ​ມາດ­ຕາ 15 ວ່າ​ດ້ວຍ​ສິດ​ເສລີ­ພາບ​ຂອງ​ພົນ­ລະ­ເມືອງ​ລາວ ໃນ​ການ​ປະ­ກອບ​ຄຳ​ຄິດ​ຄຳ​ເຫັນ.</p> <p style="text-align: justify; "> !...ພົນ­ລະ­ເມືອງ​ລາວ ມີ​ສິດ​ເສລີ­ພາບ​ໃນ​ການ​ປະ­ກອບ​ຄຳ​ຄິດ​ຄຳ​ເຫັນ​ຜ່ານ​ສື່​ມວນ​ຊົນ​ກ່ຽວ​ກັບ:</p> <p style="text-align: justify; "> 1. ການ​ສ້າງ ແລະ ຈັດ​ຕັ້ງ​ປະ­ຕິ­ບັດ​ແນວ­ທາງ​ນະ­ໂຍ­ບາຍ​ຂອງ​ພັກ ລະ­ບຽບ​ກົດ­ໝາຍ​ຂອງ​ລັດ ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແລະ ແຜນ​ງົບ­ປະ­ມານ​ແຫ່ງ​ລັດ.</p> <p style="text-align: justify; "> 2. ທັດ­ສະ­ນະ​ຕໍ່​ສະ­ພາບ​ການ​ພາຍ​ໃນ ແລະ ຕ່າງ­ປະ­ເທດ.</p> <p style="text-align: justify; "> 3. ການ​ຕຳ​ນິ­ຕິ​ຊົມ​ແບບ​ສ້າງ­ສັນ​ຕໍ່​ບຸກ­ຄົນ ແລະ ການ­ຈັດ­ຕັ້ງ.</p>

ຂ່າວທີ່ກ່ຽວຂ້ອງ