ບົດບາດຂອງຜູ້ເປັນແມ່...

1.646 07 ມີ.ນ. 2012 ນານາສາລະ

<p>  </p> <p style="text-align: justify; "> ແມ່­ຍິງ​ຕ້ອງ​ມີ​ຈິດ​ສຳ­ນຶກ​ແຫ່ງ​ຄວາມ​ເປັນ​ແມ່­ເຮືອນ ຮ່ວມ​ກັນ​ແກ້​ໄຂ​ບັນ­ຫາ​ພັດ­ທະ­ນາ​ຄອບ­ຄົວ ຄຽງ​ຄູ່​ກັບ​ການ​ເສີມ​ຂະ­ຫຍາຍ​ສິດ​ສະ­ເໝີ­ພາບ ຍິງ-ຊາຍ ຍົກ​ສູງ​ຖາ­ນະ​ບົດ­ບາດ​ຕົວ​ແທນ​ແຫ່ງ​ຄວາມ​ງາມ ເປັນ​ແບບ­ຢ່າງ​ໃນ​ການ​ດຳ­ລົງ​ຊີ­ວິດ​ທີ່​ສົດ­ໃສ ມີ​ຄວາມ​ສະ­ດຸ້ງ​ຕື່ນ​ທີ່​ຕ້ອງ​ຮັບ­ຜິດ­ຊອບ​ໃນ​ຖາ­ນະ​ຜູ້​ເປັນ​ແມ່...</p> <p style="text-align: justify; "> ນັ້ນ​ຄື​ຫົວ­ຂໍ້​ສົນ­ທະ­ນາ​ໃນ​ໂອ­ກາດ​ວັນ​ແມ່­ຍິງ​ສາ­ກົນ ທີ່​ຈະ​ມາ​ເຖິງ​ວ່າ: ຢາກ​ໃຫ້­ການ​ໂຮມ​ຊຸມ­ນຸມ​ຟັງ​ປາ­ຖະ­ກະ­ຖາ ຍົກ​ບັນ­ຫາ​ຂ້າງ​ເທິງ​ມາ​ສົນ­ທະ­ນາ​ໃຫ້​ຫຼາຍ​ຂຶ້ນ ແທນ​ທີ່​ຈະ​ໄປ​ເລົ່າ​ມູນ­ເຊື້ອ​ແຫ່ງ​ຄວາມ​ເປັນ​ມາ​ຂອງ​ປະ­ຫວັດ­ສາດ​ຫຼາຍ​ເກີນ​ໄປ.</p> <p style="text-align: justify; "> <strong>ແນວ​ລາວ </strong>ໄດ້​ຂໍ້​ມູນ​ບໍ່​ຊັດ​ເຈນ​ວ່າ ຄະ­ດີ​ປະ­ກັນ (ຢ່າ​ຮ້າງ) ດຽວ­ນີ້​ແມ່ນ​ຜູ້­ຍິງ​ສະ­ເໜີ​ປະ​ຜົວ​ສູງ​ກ່ວ​າ​ຜູ້​ຊາຍ​ສະ­ເໜີ​ປະ​ເມຍ ແນ່­ນອນ​ມັນ​ກໍ​ມີ​ຫຼາຍ​ສາ­ເຫດ​ນໍ ? ແຕ່​ມັນ​ກໍ​ມີ​ຈຸດ​ໜຶ່ງ​ທີ່​ຕ້ອງ​ໄດ້​ແກ້​ໄຂ ເພາະ​ສະ­ຖິ­ຕິ​ແບບ​ນີ້ ມັນ​ບີບ​ໃຫ້​ໄລ­ຍະ​ຫ່າງ​ຂອງ​ບົດ­ບາດ​ຍິງ-ຊາຍ​ຫຍັບ​ຫ່າງ​ອອກ​ນັບ​ມື້.</p> <p style="text-align: justify; "> ເວົ້າ​ເຖິງ​ບົດ­ບາດ​ຂອງ​ແມ່­ຍິງ ໂດຍ​ສະ­ເພາະ​ການ­ຈັດ­ຕັ້ງ​ແມ່­ຍິງ​ແມ່ນ​ສູງ​ສົ່ງ​ຫຼາຍ ໂດຍ​ສະ­ເພາະ​ການ​ແກ້​ໄຂ​ສິ່ງ​ຫຍໍ້­ທໍ້​ໃນ​ສັງ­ຄົມ ປັດ­ຈຸ­ບັນ ຖ້າ​ແມ່­ຍິງ​ເຂົ້າ​ຮ່ວມ​ແມ່ນ​ໝາຍ​ເຖິງ​ປະ­ສົບ​ຜົນ­ສຳ­ເລັດ​ສູງ.</p> <p style="text-align: justify; "> ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ທ່ານ ສຸ​ກັນ ມະ­ຫາ­ລາດ ໄດ້​ກ່າວ​ໃນ​ໂອ­ກາດ​ເປັນ​ປະ­ທານ​ກອງ​ປະ­ຊຸມ​ພົບ​ປະ​ພະ­ນັກ­ງານ​ຫຼັກ​ແຫຼ່ງ ຂອງ​ສະ­ຫະ­ພັນ​ແມ່­ຍິງ​ນະ­ຄອນ­ຫຼວງ ເມື່ອ​ທ້າຍ​ເດືອນ​ມັງ­ກອນ 2012 ທີ່​ສະ­ໂມ­ສອນ​ໂຮງ­ຮຽນ​ການ­ເມືອງ-ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ​ວ່າ: ການ​ແກ້​ໄຂ​ບັນ­ຫາ​ປະ­ກົດ​ການ​ຫຍໍ້­ທໍ້​ໃຫ້​ໄດ້­ຜົນ ແມ່ນ​ທົ່ວ​ສັງ­ຄົມ​ຕ້ອງ​ມີ​ສ່ວນ​ຮ່ວມ​ຢ່າງ ເປັນ​ເອ­ກະ​ພາບ ໃນ​ນັ້ນ​ມີ​ໜຶ່ງ​ປັດ​ໄຈ​ທີ່​ສຳ­ຄັນ​ຄື: ຄວາມ​ສະ­ດຸ້ງ​ຕື່ນ​ຂອງ​ເອື້ອຍ​ນ້ອງ​ແມ່­ຍິງ ທີ່​ຕ້ອງ​ສະ­ແດງ​ອອກ​ເຖິງ​ຄວາມ​ຮັບ­ຜິດ­ຊອບ​ໃນ​ຖາ­ນະ​ຜູ້​ເປັນ​ແມ່.</p> <p style="text-align: justify; "> ປະ­ກົດ​ການ​ຫຍໍ້­ທໍ້ ແມ່ນ​ສູນ​ລວມ​ຂອງ​ການ­ເຄື່ອນ­ໄຫວ​ທີ່​ນຳ­ໄປ​ສູ່​ບັນ­ຫາ​ທີ່​ພາ­ໃຫ້​ເກີດ​ຄວາມ​ເສຍ​ຫາຍ​ແກ່​ສັງ­ຄົມ ສິ່ງ​ຫຍໍ້­ທໍ້​ມີ​ຫຼາຍ​ຮູບ​ການ ຫຼາຍ​ລະ­ດັບ​ແຕກ​ຕ່າງ​ກັນ​ເຊັ່ນ: ການ​ກໍ​ອາດ­ຊະ­ຍາ​ກຳ ປຸ້ນ​ຈີ້ ຊີງ​ຊັບ ລັກ​ຊັບ ການ​ຄ້າ​ມະ­ນຸດ ຄ້າ­ຂາຍ​ເຖື່ອນ ສໍ້​ລາດ​ບັງ​ຫຼວງ ເສບ ແລະ ຄ້າŒຂາຍ​ຢາ​ເສບ​ຕິດ ແລະ ອື່ນໆ ເຊິ່ງ​ເປັນ​ກະ­ທຳ​ທີ່​ຂັດ​ຕໍ່​ຂໍ້​ກຳ­ນົດ​ກົດ​ລະ­ບຽບ​ກົດ­ໝາຍ​ບ້ານ​ເມືອງ.</p> <p style="text-align: justify; "> ເພື່ອ​ສະ­ກັດ​ກັ້ນŒຕ້ານ ແລະ ແກ້​ໄຂ​ປະ­ກົດ​ການ​ຫຍໍ້­ທໍ້​ເປັນ​ແຕ່​ລະ​ໄລ­ຍະ​ຢ່າງ​ຖືກ­ຕ້ອງ ແລະ ສອດ­ຄ່ອງ​ກັບ​ເງື່ອນ­ໄຂ​ຕົວ​ຈິງ​ຢູ່ ໃນ​ປະ­ເທດ​ເຮົາ ພັກ ແລະ ລັດ­ຖະ­ບານ ອອກ​ຄຳ​ສັ່ງ​ເລກ​ທີ 27/ນຍ ເລັ່ງ​ໃສ່​ແກ້​ໄຂ 6 ສິ່ງ​ຫຍໍ້­ທໍ້ ຄື: ແກ້​ໄຂ​ບັນ­ຫາ​ຢາ​ເສບ​ຕິດ ແກ້​ໄຂ​ບັນ­ຫາ​ອາດ­ຊະ­ຍາ​ກຳ ແກ້​ໄຂ​ບັນ­ຫາ​ມົ້ວ​ສຸມ​ຫຼິ້ນ​ກິນ​ຟຸມ​ເຟືອຍŒ ຝ່າ­ຝືນ​ຮີດ­ຄອງ​ປະ­ເພ­ນີ​ອັນ​ດີ­ງາມ​ຂອງ​ຊາດ ແກ້​ໄຂ​ສະ­ພາບ​ອຸ­ປະ­ຕິ­ເຫດ​ຕາມ​ທ້ອງ​ຖະ­ໜົນ ແກ້​ໄຂ​ບັນ­ຫາ​ສົກ­ກະ­ປົກ​ຮົກ­ເຮື້ອ ແລະ ແກ້​ໄຂ​ບັນ­ຫາ​ຄົນ​ຂໍ­ທານŒບ້າ​ໃບ້​ເສຍ​ຈິດ 6 ບັນ­ຫາ​ທີ່​ກ່າວ​ມາ ມີ​ບາງ​ກໍ­ລະ­ນີ ເຈົ້າ​ໜ້າ­ທີ່​ອາດ​ຈະ​ນຳ​ໃຊ້​ມາດ​ຕະ­ການ​ເຂັ້ມ​ງວດ ເພື່ອ​ຄຸ້ມ​ຄອງŒກວດ­ກາ ແລະ ສະ­ກັດ​ກັ້ນ​ໃຫ້​ທັນ​ເວ­ລາ.</p> <p style="text-align: justify; "> ຢ່າງ­ໃດ​ກໍ​ຕາມ ເພື່ອ​ການ­ຈັດ­ຕັ້ງ​ຜັນ​ຂະ­ຫຍາຍ​ຄຳ​ສັ່ງ​ເລກ​ທີ 27 ຂອງ​ລັດ­ຖະ­ບານ ໃຫ້​ເກີດ​ຜົນ​ຢ່າງ​ເປັນ​ຮູບ​ປະ​ທຳ ທ່ານ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ໄດ້​ຢ້ຳ​ວ່າ: ແມ່­ຍິງ​ຜູ້​ມີ​ຖາ­ນະ​ເປັນ​ແມ່­ເຮືອນ​ທີ່​ດຳ­ລົງ​ຊີ­ວິດ​ຕິດ​ແໜ້ນ​ກັບ​ລູກໆ ຕ້ອງ​ກຳ​ໄດ້​ທຸກໆ​ການ­ເຄື່ອນ­ໄຫວ​ຂອງ​ສະ­ມາ­ຊິກ ລູກ​ຄົນ​ໃດ​ໄປ​ຜິດ​ຫູ​ຜິດ​ຕາ ລູກ​ຄົນ​ໃດ​ພົວ­ພັນ​ເສບ ຫຼື ຄ້າŒຂາຍ​ສິ່ງ​ເສບ​ຕິດ ແມ່​ຄື​ຄົນ​ທີ່​ຮັບ​ຮູ້​ກ່ອນ ຫຼື ຜູ້​ເປັນ​ພໍ່ ລວມ​ທັງ​ອ້າຍ​ເອື້ອຍ​ນ້ອງ​ທີ່​ກ່ຽວ­ຂ້ອງ​ກັບ​ຜູ້​ເປັນ​ແມ່ ໄປ​ກໍ່​ເຫດ​ເຮັດ​ຜິດ​ກົດ­ໝາຍ ເປັນ​ດັ່ງ­ນັ້ນ​ແມ່​ຕ້ອງ​ເຂົ້າ​ມາ​ມີ​ບົດ­ບາດ ຖ້າ​ແມ່​ເຂັ້ມ­ແຂງ ເປັນ­ຕົ້ນ​ແບບ​ປະ​ພືດ​ດີ ຖ້າ​ແມ່​ປະ­ຕິ­ເສດ​ທຸກໆ​ກໍ­ລະ­ນີ​ທີ່​ຄົນ​ໃນ​ຄອບ­ຄົວ​ກ້າວ​ເດີນ​ໃນ​ທ່ວງ​ທ່າ​ຜິດ​ກົດ­ໝາຍ ແມ່​ຕ້ອງ​ເປັນ​ຄົນ​ທຳ​ອິດ​ທີ່​ຈະ​ອອກ​ມາ​ຮັບ­ຜິດ­ຊອບ​ວ່າ​ກ່າວ​ຕັກ­ເຕືອນ ແລະ ນຳ​ເລື່ອງ​ໄປ​ລາຍ​ງານ​ຂໍ​ຄຳ​ປຶກ­ສາ​ອຳ­ນາດ​ການ​ປົກ­ຄອງ​ທີ່​ກ່ຽວ­ຂ້ອງ​ທັນ­ທີ ເພື່ອ​ການ​ປະ­ຕິ­ບັດ​ໜ້າ­ທີ່​ປ້ອງ​ກັນ​ຄວາມ​ສະ­ຫງົບ​ໃນ​ສະ​ຖາ​ບັນ​ຄອບ­ຄົວ ລວມ​ທັງ​ເປັນ​ການ​ມອດ​ໄຟ​ແຕ່​ຫົວ­ລົມ ເພື່ອ​ບໍ່​ໃຫ້​ໄໜ້​ລາມ​ຂະ­ຫຍາຍ​ວົງ​ກ້ວ​າງ.</p> <p style="text-align: justify; "> ທັງ​ໝົດ​ບໍ່​ແມ່ນ​ການ​ໂຍນ​ຄວາມ​ຮັບ­ຜິດ­ຊອບ​ໃຫ້​ແມ່­ຍິງ ແຕ່​ນີ້​ຄື​ສະ­ພາບ​ຄວາມ​ເປັນ​ຈິງ​ທີ່​ແມ່​ປະ­ຕິ­ເສດ​ບໍ່​ໄດ້ ຍ້ອນ​ໜຶ່ງ​ໃນ​ເສົາ­ຄ້ຳ​ຄອບ­ຄົວ ໜ້າ­ທີ່​ຂອງ​ແມ່​ບໍ່​ແມ່ນ​ການ​ຄຸ້ມ​ຄອງ​ເງິນ​ທີ່​ຄົນ​ໃນ​ຄອບ­ຄົວ​ຊອກ​ຫາ​ມາ​ໄດ້​ເທົ່າ​ນັ້ນ ຂໍ​ພຽງ​ໄດ້​ເງິນ ມີ​ເງິນ ໄດ້​ຍົກ​ຖາ­ນະ​ບົດ­ບາດ​ທາງ​ການ​ເງິນ​ໃຫ້​ກັບ​ຄອບ­ຄົວ ແຕ່​ບໍ່​ຄິດ​ເຖິງ​ຜົນ​ເສຍ​ຕໍ່​ສັງ­ຄົມ ຖ້າ​ປ່ອຍ​ໃຫ້​ເປັນ​ດັ່ງ­ນັ້ນ ທຸກໆ​ຄົນ​ໃນ​ຊຸມ​ຊົນ​ກໍ​ຈະ​ປະ​ເຊີນ​ໜ້າ​ກັບ​ບັນ­ຫາ​ສິ່ງ​ຫຍໍ້­ທໍ້​ຢ່າງ​ບໍ່​ມີ​ວັນ​ສິ້ນ​ສຸດ.</p> <p style="text-align: justify; "> ເນື່ອງ​ໃນ​ໂອ­ກາດ​ວັນ​ແມ່­ຍິງ​ສາ­ກົນ ຄໍ​ລຳ​ເຮົາ​ຂໍ​ອວຍ­ພອນ​ໃຫ້​ຜູ້­ຍິງ​ລາວ​ທຸກ​ຄົນ ຈົ່ງ​ມີ​ສຸ­ຂະ­ພາບ​ເຂັ້ມ­ແຂງ ປະ­ສົບ​ຜົນ­ສຳ­ເລັດ​ໃນ​ຊີ­ວິດ​ການ​ງານ.</p>

ຂ່າວທີ່ກ່ຽວຂ້ອງ