2.552 ຄອບຄົວຮ່ວມໂຄງການພັດທະນາກະສິກຳເຂດພູດອຍ

8.374 06 ມີ.ນ. 2012 ຫຼຸດຜ່ອນຄວາມທຸກຍາກ

<p>  </p> <p style="text-align: justify; "> ສະ​ຖາ​ບັນ​ຄົ້ນ​ຄ້ວ​າ​ກະ­ສິ­ກຳ-ປ່າ­ໄມ້​ແຫ່ງ​ຊາດ ຮ່ວມ​ກັບ​ອົງ­ການ​ຊີ​ດາ ປະ­ເທດ​ຊູ​ແອດ ຈັດ​ຕັ້ງ​ປະ­ຕິ­ບັດ​ໂຄງ­ການ​ຄົ້ນ​ຄ້ວ​າ​ກະ­ສິ­ກຳ-ປ່າ­ໄມ້​ເຂດ​ພູ​ດອຍ ພາກ​ເໜືອ​ຂອງ ສປປ ລາວ ໂດຍ​ໂຄງ­ການ​ມີ​ເປົ້າ​ໝາຍ​ເພື່ອ​ຄົ້ນ​ຄ້ວ​າ​ຊອກ​ຫາ​ເຕັກ­ນິກ ແລະ ຮູບ​ແບບ​ການ​ຜະ­ລິດ​ກະ­ສິ­ກຳ-ປ່າ­ໄມ້​ທີ່​ເໝາະ​ສົມ ແນ­ໃສ່​ປັບ­ປຸງ​ຊີ­ວິດ​ການ​ເປັນ​ຢູ່ ແລະ ແກ້​ໄຂ​ຄວາມ­ທຸກ​ຍາກ​ຂອງ​ປະ­ຊາ­ຊົນ​ຢູ່​ເຂດ​ພູ​ດອຍ ຄຽງ​ຄູ່​ກັບ​ການ​ຊອກ​ຄົ້ນ​ຄ້ວ​າ​ວິ­ທີ​ການ​ຄຸ້ມ​ຄອງ​ນຳ​ໃຊ້​ຊັບ­ພະ­ຍາ­ກອນ​ທຳ​ມະ​ຊາດ ໃຫ້​ມີ​ປະ​ສິດ­ທິ​ຜົນ​ສູງ ແລະ ຍືນ​ຍົງ.</p> <p style="text-align: justify; "> ລັກ­ສະ­ນະ​ພິ­ເສດ​ວຽກ​ງານ​ຄົ້ນ​ຄ້ວ​າ​ຂອງ​ໂຄງ­ການ​ດັ່ງ​ກາວ ແມ່ນ​ບໍ່​ໄດ້​ເຮັດ​ການ​ຄົ້ນ​ຄ້ວ​າ​ແບບ​ລົງ​ເລິກ ແຕ່​ເຮັດ​ການ​ຄົ້ນ​ຄ້ວ​າ​ເພື່ອ​ຜັນ​ຂະ­ຫຍາຍ​ການ​ຄົ້ນ​ຄ້ວ​າ​ວິ­ທະ­ຍາ­ສາດŒເຕັກ­ນິກ ແລະ ຮູບ​ແບບ​ການ​ຜະ­ລິດ​ທີ່​ກ້າວ­ໜ້າ ໂດຍ​ນຳ​ເອົາ​ຜົນ​ການ​ຄົ້ນ​ຄ້ວ​າ​ທົດ​ລອງ​ທີ່​ປະ­ສົບ​ຜົນ­ສຳ­ເລັດ​ຢູ່​ບ່ອນ​ອື່ນ​ມາ​ທົດ​ສອບ ຈັດ​ຕັ້ງ​ປະ­ຕິ­ບັດ​ຮ່ວມ​ກັບ​ຄອບ­ຄົວ​ຊາວ​ກະ­ສິ­ກອນ​ໃນ​ເຂດ​ພູ​ດອຍ​ຂອງ​ລາວ ພ້ອມ​ທັງ​ສຶກ​ສາ​ການ​ຍອມ­ຮັບ​ຂອງ​ປະ­ຊາ­ຊົນ​ຕື່ມ​ອີກ ນັບ​ແຕ່​ປີ 2007-2011ໂຄງ­ການ​ໄດ້​ສຳ­ເລັດ​ວຽກ​ງານ​ຄົ້ນ​ຄ້ວ​າ​ທົດ​ລອງ 34ຫົວ­ຂໍ້ ແລະ ຮູບ​ແບບ​ການ​ຜະ­ລິດ​ເຂດ​ພູ​ດອຍ​ທີ່​ນອນ​ຢູ່ 9ຂົງ­ເຂດ​ວິ­ຊາ ຄື: ການ​ປູກ​ເຂົ້າ ການ​ປູກ​ສາ­ລີ ລ້ຽງ­ສັດ ລ້ຽງ​ປາ ປູກ​ຢາງ­ພາ­ລາ ປູກ​ຄັ່ງ ປູກ​ຜັກ ແລະ ໝາກ​ໄມ້ ການ​ຄຸ້ມ​ຄອງ​ທີ່​ດິນ​ກະ­ສິ­ກຳ-ປ່າ­ໄມ້ ແລະ ການ​ຄຸ້ມ​ຄອງ​ເຄື່ອງ​ປ່າ​ຂອງ​ດົງ ນອກ​ນັ້ນ ຍັງ​ໄດ້​ຄົ້ນ​ຄ້ວ​າ ແລະ ທົດ​ສອບ​ກົນ​ໄກ​ການ​ສົ່ງ­ເສີມ​ການ​ຜະ­ລິດ​ກະ­ສິ­ກຳ-ປ່າ­ໄມ້ ກົນ​ໄກ​ສ້າງ­ຕັ້ງ ແລະ ດຳ­ເນີນ​ຂອງ​ກຸ່ມ​ການ​ຜະ­ລິດ​ທີ່​ຕິດ​ພັນ​ກັບ​ການ​ດຳ­ເນີນ​ວຽກ​ງານ​ຂອງ​ສູນ​ເຕັກ­ນິກ​ແບບ​ຍືນ​ຍົງ ເຊິ່ງ​ເຫັນ​ວ່າ ຜ່ານ​ການ​ປະ­ຕິ­ບັດ​ວຽກ​ງານ 5 ປີ ປະ­ຊາ­ຊົນ​ຫຼາຍ​ຄອບ­ຄົວ ໄດ້​ຜັນ​ຂະ­ຫຍາຍ​ບັນ­ດາ​ເຕັກ­ນິກ ແລະ ຮູບ​ແບບ​ການ​ຜະ­ລິດ​ທີ່​ໄດ້​ຮັບ​ຜົນ­ສຳ­ເລັດ ເຂົ້າ​ໃນ​ການ​ຜະ­ລິດ​ຂອງ​ຕົນ​ຢ່າງ​ກ້ວ​າງ​ຂວາງ ຫຼາຍ​ຄອບ­ຄົວ​ສາ­ມາດ​ກຸ້ມ​ຕົນ​ເອງ​ທາງ​ດ້ານ​ສະ­ບຽງ​ອາ­ຫານ ສ້າງ​ລາຍ​ຮັບ​ເສີມ ແລະ ທີ່​ສຳ­ຄັນ​ແມ່ນ​ໄດ້​ປະ­ລະ​ການ​ຖາງ​ປ່າ​ເຮັດ​ໄຮ່​ໃນ​ຂັ້ນ​ພື້ນ­ຖານ ສາ­ມາດ​ສ້າງ​ເປັນ​ຄອບ­ຄົວ​ຕົວ​ແບບ​ດີ­ເດັ່ນ ໂດຍ​ໄດ້​ຮັບ​ການ​ຍ້ອງ­ຍໍ​ຂັ້ນ​ເມືອງ 73 ຄອບ­ຄົວ ທີ່​ພົ້ນ​ເດັ່ນ​ກ່ວ​າ​ໝູ່​ແມ່ນ​ຄອບ­ຄົວ ທ່ານ ຈັນ​ສຸກ ປະ­ຊາ­ຊົນ​ບ້ານ​ໂພນ​ທອງ ເມືອງ​ໂພນ​ໄຊ ແຂວງ​ຫຼວງ​ພະ​ບາງ ທີ່​ເຂົ້າ​ຮ່ວມ​ກຸ່ມ​ປູກ​ຫຍ້າ ລ້ຽງ​ງົວ ເລີ່ມ​ແຕ່​ປີ 2005 ເປັນ­ຕົ້ນ​ມາ ແລະ ໄດ້​ຖືກ​ຄັດ​ເລືອກ​ເປັນ​ນັກ​ພັດ­ທະ­ນາ​ກອນ​ດີ­ເດັ່ນ​ຂອງ​ແຂວງ ທີ່​ມາ​ເຂົ້າ​ຮ່ວມ​ປະ­ກອບ​ຄຳ​ຄິດ​ເຫັນ ແລະ ຖ່າຍ​ທອດ​ປະ­ສົບ​ການ​ຢູ່​ກອງ​ປະ­ຊຸມ​ກໍ່­ສ້າງ​ຮາກ​ຖານ​ການ­ເມືອງ ແລະ ແກ້​ໄຂ​ຄວາມ​ທຸ​ຍາກ ສົກ​ປີ 2006-2010ຈັດ​ຂຶ້ນ​ວັນ​ທີ 28/12/2011ທີ່​ນະ­ຄອນ­ຫຼວງ​ວຽງ​ຈັນ.</p> <p style="text-align: justify; "> ສຳ­ລັບ​ໂຄງ­ການ​ດັ່ງ­ກ່າວ​ແມ່ນ​ຈະ​ສິ້ນ​ສຸດ​ໂຄງ­ການ​ເດືອນ​ກຸມ­ພາ 2012 ນີ້ ຜ່ານ​ການ​ປະ­ຕິ­ບັດ​ງານ 10 ປີ­ຜ່ານ­ມາ ໄດ້​ຈັດ​ຕັ້ງ​ປະ­ຕິ­ບັດ​ຮ່ວມ​ກັບ​ຊາວ​ກະ­ສິ­ກອນ​ຈຳ­ນວນ 2.552 ຄອບ­ຄົວ ໃນ 129 ບ້ານ ແລະ 29 ກຸ່ມ ໃນ 8 ເມືອງ​ທຸກ​ຍາກ​ຂອງ 4 ແຂວງ​ພາກ​ເໜືອ ປະ­ກອບ​ມີ: ເມືອງ​ເມິງ ເມືອງ​ຜາ​ອຸ­ດົມ ແຂວງ​ອຸ­ດົມ​ໄຊ ເມືອງ​ນາ​ແລ ເມືອງ​ວຽງ​ພູ​ຄຳ ແຂວງ​ຫຼວງ​ນ້ຳ​ທາ ເມືອງ​ນາ​ໝໍ້ ເມືອງ​ຮຸນ ແຂວງ​ບໍ່​ແກ້ວ ເມືອງ​ໂພນ​ໄຊ ແລະ ເມືອງ​ໂພນ​ທອງ ແຂວງ​ຫຼວງ​ພະ​ບາງ.</p> <p style="text-align: justify; "> <strong>ໂດຍ: ດາວ​ວອນ</strong></p>

ຂ່າວທີ່ກ່ຽວຂ້ອງ