ຂ່າວຫຼ້າສຸດ

ທສກ ປະຕິບັດນະໂຍບາຍຕໍ່ຜູ້ປະສົບໄພທຳມະຊາດ

7.786 02 ມີ.ນ. 2012 ຫຼຸດຜ່ອນຄວາມທຸກຍາກ

<p>  </p> <p style="text-align: justify; "> ລະ­ດູ­ຝົນ​ປີ 2011 ຜ່ານ​ມາ ທະ­ນາ­ຄານ​ສົ່ງ­ເສີມ​ກະ­ສິ­ກຳ (ທສກ) ໄດ້​ປ່ອຍ​ສິນ​ເຊື່ອ​ຊຸກ­ຍູ້​ການ​ຜະ­ລິດ​ເຂົ້າ­ນາ​ປີ​ຈຳ­ນວນ 90 ຕື້​ກີບ ກວມ​ເອົາ 14 ແຂວງ 53 ເມືອງ 477 ບ້ານ 2.206 ກຸ່ມ 16.100 ຄອບ­ຄົວ ມີ​ເນື້ອ­ທີ່​ທັງ​ໝົດ 33.000 ເຮັກ­ຕາ ປ່ອຍ​ປູກ​ພືດ​ລະ­ດູ­ຝົນ​ຈຳ­ນວນ 30 ຕື້​ກີບ ກວມ​ເອົາ 11 ແຂວງ ມີ 20 ເມືອງ 143 ບ້ານ 611 ກຸ່ມ 4.530 ຄອບ­ຄົວ ມີ​ເນື້ອ­ທີ່ 7.000 ເຮັກ­ຕາ ໃນ​ຂະ­ນະ​ດຽວ​ກັນ ກໍ​ໄດ້​ຮັບ​ຜົນ​ເສຍ​ຫາຍ​ຈາກ​ໄພ​ທຳ​ມະ​ຊາດ​ນ້ຳ​ຖ້ວມ​ຈຳ­ນວນ 49,668 ຕື້​ກີບ.</p> <p style="text-align: justify; "> ທ່ານ ບຸນ​ຍູ້ ເມືອງ​ມະ­ຫາ​ວັງ ຫົວ­ໜ້າ​ພະ​ແນກ​ສິນ​ເຊື່ອ ທະ­ນາ­ຄານ​ສົ່ງ­ເສີມ​ກະ­ສິ­ກຳ ໄດ້​ລາຍ​ງານ​ໃຫ້​ຮູ້​ວ່າ: ຕໍ່​ກັບ​ຊາວ​ກະ­ສິ­ກອນ​ທີ່​ປະ­ສົບ​ໄພ​ທຳ​ມະ​ຊາດ ໄດ້​ຮັບ​ຄວາມ​ເສຍ​ຫາຍ​ຢ່າງ​ໜັກ­ໜ່ວງ​ນັ້ນ ທາງ​ທະ­ນາ­ຄານ ກໍ​ໄດ້​ສົມ­ທົບ​ກັບ​ອຳ­ນາດ​ການ​ປົກ­ຄອງ​ທ້ອງ­ຖິ່ນ ລົງ​ເກັບ​ກຳ​ຂໍ້​ມູນ​ຜົນ​ເສຍ​ຫາຍ​ຕົວ​ຈິງ ພ້ອມ​ທັງ​ປະ­ຕິ­ບັດ​ນະ­ໂຍ­ບາຍ​ຕໍ່​ຜູ້​ໄດ້​ຮັບ​ຄວາມ​ເສຍ​ຫາຍ ດ້ວຍ​ການ​ເລື່ອນ​ໄລ­ຍະ​ເວ­ລາ​ໃນ​ການ​ເກັບ​ຕົ້ນ​ທຶນ ແລະ ດອກ​ເບ້ຍ​ອອກ​ຕື່ມ ເປັນ​ເວ­ລາ 12 ເດືອນ ນອກ​ນີ້ ຍັງ​ໄດ້​ປ່ອຍ​ສິນ​ເຊື່ອ​ງວດ​ໃໝ່ ສຳ­ລັບ​ຜູ້​ທີ່​ຕ້ອງ­ການ ເພື່ອ​ຟື້ນ​ຟູ​ການ​ຜະ­ລິດ​ທີ່​ໄດ້​ຮັບ​ຜົນ​ກະ­ທົບ​ຈາກ​ໄພ​ທຳ​ມະ​ຊາດ.</p> <p style="text-align: justify; "> ສຳ­ລັບ​ລະ­ດູ­ແລ້ງ​ສົກ​ປີ 2011-2012ນີ້ ທະ­ນາ­ຄານ​ສົ່ງ­ເສີມ​ຫະ​ສິ​ກຳ ມີ​ແຜນ​ປ່ອຍ​ສິນ​ເຊື່ອ​ຊຸກ­ຍູ້​ການ​ຜະ­ລິດ​ເຂົ້າ­ນາ­ແຊງ ແລະ ປູກ​ພືດ​ສຳ­ຮອງ​ຕ່າງໆ​ເກືອບ 200ຕື້​ກີບ ໃນ​ນີ້ ວົງ​ເງິນ​ສິນ​ເຊື່ອ​ສຳ­ລັບ​ນາ­ແຊງ​ຈຳ­ນວນ 91ຕື້​ກີບ ຊຶ່ງ​ກວມ​ເອົາ 13ແຂວງ ມີ 52ເມືອງ 341ບ້ານ 1.145ກຸ່ມ 10.244ຄອບ­ຄົວ ມີ​ເນື້ອ­ທີ່ 14.800ເຮັກ­ຕາ ມາ​ຮອດ​ເດືອນ​ກຸມ­ພາ 2012ສາ­ມາດ​ປ່ອຍ​ອອກ​ຕົວ​ຈິງ 69ຕື້​ກີບ ເທົ່າ​ກັບ 76%ຂອງ​ແຜນ­ການ.</p> <p style="text-align: justify; "> ສ່ວນ​ການ​ປູກ​ພືດ​ລະ­ດູ­ແລ້ງ ມີ​ແຜນ​ປ່ອຍ​ສິນ​ເຊື່ອ​ຈຳ­ນວນ 79,6 ຕື້​ກີບ ໂດຍ​ກວມ​ເອົາ 10 ແຂວງ 36 ເມືອງ 200 ບ້ານ 1.063 ກຸ່ມ 10.000 ຄອບ­ຄົວ ມີ​ເນື້ອ­ທີ່ 11.590 ເຮັກ­ຕາ ຊຶ່ງ​ມາ​ຮອດ​ເດືອນ​ກຸມ­ພາ ສາ­ມາດ​ປ່ອຍ​ອອກ​ຕົວ​ຈິງ 68,2 ຕື້​ກີບ ເທົ່າ​ກັບ 85% ຂອງ​ແຜນ­ການ ແຜນ​ປ່ອຍ​ປູກ​ຢາ­ສູບ 20 ຕື້​ກີບ ປະ­ຕິ­ບັດ​ຕົວ​ຈິງ 16,6 ຕື້​ກີບ ເທົ່າ​ກັບ 83% ຊຶ່ງ​ກວມ​ເອົາ​ສອງ​ແຂວງ​ມີ 7 ເມືອງ 44 ບ້ານ 212 ກຸ່ມ 1.900 ຄອບ­ຄົວ ມີ​ເນື້ອ­ທີ່ 2.079 ເຮັກ­ຕາ ປ່ອຍ​ປູກ​ພືດ​ທົດ​ແທນ 3,3 ຕື້​ກີບ ປະ­ຕິ­ບັດ​ຕົວ​ຈິງ 1,740 ຕື້​ກີບ ເທົ່າ​ກັບ 53% ກວມ​ເອົາ 3 ແຂວງ 11 ເມືອງ 12 ບ້ານ 80 ກຸ່ມ 530 ຄອບ­ຄົວ ມີ​ເນື້ອ­ທີ່ 1.200 ເຮັກ­ຕາ ມາ​ຮອດ​ເດືອນ​ກຸມ­ພາ ສາ­ມາດ​ປ່ອຍ​ອອກ​ຕົວ​ຈິງ 128,22 ຕື້​ກີບ ເທົ່າ​ກັບ 80% ຂອງ​ແຜນ­ການ ຄາດ​ວ່າ­ການ​ປ່ອຍ​ສິນ​ເຊື້ອ​ຊຸກ­ຍູ້​ການ​ຜະ­ລິດ​ລະ­ດູ­ແລ້ງ​ຂອງ​ທະ­ນາ­ຄານ​ດັ່ງ­ກ່າວ ຈະ​ໃຫ້​ສຳ­ເລັດ​ໃນ​ຕົ້ນ​ເດືອນ​ມີ­ນາ 2012 ນີ້.</p> <p style="text-align: justify; "> <strong>ໂດຍ: ຄົນ​ເມືອງ​ໃຕ້</strong></p>

ຂ່າວທີ່ກ່ຽວຂ້ອງ