ເປີດບັ້ນລົບລ້າງຄວາມບໍ່ຮູ້ໜັງສືໃຫ້ແກ່ປະຊາຊົນ

3.354 02 ມີ.ນ. 2012 ສຶກສາ

<p>  </p> <p style="text-align: justify; "> ບັ້ນ​ລົບ​ລ້າງ​ຄວາມ​ບໍ່​ຮູ້​ໜັງ­ສື ແລະ ບຳ­ລຸງ​ຈົບ​ຊັ້ນ​ປະ­ຖົມ​ໃຫ້​ແກ່​ປະ­ຊາ­ຊົນ​ຢູ່​ເມືອງ​ໄຊ​ສະ­ຖານ ແຂວງ​ໄຊ​ຍະ​ບູ​ລີ ໄດ້​ມີ​ຂຶ້ນ​ໃນ​ວັນ​ທີ 24 ມັງ­ກອນ 2012 ແລະ ຄາດ​ວ່າ​ຈະ​ໃຫ້​ສຳ­ເລັດ​ໃນ​ຕົ້ນ​ປີ 2013 ທ່ານ ປ່ວນ ແສງ​ວິ­ໄລ ຄະ­ນະ​ປະ­ຈຳ​ພັກ​ເມືອງ ຫົວ­ໜ້າ​ຫ້ອງ­ການ​ສຶກ​ສາ ແລະ ກີ­ລາ ເມືອງ​ໄຊ​ສະ­ຖານ ກ່າວ​ວ່າ: ໄຊ​ສະ­ຖານ​ເປັນ​ເມືອງ​ທີ 11 ຂອງ​ແຂວງ​ໄຊ​ຍະ​ບູ​ລີ ສ້າງ­ຕັ້ງ​ຂຶ້ນ​ໃນ​ປີ 2009 ປະ­ກອບ​ມີ 21 ບ້ານ ມີ​ພົນ­ລະ­ເມືອງ 14.260 ຄົນ ຍິງ 7.194 ຄົນ ແບ່ງ ອອກ​ເປັນ 3 ກຸ່ມ​ບ້ານ​ພັດ­ທະ­ນາ ພົນ­ລະ­ເມືອງ​ສ່ວນ​ຫຼາຍ​ແມ່ນ​ຊົນ­ເຜົ່າ​ໄປຼ ກວມ​ເອົາ 99,4% ເປັນ​ເມືອງ​ພູ​ດອຍ ມີ​ພູ­ຜາ​ສູງ​ຊັນ ປະ­ຊາ­ຊົນ​ຢຶດ​ຖື​ເອົາ​ການ​ເຮັດ​ໄຮ່ ປູກ​ເຂົ້າ ລ້ຽງ­ສັດ ເປັນ​ອາ­ຊີບ​ຕົ້ນ­ຕໍ ປູກ​ຊາ ແລະ ແຂມ ເປັນ​ອາ­ຊີບ​ສຳ­ຮອງ ໄຊ​ສະ­ຖານ​ຍັງ​ເປັນ​ເມືອງ​ທຸກ​ຍາກ ປະ­ຊາ­ຊົນ​ສ່ວນ​ໃຫຍ່​ແມ່ນ​ຍັງ​ກືດ​ໜັງ­ສື ແລະ ບໍ່​ທັນ​ຮຽນ​ຈົບ​ຊັ້ນ​ປະ­ຖົມ ຮ້າຍ​ແຮງ​ໄປ​ກ່ວ​າ​ນັ້ນ ແມ່­ຍິງ​ຍັງ​ບໍ່​ທັນ​ເຂົ້າ­ໃຈ​ພາ­ສາ​ກາງ ແລະ ມີ​ບ້ານ​ທີ່​ບໍ່​ມີ​ທາງ​ລົດ​ໄປ​ຮອດ ຕ້ອງ​ໃຊ້​ເວ­ລາ​ຍ່າງ​ເຖິງ 4-5ຊົ່ວ­ໂມງ.</p> <p style="text-align: justify; "> ສຳ­ລັບ​ການ​ສຶກ​ສາ​ສາຍ​ສາ­ມັນ ປັດ­ຈຸ­ບັນ​ທົ່ວ​ເມືອງ​ມີ​ໂຮງ­ຮຽນ​ອະ­ນຸ­ບານ 6 ແຫ່ງ ມີ​ເດັກ​ເກນ​ອາ­ຍຸ 3-5ປີ ຈຳ­ນວນ 1.366ຄົນ ຍິງ 702ຄົນ ໃນ​ນີ້ ໄດ້​ເຂົ້າ​ໂຮງ­ຮຽນ​ອະ­ນຸ­ບານ ແລະ ຫ້ອງ​ກຽມ​ປະ­ຖົມ 247ຄົນ ຍິງ 112ຄົນ ເທົ່າ​ກັບ 17,43%ໂຮງ­ຮຽນ​ປະ­ຖົມ​ສົມ­ບູນ 21ແຫ່ງ ແລະ ໂຮງ­ຮຽນ​ມູນ 4ແຫ່ງ ເດັກ​ໃນ​ເກນ​ອາ­ຍຸ 6-10ປີ ມີ​ຈຳ­ນວນ 2.146ຄົນ ຍິງ 1.093ຄົນ ໄດ້​ເຂົ້າ​ໂຮງ­ຮຽນ​ຊັ້ນ​ປະ­ຖົມ 2.009ຄົນ ຍິງ 977ຄົນ ເທົ່າ​ກັບ 93,4%ມີ​ນັກ­ຮຽນ​ປະ­ຖົມ​ທັງ​ໝົດ 2.591ຄົນ ຍິງ 1.217ຄົນ ຄູ​ສອນ 80 ຄົນ ຍິງ 29 ຄົນ ຄູ​ອາ­ສາ​ສະ­ໝັກ 7 ຄົນ ຍິງ 2 ຄົນ ໂຮງ­ຮຽນ​ມັດ­ທະ­ຍົມ​ສຶກ​ສາ​ສົມ­ບູນ 1 ແຫ່ງ ໂຮງ­ຮຽນ​ມັດ­ທະ­ຍົມ​ສຶກ​ສາ​ຕອນ​ຕົ້ນ 3 ແຫ່ງ ມີ​ນັກ­ຮຽນ 493 ຄົນ ຄູ​ສອນ 55 ຄົນ ຍິງ 28 ຄົນ ຄູ​ອາ­ສາ​ສະ­ໝັກ 22 ຄົນ ຍິງ 14 ຄົນ.</p> <p style="text-align: justify; "> ຈາກ​ສະ­ພາບ​ທີ່​ຕັ້ງ ແລະ ຈຸດ​ພິ­ເສດ​ຂອງ​ເມືອງ ອີງ­ໃສ່​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ແຂວງ ແຜນ​ພັດ­ທະ­ນາ​ການ​ສຶກ​ສາ 5 ປີ ຄັ້ງ​ທີ 7 (2011-2015) ອີງ​ຕາມ​ນະ­ໂຍ­ບາຍ ແລະ ຍຸດ​ທະ​ສາດ​ທີ່​ກຳ­ນົດ​ໄວ້​ໃນ​ຂອບ​ພັດ­ທະ­ນາ​ຂະ­ແໜງ­ການ​ສຶກ​ສາ ກໍ​ຄື​ແຜນ​ພັດ­ທະ­ນາ​ການ​ສຶກ​ສາ​ເພື່ອ​ທຸກ​ຄົນ ຫ້ອງ­ການ​ສຶກ​ສາ ແລະ ກີ­ລາ​ແຂວງ ຕະ­ຫຼອດ​ຮອດ​ພາກ­ສ່ວນ​ກ່ຽວ­ຂ້ອງ ເພື່ອ​ເປີດ​ບັ້ນ​ລົບ​ລ້າງ​ຄວາມ​ບໍ່​ຮູ້​ໜັງ­ສື ແລະ ບຳ­ລຸງ​ຊັ້ນ​ປະ­ຖົມ​ໃຫ້​ແກ່​ປະ­ຊາ­ຊົນ​ທົ່ວ​ເມືອງ ໂດຍ​ໄດ້​ລະ­ດົມ​ເອົາ​ຄູ​ຈາກ​ເມືອງ​ໄຊ​ຍະ​ບູ​ລີ ເມືອງ​ພຽງ ເມືອງ​ປາກ​ລາຍ ແລະ ເມືອງ​ຫົງ​ສາ ຈຳ­ນວນ 67ຄົນ ໄປ​ປະ­ຈຳ​ຢູ່​ແຕ່​ລະ​ບ້ານ ເພື່ອ​ນຳ­ພາ​ປະ­ຊາ­ຊົນ​ດຳ­ເນີນ​ການ​ຮຽນ-ການ​ສອນ ຕາມ​ຫຼັກ­ສູດ​ຂອງ​ໂຄງ­ການ.</p> <p style="text-align: justify; "> ຕາມ​ຕົວ​ເລກ​ທີ່​ລົງ​ເກັບ​ກຳ​ຂໍ້​ມູນ​ໃນ​ຈຳ­ນວນ​ປະ­ຊາ­ກອນ​ທົ່ວ​ເມືອງ 14.260 ຄົນ ຍິງ 7.194 ຄົນ ເກນ​ອາ­ຍຸ 15-40ປີ ມີ 5.762ຄົນ ຍິງ 3.077ຄົນ ໃນ​ນີ້ ຍັງ​ກືກ​ໜັງ­ສື 2.061ຄົນ ຍິງ 1.223ຄົນ ໝາຍ​ຄວາມ​ວ່າ ໃນ​ຈຳ­ນວນ​ປະ­ຊາ­ກອນ​ທີ່​ກືກ​ໜັງ­ສື ຈະ​ໄດ້​ເຂົ້າ​ຮ່ຳ­ຮຽນ​ເປັນ​ຂະ​ບວນ​ການ​ໃນ​ທົ່ວ​ເມືອງ ແລະ ຈະ​ດຳ­ເນີນ​ໄປ​ຮອດ​ຕົ້ນ​ປີ 2013ຈຶ່ງ​ສຳ­ເລັດ ການ​ເປີດ​ບັ້ນ​ລົບ​ລ້າງ​ຄວາມ​ບໍ່​ຮູ້​ໜັງ­ສື ໃຫ້​ແກ່​ປະ­ຊາ­ຊົນ​ເມືອງ​ໄຊ​ສະ­ຖານ​ຄັ້ງ​ນີ້ ມີ​ຈຸດ­ປະ­ສົງ​ເພື່ອ​ຍົກ​ລະ­ດັບ​ຄວາມ​ຮູ້​ຄວາມ​ສາ­ມາດ ແລະ ພັດ­ທະ­ນາ​ຄຸນ​ນະ​ພາບ​ຊີ­ວິດ​ຂອງ​ປະ­ຊາ­ຊົນ​ໃຫ້​ດີ​ຂຶ້ນ ທັງ​ເປັນ​ການ​ປະ­ກອບ­ສ່ວນ​ເຂົ້າ​ໃນ​ການ​ລຶ­ບລ້າງ​ຄວາມ­ທຸກ​ຍາກ​ອີກ​ດ້ວຍ.</p> <p style="text-align: justify; "> <strong>ໂດຍ: ໜຸ່ມ​ສະ­ຫວັນ</strong></p>

ຂ່າວທີ່ກ່ຽວຂ້ອງ