ຂ່າວຫຼ້າສຸດ

ຢຸດຂະບວນການຊອກຫາວັດຖຸລຶກລັບ

2.337 01 ມີ.ນ. 2012 ນານາສາລະ

<p>  </p> <p style="text-align: justify; "> ມື້­ກ່ອນ​ຂຽນ​ເລື່ອງ: <strong>ຢຸດ​ພຶດ­ຕິ​ກຳ​ຜີ​ເຂົ້າ​ເຈົ້າ​ສູນ </strong>ເພື່ອນ​ຜູ້​ອ່ານ​ສະ­ແດງ​ຄຳ​ເຫັນ​ເຂົ້າ​ມາ​ໃນ​ວັນ​ທີ 27/2/2011 ວ່າ: ເຫັນ​ດີ ເພາະ​ຜົນ​ສະ­ທ້ອນ​ຕໍ່​ສັງ­ຄົມ​ຫຼາຍ​ແທ້ໆ ພ້ອມ​ທັງ​ສ່ອງ​ແສງ​ມາ​ວ່າ ຢາກ​ໃຫ້​ຄຸ້ມ​ຄອງ​ພຶດ­ຕິ​ກຳ​ໜຶ່ງ​ອີກ​ທີ່​ລະ­ບາດ​ແຮງ​ໃນ​ໝູ່​ປະ­ຊາ­ຊົນ ກໍ​ຄື​ຄົນ​ມີ​ບົດ­ບາດ​ໃນ​ສັງ­ຄົມ ເລື່ອງ​ຊອກ​ຫາ​ວັດ­ຖຸ​ມົງ​ຄຸນ​ຕາມ​ຖ້ຳ ຕາມ​ຜູ​ຜາ​ປ່າ­ດົງ ... ຟົດ​ເດືອດ​ທີ່​ສຸດ​ໃນ​ເວ­ລາ​ນີ້​ແມ່ນ​ຢູ່​ພູ­ເຂົາ​ຄວາຍ ນະ­ຄອນ­ຫຼວງ​ວຽງ​ຈັນ​ເຮົາ​ນີ້​ເອງ !.</p> <p style="text-align: justify; "> ແຫຼ່ງ​ຂ່າວ​ບອກ​ວ່າ: ມີ​ເປັນ​ຂະ​ບວນ​ການ​ໃຫຍ່ ເລາະ​ກວດ­ກາ ແລະ ເກັບ​ກຳ​ຂໍ້​ມູນ​ຊັບ​ສິນ​ມີ­ຄ່າ ວັດ­ຖຸ​ມົງ​ຄຸນ ແລ້ວ​ກໍ​ມີ​ພິ­ທີ​ປຸກ​ເສກ​ທາງ​ໃສ​ຍະ​ສາດ ປະ­ຊາ­ຊົນ​ທ້ອງ­ຖິ່ນ​ນັ້ນ​ຂີນ​ຫູ​ຂີນ​ຕາ​ຫຼາຍ ຈຶ່ງ​ຢາກ​ສ່ອງ​ແສງ​ເຖິງ​ການ­ຈັດ­ຕັ້ງ​ໄດ້​ເຂົ້າ​ມາ​ຄຸ້ມ​ຄອງ ແລະ ຊີ້​ທິດ​ແກ້​ໄຂ​ໃຫ້​ການ­ຈັດ­ຕັ້ງ​ຂັ້ນ​ລຸ່ມ​ນຳ​ຈະ​ເປັນ​ການ​ດີ​ທີ່​ສຸດ ວ່າ​ຊັ້ນ !...</p> <p style="text-align: justify; "> ເວົ້າ​ເລື່ອງ​ການ­ເຄື່ອນ­ໄຫວ​ຊອກ​ຄົ້ນ ແລະ ຄ້າ­ຂາຍ​ວັດ­ຖຸ​ມົງ​ຄຸນ​ນີ້ ເປັນ​ຂະ​ບວນ​ການ​ມາ​ຫຼາຍ​ຮ້ອຍ​ຫຼາຍ​ພັນ​ປີ ເປັນ​ປະ­ຫວັດ­ສາດ​ຍາວ​ນານ​ຂອງ​ໂລກ​ມະ­ນຸດ ຍ້ອນ​ຄວາມ​ເຊື່ອ​ຖື​ທີ່​ແຕກ​ຕ່າງ​ກັນ ແຕ່​ຜົນ​ສະ­ຫຼຸບ​ອອກ​ມາ​ແລ້ວ ຜູ້​ປະ­ສົບ​ຜົນ­ສຳ­ເລັດ​ແມ່ນ​ມີ​ໜ້ອຍ​ກ່ວ​າ​ຄຳ​ຊ່າ​ລື ເບິ່ງ​ລະ­ບອບ​ເກົ່າ​ກໍ​ເປັນ​ຂະ​ບວນ​ຊ່າ​ລື​ຂະ­ຫຍາຍ­ຕົວ​ກ້ວ​າງ​ຂວາງ ມີ​ການ​ເຂົ້າ​ຮ່ວມ​ຂອງ​ບຸກ­ຄົນ​ຈາກ​ປະ­ເທດ​ໃກ້​ຄຽງ ແຕ່​ກໍ​ບໍ່​ເຫັນ​ວ່າ​ໃຜ​ບັນ­ລຸ​ຜົນ ມີ​ແຕ່​ຄຳ​ຊ່າ​ລື ເລື່ອງ​ຜູ້​ໄປ​ກໍ່­ກວນ​ເສຍ​ຊີ­ວິດ​ຄົນ​ແລ້ວ​ຄົນ​ເລົ່າ ມາ​ຮອດ​ຍາມ​ນີ້ ກໍ​ມີ​ຂ່າວ​ລື​ທຳ­ນອງ​ດຽວ​ກັນ ບໍ່​ວ່າ​ຜູ້​ປະ­ສົບ​ຜົນ­ສຳ­ເລັດ ກໍ​ຄື​ການ​ເສຍ​ຊີ­ວິດ​ແບບ​ປິດ­ສະ­ໜາ​ຂອງ​ຜູ້​ໄປ​ກໍ່­ກວນ ເຖິງ​ປານ​ນັ້ນ ຂະ​ບວນ​ການ​ອັນ​ນີ້​ຍັງ​ແຜ່​ລາມ​ໂດຍ​ມີ​ຊັ້ນ​ຄົນ​ຕ່າງໆ​ໃນ​ສັງ­ຄົມ​ເຂົ້າ​ຮ່ວມ ເດັ່ນ​ທີ່​ສຸດ​ແມ່ນ​ການ​ຊອກ​ຄົ້ນ​ຫາ​ເຫຼັກ­ໄຫຼ ໄຫ​ເງິນ ໄຫ​ຄຳ ເຫຼົ່າ​ນີ້​ເປັນ­ຕົ້ນ.</p> <p style="text-align: justify; "> ແລ້ວ ! ຈະ​ຢຸດ​ຂະ​ບວນ​ການ​ອັນ​ນີ້​ຢ່າງ­ໃດ ? ກໍ​ຄົງ​ລຳ­ບາກ​ນໍ ? ແນວ​ວ່າ​ພວກ​ນີ້​ເຂົາ​ລີ້​ເຮັດ​ລີ້​ໄປ ມີ​ແຕ່​ອາ­ໄສ​ການ­ຈັດ­ຕັ້ງ​ຂັ້ນ​ບ້ານ ໂດຍ​ສະ­ເພາະ​ແມ່ນ​ນາຍ­ບ້ານ ແລະ ກອງ​ຫຼອນ ເປັນ​ຜູ້​ສິ້ງ​ຊອມ​ດູ​ແລ ເຫັນ​ພຶດ­ຕິ​ກຳ​ສຸ່ມ​ສຽງ​ລະ​ແມ່ນ​ລາຍ​ງານ​ຂັ້ນ​ເທິງ​ຂອງ​ຕົນ ແລະ ສະ­ກັດ​ກັ້ນ​ໃນ​ທັນ­ທີ.</p> <p style="text-align: justify; "> ຂັ້ນ​ເທິງ​ໂດຍ​ສະ­ເພາະ​ແມ່ນ​ຂັ້ນ​ເມືອງ​ຕ້ອງ​ເຂົ້າ​ຮ່ວມ​ການ​ແກ້​ໄຂ​ທັນ­ທີ ເຊັ່ນ​ວ່າ: ກໍ­ລະ­ນີ​ເຄື່ອນ​ໄຫວ​ຢູ່​ພູ­ເຂົາ​ຄວາຍ (ເຂດ​ບ້ານ​ນາ​ຄັນ​ທຸງ) ເມືອງ​ໄຊ​ທາ­ນີ ທາງ​ເມືອງ​ຕ້ອງ​ແຕ່ງ­ຕັ້ງ​ຄະ­ນະ​ສະ­ເພາະ​ກິດ ເຂົ້າ​ຮ່ວມ​ລົງ​ກວດ­ກາ​ທັນ­ທີ​ວ່າ ມັນ​ມີ​ທີ່​ມາ​ທີ່​ໄປ​ແນວ­ໃດ ? ເບື້ອງ​ໜ້າ​ເບື້ອງ​ຫຼັງ​ແນວ­ໃດ ? ຄູ­ບາ​ອາ­ຈານ​ເຂົ້າ​ຮ່ວມ​ມີ​ຫຼື​ບໍ່ ?.</p> <p style="text-align: justify; "> ຫາ​ກວ່າ​ແຕ່​ລະ​ບ້ານ​ແຕ່​ລະ​ເມືອງ​ເຂົ້າ​ຮ່ວມ ແລ້ວ​ຈະ​ເຮັດ​ໃຫ້​ຂະ​ບວນ​ການ​ອັນ​ນີ້​ລ້າ​ຖອຍ​ໄປ ! ຢ່າ​ລືມ​ວ່າ ສິ່ງ​ທີ່​ພວກ​ເຂົາ​ຊອກ​ຫາ​ນັ້ນ​ເປັນ​ຊັບ​ສິນ​ຂອງ​ຊາດ​ຂອງ​ແຜ່ນ­ດິນ​ອັນ​ເປັນ​ໜ້າ­ທີ່​ຂອງ​ຄົນ​ລາວ​ທຸກ​ຄົນ ຕ້ອງ​ໄດ້​ປົກ​ປົກ​ຮັກ­ສາ ແລະ ຫວງ​ແຫນ​ເອົາ​ໄວ້ ! ເພາະ­ວ່າ​ແມ່ນ​ຂອງ​ສ່ວນ​ລວມ ຫາກ​ບຸກ­ຄົນ​ມີ​ຈຸດ­ປະ­ສົງ​ຢາກ​ຄອບ​ຄອງ​ແມ່ນ​ຜິດ ?.</p> <p style="text-align: justify; "> ຢ່າ​ລືມ​ວ່າ​ສາ­ມາດ​ລອດ​ພົ້ນ​ຈາກ​ຊ່ອງ​ຫວ່າງ​ຂອງ​ລະ­ບຽບ​ກົດ­ໝາຍ​ໄດ້ ແຕ່​ການ​ລົງ­ໂທດ​ຈາກ​ສັງ­ຄົມ ແລະ ສິ່ງ​ລຶກ​ລັບ​ຍັງ​ມີ​ໃຫ້​ເຫັນ​ແບບ​ເດັດ­ຂາດ​ຢູ່​ເນີ !.</p>

ຂ່າວທີ່ກ່ຽວຂ້ອງ