ຂ່າວຫຼ້າສຸດ

ປາບພວກມົ້ວສຸມຢາເສບຕິດ

1.780 29 ກ.ພ. 2012 ນານາສາລະ

<p>  </p> <p style="text-align: justify; "> ນັ່ງ​ຮ້ານ​ກາ­ເຟ ວັນ​ເສົາ-ອາ­ທິດ (25-26/2/2012) ຫາງ​ສຽງ​ຊົມ­ເຊີຍ​ເຈົ້າ​ໜ້າ­ທີ່​ຟົດ­ຟື້ນ ໂດຍ​ສະ­ເພາະ​ແມ່ນ​ເຈົ້າ​ໜ້າ­ທີ່​ປາບ​ຢາ​ເສບ​ຕິດ ... ບໍ່​ແມ່ນ​ແຕ່​ພວກ​ມົ້ວ​ສຸມ​ລະ­ດັບ​ໃຫຍ່​ທໍ່​ນັ້ນ ພວກ​ປາຍ​ແຖວ​ກໍ​ຖືກ​ຕິດ­ຕາມ ແລະ ກວດ​ລ້າງ ຄິດ​ວ່າ​ໃນ­ຕໍ່­ໜ້າ ຄວາມ​ສະ­ຫງົບ​ສຸກ​ຄົງ​ເກີດ​ຂຶ້ນ ໂດຍ​ສະ­ເພາະ​ປີ​ນີ້ ເປັນ​ປີ​ທີ່​ລາວ​ເຮົາ​ເປັນ​ເຈົ້າ­ພາບ​ກອງ​ປະ­ຊຸມ​ສາ­ກົນ.</p> <p style="text-align: justify; "> ເວົ້າ​ເລື່ອງ​ການ​ແກ້​ໄຂ​ປະ­ກົດ​ການ​ຫຍໍ້­ທໍ້​ໃນ​ນະ­ຄອນ­ຫຼວງ​ເຮົາ​ນີ້ ກໍ​ມີ​ການ​ແກ້​ມາ​ເລື້ອຍໆ ແຕ່​ຕ້ອງ​ຍອມ­ຮັບ​ວ່າ​ມັນ​ແກ້​ຍາກ​ແທ້ໆ​ເນີ ! ສະ­ນັ້ນ ໝົດ​ທຸກ​ຄົນ​ໃນ​ສັງ­ຄົມ​ຕ້ອງ​ເປັນ​ເຈົ້າ​ການ ລົມ​ກັບ​ໝູ່​ເພື່ອນ​ຫຼາຍ​ຄົນ ກໍ​ມີ​ຫຼາຍ​ຄຳ​ເຫັນ​ແຕກ​ຕ່າງ​ກັນ ແຕ່​ກໍ​ມາ​ຕ້ອມ​ກັນ​ຢູ່​ໃນ​ບັນ­ຫາ​ລຸ່ມ​ນີ້:</p> <p style="text-align: justify; "> 1. ສະ​ຖາ​ບັນ​ຄອບ­ຄົວ​ຕ້ອງ​ເຂັ້ມ­ແຂງ ໂດຍ​ສະ­ເພາະ​ພໍ່ ແລະ ແມ່ ໃນ​ນັ້ນ ຜູ້­ຍິງ​ສຳ­ຄັນ​ທີ່​ສຸດ ເພາະ​ຜູ້­ຍິງ​ລາວ​ມີ​ບົດ­ບາດ​ໃນ​ຄອບ­ຄົວ​ເປັນ​ແມ່ ເປັນ​ຜູ້​ຮັບ­ຜິດ­ຊອບ​ຊີ­ວິດ​ການ​ເປັນ​ຢູ່ ເປັນ​ຜູ້​ເວົ້າ​ຈາ​ສັ່ງ­ສອນ ແນະ­ນຳ ມີ​ເຫດ​ມີ​ຜົນ ຫຼື ເວົ້າ​ແຈ້ງ­ວ່າ ຜູ້­ຍິງ​ລາວ​ເປັນ​ຜູ້​ມີ​ອິດ​ທິ​ພົນ​ທີ່​ສຸດ​ໃນ​ຄອບ­ຄົວ.</p> <p style="text-align: justify; "> 2. ການ­ຈັດ­ຕັ້ງ​ຂັ້ນ​ບ້ານ​ຕ້ອງ​ເດັດ­ຂາດ ບໍ່​ໄວ້­ໜ້າ​ຜູ້​ໃດ ຫາກ​ມີ​ການ​ກະ­ທຳ​ຜິດ​ລະ­ບຽບ​ກົດ­ໝາຍ ... ໃນ­ຕໍ່­ໜ້າ​ຄວນ​ພິ­ຈາ­ລະ­ນາ​ວ່າ ຄວນ​ມີ​ນາຍ­ບ້ານ​ອາ­ຊີບ​ຈາກ​ການ​ເລືອກ​ຕັ້ງ ຫຼື ແຕ່ງ­ຕັ້ງ.</p> <p style="text-align: justify; "> 3. ຊຸກ­ຍູ້​ໃຫ້​ແຕ່​ລະ​ໜ່ວຍ​ພາຍ​ໃນ​ບ້ານ ໃຫ້​ມີ​ການ­ເຄື່ອນ­ໄຫວ ສຳ​ຫຼວດ​ກວດ­ກາ ແລະ ຕິດ­ຕາມ​ການ­ເຄື່ອນ­ໄຫວ​ໃນ​ແຕ່​ລະ​ຄອບ­ຄົວ ທີ່​ເປັນ​ສະ­ມາ­ຊິກ​ຂອງ​ຕົນ.</p> <p style="text-align: justify; "> 4. ກອງ​ຫຼອນ ຫຼື ປກສ ປະ­ຈຳ​ກຸ່ມ​ບ້ານ​ຕ້ອງ​ເຂັ້ມ­ແຂງ ຕີ​ຕ້ານ​ອຳ­ນາດ​ທາງ​ການ​ເງິນ​ທີ່​ເຂົ້າ​ມາ​ຍຸ​ແຍ່​ຫວັງ​ທຳ­ລາຍ.</p> <p style="text-align: justify; "> 5. ການ­ຈັດ­ຕັ້ງ​ຂັ້ນ​ເມືອງ​ຕ້ອງ​ເດັດ­ຂາດ ລົງ​ກວດ­ກາ ແລະ ຊຸກ­ຍູ້​ການ​ແກ້​ໄຂ​ປະ­ກົດ​ການ​ຫຍໍ້­ທໍ້​ໃນ​ຂອບ​ເຂດ​ເມືອງ​ຂອງ​ຕົນ.</p> <p style="text-align: justify; "> ເພິ່ນ​ວ່າ​ຫາກ​ປະ­ຕິ­ບັດ​ໄດ້​ຕາມ 5 ຂໍ້​ຂ້າງ​ເທິງ​ນັ້ນ ຈະ​ເຮັດ​ໃຫ້​ປະ­ກົດ​ການ​ຫຍໍ້­ທໍ້​ຫຼຸດ​ລົງ ... ໄປ​ພ້ອມ​ກັນ​ນັ້ນ ເພິ່ນ​ກໍ​ມີ​ບາງ​ຄຳ​ເຫັນ​ຝາກ​ມາ​ເບື້ອງ​ສື່​ມວນ​ຊົນ​ພວກ​ເຮົາ​ວ່າ: ຢາກ​ໃຫ້​ພິ­ຈາ­ລະ­ນາ​ຄືນ ການ​ລົງ​ໂຄ­ສະ­ນາ​ສິນ­ຄ້າ​ຕ່າງໆ ເພາະ​ມັນ​ຫຼໍ່​ແຫຼມ ສ້າງ​ໃຫ້​ສັງ­ຄົມ​ມີ­ຄ່າ​ນິ­ຍົມ​ນຳ​ວັດ­ຖຸ​ຈົນ​ເກີນ​ໄປ ວ່າ​ຊັ້ນ !.</p> <p style="text-align: justify; "> ໃນ​ຖາ­ນະ​ຜູ້​ຮັບ­ຜິດ­ຊອບ​ຄໍ​ລຳ <strong>ແນວ​ລາວ </strong>ກໍ​ຂໍ​ຕາງ­ໜ້າ​ສື່​ມວນ​ຊົນ ຮັບ​ເອົາ​ຄຳ​ຕຳ​ນິ​ດັ່ງ­ກ່າວ.</p> <p style="text-align: justify; "> ປີ­ຜ່ານ­ມາ (2011) ອີງ​ຕາມ​ບົດ​ສະ­ຫຼຸບ​ຈາກ​ກະ­ຊວງ​ປ້ອງ​ກັນ​ຄວາມ​ສະ­ຫງົບ ມີ​ຄະ­ດີ​ເກີດ​ຂຶ້ນ​ໃນ​ນະ­ຄອນ­ຫຼວງ​ວຽງ​ຈັນ​ທັງ​ໝົດ 2.558 ລາຍ ໃນ​ນັ້ນ ຄະ­ດີ​ອຸ­ປະ­ຕິ­ເຫດ​ເປັນ​ອັນ​ດັບ​ໜຶ່ງ​ຂອງ​ປະ­ເທດ ຄື​ມີ 2.063 ລາຍ.</p> <p style="text-align: justify; "> ປະ­ກົດ​ການ​ຫຍໍ້­ທໍ້​ໃນ​ສັງ­ຄົມ​ທີ່​ພົ້ນ​ເດັນ ກໍ​ແມ່ນ​ບັນ­ດາ​ຢາ​ເສບ​ຕິດ​ທີ່​ມີ​ທ່າ​ແຜ່​ຂະ­ຫຍາຍ​ການ​ກໍ່​ອາດ­ຊະ­ຍາ​ກຳ ການ​ປຸ້ນ​ຈີ້​ຊີງ​ຊັບ ການ​ຄ້າ­ຂາຍ​ເຖື່ອນ ການ​ຄ້າ​ມະ­ນຸດ ການ​ຄ້າ​ໂສ­ເພ­ນີ ຄ້າ­ຂາຍ​ໄມ້​ຫວງ​ຫ້າມ ການ​ມົ້ວ​ສຸມ​ຂອງ​ໄວ​ໜຸ່ມ ບັນ­ຫາ​ແຮງ​ງານ​ຊາວ​ຕ່າງ­ປະ­ເທດ ເຂົ້າ​ມາ​ເຄື່ອນ​ໄຫວ​ບໍ່​ຖືກ­ຕ້ອງ ການ​ສໍ້​ລາດ​ບັງ​ຫຼວງ ແລະ ອຸ­ບັດ­ເຫດ​ເທິງ​ຖະ­ໜົນ​ເປັນ­ຕົ້ນ ສາ­ເຫດ​ທີ່​ພາ­ໃຫ້​ເກີດ​ປະ­ກົດ​ການ​ຫຍໍ້­ທໍ້​ດັ່ງ­ກ່າວ ມີ​ທັງ​ໃນ​ຕົວ ແລະ ນອກ​ຕົວ ແຕ່​ສາ­ເຫດ​ສຳ­ຄັນ​ຕົ້ນ­ຕໍ​ແມ່ນ​ຍ້ອນ​ຄວາມ​ຮັບ­ຜິດ­ຊອບ​ທາງ​ການ­ເມືອງ​ຂອງ​ພະ­ນັກ­ງານ ທະ­ຫານ ຕຳ­ຫຼວດ ແລະ ປະ­ຊາ­ຊົນ​ພວກ​ເຮົາ​ບໍ່​ທັນ​ສູງ​ເທົ່າ​ທີ່​ຄວນ ການ​ຄຸ້ມ​ຄອງ​ລັດ ຄຸ້ມ​ຄອງ​ສັງ­ຄົມ ກໍ​ຄື​ການ​ປະ­ຕິ­ບັດ​ລະ­ບຽບ​ກົດ­ໝາຍ​ຍັງ​ບໍ່​ທັນ​ເຂັ້ມ​ງວດ ແລະ ມີ​ຜົນ​ສັກ­ສິດ ເວົ້າ​ໃຫ້​ເຂົ້າ­ໃຈ​ງ່າຍ​ແມ່ນ​ຍັງ​ລະ​ເຫຼີງ ບໍ່​ເອົາ­ໃຈ­ໃສ່​ແກ້​ໄຂ​ປະ­ກົດ​ການ​ຫຍໍ້­ທໍ້​ຢ່າງ​ຈິງ​ຈັງ ຊ້ຳ​ຮ້າຍ​ກ່ວ​າ​ນັ້ນ​ມີ​ບາງ​ບຸກ­ຄົນ​ຈຳ­ນວນ​ໜ້ອຍ ຍັງ​ຮ່ວມ​ໃນ​ປະ­ກົດ​ການ​ຫຍໍ້­ທໍ້​ອີກ​ຊ້ຳ ໂດຍ​ສະ­ເພາະ​ກໍ​ແມ່ນ​ການ​ມົ້ວ​ສຸມ​ໂສ­ເພ­ນີ ການ​ຄ້າ​ໄມ້​ຫວງ​ຫ້າມ ແລະ ການ​ສໍ້​ລາດ​ບັງ​ຫຼວງ ດັ່ງ​ຄຳ​ເວົ້າ​ທີ່​ວ່າ: <strong>ໄກ່​ເຫັນ​ຕີນ​ງູໆ​ເຫັນ​ນົມ​ໄກ່.</strong></p>

ຂ່າວທີ່ກ່ຽວຂ້ອງ