ດ້ວຍແຮງບັນດານໃຈ

3.198 27 ກ.ພ. 2012 ສຶກສາ

<p>  </p> <p style="text-align: justify; "> ສະ­ພາບ​ແວດ​ລ້ອມ​ອ້ອມ​ຂ້າງ ເປັນ​ສ່ວນ​ໜຶ່ງ​ໃນ​ການ​ຕັດ­ສິນ​ພຶດ­ຕິ​ກຳ​ຂອງ​ຄົນ​ເຮົາ ການ​ສຶກ​ສາ​ຮຽນ​ຮູ້​ຊຶມ​ຊັບ​ກາຍ­ເປັນ​ແຮງ​ຈູງ​ໃຈ​ບາງ​ຢ່າງ ໃນ​ການ​ນຳ​ສູ່​ຄວາມ​ຕ້ອງ­ການ​ປາ­ຖະ­ໜາ​ໃນ​ສິ່ງ​ນັ້ນໆ ເຊິ່ງ​ມັນ​ກໍ​ຂຶ້ນ​ຢູ່​ກັບ​ຕົວ​ຂອງ​ບຸກ­ຄົນ ໃນ​ການ​ຈະ​ຄັດ​ຈ້ອນ​ໄຈ້​ແຍກ​ບັນ­ຫາ​ໃນ​ການ​ເລືອກ​ເວັ້ນ​ສັນ​ຫາ ເພື່ອ​ນຳ​ມາ​ຈັດ​ຕັ້ງ​ປະ­ຕິ­ບັດ ປັບ­ປຸງ​ແກ້​ໄຂ ໃຫ້​ແທດ­ເໝາະ​ກັບ​ຄວາມ​ຮູ້​ຄວາມ​ສາ­ມາດ ແລະ ເງື່ອນ­ໄຂ​ທີ່​ເອື້ອ​ອຳ­ນວຍ.</p> <p style="text-align: justify; "> ນາງ ກ້ວຍ ແສງ​ວິ­ໄລ ສາວ​ນ້ອຍ​ຈາກ​ດິນ­ແດນ​ເມືອງ​ຄຳ​ເກີດ ແຂວງ​ບໍ​ລິ​ຄຳ​ໄຊ ຜູ້​ມີ​ຈິດ­ໃຈ​ຮັກ​ອາ­ຊີບ​ຄູ​ມາ​ແຕ່​ຍັງ​ນ້ອຍ ໄດ້​ກ່າວ​ວ່າ: ຈາກ​ເງື່ອນ­ໄຂ​ສະ­ພາບ​ແວດ​ລ້ອມ​ທີ່​ອົບ​ອຸ່ນ​ໄປ​ດ້ວຍ​ສາຍ­ເລືອດ​ຄູ ເພາະ​ບຸກ­ຄົນ ເອື້ອຍ ອ້າຍ ຍາດ​ພີ່­ນ້ອງ​ສ່ວນ​ຫຼາຍ ແມ່ນ​ເຮັດ​ໜ້າ­ທີ່​ເປັນ​ແມ່­ພິມ​ຂອງ​ຊາດ ພໍ​ແຕ່​ຈຳ​ຄວາມ​ໄດ້​ກໍ​ເຫັນ​ພວກ​ເພິ່ນ​ເຫຼົ່າ­ນັ້ນ​ປະ­ຕິ­ບັດ​ໜ້າ­ທີ່​ເປັນ​ຄູ ເຊິ່ງ​ສະ­ແດງ​ໃຫ້​ເຫັນ​ພາ­ລະ​ບົດ­ບາດ​ອັນ​ມີ​ກຽດ ມີ​ຈິດ­ໃຈ​ຮັກ​ອາ­ຊີບ​ແພງ​ເດັກ​ໂດຍ​ແທ້ ຈິ່ງ​ບໍ່​ຄອນ​ແຄນ ມີ​ແນວ​ຄິດ​ຫຼັກ​ໝັ້ນ ຊື່­ສັດ​ຕໍ່​ອາ­ຊີບ ສະ­ແດງ​ອອກ​ໃນ​ການ​ປະ­ຕິ­ບັດ​ໜ້າ­ທີ່​ວິ­ຊາ​ສະ­ເພາະ ເປັນ​ແບບ­ຢ່າງ​ທັງ​ໃນ​ໂຮງ­ຮຽນ ແລະ ຄອບ­ຄົວ ສັງ­ຄົມ ຈັດ​ຢູ່​ໃນ​ປະ­ເພດ​ທີ່​ວ່າ <strong>ວຽກ​ຫຼວງ​ບໍ່​ໃຫ້​ຂາດ ວຽກ​ລາດ​ບໍ່​ໃຫ້​ເສຍ.</strong></p> <p style="text-align: justify; "> ເມື່ອ​ຊີ­ວິດ​ຕ້ອງ​ຕິດ​ພັນ​ກັບ​ບັນ­ດາ​ທ່ານ​ເຫຼົ່າ­ນັ້ນ​ມາ​ແຕ່​ຍັງ​ເຍົາ​ໄວ ເລີຍ​ສ້າງ​ເງື່ອນ­ໄຂ​ພື້ນ­ຖານ​ຕົ້ນ­ຕໍ​ເປັນ​ແຮງ​ບັນ­ດາ​ໃຈ ຮັກ​ມັກ​ອາ­ຊີບ​ຄູ​ມາ​ແຕ່​ເຍົາ​ໄວ ພໍ​ຮຽນ​ຈົບ​ຈາກ​ມັດ­ທະ­ຍົມ​ສຶກ​ສາ​ສົມ­ບູນ ນະ­ຄອນ​ໄຊ ເມືອງ​ຄຳ​ເກີດ ແຂວງ​ບໍ​ລິ​ຄຳ​ໄຊ ກໍ​ສະ­ໝັກ​ເຂົ້າ​ມາ​ສຶກ​ສາ​ຕໍ່​ທີ່​ວິ­ທະ­ຍາ­ໄລ​ຄູ​ດົງ​ຄຳ​ຊ້າງ ດ້ວຍ​ຈິດ­ໃຈ​ໄຝ່​ຝັນ​ຢາກ​ເປັນ​ຄູ​ໃນ​ອະ­ນາ­ຄົດ.</p> <p style="text-align: justify; "> ປັດ­ຈຸ­ບັນ ກຳ­ລັງ​ສຶກ​ສາ​ຢູ່​ປີ​ທີ 1 ຂະ­ແໜງ​ພາ­ສາ​ລາວ ວັນ­ນະ­ຄະ­ດີ ເຫດ­ຜົນ​ທີ່​ເລືອກ​ຮຽນ​ວິ­ຊາ​ນີ້ ຍ້ອນ​ໃຈ​ມັກ ທັງ​ຈະ​ໄດ້​ໃຊ້​ຄວາມ​ຮູ້ ບວກ​ກັບ​ພອນ​ສະ­ຫວັນ ທີ່​ມີ​ປະ­ສົມ​ປະ­ສານ ຊຶ່ງ​ຈະ​ຊ່ວຍ​ເຮັດ​ໃຫ້­ການ​ສຶກ​ສາ​ຄົ້ນ​ຄ້ວ​າ​ງ່າຍ​ຂຶ້ນ ທັງ​ຈະ​ສາ­ມາດ​ຊຶມ​ຊັບ​ຮັບ​ເອົາ​ຄວາມ​ຮູ້​ໃໝ່​ທີ່​ເຂົ້າ​ມາ​ໄດ້​ໄວ​ກ່ວ​າ ພ້ອມ​ດຽວ​ກັນ ກໍ​ຈະ​ສາ­ມາດ​ຖ່າຍ​ທອດ​ຄວາມ​ຮູ້​ທີ່​ໄດ້​ມາ​ໃຫ້​ແກ່​ລູກ­ສິດ​ຂອງ​ຕົນ​ຢ່າງ​ມີ​ຄວາມ​ປະ­ດິດ​ສ້າງ ເວົ້າ​ເຖິງ​ບັນ­ຫາ​ທາງ​ດ້ານ​ພາກ​ທິດ​ສະ​ດີ ແລະ ການ​ປະ­ຕິ­ບັດ​ຕົວ​ຈິງ​ໄປ​ພ້ອມໆ​ກັນ ສຳ­ລັບ​ສ່ວນ​ຕົວ​ແລ້ວ ກໍ​ເປັນ​ຜູ້​ໜຶ່ງ​ທີ່​ເອົາ­ໃຈ­ໃສ່​ຮັກ­ສາ​ອະ­ນຸ​ຮັກ ສິ­ລະ​ປະ​ວັດ­ທະ­ນະ­ທຳ​ຂອງ​ຊາດ​ມາ​ແຕ່​ນ້ອຍ ເມື່ອ​ໄດ້​ມາ​ຮຽນ​ຕົວ​ຈິງ ກໍ​ຍິ່ງ​ເຮັດ​ໃຫ້​ເຂົ້າ​ເຖິງ​ບັນ­ຫາ​ໄດ້​ໄວ ສາ­ມາດ​ປັບ­ປຸງ​ແກ້​ໄຂ​ໃຫ້​ແທດ­ເໝາະ​ກັບ​ການ​ພັດ­ທະ­ນາ​ເສດ­ຖະ­ກິດŒສັງ­ຄົມ​ໃນ​ປັດ­ຈຸ­ບັນ.</p> <p style="text-align: justify; "> ເມື່ອ​ຮຽນ​ຈົບ​ແລ້ວ ກໍ​ຈະ​ນຳ​ເອົາ​ຄວາມ​ຮູ້​ທີ່​ໄດ້​ສຶກ​ສາ​ຮ່ຳ­ຮຽນ​ມາ ໄປ​ຖ່າຍ​ທອດ​ໃຫ້​ແກ່​ຄົນ​ລຸ້ນ​ຫຼັງ ໄດ້​ສືບ­ຕໍ່​ມູນ​ມໍ­ລະ­ດົກ​ອັນ​ລ້ຳ​ຄ່າ​ຂອງ​ຊາດ ນັ້ນ​ຄື ສິ­ລະ​ປະ​ວັດ­ທະ­ນະ­ທຳ ພາ­ສາ​ລາວ ວັດ­ທະ­ນະ­ທຳ​ລາວ ທີ່​ເປັນ​ເອ­ກະ­ລັກ​ອັນ​ໂດດ​ເດັ່ນ ບໍ່​ຄື​ຊາດ​ໃດ​ໃນ​ໂລກ.</p> <p style="text-align: justify; "> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ