ຢຸດພຶດຕິກຳ “ຜີເຂົ້າເຈົ້າສູນ”

1.824 27 ກ.ພ. 2012 ນານາສາລະ

<p>  </p> <p style="text-align: justify; "> ຫາງ​ສຽງ​ຢາກ​ໃຫ້​ຢຸດ​ພຶດ­ຕິ​ກຳ “ຜີ​ເຂົ້າ​ເຈົ້າ​ສູນ” ຫຼື​ວ່າ​ນາງ​ທຽມ ທີ່​ພວມ​ໂປ­ໂລ​ອອກ​ມາ​ຢູ່​ນະ­ຄອນ­ຫຼວງ​ວຽງ​ຈັນ​ເຮົາ​ນີ້ ຕັ້ງ​ເປັນ​ບັນ­ຫາ​ວ່າ: ຄວນ​ຈະ​ເດັດ­ຂາດ ບໍ່​ຄວນ​ປ່ອຍ​ໃຫ້​ແກ່­ຍາວ ເພາະ​ມັນ​ສ້າງ​ຜົນ​ສະ­ທ້ອນ​ຫຼາຍ​ຢ່າງ​ໃຫ້​ແກ່​ການ­ເຄື່ອນ­ໄຫວ​ຂອງ​ຊີ­ວິດ​ສັງ­ຄົມ.</p> <p style="text-align: justify; "> ສື່​ມວນ​ຊົນ​ພວກ​ເຮົາ​ໄດ້​ສ່ອງ​ແສງ​ບັນ­ຫາ​ນີ້​ມາ​ຫຼາຍ​ສົມ­ຄວນ ເພາະ​ເຫັນ​ວ່າ​ຂະ​ບວນ​ການ​ອັນ​ນີ້​ມັນ​ເປັນ​ເລື່ອງ​ເບື່ອ​ເມົາ​ສັງ­ຄົມ ສ້າງ​ຄວາມ​ເຊື່ອ​ຖື​ແບບ​ງົມ­ງວາຍ ຂາດ​ຫຼັກ​ວິ­ທະ­ຍາ­ສາດ.</p> <p style="text-align: justify; "> ພວກ​ນີ້​ມີ​ການ­ຈັດ­ຕັ້ງ​ຄັກ­ແນ່​ເນີ ! ຄັນ​ແມ່ນ​ເຮົາ​ເຮັ່ງ​ຮີບ​ລະ​ແມ່ນ​ເປັນ​ຫາງ​ສຽງ​ໂລດ ເພາະ​ເຂົາ​ວ່າ​ການ­ຈັດ­ຕັ້ງ ໄປ​ລະ­ເມີດ​ສິດ​ໃນ​ການ​ເຊື່ອ​ຖື​ຂອງ​ເຂົາ ບໍ່​ທໍ່​ນັ້ນ ເຂົາ​ຍັງ​ມີ​ກຳ­ລັງ​ແຮງ ຍ້ອນ​ວ່າ​ເຂົາ​ສາ­ມາດ​ແກ່​ດຶງ​ຜູ້​ຄົນ​ຫຼາຍ​ຊັ້ນ​ຄົນ​ໃນ​ສັງ­ຄົມ ເຂົ້າ​ຮ່ວມ​ສ້າງ​ໃຫ້​ເປັນ​ຄັນ­ຮົ່ມ​ປົກ​ປ້ອງ.</p> <p style="text-align: justify; "> ດຽວ­ນີ້ ອຳ­ນາດ​ການ​ປົກ­ຄອງ​ຂັ້ນ​ພື້ນ­ຖານ ໂດຍ​ສະ­ເພາະ ນາຍ­ບ້ານ ກອງ​ກໍ່­ສ້າງ​ຮາກ​ຖານ​ການ­ເມືອງ ຕ້ອງ​ເປັນ​ເຈົ້າ​ການ​ແທ້ໆ ມັນ​ຈຶ່ງ​ຈະ​ສາ­ມາດ​ຢຸດ​ພຶດ­ຕິ​ກຳ​ຄື​ຂ້າງ​ເທິງ​ໄດ້ ສຳ­ຄັນ​ລະ​ແມ່ນ​ຕ້ອງ​ຕັດ​ໄຟ​ແຕ່​ຕົ້ນ​ລົມ ເພາະ​ປະ​ໃຫ້​ແກ່­ຍາວ ແລະ ໃຫຍ່​ໂຕ​ເປັນ​ຂະ​ບວນ​ການ​ແລ້ວ​ມັກ​ແກ້​ຍາກ.</p> <p style="text-align: justify; "> ສຳ­ລັບ​ບ່ອນ​ທີ່​ມີ​ຂະ​ບວນ​ການ​ແລ້ວ ກໍ​ຕ້ອງ​ລາຍ​ງານ​ຂັ້ນ​ເທິງ​ຖັດ​ຕົນ​ຮັບ​ຊາບ ແລະ ຂໍ​ທິດ​ຊີ້​ນຳ​ເພື່ອ​ແກ້​ໄຂ​ບັນ­ຫາ.</p> <p style="text-align: justify; "> ອຳ­ນາດ​ການ​ປົກ­ຄອງ​ພື້ນ­ຖານ ຕ້ອງ​ໄດ້​ໃຊ້​ວິ­ທີ​ເຂົ້າ​ໄປ​ສືບ​ຮູ້​ພຶດ­ຕິ​ກຳ​ດັ່ງ­ກ່າວ ແລ້ວ​ມາ​ຕັ້ງ​ບັນ­ຫາ​ໃນ​ແງ່​ວິ­ທະ­ຍາ­ສາດ ແລະ ຕັ້ງ​ບັນ­ຫາ​ເພື່ອ​ເອົາ​ຜິດ​ໃນ​ແງ່​ລະ­ບຽບ​ກົດ­ໝາຍ ຈຶ່ງ​ຈະ​ສາ­ມາດ​ຢຸດ­ຕິ​ພຶດ­ຕິ​ກຳ​ດັ່ງ­ກ່າວ​ນີ້​ໄດ້ ເມື່ອ​ເປັນ​ເຊັ່ນ​ນັ້ນ ການ​ທີ່​ຈະ​ປະ​ໃຫ້​ແຕ່​ອຳ­ນາດ​ການ​ປົກ­ຄອງ​ພື້ນ­ຖານ​ແກ້​ຜູ້​ດຽວ​ກໍ​ຍາກ... ການ­ຈັດ­ຕັ້ງ​ຂັ້ນ​ເມືອງ ກໍ​ຄື​ນະ­ຄອນ­ຫຼວງ ບໍ່​ຄວນ​ຖື​ເບົາ ຕ້ອງ​ໄດ້​ຕັ້ງ​ເປັນ​ບັນ­ຫາ​ໃຫຍ່​ຂອງ​ວຽກ​ງານ​ການ­ເມືອງŒແນວ​ຄິດ ພ້ອມ​ກັນ​ແກ້​ຈຶ່ງ​ຈະ​ຢຸດ­ຕິ​ໄດ້.</p> <p style="text-align: justify; "> ຂະ​ບວນ​ການ​ຜີ​ເຂົ້າ​ເຈົ້າ​ສູນ ຫຼື ວ່າ​ນາງ​ທຽມ​ນີ້ ເຂົາ​ມີ​ການ­ຈັດ­ຕັ້ງ​ຄັກ­ແນ່ ? ມີ​ທີມ​ງານ​ຄອຍ​ໃຫ້­ການ​ບໍ­ລິ­ການ​ແກ່​ລູກ​ຄ້າ ແລະ ຮຽກ​ເກັບ​ຄ່າ​ບໍ­ລິ­ການ​ຄື​ກັນ​ກັບ​ການ​ດຳ­ເນີນ​ງານ​ຂອງ​ບໍ­ລິ­ສັດ ຜູ້​ໃຫ້​ບໍ­ລິ­ການ​ດ້ານ​ໃດ​ດ້ານ​ໜຶ່ງ ... ແນ່­ນອນ ຂະ​ບວນ​ການ​ນີ້​ກໍ​ຈະ​ໝົດ​ໄປ​ໃນ​ຕົວ​ຂອງ​ມັນ​ເອງ ຄື​ພວກ​ເຮົາ​ເຄີຍ​ເຫັນ​ໃນ​ທີ່​ຜ່ານ​ມາ ເມື່ອ​ພວກ​ເຂົາ​ແບ່ງ­ປັນ​ຜົນ​ປະ­ໂຫຍດ​ບໍ່​ລົງ​ຕົວ... ແຕ່​ຈະ​ປະ­ປ່ອຍ​ໃຫ້​ເຖິງ​ຍາມ​ນັ້ນ ໂດຍ​ໃຫ້​ມັນ​ສະ­ຫຼາຍ​ຕົວ​ຍ້ອນ​ຕົວ​ມັນ​ເອງ​ກໍ​ເປັນ​ໄປ​ໄດ້... ແຕ່​ມັນ​ສ່ຽງ​ຕໍ່​ຄວາມ​ໝັ້ນ­ຄົງ​ປອດ​ໄພ​ຂອງ​ສັງ­ຄົມ ຫຼື ບາງ­ທີ​ມັນ​ອາດ​ແຜ່​ລາມ​ໄປ​ເຖິງ​ຄວາມ​ໝັ້ນ­ຄົງ​ຂອງ​ປະ­ເທດ​ຊາດ​ກໍ​ເປັນ​ໄດ້.</p> <p style="text-align: justify; "> ປາບ ຫຼື ຢຸດ​ແມ່ນ​ດີ​ທີ່​ສຸດ !.</p>

ຂ່າວທີ່ກ່ຽວຂ້ອງ