ຊື້ດິນຕ້ອງຮອບຮູ້

2.742 24 ກ.ພ. 2012 ນານາສາລະ

<p>  </p> <p style="text-align: justify; "> ມື້­ກ່ອນ​ມີ ຈ.ມ ເຂົ້າ​ມາ​ຂຽນ​ດ້ວຍ​ລາຍ​ມື... ວັນ​ທີ 21/2/2012 ຜູ້​ຮັບ­ຜິດ­ຊອບ​ຄໍ​ລຳ​ໄດ້​ຮັບ... ເນື້ອ​ໃນ ຈ.ມ ເລົ່າ​ເລື່ອງ​ການ​ຊື້-ຂາຍ​ທີ່​ດິນ ຢູ່​ບ້ານ​ໂຄກ​ສະ­ອາດ ບ້ານ​ໂຊກ​ນ້ອຍ ບ້ານ​ໂຊກ​ໃຫຍ່ ບ້ານ​ນາ​ໂນ ເມືອງ​ໄຊ​ເຊດ​ຖາ ນະ­ຄອນ­ຫຼວງ​ວຽງ​ຈັນ.</p> <p style="text-align: justify; "> ອ່ານ​ເບິ່ງ​ເນື້ອ​ໃນ ຈ.ມ ກໍ​ໜ້າ​ເຫັນ­ໃຈ​ຜູ້​ຊື້ ເພາະ​ທີ່​ດິນ​ດັ່ງ­ກ່າວ ທາງ​ການ​ສັ່ງ​ໂຈະ ເພາະ​ເປັນ​ເຂດ​ທີ່​ຈະ​ພັດ­ທະ­ນາ ເປັນ​ເຂດ​ອຸດ­ສາ­ຫະ­ກຳ.</p> <p style="text-align: justify; "> <strong>ແນວ​ລາວ </strong>ເອງ ເມື່ອ​ຫຼາຍ​ປີ​ກ່ອນ ກໍ​ມີ​ພວກ​ນາຍ​ໜ້າ​ຄ້າ­ຂາຍ​ທີ່​ດິນ ມາ​ຍຸ​ແຍ່​ໃຫ້​ຊື້​ດິນ​ເຂດ​ດັ່ງ­ກ່າວ​ໃນ​ລາ­ຄາ​ບໍ່​ສູງ​ເກີນ​ໄປ ແຕ່​ກໍ​ໂຊກ​ດີ ເພາະ​ຖາມ​ຫຼາຍ​ຄົນ​ເຫັນ​ວ່າ​ມີ​ຄວາມ​ສ່ຽງ​ສູງ ກໍ​ເລີຍ​ບໍ່​ຕົກ​ໃນ​ເລ່­ກົນ.</p> <p style="text-align: justify; "> ດຽວ­ນີ້ ພວກ​ນາຍ​ໜ້າ​ຄ້າ­ຂາຍ​ທີ່​ດິນ​ເຄື່ອນ​ໄຫວ​ແຮງ​ຫຼາຍ ພວກ​ເຂົາ​ມີ​ຈຸດ​ແຂງ​ຫຼາຍ​ຢ່າງ ສາ­ມາດ​ເຮັດ​ໃຫ້​ມີ​ໃບ​ຊື້-ຂາຍ​ຜ່ານ​ການ­ຈັດ­ຕັ້ງ​ຂັ້ນ​ບ້ານ ແລະ ຂັ້ນ​ກ່ຽວ­ຂ້ອງ​ໄດ້ ສະ­ນັ້ນ ກ່ອນ​ຈະ​ຊື້​ດິນ​ຕອນ​ໃດ​ຕອນ​ໜຶ່ງ ເພື່ອ​ຫວັງ​ເກງ​ກຳ­ໄລ​ໃນ​ພາຍ​ພາກ​ໜ້າ​ນັ້ນ ຕ້ອງ​ໄດ້​ພິ­ຈາ­ລະ­ນາ​ຖ້ວນ​ຖີ່ ບໍ່​ຄວນ​ຫຼົງ​ໃນ​ຂໍ້​ມູນ​ຕາມ​ນາຍ​ໜ້າ​ແນະ­ນຳ ... ອັນ​ນີ້​ບໍ່​ແມ່ນ​ໂທດ​ນາຍ​ໜ້າ​ເນີ ! ເພາະ​ເສດ­ຖະ­ກິດ​ຕະ­ຫຼາດ​ທຸກ​ການ​ຊື້-ຂາຍ​ແມ່ນ​ມີ​ນາຍ​ໜ້າ​ໝົດ ສຳ­ຄັນ​ລະ​ແມ່ນ​ເຮົາ​ຜູ້​ທີ່​ຈະ​ຊື້ ແລະ ຈົກ​ເງິນ​ອອກ​ຈາກ​ຖົງ ຕ້ອງ​ເປັນ​ຜູ້​ຮອບ​ຮູ້​ຫຼາຍ​ຢ່າງ​ບໍ່​ຊັ້ນ​ເສຍ​ເງິນ​ລ້າ​ແທ້​ເນີ.</p> <p style="text-align: justify; "> ບໍ່​ແມ່ນ​ແຕ່​ກໍ­ລະ­ນີ​ຄື​ເລົ່າ​ຂ້າງ​ເທິງ​ທໍ່​ນັ້ນ ຍັງ​ມີ​ກໍ­ລະ­ນີ​ເອົາ​ໃບ​ຕາ­ດິນ​ໄປ​ຈຳ​ນອງ​ເອົາ​ເງິນ ເມື່ອ​ຂາດ​ສິດ​ແລ້ວ ຜູ້​ໃຫ້​ເງິນ​ກູ້​ກໍ​ຈະ​ມີ​ວິ­ທີ​ປ່ຽນ​ຊື່​ມາ​ເປັນ​ຂອງ​ຕົນ​ໃນ​ໃບ​ຕາ­ດິນ​ຂອບ​ທອງ ຈຸດ​ນີ້​ສ້າງ​ປະ­ກົດ​ການ​ຫຍໍ້­ທໍ້​ຫຼາຍ​ອັນ ເປັນ­ຕົ້ນ​ແມ່ນ​ພະ­ນັກ­ງານ​ທີ່​ມີ­ໜ້າ​ທີ່​ກ່ຽວ­ຂ້ອງ ເພາະ​ຜູ້​ໃຫ້​ກູ້​ເງິນ​ມີ​ອຳ­ນາດ​ທາງ​ການ​ເງິນ​ສູງ.</p> <p style="text-align: justify; "> ຈາກ​ປະ­ກົດ​ການ​ຄື​ຂ້າງ​ເທິງ ຜູ້​ທີ່​ຕົກ​ຢູ່​ໃນ​ຖາ­ນະ​ຊື້​ດິນ​ມີ​ບັນ­ຫາ ຕ້ອງ​ເຂົ້າ­ໃຈ​ການ­ຈັດ­ຕັ້ງ​ເນີ ... ບໍ່​ຊັ້ນ​ຈະ​ຄິດ​ໄປ​ໂລ­ເລ ແລ້ວ​ມອບ​ຄວາມ​ຮັບ­ຜິດ­ຊອບ​ໃຫ້​ການ­ຈັດ­ຕັ້ງ.</p> <p style="text-align: justify; "> ຕ້ອງ​ຄຳ­ນຶງ​ວ່າ ກ່ອນ​ເຮົາ​ຈະ​ຊື້​ນັ້ນ ເຮົາ​ເອງ​ໄດ້​ຊອກ​ຮູ້​ຫຍັງ​ແດ່ ? ໄດ້​ຖາມ​ການ­ຈັດ­ຕັ້ງ​ກ່ຽວ­ຂ້ອງ​ຫຍັງ​ແດ່ ? ຄັນ​ແມ່ນ​ຂໍ້​ນີ້​ເຮົາ​ບໍ່​ໄດ້​ຮູ້​ບໍ່​ໄດ້​ຜ່ານ ກໍ​ໝາຍ​ຄວາມ​ວ່າ ເຮົາ​ຄິດ​ແຕ່​ວ່າ​ຂໍ້​ມູນ​ຈາກ​ນາຍ​ໜ້າ ຈະ​ພາ­ໃຫ້​ເຮົາ​ສາ­ມາດ​ເກງ​ກຳ­ໄລ​ຈາກ​ດິນ​ຕອນ​ນັ້ນ​ໄດ້.</p> <p style="text-align: justify; "> ການ​ແກ້​ໄຂ​ນັ້ນ ການ­ຈັດ­ຕັ້ງ​ເພິ່ນ​ຫາກ​ມີ​ວິ­ທີ​ເນີ !.</p> <p style="text-align: justify; "> ສ່ວນ​ຄໍ​ລຳ​ພວກ​ເຮົາ​ນຳ​ສະ­ເໜີ​ພຽງ​ແຕ່​ຢາກ​ໃຫ້​ມີ​ສະ­ຕິ​ຕື່ມ​ອີກ ໃນ​ການ​ຊື້​ດິນ ເພາະ​ຂະ​ບວນ​ການ​ຄ້າ­ຂາຍ​ມັນ​ມາ​ແຮງ​ຄື​ວ່າ... ບໍ່​ແມ່ນ​ແຕ່​ຄົນ​ລາວ ຄົນ​ຕ່າງ­ປະ­ເທດ ຄົນ​ຕ່າງ​ດ້າວ​ທີ່​ອາ­ໄສ​ຢູ່​ລາວ ເຊິ່ງ​ຕາມ​ກົດ­ໝາຍ ພວກ​ເພິ່ນ​ບໍ່​ມີ​ສິດ​ຄອບ​ຄອງ ຫຼື​ວ່າ​ຊື້​ດິນ ແຕ່​ກໍ​ຍັງ​ຖືກ​ພວກ​ຄ້າ­ຂາຍ​ທີ່​ດິນ​ຫຼອກ​ໃຫ້​ຊື້ ແລະ ຫຼອກ​ໃຫ້​ພະ­ນັກ­ງານ​ທີ່​ມີ​ສ່ວນ​ກ່ຽວ­ຂ້ອງ​ສ່ຽງ​ຕໍ່​ການ​ກະ­ທຳ​ຜິດ​ກົດ­ໝາຍ ຍ້ອນ​ອອກ​ໃບ​ຕາ­ດິນ​ໃນ​ຊື່​ຂອງ​ຄົນ​ລາວ ແຕ່​ເປັນ​ເງິນ​ຄົນ​ອື່ນ.</p> <p style="text-align: justify; "> ຄໍ​ລຳ​ພວກ​ເຮົາ​ກໍ​ຄື​ຜູ້​ຮັບ­ຜິດ­ຊອບ ບໍ່​ມີ​ສ່ວນ​ໄດ້​ຫຍັງ​ໃນ​ກໍ­ລະ­ນີ​ນີ້ ພຽງ​ແຕ່​ລົງ​ພິມ​ເພື່ອ​ເຕືອນ​ທໍ່​ນັ້ນ!...</p>

ຂ່າວທີ່ກ່ຽວຂ້ອງ