ຂາຍເຄື່ອງຕັນທາງຄົນຍ່າງ ເປັນບັນຫາບໍ່ເລີກບໍ່ແລ້ວ

1.399 23 ກ.ພ. 2012 ນານາສາລະ

<p>  </p> <p style="text-align: justify; "> ການ​ທີ່​ນຳ​ເອົາ​ບັນ­ຫາ​ດັ່ງ­ກ່າວ ຍົກ​ຂຶ້ນ​ມາ​ເລົ່າ​ສູ່​ຟັງ​ກໍ​ຍ້ອນ​ວ່າ ນະ­ຄອນ­ຫຼວງ​ວຽງ​ຈັນ​ຂອງ​ພວກ​ເຮົາ​ໃນ​ປັດ­ຈຸ­ບັນ ເປັນ​ນະ­ຄອນ­ຫຼວງ​ເປີດ​ມີ​ແຂກ​ຄົນ​ພາຍ​ໃນ ແລະ ຕ່າງ­ປະ­ເທດ​ມາ​ຢ້ຽມ­ຢາມ ທ່ອງ​ທ່ຽວ ທຳ​ທຸ­ລະ​ການ​ຕ່າງໆ​ບໍ່​ເວັ້ນ​ແຕ່​ລະ​ວັນ ໂດຍ​ສະ­ເພາະ​ມີ​ກອງ​ປະ­ຊຸມ​ສຳ­ຄັນ ພິ­ທີ­ການ​ຕ່າງໆ​ລະ­ດັບ​ປະ­ເທດ ເກີດ​ຂຶ້ນ​ໃນ​ແຕ່​ລະ​ອາ­ທິດ ຈຶ່ງ​ມີ​ຄວາມ​ຮຽກ­ຮ້ອງ​ຕ້ອງ­ການ​ເຖິງ​ຄວາມ​ສະ­ອາດ ຄວາມ​ເປັນ​ລະ­ບຽບ​ແບບ­ແຜນ​ການ ຈັດ​ສັນ​ສະ­ຖານ­ທີ່​ຕ່າງໆ​ຮຽບ​ຮ້ອຍ​ຢ່າງ​ລົງ​ຕົວ.</p> <p style="text-align: justify; "> ການ​ວາງ​ຂາຍ­ເຄື່ອງ​ຕາມ​ແຄມ​ທາງ ບ່ອນ​ທີ່​ສ້າງ​ໄວ້​ໃຫ້ ຄົນ​ຍ່າງ ແມ່ນ​ໜຶ່ງ​ໃນ​ຫຼາຍໆ​ເລື່ອງ​ທີ່​ຈະ​ຕ້ອງ​ຈັດ­ການ​ແກ້​ໄຂ ເພາະ​ໜ້າ​ທາງ​ຖະ­ໜົນ ຫຼື ຜິວ​ຈະ­ລາ­ຈອນ​ນັ້ນ ມີ​ໄວ້​ເພື່ອ​ໃຫ້​ລົດ​ໃຫຍ່ ລົດ­ຈັກ ລົດ­ຖີບ​ໄປ ສ່ວນ​ຄົນ​ຈະ​ໄປ​ນຳ​ຜິວ​ຈະ­ລາ­ຈອນ​ຍ່ອມ​ບໍ່​ໄດ້ ເພາະ​ຈະ​ສ່ຽງ​ຕໍ່​ການ​ເກີດ​ອຸ­ປະ­ຕິ­ເຫດ ດັ່ງ­ນັ້ນ ເພິ່ນ​ຈິ່ງ​ສ້າງ​ບ່ອນ​ຍ່າງ​ໃຫ້​ຄົນ​ໄປ​ຄູ່​ຂະ­ໜານ​ໄປ​ຕາມ​ຄວາມ​ຍາວ​ເສັ້ນ­ທາງ ແລະ ຂີດ​ເສັ້ນ​ກ່ານໆ ເອີ້ນ​ວ່າ​ທາງ​ມ້າ​ລາຍ​ໃຫ້​ຄົນ​ຍ່າງ​ຂ້າມ​ທາງ ເຊິ່ງ​ລະ­ບຽບ​ກ່ຽວ​ກັບ​ການ​ໃຫ້​ລົດ​ລະ­ວັງ​ເມື່ອ​ຮອດ​ທາງ​ມ້າ​ລາຍ ກໍ​ລະ­ບຸ​ໄວ້​ໃນ​ກົດ​ຈະ­ລາ­ຈອນ.</p> <p style="text-align: justify; "> ຜ່ານ​ມາ​ເສັ້ນ­ທາງ​ຈຳ­ນວນ​ໜຶ່ງ ກໍ​ມີ​ຄົນ​ປະ­ຕິ­ບັດ​ໄດ້ ແລະ ສ່ວນ​ໃຫຍ່​ກໍ​ຍັງ​ບໍ່​ໃຫ້​ຄວາມ​ສຳ­ຄັນ ຫຼື ຮ່ວມ​ມື​ເທົ່າ​ທີ່​ຄວນ​ເຖິງ​ທາງ​ຄົນ​ຍ່າງ ຍ້ອນ​ແນວ​ນັ້ນ ຈຶ່ງ​ມີ​ຜູ້​ຂາຍ​ເຂົ້າ­ຈີ່ ຂາຍ​ໝາກ​ໄມ້ ຂາຍ​ເຂົ້າ­ປຽກ ຂາຍ​ຫວຍ ແປງ​ລົດ­ຈັກ ລົດ­ຖີບ ແລະ ອື່ນໆ​ຕັນ​ທາງ​ຄົນ​ໄປ ຈາກ​ນັ້ນ ພວກ​ຂີ່​ລົດ​ທີ່​ຢາກ​ຊື້​ກໍ​ພາ­ກັນ​ຈອດ​ລົດ​ຊະ­ຊາຍ ຕັນ​ພື້ນ​ຜິວ​ຈະ­ລາ­ຈອນ​ບ່ອນ​ລົດ​ໄປ ພາ­ໃຫ້​ລົດ​ໄປ​ຊ້າ ລະ­ບາຍ​ບໍ່​ທັນ ເລີຍ​ພາ­ໃຫ້​ລົດ​ອັ່ງ ຕົວ­ຢ່າງ​ທາງ​ຂຶ້ນ​ຫາ​ສີ່​ແຍກ​ໄຟ​ແດງ​ສີ​ຫອມ ບາງ​ຄັ້ງ​ເກີດ​ອຸ­ປະ­ຕິ­ເຫດ​ໃນ​ເວ­ລາ​ທີ່​ຮີບ​ດ່ວນ ເຊັ່ນ​ໄປ​ການ-ເລີກ​ການ ທັງ​ບໍ່​ມີ​ຄວາມ​ເປັນ​ລະ­ບຽບ ເພາະ​ບ່ອນ​ຂາຍ​ຄວນ​ຢູ່​ຕະ­ຫຼາດ​ໃນ​ຮ້ານ​ຕ່າງ­ຫາກ ຫຼື ບ່ອນ​ທີ່​ຖືກ​ຈັດ​ສັນ​ໃນ​ເມື່ອ​ມີ​ຄວາມ​ຈຳ­ເປັນ.</p> <p style="text-align: justify; "> ເພື່ອ​ເຮັດ​ໃຫ້​ບ້ານ​ເມືອງ​ສວຍ​ງາມ ວິ­ທີ​ແກ້​ກໍ​ຄວນ​ມອບ​ໝາຍ​ໃຫ້​ອົງ­ການ​ປົກ­ຄອງ​ບ້ານ​ທີ່​ແຄມ​ທາງ​ໃຫຍ່​ຜ່ານ​ໄປ ເປັນ​ຜູ້​ແກ້​ໄຂ​ໂດຍ​ໄປ​ຈັດ​ສະ­ຖານ­ທີ່​ຕ່າງ­ຫາກ ຍ້າຍ​ເຂົ້າ​ຕະ­ຫຼາດ ຫຼື ມີ​ຮ້ານ​ສະ­ເພາະ​ຖ້າ​ປະ​ໄວ້ ນອກ­ຈາກ​ບໍ່​ເປັນ​ລະ­ບຽບ ຍັງ​ຈະ​ມີ​ສ່ວນ​ພາ­ໃຫ້​ເກີດ​ອຸ­ປະ­ຕິ­ເຫດ ເພາະ​ຄົນ​ທຽວ​ທາງ​ມັກ­ງ່າຍ ຊື້​ຫວຍ​ກໍ​ງ່າຍ ຮ້ອງ​ໄປ​ເຂົາ​ກໍ​ຈີກ​ມາ​ຍື່ນ​ໃຫ້ ຕະ ຫຼອດ​ເຂົ້າ­ຈີ່ ໝາກ​ສົ້ມ ໝາກ​ຫວານ​ອື່ນໆ ແຕ່​ສຳ­ຄັນ​ຄວນ​ຄຳ­ນຶງ​ເຖິງ​ຜູ້​ມາ​ທາງ​ຫຼັງ ທີ່​ຈະ​ຕ້ອງ​ລໍ​ຜູ້​ຊື້​ເຫຼົ່າ­ນັ້ນ​ໃຫ້​ສຳ­ເລັດ​ກິດ­ຈະ­ກຳ​ກ່ອນ ຈຶ່ງ​ເຄື່ອນ​ທີ່​ໄປ​ໄດ້.</p> <p style="text-align: justify; "> ບັນ­ຫາ​ນີ້​ເກີດ​ຂຶ້ນ​ຫຼາຍ​ບ່ອນ​ແຄມ​ທາງ​ໃຫຍ່ ບ່ອນ​ຄົນ​ຫຼາຍ ຊຶ່ງ​ໃຜໆ​ກໍ​ຢາກ​ຈະ​ໄດ້​ບ່ອນ​ທີ່​ຄົນ​ທຽວ​ທາງ​ໄປ​ມາ​ຫຼາຍໆ ເພື່ອ​ຕັ້ງ​ໂຕະ​ນັ່ງ​ຂາຍ­ເຄື່ອງ​ຈຶ່ງ​ໝານ ແຕ່​ແນວ­ໃດ​ກໍ​ດີ ລະ­ບຽບ​ກໍ​ຄື​ລະ­ບຽບ ຈະ​ຄຳ­ນຶງ​ເຖິງ​ນະ­ໂຍ­ບາຍ​ກໍ​ຍ່ອມ​ບໍ່​ສິ້ນ​ສຸດ ສຳ­ຄັນ​ຜູ້​ຊື້​ອີກ​ເບື້ອງ​ໜຶ່ງ​ກໍ​ບໍ່​ຄວນ​ຢຸດ​ຊື້​ໃນ​ເສັ້ນ­ທາງ​ທີ່​ໃຫຍ່ ແຕ່​ມີ​ການ​ຈະ­ລາ­ຈອນ​ໜາ​ແໜ້ນ ແລ້ວ​ສ້າງ​ຄ່າ​ນິ­ຍົມ​ໃຫ້​ກັບ​ຕົນ​ເອງ​ໄປ​ຊື້​ບ່ອນ​ທີ່​ສະ­ດວກ​ຈະ​ປອດ​ໄພ ແລະ ຖືກ­ຕ້ອງ​ຕາມ​ກົດ­ໝາຍ​ຈະ­ລາ­ຈອນ​ອີກ​ດ້ວຍ.</p>

ຂ່າວທີ່ກ່ຽວຂ້ອງ