ຂ່າວຫຼ້າສຸດ

ຮັກອາຊີບຄູໂດຍບໍ່ຮູ້ສຶກຕົວ

3.162 17 ກ.ພ. 2012 ສຶກສາ
ຮັກອາຊີບຄູໂດຍບໍ່ຮູ້ສຶກຕົວ

<p>  </p> <p style="text-align: justify; "> ຜູ້​ຄົນ​ຈຳ­ນວນ​ຫຼວງ­ຫຼາຍ ພາຍ­ຫຼັງ​ທີ່​ຮຽນ​ຈົບ​ຈາກ​ມັດ­ທະ­ຍົມ​ຕອນ​ປາຍ ເພື່ອ​ເຂົ້າ​ຮຽນ​ຕໍ່​ວິ­ຊາ​ອາ­ຊີບ ໜ້ອຍ​ໜັກ​ໜ້ອຍ​ໜາ​ຈະ​ພາ­ກັນ​ໄປ​ຮຽນ​ວິ­ຊາ​ຄູ ເພາະ​ຕ່າງ​ຄົນ​ກໍ​ສະ­ແຫວງ­ຫາ​ຄວາມ​ຮູ້​ດ້ານ​ວິ­ຊາ​ການ ຊ່ອງ​ທາງ​ທີ່​ມີ​ຜົນ​ປະ­ໂຫຍດ​ໃຫ້​ແກ່​ຕົນ​ເອງ.</p> <p style="text-align: justify; "> ທ່ານ​ນາງ ເອ­ກະ­ລັກ ມະ­ຫາ​ມົນ­ຕີ ອາ­ຈານ​ສອນ​ວິ­ຊາ​ຄະ­ນິດ­ສາດ​ຂອງ​ວິ­ທະ­ຍາ­ໄລ​ຄູ​ດົງ​ຄຳ​ຊ້າງ ນະ­ຄອນ­ຫຼວງ​ວຽງ​ຈັນ ໄດ້​ກ່າວ​ວ່າ: ເມື່ອ​ກ່ອນ ພາຍ­ຫຼັງ​ທີ່​ຮຽນ​ຈົບ​ຈາກ​ມໍ​ປາຍ​ຄົງ​ເຊ​ໂດນ ແຂວງ​ສາ­ລະ​ວັນ ກໍ​ເດີນ­ທາງ​ເຂົ້າ​ມາ​ສຶກ​ສາ​ຄົ້ນ​ຄ້ວ​າ​ຕໍ່​ທີ່​ນະ­ຄອນ­ຫຼວງ​ວຽງ​ຈັນ ເບື້ອງ​ຕົ້ນ​ກໍ​ຄິດ​ວ່າ​ຈະ​ມາ​ຮຽນ​ວິ­ຊາ​ບໍ­ລິ­ຫານ​ທຸ­ລະ​ກິດ ຫຼື ອາ­ຊີບ​ໃດ​ກໍ​ໄດ້ ທີ່​ບໍ່​ແມ່ນ​ວິ­ຊາ​ຄູ ແຕ່​ມາ​ເບິ່ງ​ສະ­ພາບ​ຄວາມ​ເປັນ​ຈິງ ຄວາມ​ອາດ​ສາ­ມາດ​ທີ່​ຈະ​ເປັນ​ໄປ​ໄດ້ ກໍ​ເລີຍ​ຕັດ­ສິນ​ໃຈ​ເຂົ້າ​ຮຽນ​ວິ­ຊາ​ຄູ ວິ­ຊາ​ຄະ­ນິດ­ສາດ ແລະ ຄອມ​ພິວ​ເຕີ ຢູ່​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ພາຍ­ຫຼັງ​ຮຽນ​ຈົບ​ໃນ​ສົກ­ຮຽນ 2009<strong>-</strong>2010ກໍ​ໄດ້​ເຂົ້າ​ມາ​ເປັນ​ຄູ​ຢູ່​ສະ​ຖາ​ບັນ​ແຫ່ງ​ນີ້.</p> <p style="text-align: justify; "> ຜ່ານ​ເວ­ລາ​ການ​ໃຊ້​ຊີ­ວິດ​ເປັນ​ຄູ​ສອນ​ມາ​ພຽງ 2 ປີ ກໍ​ຮູ້­ສຶກ​ວ່າ​ມີ​ຄວາມ​ຮັກ​ຄວາມ​ຜູກ​ພັນ​ຕໍ່​ວິ­ຊາ​ຊີບ ມີ​ຄວາມ​ກະ​ຕື​ລື​ລົ້ນ ພູມ­ໃຈ​ທີ່​ໄດ້​ເຮັດ​ອາ­ຊີບ​ເປັນ​ແມ່­ພິມ​ຂອງ​ຊາດ ຊຶ່ງ​ເປັນ​ກຽດ​ອັນ​ສູງ​ສົ່ງ​ໃຫ້​ແກ່​ຕົນ​ເອງ ແລະ ຄອບ­ຄົວ ຢ່າງ​ໜ້ອຍ​ຄັ້ງ​ໜຶ່ງ​ໃນ​ຊີ­ວິດ ກໍ​ມີ​ໂອ­ກາດ​ປະ­ກອບ­ສ່ວນ​ໃນ​ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ຜູ້​ຈະ​ໄປ​ຖ່າຍ​ທອດ​ວິ­ຊາ​ຄວາມ​ຮູ້ ຄຸນ­ສົມ­ບັດ ສິ­ລະ​ປະ​ວັດ­ທະ­ນະ­ທຳ​ອັນ​ດີ­ງາມ​ຂອງ​ຊາດ ເປັນ​ການ​ສືບ­ຕໍ່​ໃນ​ການ​ພັດ­ທະ­ນາ​ບຸກ​ຄະ­ລາ​ກອນ ອອກ​ຮັບ​ໃຊ້​ສັງ­ຄົມ​ທີ່​ມີ​ຄຸນ​ນະ​ພາບ ມີ​ທັດ­ສະ­ນະ​ຫຼັກ​ໝັ້ນ​ຊົນ​ຊັ້ນ​ປະ­ຕິ­ວັດ​ຢ່າງ​ແທ້​ຈິງ.</p> <p style="text-align: justify; "> ມາ​ເຖິງ​ເວ­ລາ​ນີ້ ກໍ​ສາ­ມາດ​ເວົ້າ​ຢ່າງ​ເຕັມ​ປາ​ກວ່າ ຮັກ​ອາ­ຊີບ​ຄູ​ໂດຍ​ບໍ່​ຮູ້­ສຶກ​ຕົວ ຜ່ານ​ການ​ສຳ​ພັດ​ປະ­ຕິ­ບັດ​ໜ້າ­ທີ່​ອັນ​ມີ​ກຽດ ແລະ ຈະ​ສືບ­ຕໍ່​ຕັ້ງ­ໜ້າ​ຄົ້ນ​ຄ້ວ​າ​ສິດ­ສອນ​ລູກ­ສິດ​ຂອງ​ຕົນ​ດ້ວຍ​ຄວາມ​ຮັກ ແລະ ຮັບ­ຜິດ­ຊອບ​ສູງ ຈະ​ອອກ­ແຮງ​ສຸມ​ສະ­ຕິ​ປັນ­ຍາ​ວິ­ຊາ​ຄວາມ​ຮູ້​ທີ່​ຮຽນ​ມາ ເຂົ້າ​ໃນ​ໜ້າ­ທີ່​ວິ­ຊາ​ສະ­ເພາະ​ຂອງ​ຕົນ ພ້ອມ​ດຽວ​ກັນ​ກໍ​ຈະ​ອອກ­ແຮງ​ຄົ້ນ​ຄ້ວ​າ​ເຝິກ­ຝົນ​ຫຼໍ່​ຫຼອມ​ຕົນ​ເອງ ດ້ວຍ​ການ​ຮຽນ​ຮູ້​ແລກ­ປ່ຽນ​ບົດ­ຮຽນ ປະ­ສົບ​ການ​ຈາກ​ເອື້ອຍ​ອ້າຍ​ພະ­ນັກ­ງານ ຜູ້​ທີ່​ເປັນ​ຄູ​ມາ​ກ່ອນ ຍິນ​ດີ​ຮັບ​ຄຳ​ຕຳ​ນິ­ຕິ​ຊົມ​ເພື່ອ​ປັບ­ປຸງ​ພັດ­ທະ­ນາ​ຕົນ​ເອງ​ໃຫ້​ເປັນ​ຄູ​ທີ່​ດີ ເປັນ​ແບບ­ຢ່າງ​ໃຫ້​ແກ່​ນ້ອງໆ​ນັກ­ຮຽນ<strong>-</strong>ນັກ​ສຶກ​ສາ.</p> <p style="text-align: justify; "> <strong>ລາວ​ກ່າວ​ຕື່ມ​ວ່າ: </strong>ສຳ­ລັບ​ຄວາມ​ຮູ້​ຄວາມ​ສາ­ມາດ​ທີ່​ຮຽນ​ມາ ກໍ​ຖື​ວ່າ​ຍັງ​ບໍ່​ທັນ​ພຽງ­ພໍ ຖ້າ​ມີ​ໂອ­ກາດ​ກໍ​ຢາກ​ຈະ​ເຂົ້າ​ສຶກ​ສາ​ຄົ້ນ​ຄ້ວ​າ​ຮຽນ​ຕໍ່­ໃຫ້​ສູງ​ກ່ວ​າ​ນີ້ ເພາະ​ການ​ສຶກ​ສາ​ໃນ​ທຸກ​ວັນ​ນີ້​ມີ​ການ​ພັດ­ທະ­ນາ​ຢ່າງ​ວ່ອງ­ໄວ ກ້ວ​າງ​ໄກ ເຮັດ​ແນວ­ໃດ​ໃຫ້​ທ່ວງ​ທັນ​ກັບ​ລະ­ດັບ​ພາກ​ພື້ນ ແລະ ສາ­ກົນ​ເພື່ອ​ພັດ­ທະ­ນາ​ຕົນ​ເອງ ຢ່າງ​ບໍ່​ຢຸດ​ຢັ້ງ.</p> <p style="text-align: justify; "> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ