ຂ່າວຫຼ້າສຸດ

ລົດບໍ່ມີປ້າຍ ມັກສວຍໃຊ້ສ້າງແນວບໍ່ດີ

1.681 17 ກ.ພ. 2012 ນານາສາລະ

<p>  </p> <p style="text-align: justify; "> ສະ­ພາບ​ປະ­ກົດ​ການ​ຫຍໍ້­ທໍ້​ຢູ່​ບ້ານ​ເຮົາ ຍັງ​ມີ​ໃຫ້​ເຫັນ​ຢູ່​ເລື້ອຍໆ ດັ່ງ​ຈະ​ເຫັນ​ໄດ້​ໃນ​ຂ່າວ​ທາງ​ໜ້າ​ໜັງ­ສື­ພິມ​ລາຍ​ວັນ ລາຍ​ສັບ­ປະ­ດາ ເຊິ່ງ​ການ​ກໍ່​ປະ­ກົດ​ການ​ຫຍໍ້­ທໍ້​ນັ້ນ ມາ​ຈາກ​ຫຼາຍ​ສາ­ເຫດ ອັນ​ມາ​ຈາກ​ຄວາມ​ຕັ້ງ­ໃຈ ແລະ ຈົງ­ໃຈ​ເຮັດ ເຊັ່ນ: ການ​ລ່ວງ​ລະ­ເມີດ​ກົດ​ຈະ­ລາ­ຈອນ ແລ້ວ​ພາ­ໃຫ້​ເກີດ​ອຸ­ປະ­ຕິ­ເຫດ ການ​ດື່ມ​ເຫຼົ້າ​ເມົາ​ແລ້ວ​ຂັບ​ລົດ ພາ­ໃຫ້​ເກີດ​ອຸ­ປະ­ຕິ­ເຫດ ການ​ແຂ່ງ​ລົດ ຊິ້ງ​ລົດ​ໃນ​ທາງ​ຖະ­ໜົນ­ຫຼວງ ການ​ເສບ ແລະ ຄ້າ­ຂາຍ​ຢາ​ເສບ​ຕິດ ການ­ຈັດ­ຕັ້ງ​ກຸ່ມ​ແກ້ງ​ລັດ​ຕີ​ກັນ ການ​ຊີງ​ຊັບ​ດຶງ​ກະ­ເປົາ ດຶງ​ສາຍ​ຄໍ ການ​ຂີ້­ລັກ​ງັດ​ແງະ ການ​ຕົວະ​ຕົ້ມ​ຫຼອກ​ລວງ ແລະ ການ​ຂ້າ​ເຈົ້າ​ເອົາ​ຂອງ​ອື່ນໆ ອັນ​ເປັນ​ການ​ລົບ​ກວນ​ບັນ­ຍາ­ກາດ​ແຫ່ງ​ການ​ດຳ­ລົງ​ຊີ­ວິດ​ຢ່າງ​ສັນ­ຕິ​ຂອງ​ປະ­ຊາ­ຊົນ​ບັນ­ດາ­ເຜົ່າ.</p> <p style="text-align: justify; "> ຜູ້​ສ້າງ​ແນວ​ບໍ່​ດີ​ຂຶ້ນ​ສ່ວນ​ຫຼາຍ​ແມ່ນ​ໄວ​ໜຸ່ມ ແລະ ພວມ​ກຳ­ລັງ​ຢູ່​ໃນ​ໄວ​ພວມ​ເຮັດ​ວຽກ​ງານ ແລະ ຕ້ອງ­ການ​ວັດ­ຖຸ​ເງິນ​ຄຳ​ມາ​ໃຊ້​ຈ່າຍ ຫຼື ຄວາມ​ຕ້ອງ­ການ​ທີ່​ຟຸມ​ເຟືອຍ​ດ້ານ​ອື່ນໆ​ຕາມ​ກະ­ແສ​ບໍ­ລິ­ໂພກ​ນິ­ຍົມ ເມື່ອ​ໝົດ​ຫົນ­ທາງ​ການ​ໄດ້​ມາ​ໂດຍ​ຄວາມ​ບໍ­ລິ­ສຸດ​ໃຈ ຈາກ​ການ​ຂໍ​ການ​ຢືມ​ນຳ​ພໍ່​ແມ່ ນຳ​ຜູ້​ປົກ­ຄອງ ພວກ​ເຂົາ​ກໍ​ຫັນ​ມາ​ອອກ​ລິດ­ເດດ​ດ້ວຍ​ການ​ລັກ ປຸ້ນ​ຈີ້ ດຶງ​ກະ­ເປົາ ດຶງ​ສາຍ​ຄໍ ຈົນ​ໄປ​ເຖິງ​ການ​ຂ້າ​ເຈົ້າ​ເອົາ​ຂອງ ເຊິ່ງ​ແມ່ນ​ການ​ກະ­ທຳ​ຜິດ​ທາງ​ອາ­ຍາ​ຢ່າງ​ຮຸນ​ແຮງ ບາງ​ຄົນ​ເຄີຍ​ຕ້ອງ​ໂທດ​ອອກ​ຄຸກ​ມາ​ແລ້ວ​ກໍ​ມີ ການ​ກະ­ທຳ​ຜິດ​ຊ້ຳ​ອີກ​ກໍ​ມີ​ຫຼາຍ.</p> <p style="text-align: justify; "> ສຳ­ຄັນ​ພາ­ຫະ­ນະ​ໃນ​ການ​ກະ­ທຳ​ຜິດ​ສ່ວນ​ໃຫຍ່​ແມ່ນ​ລົດ​ເກງ ລົດ­ຈັກ​ທີ່​ບໍ່​ມີ​ປ້າຍ ມີ​ທັງ​ລົດ​ເກົ່າ ແລະ ລົດ​ໃໝ່​ປອກ​ເຈ້ຍ ດັ່ງ​ເຫດ­ການ​ໄລ່​ຍິງ​ກັນ​ຢູ່​ແຖວ​ດອນ​ໜູນ​ເມື່ອ​ສອງ​ປີ­ຜ່ານ­ມາ ເຊິ່ງ​ກໍ​ແມ່ນ​ລົດ​ໃໝ່​ທັງ​ນັ້ນ ນີ້​ຄື​ຊ່ອງ​ຫວ່າງ​ສຳ­ຄັນ​ຂອງ​ຄົນ​ບໍ່​ດີ ແລະ ຕ້ອງ​ມີ​ການ​ຮ່ວມ​ມື​ກັນ​ແກ້​ໄຂ​ໃຫ້​ເປັນ​ຜົນ­ສຳ­ເລັດ ດັ່ງ­ນັ້ນ ອົງ­ການ​ກ່ຽວ­ຂ້ອງ​ທີ່​ມີ​ສິດ​ອຳ­ນາດ ຕ້ອງ​ຫັນ​ໜ້າ​ປຶກ­ສາ​ຫາ­ລື​ກັນ ດ້ວຍ​ການ​ສ້າງ​ມາດ​ຕະ­ການ ຫຼື ເຮັດ​ແນວ­ໃດ ປະ­ກາດ​ຫ້າມ​ລົດ​ບໍ່​ມີ​ປ້າຍ​ແລ່ນ ຖ້າ​ຊື້​ໃໝ່​ຕ້ອງ​ໃຫ້​ໄດ້​ປ້າຍ​ລົດ​ຈົບ​ດີ​ແລ້ວ​ຈຶ່ງ​ແລ່ນ ຖ້າ​ແລ່ນ​ສາ­ມາດ​ເອົາ​ຜິດ​ໄດ້ ເຖິງ​ບໍ່​ມີ​ການ​ກະ­ທຳ​ຜິດ​ກໍ​ຕາມ ດັ່ງ­ນັ້ນ ເວ­ລາ​ຊື້​ລົດ​ຕ້ອງ​ເຮັດ​ປ້າຍ​ໃຫ້​ແລ້ວ​ໄວ ບໍ່​ຄວນ​ແກ່­ຍາວ​ເປັນ​ເດືອນ ເປັນ​ປີ ຕ້ອງ​ແກ້​ໃຫ້​ຖືກ­ຕ້ອງ​ແຕ່​ຕົ້ນ​ທາງ ຄື​ຜູ້​ຊື້​ລົດ​ຕ້ອງ​ມີ​ໃບ​ຂັບ​ຂີ່ ຊື້​ແລ້ວ​ຕ້ອງ​ອອກ​ໃບ​ກວດ­ກາ​ເຕັກ­ນິກ​ໃຫ້ ເຮັດ​ປະ­ກັນ​ໄພ ແລະ ເສຍ​ຄ່າ​ທາງ​ຢູ່​ທີ່​ນັ້ນ​ເລີຍ ຖ້າ​ປະ​ອັນ​ໃດ​ໜຶ່ງ​ໄວ້ ບາງ­ທີ​ເຂົາ­ເຈົ້າ​ບໍ່​ເຮັດ​ເລີຍ​ຊ້ຳ.</p> <p style="text-align: justify; "> ຄິດ​ວ່າ​ຖ້າ​ເຮັດ​ແບບ​ນີ້​ໄດ້ ກໍ​ຄົງ​ຈະ​ບັ່ນ​ທອນ​ການ​ກໍ່​ຄວາມ​ບໍ່​ດີ​ຂຶ້ນ​ໄດ້ ໂດຍ​ສະ­ເພາະ​ຄົນ​ທຽວ​ທາງ​ທີ່​ເຫັນ​ລົດ​ບໍ່​ມີ​ປ້າຍ ຈະ​ພ້ອມ​ກັນ​ລະ­ມັດ­ລະ­ວັງ​ຫຼາຍ​ຂຶ້ນ ຄົນ​ຈະ​ຮຽນ​ຂັບ​ຂີ່​ຫຼາຍ​ຂຶ້ນ ຄົນ​ບໍ່​ມີ​ໃບ​ຂັບ​ຂີ່​ແຕ່​ມີ​ລົດ​ຈະ​ໜ້ອຍ​ລົງ... ສຳ­ຄັນ​ທີ່​ສຸດ ແລະ ເປັນ​ຂອດ​ຕັດ­ສິນ ກໍ​ຍັງ​ຕ້ອງ​ແມ່ນ​ສະ​ຖາ​ບັນ​ຄອບ­ຄົວ ກຳ­ກັບ​ຮັບ­ຜິດ­ຊອບ​ຄົນ​ໃນ​ເຮືອນ​ຕົນ​ໃຫ້​ໄດ້ ຖ້າ​ຄອບ­ຄົວ​ຍັງ​ບໍ່​ເຮັດ​ໜ້າ­ທີ່​ເປັນ​ຈຸ​ລັງ​ຂອງ​ສັງ­ຄົມ ມັນ​ກໍ​ບໍ່​ສາ­ມາດ​ແກ້​ໄຂ​ບັນ­ຫາ​ດັ່ງ­ກ່າວ​ໄດ້ ດັ່ງ­ນັ້ນ ຕ້ອງ​ຮ່ວມ​ກັນ​ຢ່າງ​ຈິງ​ຈັງ​ຄົນ​ລະ​ໄມ້​ລະ​ມື ຮັບ­ຮອງ​ວ່າ​ບັນ­ຫາ​ນີ້​ຕ້ອງ​ເອົາ​ຢູ່ ວ່າ​ຊັ້ນ​ເຢີ !.</p> <p style="text-align: justify; "> <strong>ໂດຍ: ຊຽງ​ເອງ</strong></p>

ຂ່າວທີ່ກ່ຽວຂ້ອງ