ຂ່າວຫຼ້າສຸດ

ຄຳສ່ອງແສງຈາກນັກຮຽນມໍປາຍ

1.845 16 ກ.ພ. 2012 ນານາສາລະ

<p>  </p> <p style="text-align: justify; "> ອ່ານ​ເບິ່ງ ຈ.ມ ສ່ອງ​ແສງ​ຈາກ​ພວກ​ຫຼານ​ນັກ­ຮຽນ​ຊັ້ນ ມໍ5-ມໍ6 ໂຮງ­ຮຽນ​ແຫ່ງ​ໜຶ່ງ​ຂອງ​ເມືອງ​ສີ​ໂຄດ​ຕະ­ບອງ ນະ­ຄອນ­ຫຼວງ​ວຽງ​ຈັນ ລົງ​ວັນ​ທີ (ຕາມ​ສູນ​ຮັບ​ສົ່ງ​ເມ​ແມ່ນ​ວັນ​ທີ 27/1/2012) ແລ້ວ​ກໍ​ຮູ້­ສຶກ​ເສົ້າ​ໃຈ... ຄິດ​ວ່າ​ສຶກ​ສາ​ເມືອງ ແລະ ນະ­ຄອນ­ຫຼວງ ຕ້ອງ​ພິ­ຈາ­ລະ­ນາ​ໂດຍ​ໄວ​ນໍ ?.</p> <p style="text-align: justify; "> <strong>ຄຳ​ສ່ອງ​ແສງ​ມີ​ດັ່ງ­ນີ້:</strong></p> <p style="text-align: justify; "> ເລື່ອງ​ການ­ຈັດ­ຕັ້ງ​ສູນ​ສອນ​ພາ­ສາ​ອັງ­ກິດ ມີ​ຄວາມ​ເໝາະ​ສົມ​ຫຼື​ບໍ່ ? ເພາະ​ຕອນ​ເຊົ້າ​ພວກ​ຫຼານ​ຕ້ອງ​ເປັນ​ຄົນ​ເຮັດ­ອະ­ນາ­ໄມ ແລະ ຈັດ​ໂຕະ​ຕັ່ງ​ຄືນ­ໃໝ່.</p> <p style="text-align: justify; "> ຄູ​ສອນ​ເພີ່ມ​ຖືກ​ປົກ​ປ້ອງ​ວ່າ​ຊັ້ນ ! ຜູ້​ໃດ​ບໍ່​ຮຽນ​ເພີ່ມ​ນຳ ຄະ­ແນນ​ບໍ່​ຜ່ານ ການ​ເວົ້າ​ຈາ​ກໍ​ບໍ່​ຄ່ອຍ​ສຸ­ພາບ​ປານ­ໃດ ? ພວກ​ຫຼານ​ເຄີຍ​ຂຽນ​ໃບ​ສະ­ເໜີ​ເຖິງ​ຜູ້­ອຳ­ນວຍ­ການ ແຕ່​ບໍ່​ໄດ້​ຮັບ​ການ​ແກ້​ໄຂ.</p> <p style="text-align: justify; "> ເພື່ອນ​ຜູ້​ອ່ານ​ຫຼາຍ​ທ່ານ​ຄົງ​ຄິດ​ວ່າ​ເປັນ​ບັນ­ຫາ​ນ້ອຍໆ ເພາະ​ມີ​ຫຼາຍ​ໂຮງ­ຮຽນ​ກໍ​ມັກ​ຫາ​ລາຍ​ໄດ້​ເພື່ອ​ຈຸນ​ເຈືອ​ປັບ­ປຸງ-ປົວ­ແປງ​ໂຮງ­ຮຽນ ແລະ ສະ­ຖານ­ທີ່​ຮ່ຳ­ຮຽນ​ບໍ່​ແມ່ນ​ແຕ່​ສອນ​ພາ­ສາ​ອັງ­ກິດ ບາງ​ບ່ອນ​ຈັດ​ຕັ້ງ­ເຮັດ​ບຸນ​ຫາ​ລາຍ​ໄດ້ ມື້​ໃໝ່​ມາ​ກໍ​ແມ່ນ​ພວກ​ນັກ­ຮຽນ​ເຮັດ­ອະ­ນາ­ໄມ​ອ້ອມ​ເດີ່ມ​ໂຮງ­ຮຽນ.</p> <p style="text-align: justify; "> ຄໍ​ລຳ​ເຮົາ​ຍົກ​ບັນ­ຫາ​ນີ້​ຂຶ້ນ ກໍ​ເພື່ອ​ຢາກ​ໃຫ້​ພາກ­ສ່ວນ​ຄຸ້ມ​ຄອງ​ມະ­ຫາ​ພາກ ເຂົ້າ​ມາ​ມີ​ບົດ­ບາດ​ກວດ­ກາ​ເບິ່ງ​ຄວາມ​ເໝາະ​ສົມ ແລະ ຕັ້ງ​ເປັນ​ລະ­ບຽບ​ການ​ອອກ​ມາ​ວ່າ: ຈະ​ເຮັດ​ຊ່ຳ​ໃດ​ຈຶ່ງ​ຈະ​ພໍ­ດີ​ນໍ ? ເພາະ­ວ່າ​ໄລ­ຍະ​ນີ້ ທາງ​ກະ­ຊວງ​ກ່ຽວ­ຂ້ອງ ເພິ່ນ​ກໍ​ໄດ້​ຍົກ​ບັນ­ຫາ​ເລື່ອງ​ການ​ປັບ­ປຸງ​ສະ­ພາບ​ແວດ​ລ້ອມ​ຂອງ​ໂຮງ­ຮຽນ​ຂຶ້ນ​ມາ ເພື່ອ​ຈະ​ແກ້​ໄຂ​ແລ້ວ​ເດ ? ສຶກ​ສາ​ເມືອງ​ກໍ​ຕ້ອງ​ເປັນ​ເສ­ນາ​ທິ​ການ​ໃຫ້​ຂັ້ນ​ເທິງ ເພື່ອ​ພ້ອມ​ກັນ​ປັບ­ປຸງ​ໃຫ້​ມັນ​ດີ​ຂຶ້ນ ຫາກ​ບໍ່​ແມ່ນ​ເອົາ​ຜິດ​ເອົາ​ແມ່ນ​ຜູ້​ໃດ​ດອກ ! ... ເລື່ອງ​ການ​ຮຽນ​ເພີ່ມ... ສອນ​ເພີ່ມ​ກໍ​ເຊັ່ນ​ດຽວ​ກັນ !.</p> <p style="text-align: justify; "> ຢູ່​ນະ­ຄອນ­ຫຼວງ​ເຮົາ​ນີ້ ໂຮງ­ຮຽນ​ລັດ​ຫຼາຍ​ບ່ອນ​ກໍ​ຖືກ​ການ­ຈັດ­ຕັ້ງ​ບ້ານ ຍາດ​ເອົາ​ດິນ​ໂຮງ­ຮຽນ​ປຸກ​ສ້າງ​ຫ້ອງ­ການ​ບ້ານ ສະ­ໂມ­ສອນ​ບ້ານ ຊຶ່ງ​ບໍ່​ຮູ້​ວ່າ​ບັນ­ຫາ​ນີ້​ສົມ­ຄວນ​ຫຼື​ບໍ່ ? ເພາະ­ວ່າ​ການ​ເຮັດ​ຄື​ແນວ​ນັ້ນ ພາ­ໃຫ້​ເດີ່ນ​ຂອງ​ໂຮງ­ຮຽນ​ແຄບ​ເຂົ້າ... ລູກ​ຫຼານ​ກໍ​ບໍ່​ຄ່ອຍ​ມີ​ບ່ອນ​ສ້າງ​ກິດ­ຈະ­ກຳ ເປັນ­ຕົ້ນ ການ​ຫຼິ້ນ​ກີ­ລາ ການ​ຊຸມ­ນຸມ​ເຄົາ­ລົບ​ທຸງ ດັ່ງ­ນີ້​ເປັນ­ຕົ້ນ.</p> <p style="text-align: justify; "> ຍັງ​ມີ​ຫຼາຍ​ເລື່ອງ​ກ່ຽວ​ກັບ​ໂຮງ­ຮຽນ​ຢູ່​ນະ­ຄອນ­ຫຼວງ... ດັ່ງ​ຄໍ​ລຳ​ເຮົາ​ໄດ້​ລົງ​ພິມ​ມາ​ແລ້ວ​ນໍ ? ເຊັ່ນ​ວ່າ: ສະ­ຖານ­ທີ່​ຕັ້ງ​ຄັບ­ແຄບ ບໍ່​ມີ​ເດີ່ນ​ແຕ່​ເພີ່ມ​ຫ້ອງ​ຮຽນ​ຊັ້ນ​ຮຽນ​ຂຶ້ນ​ເລື້ອຍໆ​ກໍ​ບໍ່​ຮູ້​ວ່າ​ຂັ້ນ​ໃດ​ເຊັນ​ອະ­ນຸ­ຍາດ.</p> <p style="text-align: justify; "> ທັງ​ໝົດ​ນີ້​ຍັງ​ລໍ­ຄອຍ​ຄຳ​ຕອບ​ຈາກ​ພາກ­ສ່ວນ​ກ່ຽວ­ຂ້ອງ !.</p>

ຂ່າວທີ່ກ່ຽວຂ້ອງ