ຂ່າວຫຼ້າສຸດ

ຊ່ອງຫວ່າງໃນການບໍລິການ

1.497 15 ກ.ພ. 2012 ນານາສາລະ

<p>  </p> <p style="text-align: justify; "> ມື້­ນີ້​ຂໍ​ສະ­ເໜີ​ບັນ­ດາ ຈ.ມ ທີ່​ສົ່ງ​ເຂົ້າ​ມາ​ຫາ​ຄໍ​ລຳ​ພວກ​ເຮົາ ເພາະ​ເລື່ອງ​ກ່ຽວ​ກັບ​ວັນ​ແຫ່ງ​ຄວາມ​ຮັກ ໄດ້​ລົງ​ພິມ​ແຕ່​ວັນ​ສຸກ​ທີ່​ຜ່ານ​ມາ​ແລ້ວ​ນໍ ?.</p> <p style="text-align: justify; "> <strong>ຈາກ​ເພື່ອນ​ທີ່​ໃສ່​ນາມ​ວ່າ: </strong>ທ້າວ ອາ​ນຸ ຈາກ​ເມືອງ​ປາກ​ງື່ມ ຈ.ມ ລົງ​ວັນ​ທີ 12/1/2012 ສ່ອງ​ແສງ​ເລື່ອງ​ການ​ໄປ​ຈົດ​ທະ­ບຽນ ແລະ ຈົດ​ຈຳ​ນອງ​ທີ່​ດິນ​ຢັ້ງ­ຢືນ​ຕາມ​ລະ­ບຽບ​ຂອງ​ທະ­ນາ­ຄານ ຕ້ອງ​ມີ​ຫຼັກ​ຊັບ​ຄ້ຳ­ປະ­ກັນ​ເງິນ​ກູ້ ເພື່ອ​ຈະ​ໄດ້​ກູ້​ເງິນ​ຈາກ​ທະ­ນາ­ຄານ.</p> <p style="text-align: justify; "> ເພິ່ນ​ເລົ່າ​ມາ​ຍາວ​ຢຽດ ແຕ່​ໃນ​ຖາ­ນະ​ຜູ້​ຮັບ­ຜິດ­ຊອບ​ຄໍ​ລຳ <strong>ແນວ​ລາວ </strong>ຂໍ​ຄັດ​ຈ້ອນ​ເອົາ​ບາງ​ຈຸດ ຄື: ການ​ໄປ​ຈົດ​ທະ­ບຽນ ຖື​ວ່າ​ບໍ­ລິ­ການ​ວ່ອງ­ໄວ​ທັນ­ໃຈ ແຕ່​ການ​ເກັບ​ຄ່າ​ບໍ­ລິ­ການ​ບໍ່​ມີ​ລະ­ບຽບ​ຈະ­ແຈ້ງ... ເອ­ກະ­ສານ​ທີ່​ຈົດ​ທະ­ບຽນ​ຂອງ​ທະ­ນາ­ຄານ ລວມ​ທັງ​ໝົດ​ມີ 5 ສະ­ບັບ ສະ­ບັບ​ໜຶ່ງ​ມີ 4 ໜ້າ... ການ​ຄິດ­ໄລ່​ຕົວ​ຈິງ​ຕາມ​ໃບ​ບິນ​ທີ່​ບົ່ງ​ແຈ້ງ​ໃນ​ເອ­ກະ­ສານ​ຄິດ­ໄລ່​ທຳ­ນຽມ ແມ່ນ 1 ໜ້າ ຄິດ­ໄລ່ 5 ພັນ​ກີບ (4 ໜ້າ x 5 ພັນ​ກີບ = 20 ພັນ​ກີບ) ໝາ­ຍວ່າ ສະ­ບັບ​ໜຶ່ງ 20 ພັນ​ກີບ ສະ­ນັ້ນ ຊຸດ​ໜຶ່ງ 5 ສະ­ບັບ ກໍ​ແມ່ນ 1 ແສນ​ກີບ ແຕ່​ພະ­ນັກ­ງານ​ຮຽກ​ເກັບ​ບໍ່​ຄື​ກັນ ບາງ​ຄົນ​ເກັບ 280.000 ກີບ 260.000 ກີບ 250.000 ກີບ ສະ­ແດງ​ວ່າ​ມີ​ສ່ວນ​ຕ່າງ​ຕ່ຳ​ສຸດ 150.000 ກີບ.</p> <p style="text-align: justify; "> ຫາກ​ຄູນ​ເບິ່ງ​ຈຳ­ນວນ​ຄົນ​ມາ​ໃຊ້​ບໍ­ລິ­ການ ຈະ​ເຫັນ​ວ່າ​ມີ​ສ່ວນ​ຕ່າງ​ເຂົ້າ­ຖົງ​ພະ­ນັກ­ງານ​ຫຼາຍ​ເຕີບ...</p> <p style="text-align: justify; "> ບາດ­ນີ້​ເວ­ລາ​ໄປ​ຈົດ​ຈຳ​ນອງ​ທີ່​ດິນ​ກໍ​ຄື​ກັນ ແຕ່​ບໍ­ລິ­ການ​ຊ້າ​ແດ່ ?.</p> <p style="text-align: justify; "> ຄ່າ​ທຳ­ນຽມ​ຢັ້ງ­ຢືນ​ຄວາມ​ຖືກ­ຕ້ອງ​ທີ່​ດິນ ຕາມ​ລະ­ບຽບ​ແລ້ວ​ທີ່​ດິນ 1 ຕອນ ຈະ​ຈ່າຍ​ຄ່າ​ທຳ­ນຽມ 20 ພັນ​ກີບ ຫຼັງ​ຈາກ​ນັ້ນ​ຈຶ່ງ​ໄປ​ຈົດ​ເຂົ້າ​ເລກ​ທີ​ຄ່າ​ທຳ­ນຽມ​ຮຽກ​ເອົາ​ແມ່ນ 80 ພັນ​ກີບ ແຕ່​ຕິດ​ສະ­ແຕມ​ຕາມ​ລະ­ບຽບ​ການ 30 ພັນ​ກີບ ມີ​ການ​ນັດ​ໝາຍ 1 ອາ­ທິດ ແຕ່​ຮອດ​ເວ­ລາ​ນັດ​ໝາຍ ບໍ່​ໄດ້​ເອ­ກະ­ສານ ຖາມ​ຫາ​ຜູ້​ຮັບ​ເອ­ກະ­ສານ​ກໍ​ບໍ່​ຄ່ອຍ​ເຫັນ ? ໂທລະ­ສັບ​ຫາ​ກໍ​ຕິດ­ຕໍ່​ບໍ່​ໄດ້... ຜ່ານ​ການ​ແລ່ນ​ໃຕ້​ປົບ​ເໜືອ​ຈຶ່ງ​ຮູ້​ວ່າ ຕ້ອງ​ມີ <strong>ຊອງ​ພິ­ເສດ </strong>ເອ­ກະ­ສານ​ຈຶ່ງ​ເຂົ້າ​ໄປ​ຫາ​ຫົວ­ໜ້າ​ເຊັນ​ອອກ​ມາ​ວ່າ​ຊັ້ນ !.</p> <p style="text-align: justify; "> ຂ້າງ​ເທິງ​ນັ້ນ​ແມ່ນ​ການ​ເລົ່າ ຫຼື ວ່າ​ສ່ອງ​ແສງ​ຂອງ​ຜູ້​ໄປ​ໃຊ້​ບໍ­ລິ­ການ ເຊິ່ງ​ເລື່ອງ​ນີ້​ທາງ​ຄໍ​ລຳ​ກໍ​ບໍ່​ສາ­ມາດ​ຢັ້ງ­ຢືນ​ວ່າ ເປັນ​ຈິງ​ຊ່ຳ​ໃດ໋ ? ແຕ່​ການ​ລົງ​ພິມ​ນີ້​ກໍ​ເພື່ອ​ຢາກ​ສ່ອງ​ແສງ​ໃຫ້​ພາກ­ສ່ວນ​ກ່ຽວ­ຂ້ອງ ໄດ້​ລົງ​ໄປ​ກວດ­ກາ ແລະ ຊອກ​ວິ­ທີ​ແກ້​ໄຂ​ນໍ ?.</p> <p style="text-align: justify; "> ສ່ວນ​ການ​ລົງ​ພິມ​ນີ້ ແມ່ນ​ພວກ​ເຮົາ​ເຮັດ​ຕາມ​ໜ້າ­ທີ່​ຂອງ​ສື່​ມວນ​ຊົນ ທີ່​ໄດ້​ກຳ­ນົດ​ໄວ້​ໃນ​ກົດ­ໝາຍ​ສື່​ມວນ​ຊົນ ໂດຍ​ບໍ່​ມີ​ອະ­ຄະ­ຕິ​ຕໍ່​ພາກ­ສ່ວນ​ທີ່​ກ່ຽວ­ຂ້ອງ​ປະ­ການ​ໃດ​ເລີຍ ! ພຽງ​ແຕ່​ຢາກ​ໃຫ້​ໂອ­ກາດ​ມາ​ຊີ້​ແຈງ ເພື່ອ​ຄວາມ​ກະ­ຈ່າງ​ແຈ້ງ­ວ່າ: ຄວາມ​ເປັນ​ຈິງ​ແມ່ນ​ແນວ­ໃດ​ກັນ​ແທ້ ?.</p>

ຂ່າວທີ່ກ່ຽວຂ້ອງ