ຂ່າວຫຼ້າສຸດ

ເລື່ອງພາສາລາວອີກແລ້ວ

1.853 14 ກ.ພ. 2012 ນານາສາລະ

<p>  </p> <p style="text-align: justify; "> ໃນ​ເດືອນ​ຂ້ອນ​ປີ 2011 ທີ່​ຫາ​ກໍ​ຜ່ານ​ມາ​ເດືອນ​ປາຍ​ນີ້ ຜູ້​ຂຽນ​ມີ​ໂອ­ກາດ​ໄດ້​ອ່ານ​ບົດ​ຂອງ​ເພື່ອນ​ຄໍ​ລຳ <strong>ນາ­ນາ​ສາ­ລະ </strong>ຊຶ່ງ​ເຮັດ​ໜ້າ­ທີ່​ເປັນ​ເວ­ທີ​ແລກ­ປ່ຽນ​ຄຳ​ຄິດ​ເຫັນ​ຈາກ​ມວນ​ຊົນ ເວົ້າ​ອີກ​ແນວ​ໜຶ່ງ​ກໍ​ແມ່ນ​ເວ­ທີ​ຂອງ​ໝົດ​ທຸກ​ຄົນ.</p> <p style="text-align: justify; "> ເພື່ອນ​ຄໍ​ລຳ​ທີ່​ເອີ່ຍ​ເຖິງ​ນັ້ນ ຂຽນ​ສະ­ແດງ​ຄຳ​ຄິດ​ເຫັນ​ກ່ຽວ​ກັບ​ການ​ຜັນ​ສຽງ​ພາ­ສາ​ລາວ​ແບບ​ຜິດ​ຜ້ຽນ​ຂອງ​ໂຄ­ສົກ ຫຼື ຜູ້​ຈັດ​ລາຍ­ການ​ວິ­ທະ­ຍຸ ກໍ​ຄື​ສື່​ເອ​ເລັກ​ໂຕຼ​ນິກ​ອື່ນໆ ໂດຍ​ຍົກ​ໃຫ້​ເຫັນ​ການ​ອອກ­ສຽງ​ຄຳ​ວ່າ: <strong>ຖື​ວ່າ </strong>ແບບ​ບໍ່​ເຂົ້າ​ຫູ​ຈົນ​ຊິ​ຟັງ​ບໍ່​ອອກ​ວ່າ​ແມ່ນ <strong>ຖື​ວ່າ </strong>ເພາະ​ການ​ອອກ­ສຽງ​ຄຳ​ວ່າ: <strong>ຖື </strong>ນັ້ນ ທັ່ງ​ລົມ​ອອກ­ແຮງ​ຄ້າຍ​ກັບ​ເວົ້າ​ສຽງ​ໂຕ <strong>T </strong>ໃນ​ພາ­ສາ​ອັງ­ກິດ ເພື່ອນ​ຄໍ​ລຳ​ທີ່​ຂຽນ​ບົດ​ນີ້​ຄົງ​ເປັນ​ນັກ​ອັກ­ສອນ­ສາດ​ທີ່​ຮອບ​ຮູ້​ເລື່ອງ​ລະ­ບົບ​ການ​ອອກ­ສຽງ ການ​ກຳ­ນົດ​ຈັງ­ຫວະ​ຂອງ​ລີ້ນ​ເວ­ລາ​ກະ­ທົບ​ທັ່ງ​ກັບ​ແຂ້ວ ເພື່ອ​ຜະ­ລິດ​ສຽງ​ໂຕ <strong>ທ </strong>ໃນ​ພາ­ສາ​ລາວ ຜູ້​ຂຽນ​ບໍ່​ມີ​ຄວາມ​ຮູ້​ດ້ານ​ນີ້ ຮູ້​ແຕ່​ວ່າ​ມີ​ຄົນ​ລາວ​ບາງ​ຄົນ ໂດຍ​ສະ­ເພາະ ພວກ​ທີ່​ມັກ​ເຮັດ​ແນວ​ແປກໆ​ໃໝ່ໆ ໂດຍ​ບໍ່​ຫ່ວງ​ວ່າ​ສິ່ງ​ນັ້ນ​ແປກ​ປອມ ຫຼື ບໍ່ ພວກ​ເພິ່ນ​ຄິດ​ວ່າ​ຍິ່ງ​ເວົ້າ​ອອກ­ສຽງ​ໃຫ້​ຄື​ພາ­ສາ​ຕ່າງ­ປະ­ເທດ ກໍ​ແຮງ​ຍິ່ງ​ເຮັດ​ໃຫ້​ຕົນ​ເອງ <strong>ທັນ​ສະ­ໄໝ </strong>ດັ່ງ­ນັ້ນ​ຈຶ່ງ​ບໍ່​ແປກ ທີ່​ມີ​ບາງ​ຄົນ​ອອກ­ສຽງ​ໂຕ <strong>ch </strong>ໃນ​ພາ­ສາ​ລາວ ດ້ວຍ​ການ​ທັ່ງ​ລົມ​ກະ­ທົບ​ລີ້ນ​ແຮງໆ ຄື​ໂຕ <strong>T </strong>ໃນ​ພາ­ສາ​ອັງ­ກິດ ດັ່ງ­ນັ້ນ <strong>ຖື​ວ່າ </strong>ຈຶ່ງ​ອອກ­ສຽງ​ຄື <strong>TuŒVa</strong>.</p> <p style="text-align: justify; "> ນອກ­ຈາກ​ນັ້ນ ຜູ້​ຂຽນ​ຍັງ​ເຫັນ​ວ່າ ບາງ​ຄົນ​ແກ້ງ​ອອກ­ສຽງ​ໂຕ <strong>ຈ </strong>ໃນ​ພາ­ສາ​ລາວ​ຄື​ດຽວ​ກັບ​ໂຕ <strong>ch </strong>ໃນ​ພາ­ສາ​ອັງ­ກິດ ເຊັ່ນ: ເວ­ລາ​ອອກ­ສຽງ​ຄຳ​ວ່າ <strong>ໃຈ </strong>ໃນ <strong>ຫົວ­ໃຈ </strong>ກໍ​ຈ້ອມ​ຂີ້​ສົບ​ເຂົ້າ ແລ້ວ​ທັ່ງ​ລົມ​ລອດ​ຫວ່າງ​ແຂ້ວ​ອອກ​ມາ​ແຮງ ເປັນ: HuaŒChay (ຫົວ­ໃຈ) ບໍ່​ເຊື່ອ​ທ່ານ​ລອງ​ຟັງ​ໂຄ­ສົກ​ສາຍ­ຕາ​ສັ້ນ (ແປ​ວ່າ​ບໍ່​ເບິ່ງ​ກ້ວ​າງ​ເຫັນ​ໄກ​ກ່ວ​າ​ກັບ​ຄວາມ​ເປັນ​ຊາດ) ອອກ­ສຽງ​ຄຳ​ວ່າ: <strong>ຫົວ­ໃຈ </strong>ກໍ​ຈະ​ຍິນ​ສຽງ​ແປກໆ ຫຼື ບໍ່​ກໍ​ໃຫ້​ຟັງ​ຄຳ​ວ່າ: <strong>ຫົວ­ໃຈ </strong>ອອກ​ຈາກ​ປາກ​ຂອງ​ນັກ​ຮ້ອງ​ປະ­ເພດ​ກະ­ເທີນ​ບາງ​ຄົນ​ກໍ​ໄດ້.</p> <p style="text-align: justify; "> ນອກ­ຈາກ​ການ​ເສືອກ​ອອກ­ສຽງ​ພະ­ຍັນ­ຊະ­ນະ <strong>ທŒຖ </strong>ແລະ <strong>ຈ </strong>ເປັນ​ຄື​ສຽງ​ໂຕ <strong>T </strong>ແລະ <strong>ch </strong>ໃນ​ພາ­ສາ​ອັງ­ກິດ​ແລ້ວ ກໍ​ຍັງ​ມີ​ສຽງ​ໂຕ <strong>S </strong>ຫັນ​ລີ້ນ​ທີ່​ເຮັດ​ຄື​ສຽງ​ໂຕ <strong>R </strong>ໃນ​ພາ­ສາ​ອັງ­ກິດ ເພື່ອ​ສະ­ແດງ​ວ່າ​ຕົນ​ຮູ້​ພາ­ສາ​ອັງ­ກິດ​ດີ ຈົນ​ຊິ​ເວົ້າ​ຄວາມ​ລາວ​ບໍ່​ເປັນ ຖ້າ​ເປັນ​ພວກ​ດັງ​ໂມŒຕາ​ລວກ ເຈົ້າ​ຂອງ​ພາ­ສາ ຜູ້​ຂຽນ​ຄົງ​ບໍ່​ວ່າ​ຫຍັງ ອັນ​ນີ້​ດັງ​ແໝບ ໃຫຍ່​ຍ້ອນ​ແຈ່ວ​ປາ­ແດກ​ແທ້ໆ ແຕ່​ມາ​ເສືອກ​ກະ​ໂຫຼກ​ລືມ​ຊາດ.</p> <p style="text-align: justify; "> <strong>ໂດຍ: ຄົນ​ແດດ​ດຽວ</strong></p>

ຂ່າວທີ່ກ່ຽວຂ້ອງ