ປະເພນີ... ທີ່ເຮົາຕ້ອງຄຸ້ມຄອງ

1.723 10 ກ.ພ. 2012 ນານາສາລະ

<p>  </p> <p style="text-align: justify; "> ຫຼາຍ​ປີ​ມາ​ນີ້ ໂດຍ​ສະ­ເພາະ​ແມ່ນ​ໄລ­ຍະ​ເປີດ​ກ້ວ​າງ​ທາງ​ເສດ­ຖະ­ກິດ ຈະ​ເຫັນ​ວ່າ​ວັດ­ທະ­ນະ­ທຳ ຫຼື ປະ­ເພ­ນີ​ສາ­ກົນ ໄດ້​ແຜ່​ຫຼາຍ​ເຂົ້າ​ມາ​ປະ­ເທດ​ເຮົາ ... ໂດຍ​ສະ­ເພາະ ວັນ​ທີ 14 ກຸມ­ພາ ທີ່​ບ່າວ​ສາວ​ນິ­ຍົມ​ຊົມ​ຊອບ ຖື​ກັນ​ວ່າ​ເປັນ​ວັນ​ແຫ່ງ​ຄວາມ​ຮັກ !.</p> <p style="text-align: justify; "> ປະ­ຫວັດ ຫຼື ທີ່​ມາ​ນັ້ນ ຫຼາຍ​ຄົນ​ຄົງ​ຮູ້​ໄດ້​ນໍ ? ແຕ່​ເພ­ດານ​ໃນ​ການ­ເຄື່ອນ­ໄຫວ​ຂອງ​ວັດ­ທະ­ນະ­ທຳ​ນີ້ ... ປະ­ເພ­ນີ​ສາ­ກົນ ... ປະ­ເພ­ນີ​ເອີ​ຣົບ ພວກ​ເຮົາ​ຕ້ອງ​ໄດ້​ຄຸ້ມ​ຄອງ​ອະ­ທິ­ບາຍ​ໃຫ້​ຄົນ​ຊາວ​ໜຸ່ມ​ໄດ້​ຮູ້​ຢ່າງ​ຖືກ­ຕ້ອງ ຫາກ​ບໍ່​ແມ່ນ​ຖື​ເອົາ​ວັນ​ນີ້​ເປັນ​ວັນ​ແຫ່ງ​ການ​ບືນ­ເລິກ​ເລື່ອງ​ເພດ.</p> <p style="text-align: justify; "> ເພື່ອ​ຄວາມ​ກ້າວ­ໜ້າ​ຂອງ​ວັນ​ແຫ່ງ​ຄວາມ​ຮັກ ບໍ່​ຄວນ​ຂີດ​ເສັ້ນ​ໃຫ້​ມັນ​ຢູ່​ທີ່​ຄູ່​ບ່າວ​ສາວ​ເນີ! ຄວາມ​ຮັກ​ນີ້​ອາດ​ເປັນ­ຄວາມ​ຮັກ​ລະ­ຫວ່າງ​ພໍ່​ແມ່ ອ້າຍ​ເອື້ອຍ​ນ້ອງ​ພາຍ​ໃນ​ຄອບ­ຄົວ ກໍ​ໄດ້​ສະ­ແດງ​ຄວາມ​ຮັກ​ຕໍ່​ກັນ ດ້ວຍ​ການ​ໃຫ້​ດອກ​ໄມ້ ຫຼື ຮ່ວມ​ພາ­ເຂົ້າ​ສາ­ມັກ­ຄີ ປຶກ­ສາ​ຫາ­ລື​ເລື່ອງ​ສ້າງ​ຢູ່​ທຳ​ກິນ​ໃນ​ຄອບ­ຄົວ ... ເລື່ອງ​ການ​ດຳ­ລົງ​ຊີ­ວິດ​ໃຫ້​ເໝາະ​ສົມ ແລະ ຢູ່​ໃນ​ລະ­ບຽບ​ກົດ­ໝາຍ​ບ້ານ​ເມືອງ ... ສະ­ແດງ​ຄວາມ​ຮັກ​ຕໍ່​ຄູŒອາ­ຈານ ຕໍ່​ຜູ້​ໃຫຍ່ ຕໍ່​ຫົວ­ໜ້າ ຫຼື ຜູ້​ບັງ­ຄັບ​ບັນ­ຊາ...</p> <p style="text-align: justify; "> ໝາຍ​ຄວາມ​ວ່າ ຖື​ເອົາ​ວັນ​ທີ 14 ກຸມ­ພາ ວັນ​ແຫ່ງ​ຄວາມ​ຮັກ ເປັນ​ວັນ​ຂອງ​ຄວາມ​ຮັກ​ຂອງ​ທຸກ​ຄົນ​ທີ່​ມີ​ຕໍ່​ກັນ​ໃນ​ວົງ​ສັງ­ຄົມ ຫາກ​ບໍ່​ແມ່ນ​ຂີດ​ຂອບ​ເຂດ​ໄວ້​ໃຫ້​ສະ­ເພາະ​ແຕ່​ຄົນ​ບ່າວ​ສາວ​ທໍ່​ນັ້ນ.</p> <p style="text-align: justify; "> ເວົ້າ​ເລື່ອງ​ຄວາມ​ຮັກ​ນີ້ ເພິ່ນ​ຖື​ວ່າ​ເປັນ​ສິ່ງ​ທີ່​ດີ­ເລີດ​ກ່ວ​າ​ເພິ່ນ​ໝົດ ໃນ​ການ​ພົວ­ພັນ​ຂອງ​ຜູ້​ຄົນ​ໃນ​ສັງ­ຄົມ​ໜຶ່ງ ... ໃນ​ປະ­ເທດ​ໜຶ່ງ ແລະ ໃນ​ທົ່ວ​ໂລກ ຫາກ​ຫວນ​ຄືນ​ເບິ່ງ​ປະ­ເພ­ນີ​ລາວ ວັດ­ທະ­ນະ­ທຳ​ຂອງ​ລາວ​ເຮົາ ກໍ​ມີ​ເລື່ອງ​ເລົ່າ​ຂານ​ເປັນ​ຕຳ­ນານ​ກ່ຽວ​ກັບ​ຄວາມ​ຮັກ​ອຳ​ມະ­ຕະ ຫຼື ຜິດ​ຫວັງ​ທີ່​ໂດ່ງ​ດັງ​ມາ​ຫຼາຍ​ເລື່ອງ ເຊັ່ນ: ເລື່ອງ​ທ້າວ ບາ​ຈຽງ​ກັບ​ນາງ ມະ­ໂລງ ເລື່ອງ​ນາງ ອົ້ວ​ຄ່ຽມ ... ຄັນ​ແມ່ນ​ວ່າ​ເຮົາ​ຄົ້ນ​ຄ້ວ​າ​ນຳ​ເອົາ​ເລື່ອງ​ກ່ຽວ​ກັບ​ຄວາມ​ຮັກ​ທີ່​ດີ­ງາມ ບໍ­ລິ­ສຸດ​ຜ່ອງ​ໃສ​ຂອງ​ຄົນ​ລາວ​ບູ­ຮານ​ມາ ເປັນ​ແບບ­ຢ່າງ​ສັ່ງ­ສອນ​ກັນ ອາດ​ມີ​ບາງ​ເລື່ອງ​ໂດດ​ເດັ່ນ​ກ່ວ​າ​ວາ​ເລນ​ທາຍ​ກໍ​ເປັນ​ໄດ້ !.</p> <p style="text-align: justify; "> ແຕ່​ກໍ​ຊ່າງ​ນໍ ? ສຳ­ຄັນ​ລະ​ແມ່ນ​ມັນ​ເຂົ້າ​ມາ​ແລ້ວ ກໍ​ຕ້ອງ​ມີ​ການ​ຄຸ້ມ​ຄອງ​ກັນ​ຄັກ­ແນ່​ວ່າ ເຮົາ​ຈະ​ວາງ​ເພ­ດານ​ໃຫ້​ມັນ​ຊ່ຳ​ໃດ໋ ບໍ່​ເຮີ່​ແຫນ​ແພນ​ກັ້ງ​ຫຼາຍ​ໂພດ ໂດຍ​ສະ­ເພາະ​ພວກ​ສວຍ­ໂອ­ກາດ​ຫາ​ເງິນ ໃນ​ວັນ​ບຸນ​ດັ່ງ­ກ່າວ.</p> <p style="text-align: justify; "> ເວົ້າ​ເລື່ອງ​ຄວາມ​ຮັກ​ຄູ່​ບ່າວ​ສາວ​ນີ້ ມັນ​ມີ​ມາ​ແຕ່​ມະ­ນຸດ​ເຮົາ​ກຳ­ເນີດ​ເກີດ​ມາ​ພຸ້ນ​ລະ ! ... ເພື່ອນ​ຜູ້​ອ່ານ​ທີ່​ເຄີຍ​ຜ່ານ​ຮ້ອນ​ຜ່ານ​ໜາວ​ມາ​ຫຼາຍ​ຟ້າ​ຫຼ້າ​ປີ ... ອາດ​ໄດ້​ຍິນ​ຂ່າວ​ເລື່ອງ​ຄູ່​ບ່າວ​ສາວ​ຂ້າ​ກັນ​ຕາຍ ຍ້ອນ​ຮັກ​ບໍ່​ສົມ​ຫວັງ ! ຫາກ​ໄດ້​ອ້ານ​ປຶ້ມ​ເສັ້ນ­ທາງ​ແຫ່ງ​ຊີ­ວິດ ຂອງ​ນັກ​ຂຽນ​ລາ­ງວັນ​ຊີ​ໄຣ ຈັນ​ທີ ເດືອນ​ສະ­ຫວັນ ແລ້ວ ເພິ່ນ​ຂຽນ​ໄວ້​ເປັນ​ຕອນ​ໜຶ່ງ​ຄັກ­ແນ່ ? ຄື​ຕອນ​ທີ 43 <strong>ຄວາມ​ຮັກ​ມໍ­ລະ­ນະ </strong>ເລົ່າ​ເລື່ອງ​ໃນ​ສະ­ໄໝ​ຕໍ່­ສູ້​ກູ້​ຊາດ ມີ​ຫຼາຍ​ຄູ່​ປິດ​ສາກ​ດ້ວຍ​ລູກ­ປືນ ຍ້ອນ​ວິ­ໄນ​ເຫຼັກ.</p> <p style="text-align: justify; "> ແນວ​ລາວ ! ... ກໍ​ປະ­ສົບ​ດ້ວຍ​ຕົນ​ເອງ ເວ­ລາ​ປົດ​ປ່ອຍ​ໃໝ່ໆ​ຢູ່​ເມືອງ​ປາກ​ເຊ ກໍ​ມີ​ຄູ່​ບ່າວ​ສາວ​ໜຶ່ງ ທີ່​ຝ່າຍ​ຊາຍ​ຫຼົງ​ມັກ ກໍ​ຫວັງ​ປິດ​ຊີ­ວິດ​ດ້ວຍ​ກັນ ... ! ແຕ່​ຜູ້­ຍິງ​ໂຊກ​ດີ ... ພາຍ­ຫຼັງ​ມັກ​ຂ້າ​ໂຕ​ຕາຍ ກາຍ­ເປັນ​ເລື່ອງ​ສະ­ເທືອນ​ຂວັນ​ຂອງ​ຜູ້​ຄົນ​ມາ​ຫຼາຍ​ຟ້າ​ຫຼ້າ​ປີ.</p> <p style="text-align: justify; "> ລວມ​ຄວາມ​ແລ້ວ ບໍ່​ແມ່ນ​ຫ້າມ​ບໍ່​ໃຫ້​ມີ​ຄວາມ​ຮັກ ບໍ່​ແມ່ນ​ຫ້າມ​ບໍ່​ໃຫ້​ສະ­ຫຼອງ​ວັນ​ແຫ່ງ​ຄວາມ​ຮັກ ... ແຕ່​ຢາກ​ໃຫ້​ຄຸ້ມ​ຄອງ​ໃຫ້​ດີ ... ໃຫ້​ມີ​ເພ­ດານ ບໍ່​ແມ່ນ​ເກີນ​ເລີຍ ກາຍ­ເປັນ​ວັນ​ແຫ່ງ​ເພດ​ສຳ­ພັນ.</p>

ຂ່າວທີ່ກ່ຽວຂ້ອງ