ຮ້ານຂາຍປຶ້ມ

1.993 08 ກ.ພ. 2012 ນານາສາລະ

<p style="text-align: justify;"> ຢູ່​ສະ­ພາ​ກາ­ເຟ ຄົນ​ມັກ​ໂສ​ເລ້​ກັນ​ເລື່ອງ​ຮ້ານ​ຂາຍ​ປຶ້ມ ໂດຍ​ໃຫ້​ທັດ­ສະ­ນະ​ທີ່​ແຕກ​ຕ່າງ​ກັນ ເຊັ່ນ:</p> <p style="text-align: justify;"> - ບາງ​ຄົນ​ວ່າ ຮ້ານ​ຂາຍ​ປຶ້ມ​ມີ​ໜ້ອຍ​ໂພດ ຖ້າ​ທຽບ­ໃສ່​ຮ້ານ​ຂາຍ​ສິນ­ຄ້າ​ປະ­ເພດ​ອື່ນ.</p> <p style="text-align: justify;"> - ການ​ຜະ­ລິດ​ປຶ້ມ​ເລື່ອງ ... ປຶ້ມ​ສາ­ລະ​ຄວາມ​ຮູ້​ມີ​ໜ້ອຍ.</p> <p style="text-align: justify;"> - ການ​ລົງ­ທຶນ​ໃສ່​ວຽກ​ນີ້​ມີ​ໜ້ອຍ​ຫຼາຍ ຖ້າ​ທຽບ­ໃສ່​ຂະ­ແໜງ­ການ​ອື່ນ.</p> <p style="text-align: justify;"> - ທຸ­ລະ​ກິດ​ດ້ານ​ນີ້​ຍັງ​ມີ​ຄວາມ​ສ່ຽງ​ສູງ ຈຶ່ງ​ບໍ່​ຄ່ອຍ​ມີ​ຜູ້​ລົງ­ທຶນ.</p> <p style="text-align: justify;"> - ກົນ​ໄກ​ອຳ­ນວຍ​ຄວາມ​ສະ­ດວກ​ຈາກ​ພາກ​ລັດ ຍັງ​ບໍ່​ທັນ​ເໝາະ​ສົມ​ກັບ​ເສດ­ຖະ­ກິດ​ການ​ຕະ­ຫຼາດ.</p> <p style="text-align: justify;"> ຍັງ​ມີ​ອີກ​ທັດ­ສະ­ນະ​ໜຶ່ງ​ທີ່​ບອກ​ວ່າ: ຂະ­ແໜງ​ນີ້​ມີ​ການ​ຂະ­ຫຍາຍ­ຕົວ ແຕ່​ຖ້າ​ທຽບ­ໃສ່​ຂະ­ແໜງ​ອື່ນ​ແມ່ນ​ຊ້າ ແລະ ບໍ່​ທັນ​ຕອບ​ສະ­ໜອງ​ໄດ້​ຕາມ​ຄວາມ​ຮຽກ­ຮ້ອງ​ຕ້ອງ­ການ​ຂອງ​ສັງ­ຄົມ ... ທຸ­ລະ​ກິດ​ດ້ານ​ນີ້​ໄປ​ໄດ້​ດີ ສະ­ແດງ​ອອກ ຮ້ານ​ຂາຍ​ປຶ້ມ​ມີ​ຫຼາຍ​ຂຶ້ນ ເດັ່ນ​ຊັດ​ແມ່ນ​ຢູ່​ຕະ­ຫຼາດ​ເຊົ້າ ນະ­ຄອນ­ຫຼວງ​ວຽງ​ຈັນ ມີ​ຫຼາຍ​ຮ້ານ ... ເວ­ລາ​ມີ​ວາງ­ສະ­ແດງ​ສິນ­ຄ້າ​ຢູ່ ລາວ-ໄອ​ເຕັກ ມີ​ຮ້ານ​ຂາຍ​ປຶ້ມ ເຖິງ​ແມ່ນ​ວ່າ​ຄ່າ​ເຊົ່າ​ສະ­ຖານ­ທີ່​ຈະ​ສູງ​ກໍ​ຕາມ ອັນ​ນີ້​ສະ­ແດງ​ໃຫ້​ເຫັນ​ວ່າ ທຸ­ລະ​ກິດ​ຂາຍ​ປຶ້ມ ຍັງ​ຄົງ​ໄປ​ໄດ້ ... ເບື້ອງ​ການ​ຜະ­ລິດ ດຽວ­ນີ້​ວາ­ລະ­ສານ​ພາກ​ເອ­ກະ​ຊົນ ໂທລະ­ພາບ​ເອ­ກະ​ຊົນ ລາຍ­ການ​ວິ­ທະ­ຍຸ​ເອ­ກະ​ຊົນ ບໍ­ລິ­ສັດ​ໂຄ​ສາ​ນາ​ເອ­ກະ​ຊົນ ເກີດ​ຂຶ້ນ​ຢ່າງ​ຫຼວງ­ຫຼາຍ ຊິ​ເວົ້າ​ວ່າ​ບໍ່​ຂະ­ຫຍາຍ­ຕົວ ບໍ່​ພັດ­ທະ­ນາ​ກໍ​ບໍ່​ຖືກ ສະ­ນັ້ນ ການ​ເບິ່ງ​ບັນ­ຫາ​ນີ້ ຕ້ອງ​ເບິ່ງ​ໃຫ້​ມີ​ເຫດ­ຜົນ ແລະ ຄວາມ​ເປັນ​ທຳ​ແລ້ວ ຖ້າ​ທຽບ­ໃສ່​ຄວາມ​ຕ້ອງ­ການ​ແມ່ນ​ບໍ່​ພໍ​ເທື່ອ ! ... ຈະ​ເວົ້າ​ວ່າ ຄົນ​ລາວ​ບໍ່​ຄ່ອຍ​ອ່ານ­ໜັງ­ສື ບໍ່​ແມ່ນ​ເນີ ! ຄົນ​ລາວ​ຮູ້​ຫຼາຍ​ພາ­ສາ ອັນ​ຕົ້ນ­ຕໍ 90% ແມ່ນ​ຮູ້​ພາ­ສາ​ໄທ ຈາກ​ນັ້ນ​ກໍ​ແມ່ນ​ພາ­ສາ​ຫວຽດ­ນາມ ຈີນ ຝຣັ່ງ ອັງ­ກິດ ... ສະ­ນັ້ນ ຄົນ​ລາວ​ຈຶ່ງ​ອ່ານ​ປຶ້ມ​ໄດ້​ຫຼາຍ​ພາ­ສາ ເລີຍ​ພາ​ໃຫ້­ການ​ອ່ານ​ປຶ້ມ​ພາ­ສາ​ລາວ​ບໍ່​ກ້ວ​າງ​ຂວາງ​ປານ­ໃດ ? ແລະ ຕ້ອງ​ຍອມ­ຮັບ​ວ່າ ເນື້ອ​ໃນ​ຂອງ​ປຶ້ມ​ຂອງ​ເລື່ອງ​ທີ່​ເປັນ​ພາ­ສາ​ລາວ​ເຮົາ ຄຸນ​ນະ​ພາບ​ຍັງ​ບໍ່​ສູງ​ປານ­ໃດ ຖ້າ​ທຽບ­ໃສ່​ປຶ້ມ​ພາ­ສາ​ຕ່າງ­ປະ­ເທດ ໂດຍ​ສະ­ເພາະ​ແມ່ນ​ປຶ້ມ​ກ່ຽວ​ກັບ​ເຕັກ­ນິກ​ວິ­ທະ­ຍາ­ສາດ.</p> <p style="text-align: justify;"> ໃນ­ຕໍ່­ໜ້າ​ການ​ລົງ­ທຶນ​ໃສ່​ຂະ­ແໜງ­ການ​ນີ້​ຕ້ອງ​ມີ​ຫຼາຍ​ຂຶ້ນ ໂດຍ​ສະ­ເພາະ​ສ່ວນ​ລວມ ... ຜ່ານ​ມາ​ຂະ​ບວນ​ການ​ລົງ­ທຶນ​ໃສ່​ປຶ້ມ​ເຜີຍ­ແຜ່​ສິນ​ທຳ​ແມ່ນ​ມີ​ຫຼາຍ ເຖິງ​ແມ່ນ​ວ່າ­ການ​ຈັດ​ພິມ​ຍັງ​ບໍ່​ງາມ​ປານ­ໃດ​ກໍ​ຕາມ ກໍ​ຄວນ​ຍ້ອງ­ຍໍ​ຊົມ­ເຊີຍ ຖັດ​ມາ​ກໍ​ແມ່ນ​ປຶ້ມ​ຊີ­ວະ​ປະ­ຫວັດ​ຂອງ​ບຸກ­ຄົນ ... ຂອງ​ການ­ຈັດ­ຕັ້ງ​ກໍ​ເຫັນ​ວ່າ​ມີ​ຫຼາຍ​ຂຶ້ນ ! ...</p> <p style="text-align: justify;"> ຫາ​ກວ່າ​ສັງ­ຄົມ​ເຮົາ​ເຫັນ​ຄວາມ​ສຳ­ຄັນ ໃຫ້­ການ​ສະ­ໜັບ­ສະ­ໜູນ​ທຶນ­ຮອນ​ໃນ​ການ​ລົງ­ທຶນ​ຂຽນ ... ຈັດ​ພິມ​ຄິດ​ວ່າ​ປຶ້ມ​ຈະ​ມີ​ຫຼາຍ​ຂຶ້ນ ອາດ​ຈະ​ເຮັດ​ແບບ​ກອງ​ກະ­ຖິນ​ສາ­ມັກ­ຄີ​ຫາ​ເງິນ​ພິມ​ປຶ້ມ​ສິນ​ທຳ​ພິມ ປຶ້ມ​ປະ­ຫວັດ­ສາດ ມອບ​ເງິນ​ໃຫ້​ອົງ­ການ​ກ່ຽວ­ຂ້ອງ​ພິມ ໂດຍ​ໃຫ້​ແຕ່​ລະ​ບໍ­ລິ­ສັດ​ຖື​ເປັນ​ພັນ­ທະ ເຊັ່ນ​ວ່າ: ພວກ​ຫາ​ກິນ​ນຳ​ເຄື່ອງ​ມຶນ­ເມົາ ກໍ​ໃຫ້​ທຶນ​ພິມ​ປຶ້ມ​ເຕືອນ​ສະ­ຕິ​ການ​ສັນ­ຈອນ​ຕາມ​ທ້ອງ​ຖະ­ໜົນ ແລະ ເລື່ອງ­ສັ້ນ​ທີ່​ກ່ຽວ​ພັນ ... ພວກ​ຫາ​ກິນ​ນຳ​ສິ່ງ­ແວ­ດລ້ອມ ພວກ​ຂຸດ​ບໍ່​ເງິນ​ບໍ່​ຄຳ ກໍ​ຊ່ວຍ​ຂຽນ​ປຶ້ມ​ເລື່ອງ​ປົກ​ປັກ​ຮັກ­ສາ​ສິ່ງ­ແວ­ດລ້ອມ.</p> <p style="text-align: justify;"> ເບື້ອງ​ການ­ຈັດ­ຕັ້ງ​ສັງ­ຄົມ ກໍ​ສ້າງ​ຂະ​ບວນ​ການ​ອ່ານ​ປຶ້ມ ແຂ່ງ­ຂັນ​ອ່ານ​ສຽງ​ດີ ອ່ານ​ຖືກ​ໄວ​ຍະ​ກອນ ແລະ ອື່ນໆ ເຮັດ​ຄື​ຂະ​ບວນ​ແຂ່ງ­ຂັນ​ກີ­ລາ ... ສິ­ລະ​ປະ​ວັນ­ນະ­ຄະ­ດີ ຫາ​ກວ່າ​ມີ​ການ​ຊຸກ­ຍູ້​ຊ່ວຍ­ເຫຼືອ​ແບບ​ກ່າວ​ມາ​ຂ້າງ​ເທິງ ຄິດ​ວ່າ​ຈະ​ເກີດ​ການ​ປ່ຽນ­ແປງ​ໃນ​ການ​ອ່ານ ແລະ ການ​ຜະ­ລິດ​ປຶ້ມ​ເປັນ​ຢ່າງ​ດີ ໄປ​ຄຽງ​ຄູ່​ກັນ​ນັ້ນ ເບື້ອງ​ມະ­ຫາ​ພາກ​ກໍ​ຄວນ​ເບິ່ງ​ຄືນ​ດ້ານ​ພາ­ສີ... ອາ­ກອນ​ຕ່າງໆ​ທີ່​ກ່ຽວ­ຂ້ອງ​ກັບ​ການ­ຈຳ­ໜ່າຍ​ປຶ້ມ ... ວາ­ລະ­ສານ ໜັງ­ສື­ພິມ ເປັນ­ຕົ້ນ​ແມ່ນ​ຂອດ​ການ​ຂົນ­ສົ່ງ ...</p> <p style="text-align: justify;"> ໃນ​ນັ້ນ​ການ​ເບິ່ງ​ແຮງ​ງານ​ຂອງ​ຄົນ​ຂຽນ​ໜັງ­ສື ກໍ​ຄວນ​ໄດ້​ຍົກ​ຂຶ້ນ​ມາ​ເວົ້າ​ເຊັ່ນ​ກັນ ເພາະ​ມັນ​ໝາຍ​ເຖິງ​ຂະ​ບວນ​ການ​ຜະ­ລິດ​ໜັງ­ສື​ທີ່​ມີ​ຄຸນ​ນະ​ພາບ.</p>

ຂ່າວທີ່ກ່ຽວຂ້ອງ