ພຶດຕິກໍາບໍ່ດີ ເກີດຂຶ້ນດ້ວຍຄວາມຕັ້ງໃຈ ຫຼື ເກີດຂຶ້ນເອງ

1.635 07 ກ.ພ. 2012 ນານາສາລະ

<p style="text-align: justify;"> ໃນ​ຂະ­ນະ​ທີ່​ທົ່ວ​ພັກ-ລັດ ແລະ ສັງ­ຄົມ​ພວກ​ເຮົາ​ພວມ​ອອກ­ແຮງ​ແຂ່ງ­ຂັນ​ຢ່າງ​ຟົດ­ຟື້ນ ເບີກ­ບານ​ມ່ວນ­ຊື່ນ ປະ­ຕິ­ບັດ​ໜ້າ­ທີ່ ທິດ​ທາງ​ທີ່​ກອງ​ປະ­ຊຸມ​ໃຫຍ່ ຄັ້ງ​ທີ IX ຂອງ​ພັກ​ວາງ​ອອກ ແນ­ໃສ່​ເພື່ອ​ບຸກ​ທະ­ລຸ​ເປົ້າ​ໝາຍ​ແຫ່ງ​ການ​ລຶ­ບລ້າງ​ສະ­ພາບ​ດ້ອຍ​ພັດ­ທະ­ນາ​ເທື່ອ​ລະ​ກ້າວ​ນັ້ນ ແຕ່​ອີກ​ດ້ານ​ໜຶ່ງ ພວກ​ເຮົາ​ກໍ​ມີ​ຄວາມ​ຫຍຸ້ງ­ຍາກ ອັນ​ເນື່ອງ​ມາ​ຈາກ​ຈຸດ​ເລີ່ມ​ຕົ້ນ​ຂອງ​ເຮົາ​ຕ່ຳ ໜໍ່​ແໜງ​ພື້ນ­ຖານ​ເສດ­ຖະ­ກິດ​ເມື່ອ​ກ່ອນ​ຍັງ​ບໍ່​ແຂງ­ແຮງ ຜົນ​ສະ­ທ້ອນ​ຈາກ​ເສິກ​ສົງ­ຄາມ​ໃນ​ເມື່ອ​ກ່ອນ​ຍັງ​ແກ່­ຍາວ ປະ­ກອບ​ກັບ​ໄພ​ທຳ​ມະ​ຊາດ​ຫຼາຍ​ປະ­ການ​ເກີດ​ຂຶ້ນ​ໃນ​ປະ­ເທດ​ເຮົາ ຈຶ່ງ​ສ້າງ​ຄວາມ​ຫຍຸ້ງ­ຍາກ​ຈຳ­ນວນ​ບໍ່​ໜ້ອຍ ແກ່​ບາດ­ກ້າວ​ເດີນ​ຂອງ​ປະ­ເທດ​ເຮົາ.</p> <p style="text-align: justify;"> ອີກ​ດ້ານ​ໜຶ່ງ ຍັງ​ມີ​ຄົນ​ເຈດ​ຕະ​ນາ ຫຼື ປະ­ພຶດ​ຕົນ​ແນວ​ບໍ່​ດີ​ໃນ​ສັງ­ຄົມ ເພື່ອ​ທຳ­ລາຍ​ພາບ​ພົດ​ຂອງ​ປະ­ເທດ​ຊາດ ທຳ­ລາຍ​ການ­ຈັດ­ຕັ້ງ ທຳ­ລາຍ​ບົດ­ບາດ​ໜໍ່​ແໜງ​ສິ່ງ​ດີ­ງາມ​ຂອງ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ປະ­ເທດ​ເຮົາ ລອງ​ມາ​ສຳ​ຫຼວດ​ເບິ່ງ​ວ່າ ໃຜ​ສ້າງ​ແນວ​ບໍ່​ດີ​ແນວ­ໃດ​ແດ່ ແລະ ສາ­ມາດ​ປ່ຽນ­ແປງ​ປະ​ຖິ້ມ​ມັນ​ໄດ້​ບໍ ແລະ ມີ​ໃຜ​ແດ່​ທີ່​ສ້າງ​ໜໍ່​ແໜງ​ແນວ​ບໍ່​ດີ ດັ່ງ​ທີ່​ຈະ​ກ່າວ​ຕໍ່​ໄປ​ນີ້ ຖ້າ​ມີ​ຈະ​ເຮັດ​ແນວ­ໃດ ຮັກ­ສາ​ໄວ້ ຫຼື ປ່ອຍ​ໄປ​ຕາມ​ແຕ່​ມັນ​ຈະ​ເປັນ ຫຼື ຈະ​ຕ້ອງ​ກຳ​ມັນ​ໃຫ້​ຢູ່​ຄາ​ມື ຊຶ່ງ​ມີ​ຂໍ້​ຄິດ​ແລກ­ປ່ຽນ ດັ່ງ​ລຸ່ມ​ນີ້:</p> <p style="text-align: justify;"> 1. ຂ້ອຍ​ຕ້ອງ​ໄປ​ການ 8ໂມງ​ເຊົ້າ ຫຼື ຫຼັງ 8:30ໂມງ ເພື່ອ​ໃຫ້​ມົ້ມ​ລົດ​ອັ່ງ​ທາງ (ລົດ​ຕິດ).</p> <p style="text-align: justify;"> 2. ຫຼັງ​ເລີກ​ການ​ຕອນ​ແລງ ຂ້ອຍ​ຕ້ອງ​ສ້າງ­ສັນ ຕີ​ບູນ ແວ່​ບ່ອນ​ໃດ​ໜຶ່ງ ເຕະ­ບານ​ເດີ່ນ​ນ້ອຍ​ກັບ​ໝູ່ ປະ­ຈຳ​ອາ­ທິດ​ລະ 3Œ4ເທື່ອ.</p> <p style="text-align: justify;"> 3. ຂ້ອຍ​ເຄີຍ​ສົນ­ທະ­ນາ​ກັບ​ຄອບ­ຄົວ​ກ່ຽວ​ກັບ​ຄຳ​ຂວັນ 6ສ.</p> <p style="text-align: justify;"> 4. ຂ້ອຍ​ເຄີຍ​ຮັບ​ຂອງ­ຂວັນ ບາງ​ຄັ້ງ​ກໍ​ແມ່ນ​ເງິນ​ຈາກ​ຜູ້​ໃຊ້​ບໍ­ລິ­ການ​ທີ່​ມີ​ນ້ຳ­ໃຈ​ໃຫ້​ເປັນ​ສິນ​ສົມ​ມະ​ນາ​ຄຸນ​ທີ່​ແກ້​ວຽກ​ໃຫ້​ເຂົາ​ໄວ.</p> <p style="text-align: justify;"> 5. ບາງ­ເທື່ອ​ຂ້ອຍ​ຂັບ​ລົດ​ຫຼັງ​ດື່ມ​ເຫຼົ້າ​ທີ່​ງານ​ລ້ຽງ.</p> <p style="text-align: justify;"> 6. ບາງ​ຄັ້ງ​ບໍ່​ມີ​ເຈົ້າ​ໜ້າ­ທີ່​ຍາມ​ໄຟ​ແດງ ບໍ່​ມີ​ລົດ​ຈາກ​ສາຍ​ທາງ​ຕ່າງໆ ຂ້ອຍ​ກໍ​ລ່ວງ​ໄຟ​ແດງ​ຢ່າງ​ປອດ​ໄພ.</p> <p style="text-align: justify;"> 7. ຫຼາຍ​ຄັ້ງ​ທີ່​ຂ້ອຍ​ຈອດ​ລົດ​ປະ​ໄວ້​ແຄມ​ທາງ​ບ່ອນ​ທີ່​ມີ​ໝາຍ​ກ່ານ​ແດງ​ຂາວ ບໍ່​ເຫັນ​ວ່າ​ມີ​ເຈົ້າ​ໜ້າ­ທີ່​ໄໝ.</p> <p style="text-align: justify;"> 8. ຂ້ອຍ​ເຫັນ​ຄົນ​ຂັບ​ລົດ​ຜິດ​ກົດ​ຈາ­ລະ​ຈອນ ຂ້ອຍ​ເຫຼືອ­ໃຈ ເລີຍ​ຮ້ອງ​ດ່າ​ມັນ​ທີ່​ບໍ່​ຮູ້­ຈັກ​ຄວາມ.</p> <p style="text-align: justify;"> 9. ບາງ​ຄັ້ງ​ຂ້ອຍ​ກິນ​ເຂົ້າ­ໜົມ​ໃນ​ລົດ ແລ້ວ​ຖິ້ມ​ຫໍ່​ເປົ່າ​ອອກ​ນອກ.</p> <p style="text-align: justify;"> 10. ການ​ຮຽນ​ຂັບ​ລົດ ຕ້ອງ​ຮຽນ​ທີ່​ໂຮງ­ຮຽນ​ຂັບ​ລົດ ແລະ ຮຽນ​ດ້ວຍ​ຕົນ​ເອງ​ກໍ​ໄດ້ ແລະ ອື່ນໆ.</p> <p style="text-align: justify;"> ລອງໆ​ຄິດ​ນຳ​ກັນ ຕອບ​ເອົາ​ເອງ​ຕາມ​ຄວາມ​ເປັນ​ຈິງ​ຢ່າງ​ບໍ່​ໃນ​ຕົວ ແລ້ວ​ຈະ​ຮູ້​ວ່າ​ຕົນ​ເອງ​ໄດ້​ສ້າງ​ໜໍ່​ແໜງ​ແນວ​ບໍ່​ດີ ໂດຍ​ບໍ່​ຕັ້ງ­ໃຈ ຫຼື ບໍ່.</p> <p style="text-align: justify;"> ສະ­ນັ້ນ ເພື່ອ​ກວດ­ກາ​ເບິ່ງ​ຕົນ​ເອງ ເຫັນ​ວ່າ​ຍັງ​ຝືນ​ຕໍ່​ພຶດ­ຕິ​ກຳ​ລ່ວງ​ລະ­ເມີດ​ກົດ­ໝາຍ ທຳ­ລາຍ​ຄວາມ​ບໍ່​ເປັນ​ລະ­ບຽບ​ຮຽບ​ຮ້ອຍ ຈະ​ກ້າວ​ໄປ​ເຮັດ​ໃຫ້​ສັງ­ຄົມ​ບໍ່​ມີ​ຄວາມ​ສະ­ຫງົບ​ປອດ​ໄພ ພວກ​ເຮົາ​ຄວນ​ກຳ­ຈັດ​ພຶດ­ຕິ​ກຳ​ແນວ​ບໍ່​ດີ​ໄດ້​ກັບ​ທີ່​ໂລດ.</p>

ຂ່າວທີ່ກ່ຽວຂ້ອງ