ຂ່າວຫຼ້າສຸດ

ຜູ້ທົນທຸກທໍລະມານ ຄືຜູ້ປົກຄອງ...

1.600 01 ກ.ພ. 2012 ນານາສາລະ

<p style="text-align: justify;"> ເພື່ອນ​ຜູ້​ອ່ານ​ທ່ານ​ໜຶ່ງ​ສ່ອງ​ແສງ​ມາ ໃນ​ວັນ​ທີ 31/1/2012 ສະ­ແດງ​ຄວາມ​ເປັນ​ຫ່ວງ ເມື່ອ​ໄດ້​ອ່ານ​ຂ່າວ​ຢູ່​ໜ້າ 4 ຂອງ​ວຽງ​ຈັນ​ໃໝ່ ວັນ​ທີ 30/1/2012 ໃນ​ຫົວ­ຂໍ້: <strong>ສຶກ​ສາ​ອົບ­ຮົມ​ຜູ້​ທີ່​ຕິດ​ຢາ​ເສບ​ຕິດ </strong>ເຊິ່ງ​ເນື້ອ​ໃນ​ແຈ້ງ​ໃຫ້​ຮູ້​ວ່າ ເຈົ້າ​ໜ້າ­ທີ່​ສາ­ມາດ​ຈັບ​ກຸມ​ທັງ​ຜູ້​ຄ້າ­ຂາຍ ແລະ ຜູ້​ເສບ ຈຳ­ນວນ 107 ຄົນ ຍິງ 4 ຄົນ ຢູ່​ຈຸດ​ມົ້ວ​ສຸມ ໜ່ວຍ 1 ບ້ານ​ສະ­ຫວ່າງ ເມືອງ​ຈັນ­ທະ​ບູ​ລີ ນະ­ຄອນ­ຫຼວງ​ວຽງ​ຈັນ.</p> <p style="text-align: justify;"> ເພື່ອນ​ເວົ້າ​ວ່າ: ເຫັນ​ຕົວ​ເລກ​ແລ້ວ​ເສົ້າ​ໃຈ ບໍ່​ຄິດ​ວ່າ​ຈະ​ມີ​ກຸ່ມ​ມົ້ວ​ສຸມ​ຫຼາຍ​ປານ​ນັ້ນ ! ຜ່ານ​ມາ​ເຫັນ​ແຕ່​ຂ່າວ​ຄາວ​ຢູ່​ບ່ອນ​ອື່ນ ປະ­ເທດ​ອື່ນ... ຄຽງ​ຄູ່​ກັບ​ຄວາມ​ເສົ້າ​ໃຈ ກໍ​ຍິນ​ດີ​ທີ່​ເຈົ້າ​ໜ້າ­ທີ່​ເຮົາ ທັບ​ມ້າງ​ກຸ່ມ​ມົ້ວ​ສຸມ​ນີ້​ໄດ້ !.</p> <p style="text-align: justify;"> ນຳ​ເອົາ​ຂ່າວ​ນີ້​ໄປ​ສົນ­ທະ­ນາ​ກັບ​ຫຼາຍ​ຄົນ ຕ່າງ​ກໍ​ເປັນ​ຫ່ວງ ແລະ ຕັ້ງ​ເປັນ​ຂໍ້​ສັງ­ເກດ​ວ່າ ເປັນ​ຫຍັງ​ຈຶ່ງ​ມີ​ເຫດ­ການ​ນີ້​ເກີດ​ຂຶ້ນ ຢູ່​ເມືອງ​ໃນ​ຂອງ​ນະ­ຄອນ­ຫຼວງ​ວຽງ​ຈັນ ອຳ­ນາດ​ການ​ປົກ­ຄອງ​ໜ່ວຍ 1 ບ້ານ​ສະ­ຫວ່າງ ເມືອງ​ຈັນ­ທະ​ບູ​ລີ ຈະ​ຖອດ​ຖອນ​ບົດ­ຮຽນ​ຢ່າງ­ໃດ ໃນ​ການ​ຄຸ້ມ​ຄອງ​ພົນ­ລະ­ເມືອງ ການ​ປ້ອງ​ກັນ​ຄວາມ​ສະ­ຫງົບ​ສຸກ... ? ນີ້​ຄື​ຄຳ​ຖາມ​ທີ່​ຕັ້ງ​ຂຶ້ນ.</p> <p style="text-align: justify;"> ຢູ່​ນະ­ຄອນ­ຫຼວງ​ພວກ​ເຮົາ ຖ້າ​ທຽບ­ໃສ່​ແຂວງ​ອື່ນໆ ຈະ​ເຫັນ​ວ່າ​ການ­ຈັດ­ຕັ້ງ​ຄົບ​ຊຸດ ໂດຍ​ສະ­ເພາະ​ແມ່ນ​ຂັ້ນ​ບ້ານ ບໍ່​ທໍ່​ນັ້ນ ຍັງ​ມີ​ເຈົ້າ​ໜ້າ­ທີ່​ກຸ່ມ​ບ້ານ ແລະ ພະ­ນັກ­ງານ​ລົງ​ກໍ່­ສ້າງ​ຮາກ​ຖານ​ຕື່ມ​ອີກ ການ​ປະ­ກົດ​ຕົວ​ຂຶ້ນ​ຂອງ​ຂ່າວ​ຄັ້ງ​ນີ້ ມັນ​ສະ­ແດງ​ໃຫ້​ເຫັນ​ເຖິງ​ປະ​ສິດ­ທິ​ຜົນ​ຂອງ​ວຽກ​ງານ 6 ສ ທີ່​ນະ­ຄອນ­ຫຼວງ​ພວກ​ເຮົາ ພວມ​ບຸກ​ບືນ​ຈັດ​ຕັ້ງ​ປະ­ຕິ­ບັດ ຈະ​ຕ້ອງ​ເດີນ​ໜ້າ ແລະ ເຮັດ​ຢ່າງ​ເຂັ້ມ­ແຂງ ເດັດ­ຂາດ ຈຶ່ງ​ຈະ​ເອົາ​ຊະ­ນະ​ໄພ​ອັນ­ຕະ­ລາຍ​ຈາກ​ຢາ​ເສບ​ຕິດ.</p> <p style="text-align: justify;"> ຜົນ­ສຳ­ເລັດ​ຂອງ​ການ​ປາບ​ຄັ້ງ​ນີ້ ຕ້ອງ​ຂໍ​ຍ້ອງ­ຍໍ​ສັນ­ລະ­ເສີນ​ເຈົ້າ​ໜ້າ­ທີ່ ເຊິ່ງ​ບອກ​ວ່າ​ແນບ​ນຽນ ເພາະ​ຈັບ​ທັງ​ຜູ້​ຄ້າ­ຂາຍ ແລະ ຜູ້​ເສບ​ເປັນ​ຈຳ­ນວນ​ຫຼາຍ.</p> <p style="text-align: justify;"> ບ້ານ​ອື່ນໆ​ຢູ່​ນະ­ຄອນ­ຫຼວງ ກໍ​ຄວນ​ເປັນ​ເຈົ້າ​ການ​ສອດ­ສ່ອງ​ດູ​ແລ​ເບິ່ງ​ໃນ​ບ້ານ​ຂອງ​ຕົນ ມີ​ປະ­ກົດ​ການ​ມົ້ວ​ສຸມ ຫຼື ບໍ່ ? ຖ້າ​ສົງ​ໃສ ຫຼື ມີ​ປະ­ກົດ​ການ ກໍ​ຄວນ​ລາຍ​ງານ​ໃຫ້​ເຈົ້າ​ໜ້າ­ທີ່​ເພິ່ນ​ຮັບ​ຊາບ ແລະ ມີ​ວິ­ທີ​ການ​ປາບ​ແຕ່​ຫົວ­ທີ...</p> <p style="text-align: justify;"> ເວົ້າ​ເລື່ອງ​ສະ­ຖານ­ທີ່​ມົ້ວ​ສຸມ​ນີ້ ແຕ່​ລະ​ບ່ອນ​ກໍ​ແຕກ​ຕ່າງ​ກັນ ບາງ​ບ່ອນ​ມັກ​ຢູ່​ເຮືອນ​ເຊົ່າ​ຫ້ອງ​ແຖວ ບາງ​ບ່ອນ­ຢູ່​ສວນ ຢູ່​ດິນ​ນາ ຫຼື ຢູ່​ເຮືອນ​ຫຼັງ​ບັກ​ໃຫຍ່​ກໍ​ຍັງ​ມີ.</p> <p style="text-align: justify;"> ຄັນ​ຫາກ​ແມ່ນ​ການ­ຈັດ­ຕັ້ງ​ຂັ້ນ​ພື້ນ­ຖານ​ເຂັ້ມ­ແຂງ​ເອົາ­ໃຈ­ໃສ່​ແລ້ວ ຄິດ​ວ່າ​ກຸ່ມ​ມົ້ວ​ສຸມ​ໄປ​ບໍ່​ລອດ ຄື​ດັ່ງ​ກໍ­ລະ­ນີ​ເປັນ​ຂ່າວ ສະ­ນັ້ນ ອຳ­ນາດ​ການ​ປົກ­ຄອງ​ບ້ານ ຕ້ອງ​ເປັນ​ເຈົ້າ​ການ​ອີ່­ຫຼີ ຄັນ­ຊັ້ນ​ປາບ​ບໍ່​ແລ້ວ​ເປັນ​ຈັກ​ເທື່ອ.</p> <p style="text-align: justify;"> ຢາ​ເສບ​ຕິດ​ນີ້​ອັນ­ຕະ­ລາຍ​ແກ່​ສຸ­ຂະ­ພາບ... ມີ​ການ​ໂຄ­ສະ­ນາ​ຜົນ​ຮ້າຍ ແຕ່​ເຖິງ​ປານ​ນັ້ນ ກໍ​ຍັງ​ມີ​ກຸ່ມ​ເສບ​ຢູ່ ແລະ ຜູ້​ຄ້າ­ຂາຍ​ກໍ​ບໍ່​ເກງ​ກົວ​ກົດ­ໝາຍ​ບ້ານ​ເມືອງ.</p> <p style="text-align: justify;"> ຜູ້​ທົນ​ທຸກ­ທໍ­ລະ­ມານ​ກ່ວ​າ​ເພິ່ນ ແມ່ນ​ພໍ່​ແມ່​ຜູ້​ປົກ­ຄອງ​ທີ່​ມີ​ລູກ-ຫຼານ​ຕົກ​ເປັນ​ທາດ​ຂອງ​ຢາ​ເສບ​ຕິດ.</p>

ຂ່າວທີ່ກ່ຽວຂ້ອງ