ຂ່າວຫຼ້າສຸດ

ຕ້ອງເຂັ້ມງວດເລື່ອງຄຸນນະພາບ

1.725 27 ມ.ກ. 2012 ນານາສາລະ

<p style="text-align: justify;"> ຫຼາຍ​ປີ​ມາ​ນີ້ ຂະ​ບວນ​ພະ­ນັກ­ງານ​ຍົກ​ລະ­ດັບ​ການ​ສຶກ​ສາ​ດ້ວຍ​ທຶນ­ຮອນ​ຂອງ​ຕົນ​ເອງ​ມີ​ຫຼາຍ​ຂຶ້ນ ເຊິ່ງ​ກໍ​ເປັນ​ເລື່ອງ​ດີ ໃນ​ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ທີ່​ບໍ່​ເອື່ອຍ​ອີງ­ໃສ່​ພາກ​ລັດ​ຢ່າງ​ດຽວ... ບໍ່​ທໍ່​ນັ້ນ ມັນ​ຍັງ​ສະ­ແດງ​ອອກ​ເຖິງ​ຄວາມ​ຕື່ນ​ຕົວ​ຂອງ​ພະ­ນັກ­ງານ ທີ່​ຢາກ​ຍົກ​ລະ­ດັບ​ຂອງ​ຕົນ​ໃຫ້​ສູງ​ຂຶ້ນ ເພື່ອ​ຮັບ​ໃຊ້​ໜ້າ­ທີ່​ວຽກ​ງານ​ທີ່​ການ­ຈັດ­ຕັ້ງ​ມອບ​ໝາຍ​ໃຫ້​ບັນ­ລຸ​ຜົນ­ສຳ­ເລັດ​ສູງ​ສຸດ... ການ​ຍົກ​ລະ­ດັບ​ດ້ວຍ​ຕົນ​ເອງ​ນີ້ ພະ­ນັກ­ງານ​ຈຳ­ນວນ​ໜຶ່ງ ໃຊ້​ເວ­ລາ​ຮຽນ​ພາກ​ພິ­ເສດ ບໍ່​ຂາດ​ວຽກ​ຂາດ​ງານ​ໄປ​ຮຽນ​ຄື: ຮຽນ​ພາກ​ຄ່ຳ ແລະ ຮຽນ​ວັນ​ເສົາ-ອາ­ທິດ... ຫຼາຍ​ຄົນ​ບຸກ​ບືນ​ຜ່ານ​ຜ່າ ຈົກ​ເງິນ​ໃນ​ຖົງ​ອອກ​ຍ້ອນ​ວ່າ​ທີ່​ຜ່ານ​ມາ ບໍ່​ມີ​ເງື່ອນ­ໄຂ​ໄປ​ຮຽນ ຍ້ອນ​ຫຼາຍ​ສາ­ເຫດ ທັງ​ໃນ​ຕົວ ແລະ ນອກ​ຕົວ... ການ​ຮຽນ​ມີ​ທັງ​ຜູ້​ບຸກ​ບືນ​ຮຽນ​ໃຫ້​ຈົບ​ວິ­ຊາ​ສະ­ເພາະ​ຊັ້ນ​ສູງ ແລ້ວ​ຍັງ​ບືນ​ຕໍ່​ປະ­ລິນ­ຍາ​ຕຼີ ແລະ ໂທ​ກໍ​ຫາກ​ມີ ແລ້ວ­ແຕ່​ເງື່ອນ­ໄຂ​ນໍ ?.</p> <p style="text-align: justify;"> ການ​ຮ່ຳ­ຮຽນ​ດ້ວຍ​ທຶນ​ຂອງ​ຕົນ​ເອງ​ນີ້ ! ຄັນ​ແມ່ນ​ບໍ່​ຕັດ­ສິນ​ໃຈ​ສູງ... ຄອບ­ຄົວ​ບໍ່​ເປັນ​ເອ­ກະ​ພາບ​ບໍ່​ຫຼ້ອນ​ເນີ ! ບໍ່​ເວົ້າ​ສາ​ອາ­ຍຸ​ກໍ​ຫຼາຍ ສະ­ໝອງ​ກໍ​ບໍ່​ຄ່ອງ​ຕົວ​ປານ­ໃດ ເວົ້າ​ເລື່ອງ​ລາຍ​ຈ່າຍ​ກໍ​ຕ້ອງ​ໜ້າ​ມືດ ແນວ​ວ່າ​ຮຽນ​ດ້ວຍ​ຕົນ​ເອງ ສະ­ນັ້ນ ຈຸດ​ນີ້​ສຳ­ຄັນ​ແທ້ໆ ບາງ​ຄົນ​ໄປ​ຮອດ​ເຄິ່ງ​ທາງ​ທໍ່​ນັ້ນ !.</p> <p style="text-align: justify;"> ດ້ວຍ​ເຫດ​ວ່າ ເປັນ​ການ​ລົງ­ທຶນ​ດ້ວຍ​ຕົນ​ເອງ ພາຍ­ຫຼັງ​ຮຽນ​ຈົບ​ໄດ້​ໃບ​ປະ­ກາດ​ກັບ​ໄປ​ກົມ​ກອງ ຈຶ່ງ​ຢາກ​ສະ­ເໜີ​ໃຫ້​ທາງ​ການ­ຈັດ­ຕັ້ງ ເຫັນ​ຄວາມ​ສຳ­ຄັນ​ຂອງ​ການ​ບຸກ​ບືນ​ຮ່ຳ­ຮຽນ ວ່າ​ຄວນ​ໄດ້​ມີ​ການ​ເບິ່ງ​ຄືນ​ເລື່ອງ​ຂັ້ນ​ເງິນ­ເດືອນ.</p> <p style="text-align: justify;"> ເວົ້າ​ເລື່ອງ​ຂັ້ນ​ເງິນ­ເດືອນ ກໍ​ມີ​ຜູ້​ສ່ອງ​ແສງ​ມາ​ວ່າ: ຍ້ອນ​ຢາກ​ຍົກ​ລະ­ດັບ ເລີຍ​ໄປ​ຮຽນ​ພາກ​ພິ­ເສດ​ຂັ້ນ​ຊັ້ນ​ສູງ​ແດ່ ? ປະ­ລິ​ຍາ​ຕຼີ ຫຼື ໂທ ກໍ​ມີ... ຜ່ານ​ມາ​ກໍ​ກິນ​ເງິນ­ເດືອນ​ຂັ້ນ​ປະ­ລິນ­ຍາ​ຕຼີ​ຢູ່​ແລ້ວ... ບາດ​ຮຽນ​ຈົບ ເລີຍ​ຢາກ​ໃຫ້​ເພີ່ມ​ໃຫ້​ແດ່​ຈັກ​ຂັ້ນ​ໜຶ່ງ ພໍ­ໄດ້​ມີ​ກຳ­ລັງ​ໃຈ... ຍ້ອນ​ວ່າ​ມີ​ບາງ​ກົມ​ກອງ​ຊີ້​ແຈງ​ວ່າ ຜ່ານ​ມາ ກິນ​ຂັ້ນ​ເງິນ­ເດືອນ​ປະ­ລິນ­ຍາ​ຕຼີ​ແລ້ວ ຫຼື ໂທ​ແລ້ວ ຮຽນ​ຊັ້ນ​ລຸ່ມ​ກ່ວ​າ​ກໍ​ບໍ່​ໄດ້​ກິນ​ວ່າ​ຊັ້ນ ! ແຕ່​ຜູ້​ສ່ອງ​ແສງ​ບອກ​ວ່າ ອັນ​ນີ້​ບໍ່​ແມ່ນ​ຮຽນ​ວິ­ຊາ​ສະ­ເພາະ ມັນ​ແມ່ນ​ການ​ຮຽນ​ທິດ​ສະ​ດີ​ການ​ປົກ­ຄອງ.</p> <p style="text-align: justify;"> ຄໍ​ລຳ​ພວກ​ເຮົາ​ກໍ​ເລີຍ​ສະ­ເໜີ​ຕໍ່​ເຖິງ​ພາກ­ສ່ວນ​ກ່ຽວ­ຂ້ອງ​ນໍ ? ບາດ­ນີ້​ມາ​ເວົ້າ​ເລື່ອງ​ຄຸນ​ນະ​ພາບ​ໃນ​ການ​ຮຽນ​ນີ້ ! ກໍ​ມີ​ຫາງ​ສຽງ​ຄື​ກັນ​ວ່າ ບໍ່​ຍາກ​ເຂັ້ມ​ງວດ​ປານ­ໃດ ? ສຳ­ລັບ​ຜູ້​ຮຽນ​ພາກ​ພິ­ເສດ​ໃນ​ຫຼາຍ​ລະ­ບົບ ຫຼາຍ​ໂຮງ­ຮຽນ ສະ­ນັ້ນ ຈຶ່ງ​ຂໍ​ຮຽກ­ຮ້ອງ​ເຖິງ​ໂຮງ­ຮຽນ ນັກ​ສຶກ​ສາ ກໍ​ຕ້ອງ​ໄດ້​ເຂັ້ມ​ງວດ ແລະ ຕັ້ງ­ໃຈ​ຮ່ຳ­ຮຽນ ບໍ່​ແມ່ນ​ຊິ​ອ້າງ​ແຕ່​ການ​ຈ່າຍ ການ​ລົງ­ທະ­ບຽນ​ຮຽນ​ດ້ວຍ​ຕົນ​ເອງ ມາ​ເປັນ​ທີ່​ຕັ້ງ ! ໃຜ​ບໍ່​ຢູ່​ໃນ​ລະ­ບຽບ ທ້າ​ທາຍ​ການ​ຮຽນ​ເກີນ​ໄປ ກໍ​ຄວນ​ໄດ້​ລົງ​ວິ­ໄນ ! ບໍ່​ສົມ­ຄວນ​ໃຫ້​ປ້ອງ​ກັນ​ກໍ​ບໍ່​ໃຫ້.</p> <p style="text-align: justify;"> ບໍ່​ແມ່ນ​ແຕ່​ຢາກ​ໄດ້​ແຕ່​ຝ່າຍ​ຕົນ​ຢ່າງ​ດຽວ ຄຸນ​ນະ​ພາບ​ໃນ​ການ​ຮຽນ​ກໍ​ຕ້ອງ​ຮັບ­ປະ­ກັນ !.</p>

ຂ່າວທີ່ກ່ຽວຂ້ອງ