ຂ່າວຫຼ້າສຸດ

ລະວັງ ! ຟືນໄຟ

1.391 26 ມ.ກ. 2012 ນານາສາລະ

<p style="text-align: justify;"> ເດິກ​ທ່ຽງ​ຄືນ​ຍັງ​ໄດ້​ກິ່ນ​ຂິວໆ... ກິ່ນ​ແຮງ​ຂຶ້ນ​ຈົນ​ນອນ​ບໍ່​ຫຼັບ ຈຶ່ງ​ລຸກ​ໄປ​ກວດ­ກາ​ເບິ່ງ​ເຕົາ­ໄຟ​ຫຼັງ​ບ້ານ... ແຕ່​ປະ­ກົດ​ວ່າ​ບໍ່​ມີ​ຫຍັງ ຈຶ່ງ​ສືບ­ຕໍ່​ປຸກ­ເຮືອນ​ຫ້ອງ​ຂ້າງ ສົມ­ທົບ​ກັບ​ຫົວ­ໜ້າ​ໜ່ວຍ ເພາະ​ເປັນ​ເຮືອນ​ຫ້ອງ​ແຖວ... ຜົນ​ປະ­ກົດ​ວ່າ​ເຮືອນ​ຫ້ອງ​ຂ້າງ​ບໍ່​ມອດ​ໄຟ​ດັບ​ຄັກ­ແນ່ ? ຍັງ​ມີ​ເສດ​ໄມ້​ນ້ອຍໆ​ໄໝ້​ຢູ່​ເຕົາ­ໄຟ​ແຕ່ງ­ກິນ ຈຶ່ງ​ມີ​ກິ່ນ​ຂິວ ! ເປັນ​ຈັ່ງ​ບຸນ​ທີ່​ຍັງ​ມີ​ຜູ້​ສູບ​ໄດ້​ກິ່ນ​ຂິວ​ນັ້ນ ! ຫາ​ກວ່າ​ມີ​ລົມ​ພັດ​ມາ​ພໍ­ດີ​ກ້ຽງ​ແຊະ ! ເປັນ​ເຮືອນ​ຫ້ອງ​ແຖວ ເປັນ​ເຮືອນ​ໄມ້​ໂດກ​ເກົ່າ​ແກ່​ແລ້ວ !.</p> <p style="text-align: justify;"> ຂ້າງ​ເທິງ​ນັ້ນ ຄື​ຄຳ​ບອກ­ເລົ່າ​ຈາກ​ເພື່ອນ​ຜູ້​ອ່ານ​ເຖິງ​ຄໍ​ລຳ​ພວກ​ເຮົາ ໃນ​ມື້​ວັນ​ທີ 17/1/2012 ທີ່​ຜ່ານ​ມາ ຢູ່​ເຮືອນ​ຫ້ອງ​ແຖວ​ແຫ່ງ​ໜຶ່ງ ຢູ່​ນະ­ຄອນ­ຫຼວງ​ວຽງ​ຈັນ​ເຮົາ​ນີ້​ເອງ.</p> <p style="text-align: justify;"> ລະ­ດູ​ການ​ນີ້​ມັກ​ເກີດ​ອັກ­ຄີ​ໄພ ເພາະ​ມັນ​ແມ່ນ​ລະ­ດູ­ແລ້ງ... ອາ­ກາດ​ຮ້ອນ​ອົບ­ເອົ້າ... ມີ​ລົມ​ສ່ຽງ​ຕໍ່​ໄຟ​ໄໝ້​ໄວ​ທີ່​ສຸດ... ສະ­ນັ້ນ ການ​ປ້ອງ​ກັນ​ຈຶ່ງ​ເປັນ​ທາງ​ອອກ​ທີ່​ດີ​ທີ່​ສຸດ.</p> <p style="text-align: justify;"> ຟັງ​ກໍ­ລະ­ນີ​ເພື່ອນ​ຜູ້​ອ່ານ​ເລົ່າ​ກໍ​ຮູ້­ສຶກ​ຕົກ­ໃຈ ! ບໍ່​ແມ່ນ​ແຕ່​ເຮືອນ​ຫ້ອງ​ແຖວ... ເຮືອນ​ດ່ຽວ​ກໍ​ຕ້ອງ​ໄດ້​ລະ­ມັດ­ລະ­ວັງ​ເນີ່ ! ກ່ອນ​ຈະ​ເຂົ້າ​ນອນ ຫຼື ວ່າ​ຫຼັງ​ຈາກ​ການ​ແຕ່ງ​ຢູ່​ຄົວ­ກິນ ຕ້ອງ​ໄດ້​ມອດ​ໄຟ​ຄັກ­ແນ່ ຈຶ່ງ​ຄ່ອຍ​ອອກ​ຈາກ​ຢ້າວ​ຈາກ​ເຮືອນ​ໄປ​ເຮັດ​ວຽກ​ເຮັດ​ງານ ເວົ້າ​ຟືນ​ໄຟ​ໄໝ້​ນີ້ ! ເຖົ້າ​ແກ່​ບູ­ຮານ​ເພິ່ນ​ວ່າ ໂຈນ​ປຸ້ນ​ສິບ​ເທື່ອ​ຍັງ​ບໍ່​ທໍ່​ວ່າ​ຊັ້ນ ! ແຕ່​ທັງ​ສອງ​ອັນ ມັນ​ກໍ​ບໍ່​ດີ​ຈັກ​ແນວ​ດອກ​ວ່າ ! ແຕ່​ອັນ​ນີ້​ເພິ່ນ​ປຽບ­ທຽບ​ນໍ ?.</p> <p style="text-align: justify;"> ການ​ສະ­ກັດ​ກັ້ນ​ໄຟ​ນີ້ ຫຼາຍ​ຄົນ​ມີ​ຄຳ​ເຫັນ​ວ່າ ຕ້ອງ​ເລີ່ມ​ຈາກ​ສະ​ຖາ​ບັນ​ຄອບ­ຄົວ​ເປັນ​ຫຼັກ ! ກ່ອນ​ອື່ນ​ຫາກ​ເປັນ​ເຮືອນ​ເກົ່າ​ແດ່ ກໍ​ຄວນ​ຕັ້ງ​ບັນ­ຫາ​ເລື່ອງ​ການ​ກວດ­ກາ​ເບິ່ງ​ສາຍ​ໄຟ ເພາະ​ມັກ​ມີ​ຂ່າວ​ເລື້ອຍ​ວ່າ ໄຟ​ໄໝ້​ຍ້ອນ​ໄຟ­ຟ້າ​ລັດ​ວົງ​ຈອນ... ຖັດ​ມາ​ກໍ​ແມ່ນ​ການ​ແຕ່ງ​ຢູ່​ຄົວ­ກິນ ໄຕ້­ໄຟ​ໄຫວ້​ພຣະ... ລວມ​ເຖິງ​ການ​ມີ​ວັດ­ຖຸ​ໄວ​ໄຟ​ໄວ້​ໃນ​ຄອບ​ຄອງ.</p> <p style="text-align: justify;"> ຈາກ​ນັ້ນ ຈຶ່ງ​ມາ​ເຖິງ​ການ​ມີ​ບັ້ງ​ມອດ​ໄຟ​ປະ­ຈຳ​ເຮືອນ ແລະ ນ້ຳ​ເບີ­ໂທລະ­ສັບ​ຂອງ​ເຈົ້າ​ໜ້າ­ທີ່​ມອດ​ໄຟ ເພາະ­ວ່າ​ມີ​ເລື່ອງ​ຂຶ້ນ​ມາ​ມັນ​ຈຶ່ງ​ທ່ວງ​ທັນ​ນໍ ?.</p> <p style="text-align: justify;"> ຂໍ​ຮຽກ­ຮ້ອງ​ເຖິງ​ທຸກໆ​ທ່ານ ຈົ່ງ​ມີ​ສະ­ຕິ​ລະ­ວັງ​ຕົວ​ຊ່ວຍ​ກັນ ເພາະ​ອຸ­ປະ­ຕິ­ເຫດ​ນີ້​ເຮົາ​ສາ­ມາດ​ປ້ອງ​ກັນ​ໄດ້ ຫາກ​ບໍ່​ແມ່ນ​ເລື່ອງ​ເໜືອ​ບ່າ​ກ່ວ​າ​ແຮງ​ເນີ !.</p>

ຂ່າວທີ່ກ່ຽວຂ້ອງ