... ຄວນຄຸ້ມຄອງລາຄາສິນຄ້າ ...

1.570 20 ມ.ກ. 2012 ນານາສາລະ

<p style="text-align: justify;"> ລາ­ຄາ​ສິນ­ຄ້າ​ໃນ​ຕະ­ຫຼາດ​ນະ­ຄອນ­ຫຼວງ ເປັນ­ຕົ້ນ​ເຄື່ອງ​ຢູ່​ຂອງ​ກິນ​ມັກ​ຖີບ​ຕົວ​ຂຶ້ນ​ໃນ 3 ໄລ­ຍະ ຄື: ເວ­ລາ​ຂຶ້ນ​ປີ​ໃໝ່​ສາ­ກົນ ປີ​ໃໝ່​ຈີນ-ຫວຽດ­ນາມ ແລະ ປີ​ໃໝ່​ລາວ ຄັນ​ແມ່ນ​ຂຶ້ນ​ລາ­ຄາ​ແລ້ວ ຍາກ​ທີ່​ຈະ​ຫຼຸດ​ລົງ ເຊັ່ນ: ປະ­ເພດ​ຊີ້ນ​ງົວ ຄວາຍ ໄກ່ ໝູ.</p> <p style="text-align: justify;"> ສະ­ນັ້ນ ໃນ​ເວ­ລາ​ລົມ​ກັນ ວັນ​ເສົາ-ອາ­ທິດ ເພື່ອນ​ຜູ້​ອ່ານ​ຈຶ່ງ​ມີ​ຄຳ​ເຫັນ​ວ່າ ຄວນ​ຄວບ​ຄຸມ​ລາ­ຄາ​ວ່າ​ຊັ້ນ ! ການ​ຄວບ​ຄຸມ​ນີ້ ເພິ່ນ​ວ່າ​ລາ­ຄາ​ມັນ​ເໜັງ​ຕີງ​ຢູ່ ຂອດ​ສຸດ​ທ້າຍ​ຄື​ການ­ຈຳ­ໜ່າຍ​ໜ້າ​ຂຽງ ... ສ່ວນ​ລາ­ຄາ​ຢູ່​ຟາມ ... ຢູ່​ໂຮງ​ຂ້າ​ສັດ​ນັ້ນ ບໍ່​ຄ່ອຍ​ເໜັງ​ຕີງ​ປານ­ໃດ ?.</p> <p style="text-align: justify;"> ການ​ເໜັງ​ຕີງ​ຂອງ​ລາ­ຄາ​ໜ້າ​ຂຽງ​ນີ້ ກໍ​ມີ​ຫຼາຍ​ເຫດ­ຜົນ ເຊິ່ງ​ໃນ​ນັ້ນ​ມີ​ການ​ຂຶ້ນ​ລາ­ຄາ​ຕາມ​ລຳ­ພັງ​ໃຈ ເພາະ​ຜູ້​ຂາຍ​ເອົາ​ເງິນ​ມື້​ນອກ​ລະ­ບົບ​ມາ ເປັນ­ຕົ້ນ ທຶນ​ໃນ​ການ​ຄ້າ ຈຸດ​ນີ້​ຫຼາຍ​ຄົນ​ທີ່​ສົນ­ທະ­ນາ​ວ່າ​ອັນ­ຕະ­ລາຍ​ແທ້ໆ ມີ​ບາງ​ລາຍ​ເຖິງ​ຂັ້ນ​ຂາຍ​ເຮືອນ ຂາຍ​ດິນ ມາ​ໃຊ້​ໜີ້ ຍ້ອນ​ກູ້​ເງິນ​ນອກ​ລະ­ບົບ​ມາ​ຄ້າ­ຂາຍ ... ຍ້ອນ​ວ່າ​ເງິນ​ນອກ​ລະ­ບົບ​ດອກ​ເບ້ຍ​ສູງ​ເຖິງ 30% ບໍ່​ທໍ່​ນັ້ນ ວິ­ໄນ​ໃນ​ການ​ໃຊ້​ຈ່າຍ​ເງິນ​ກໍ​ບໍ່​ຮັດ­ກຸມ ສຸດ​ທ້າຍ​ກໍ​ລົງ​ເອີ່ຍ​ຄື​ກ່າວ​ມາ​ຂ້າງ​ເທິງ​ນັ້ນ.</p> <p style="text-align: justify;"> ແລ້ວ​ເຮັດ​ແນວ­ໃດ ? ຊາວ​ຄ້າ​ຂາຍ­ຍ່ອຍ ... ທຶນ​ນ້ອຍ ຈະ​ເຂົ້າ​ສູ່​ລະ­ບົບ​ກູ້​ຢືມ​ເງິນ​ນຳ​ສະ​ຖາ​ບັນ​ການ​ເງິນ​ໄດ້ ? ອັນ​ນີ້​ກໍ​ແມ່ນ​ບັນ­ຫາ​ເລັ່ງ​ດ່ວນ ແລະ ສຳ­ຄັນ​ທີ່​ມະ­ຫາ​ພາກ ຄວນ​ໄດ້​ຊອກ​ທາງ​ອອກ ເພາະ​ບໍ່​ຊັ້ນ​ຕົວ​ເລກ​ຄອບ­ຄົວ​ທຸກ​ຍາກ​ໃນ​ຕົວ​ເມືອງ​ໃຫຍ່ ຕົວ​ເມືອງ​ນ້ອຍ​ຈະ​ເພີ່ມ​ຂຶ້ນ ເພາະ​ສັງ­ເກດ​ເຫັນ​ວ່າ ຄົນ​ໃນ​ຕົວ​ເມືອງ​ມີ​ອາ­ຊີບ​ຄ້າ­ຂາຍ ແລະ ເຮັດ​ການ​ບໍ­ລິ­ການ​ຫຼາຍ​ກ່ວ​າ​ທຳ​ການ​ຜະ­ລິດ ທັງ​ນີ້​ກໍ​ຍ້ອນ​ວ່າ​ບໍ່​ມີ​ທີ່​ດິນ ບໍ່​ມີ​ພາ­ຫະ­ນະ​ການ​ຜະ­ລິດ ຫຼື ວ່າ​ເປັນ​ຄອບ­ຄົວ ພະ­ນັກ­ງານ ລັດ­ຖະ­ກອນ ຄອບ­ຄົວ​ຍົກ­ຍ້າຍ​ຈາກ​ເມືອງ​ອື່ນ ແຂວງ​ອື່ນ​ເຂົ້າ​ມາ​ນະ­ຄອນ­ຫຼວງ.</p> <p style="text-align: justify;"> ຍົກ​ບັນ­ຫາ​ນີ້​ຂຶ້ນ ກໍ​ບໍ່​ແມ່ນ​ຊອກ​ກູ້​ນຳ​ທະ­ນາ­ຄານ ຫຼື ສະ​ຖາ​ບັນ​ການ​ເງິນ​ບໍ່​ໄດ້​ເນີ !.. ມີ​ຜູ້​ໄດ້ ແຕ່​ວ່າ​ຕ້ອງ​ມີ​ຊັບ​ສິນ​ຄ້ຳ­ປະ­ກັນ ຄັນ​ບໍ່​ມີ​ກໍ​ໄດ້​ໜ້ອຍ ຄັນ​ແມ່ນ​ໄດ້​ແບບ​ພະ­ນັກ­ງານ ລັດ­ຖະ­ກອນ ກູ້​ນຳ​ທະ­ນາ­ຄານ​ແຫ່ງ​ໜຶ່ງ​ນັ້ນ ກໍ​ເຫັນ​ວ່າ​ຂັ້ນ​ຕອນ​ການ​ຈ່າຍ ເຂົາ​ໃຫ້​ຈ່າຍ​ທັງ​ຕົ້ນ​ທຶນ ແລະ ດອກ​ເບ້ຍ​ແບບ​ຫານ​ໂລດ ກໍ​ເປັນ​ຊ່ອງ​ຫວ່າງ ຊຶ່ງ​ຜູ້​ກູ້​ເສຍ­ປຽບ​ຢູ່​ດີ.</p> <p style="text-align: justify;"> ທາງ​ອອກ​ທີ່​ຜ່ານ​ມາ ກໍ​ເຫັນ​ກອງ​ທຶນ​ປະ­ຈຳ​ບ້ານ​ພົວ­ພັນ​ໄດ້ ແຕ່​ວ່າ​ພວກ​ຄ້າ­ຂາຍ​ໜ້ອຍ​ເຂົ້າ​ບໍ່​ເຖິງ ຍ້ອນ​ຜູ້​ກູ້​ຕ້ອງ​ແມ່ນ​ຜູ້​ຝາກ​ເຊັ່ນ​ກັນ ລະ­ບຽບ​ເຂົາ​ເປັນ​ແນວ​ນັ້ນ.</p> <p style="text-align: justify;"> ກ້ຽວ​ມາ­ສູ່​ລາ­ຄາ​ສິນ­ຄ້າ ຢາກ​ໃຫ້​ມະ­ຫາ​ພາກ ໂດຍ​ສະ­ເພາະ​ແມ່ນ​ຂະ­ແໜງ­ການ​ຄ້າ ເຂົ້າ​ໄປ​ສອດ­ສ່ອງ​ດູ​ແລ​ໃນ​ຕະ­ຫຼາດ​ໃຫຍ່ໆ​ຢູ່​ນະ­ຄອນ­ຫຼວງ ໂດຍ​ການ​ສົມ­ທົບ​ກັບ​ຈັດ​ສັນ​ຕະ­ຫຼາດ ຈຶ່ງ​ຈະ​ສາ­ມາດ​ຄວບ​ຄຸມ​ລາ­ຄາ​ສິນ­ຄ້າ​ໄດ້​ຢູ່​ມື ... ບໍ່​ຊັ້ນ​ຈະ​ມີ​ການ​ສວຍ­ໂອ­ກາດ​ໃນ​ໄລ­ຍະ​ເວ­ລາ​ດັ່ງ­ກ່າວ.</p> <p style="text-align: justify;"> ຂໍ​ຮຽກ­ຮ້ອງ​ເຖິງ​ຊາວ​ຄ້າ­ຂາຍ ຈົ່ງ​ຖື​ເອົາ​ຄວາມ​ຊື່­ສັດ ຄວາມ​ພໍ­ດີ​ພໍ­ງາມ ໃນ​ການ​ຊອກ​ຫາ​ກຳ­ໄລ ຮັ່ງ­ມີ​ດ້ວຍ​ການ​ລັກ​ໂລບ​ສໍ້​ໂກງ ບໍ່​ຍືນ​ຍົງ.</p> <p style="text-align: justify;"> <strong>ບາບ​ບໍ່​ມີ​ຊາດ​ໜ້າ​ເນີ !</strong></p>

ຂ່າວທີ່ກ່ຽວຂ້ອງ