ຂ່າວຫຼ້າສຸດ

ໄປທ່ຽວຫຼາຍບ່ອນ ໄປເຫັນຫຼາຍທີ່ຄວນນໍາສິ່ງດີໆມາໃສ່ໃຈ

1.445 17 ມ.ກ. 2012 ນານາສາລະ

<p style="text-align: justify;"> ການ​ໄປ​ທ່ອງ​ທ່ຽວ​ເຫັນ​ບ້ານ​ເພິ່ນ​ເມືອງ​ທ່ານ​ຫຼາຍໆ​ບ່ອນ​ນັ້ນ ອາດ​ເປັນ​ສິ່ງ​ກະ​ຕຸ້ນ​ຈິດ­ໃຈ​ໃຫ້​ຜູ້​ທີ່​ໄປ​ພົບ​ເຫັນ ມີ​ການ​ປ່ຽນ­ແປງ​ພຶດ­ຕິ​ກຳ​ຢາກ​ເຮັດ​ສິ່ງ​ໃດ​ໜຶ່ງ ທີ່​ໄດ້​ມາ​ຈາກ​ການ​ສະ­ທ້ອນ​ກັບ​ພາບ​ພົດ​ສິ່ງ​ທີ່​ດີ­ງາມ ໄດ້​ພົບ​ໄດ້​ເຫັນ​ອອກ​ມາ ໃນ​ນັ້ນ ຢ່າງ​ໜ້ອຍ​ກໍ​ກ່າວ​ເຖິງ​ຄວາມ​ຈົບ​ຄວາມ​ງາມ ຄວາມ​ສະ­ອາດ​ສະ­ອາງ ຄວາມ​ເປັນ​ລະ­ບຽບ​ຮຽບ​ຮ້ອຍ ການ​ອະ­ນຸ​ຮັກ ຮັກ­ສາ​ສະ­ຖານ­ທີ່​ຕ່າງໆ​ໃຫ້​ຄົງ​ເດີມ​ຈົບ­ງາມ ເຊິ່ງ​ແມ່ນ​ໝາກ­ຜົນ​ຂອງ​ມະ­ນຸດ​ທີ່​ມີ​ຈິດ­ໃຈ​ເປັນ​ເລີດ ໃນ​ການ​ບົວ­ລະ­ບັດ​ຮັກ­ສາ​ຊ່ວຍ​ກັນ ຫຼື ການ​ເສີມ​ຂະ­ຫຍາຍ​ສິດ​ເປັນ​ເຈົ້າ​ລວມ​ໝູ່ ທີ່​ເຄີຍ​ຖືກ​ສັ່ງ­ສອນ​ມາ​ນັ້ນ​ເອງ.</p> <p style="text-align: justify;"> ໄປ​ທ່ຽວ​ເມືອງ​ນອກ​ແຖບ​ອາ­ຊີ ຫຼື ເອີ​ຣົບ ເຊັ່ນ: ສິງ­ກະ­ໂປ ບາ​ຫຼີ ດູ​ບາຍ ປາ​ຣີ ໂຣມ ແລະ ອື່ນໆ ມີ​ຫຼາຍ​ຄົນ​ກ່າວ​ຊົມ​ວ່າ ງາມ ຄັກ ສະ­ອາດ ແລ້ວ​ຢາກ​ໃຫ້​ບ້ານ​ຕົນ​ເປັນ​ເຊັ່ນ​ນັ້ນ​ເຊັ່ນ​ນີ້ ສິ່ງ​ດັ່ງ­ກ່າວ​ຄື​ອະ​ນິ​ສົງ​ທີ່​ພົບ­ພໍ້​ມາ ເກີດ​ໃຫ້​ມີ​ຈິດ­ໃຈ​ຢາກ​ໃຫ້​ບ້ານ​ເມືອງ​ເປັນ​ໄປ​ໃນ​ທຳ­ນອງ​ນີ້ ແນວ​ຄວາມ​ຄິດ​ດັ່ງ­ກ່າວ​ຖື​ວ່າ​ດີ ເປັນ­ຄວາມ​ຄິດ​ທີ່​ພັດ­ທະ­ນາ ຖ້າ​ຫຼາຍ​ຄົນ​ທີ່​ໄປ​ພົບ​ເຫັນ​ແລ້ວ​ຄິດ​ຄື​ກັນ ຄົງ​ຈະ​ເຮັດ​ໃຫ້​ສະ­ຖານ­ທີ່​ທ່ອງ​ທ່ຽວ ຖະ­ໜົນ​ຫົນ­ທາງ ອາ­ຄານ​ບ້ານ​ເຮືອນ ສວນ​ສາ­ທາ­ລະ­ນະ ມີ​ລະ­ບຽບ​ສວຍ​ງາມ​ດີ​ຂຶ້ນ ສິ່ງ​ສຳ­ຄັນ​ທີ່​ເປັນ​ສິ່ງ​ສ້າງ​ໃຫ້​ມີ​ຄວາມ​ຍືນ​ຍົງ​ກໍ​ຄົງ​ຕົວ ບໍ່​ແມ່ນ​ຂຶ້ນ​ກັບ​ວັດ­ຖຸ​ແຕ່​ຢ່າງ​ດຽວ ແຕ່​ຫາກ​ມັນ​ລວມ​ມີ​ຄົນ​ໃນ​ສັງ­ຄົມ​ເປັນ​ສິ່ງ​ຕັດ­ສິນ ເພາະ​ຖ້າ​ຄົນ​ສຳ­ນຶກ​ດີ ກໍ​ຈະ​ມີ​ການ​ກະ­ທຳ​ດີ​ອອກ​ມາ ຢ່າງ​ບໍ່​ຕ້ອງ​ສົງ­ໄສ.</p> <p style="text-align: justify;"> ພວກ​ເຮົາ​ຕ້ອງ​ເຂົ້າ­ໃຈ​ນຳ​ກັນ​ວ່າ ມີ​ແຕ່​ຄົນ​ຄິດ ແຕ່​ບໍ່​ມີ​ຄົນ​ເຮັດ ກໍ​ຢ່າ​ຫວັງ​ເລີຍ​ວ່າ​ຈະ​ເປັນ​ໄປ​ໄດ້ ຖ້າ​ມີ​ຄົນ​ຄິດ​ປະ­ສົມ​ກັບ​ຄົນ​ເຮັດ​ແທ້​ທຳ​ຈິງ ມັນ​ກໍ​ດີ​ຫຼາຍ ກົງ­ກັນ­ຂ້າມ ມີ​ແຕ່​ຄິດ ແຕ່​ບໍ່​ສະ­ແດງ​ອອກ​ຄວາມ​ເປັນ​ເຈົ້າ​ການ ກໍ​ບໍ່​ມີ​ຜົນ ຮູ້​ຄິດ​ແຕ່​ສະ­ແດງ​ອອກ​ເບື້ອງ​ກົງ­ກັນ­ຂ້າມ ກໍ​ບໍ່​ຕ່າງ​ຫຍັງ​ກັບ​ຂີ່​ເຮືອ​ບໍ່​ພາຍ ແຕ່​ເອົາ​ຕີນ​ປ້ານ​ນ້ຳ ດັ່ງ­ນັ້ນ ການ​ເຮັດ​ໃຫ້​ບ້ານ​ເມືອງ​ຈະ­ເລີນ​ຮຸ່ງ­ເຮືອງ​ນັ້ນ ຕ້ອງ​ແມ່ນ​ການ​ເຮັດ​ແທ້​ທຳ​ຈິງ ບໍ່​ແມ່ນ​ເປັນ​ແຕ່​ຄິດ ຫຼື ເປັນ​ແຕ່​ເວົ້າ ຕ້ອງ​ເກັ່ງ​ທັງ​ຄິດ ເວົ້າ ແລະ ປະ­ຕິ­ບັດ​ເກັ່ງ​ອີກ ບາງ​ຄົນ​ເຫັນ​ແລ້ວ​ຄິດ ແຕ່​ພາກ​ປະ­ຕິ­ບັດ​ຖິ້ມ​ຂີ້​ເຫຍື້ອ​ໃສ່​ຖັງ​ຍັງ​ບໍ່​ຖືກ ເດີ່ນ​ໜ້າ​ເຮືອນ​ກໍ​ບໍ່​ກວດ ລູກ­ບ້ານ​ຫຼານ​ຕົນ​ກໍ​ປ່ອຍ​ໄປ ສ້າງ​ປະ­ກົດ​ການ​ຫຍໍ້­ທໍ້ ໄປ​ທ່ຽວ​ໄປ​ເຫັນ​ບ້ານ­ນອກ​ເມືອງ​ນາ ເປັນ​ຮ້ອຍ​ເປັນ​ພັນ​ຄັ້ງ ມັນ​ກໍ​ຄື­ເກົ່າ ບໍ່​ພັດ­ທະ­ນາ​ຄື­ເກົ່າ.</p> <p style="text-align: justify;"> ຍ້ອນ​ແນວ​ນັ້ນ ມັນ​ຮຽກ­ຮ້ອງ​ຕ້ອງ­ການ ຄື​ການ​ກ້າ​ຄິດ​ກ້າ​ອອກ​ໜ້າ​ເຮັດ ບໍ່​ແມ່ນ​ແຕ່​ຍົກ​ມາ​ວ່າ​ບ້ານ​ນັ້ນ​ບ້ານ​ນີ້​ຄັກ ຍົກ​ຕົວ­ຢ່າງ​ເລື້ອຍ​ຈົນ​ເຕັມ​ຫູ ຄົງ​ບໍ່​ເປັນ​ຜົນ​ສຳ­ຄັນ​ເທົ່າ​ກັບ​ປະ­ຕິ­ບັດ​ໃຫ້​ໄດ້​ເກັ່ງ​ຄື​ວ່າ​ມາ​ນັ້ນ.</p>

ຂ່າວທີ່ກ່ຽວຂ້ອງ