ຂ່າວຫຼ້າສຸດ

ການສຶກສາຫາຄວາມຮູ້ ບໍ່ໄດ້ຈໍາແນກເພດໄວ

3.145 16 ມ.ກ. 2012 ສຶກສາ
ການສຶກສາຫາຄວາມຮູ້ ບໍ່ໄດ້ຈໍາແນກເພດໄວ

<p style="text-align: justify;"> ຄວາມ​ຮູ້ ຄວາມ​ສາ­ມາດ ທີ່​ຈະ​ໄດ້​ມາ​ນັ້ນ ຕ້ອງ​ຜ່ານ​ການ​ສຶກ​ສາ​ຮ່ຳ­ຮຽນ​ມາ​ໃນ​ເວ­ລາ​ອັນ​ຄວນ ແລະ ກໍ​ບໍ່​ໄດ້​ຈຳ­ແນກ​ເພດ ຫຼື ໄວ ພຽງ​ແຕ່​ມີ​ຄວາມ​ຮັກ ສົນ­ໃຈ​ໄຝ່​ຝັນ​ຢາກ​ໄດ້​ກໍ​ພຽງ­ພໍ ຂໍ​ແຕ່​ມີ​ຄວາມ​ມຸ່ງ​ໝັ້ນ ພະ­ຍາ­ຍາມ ຕັ້ງ​ເປົ້າ​ໝາຍ​ອັນ​ແນ່­ນອນ​ໃນ​ການ​ສຶກ​ສາ​ຄົ້ນ​ຄ້ວ​າ​ຮ່ຳ­ຮຽນ ໃຫ້​ປະ­ສົບ​ຜົນ­ສຳ­ເລັດ.</p> <p style="text-align: justify;"> ນາງ ຈັນ​ສະ­ໄໝ ສີ​ຫາ​ລາດ ສາວ​ນ້ອຍ​ຈາກ​ເມືອງ​ມໍ­ລະ­ດົກ​ໂລກ ແຂວງ​ຫຼວງ​ພະ​ບາງ ຫາ​ກໍ​ສຳ­ເລັດ​ການ​ສຶກ​ສາ​ຂະ­ແໜງ​ອາ­ຍາ ຈາກ​ວິ­ທະ­ຍາ­ໄລ​ກົດ­ໝາຍ​ພາກ​ກາງ ລະ­ດັບ​ປະ­ລິນ­ຍາ​ຕີ ໃນ​ທ້າຍ​ປີ 2011 ໄດ້​ກ່າວ​ວ່າ: ນັບ​ວ່າ​ໂຊກ​ດີ ທີ່​ພັກ-ລັດ​ໄດ້​ເປີດ​ກ້ວ​າງ​ໃຫ້​ໂອ­ກາດ ສິດ­ທິ ສະ­ຕິ​ໃນ​ການ​ສຶກ​ສາ​ຄົ້ນ​ຄ້ວ​າ​ຮ່ຳ­ຮຽນ ບວກ​ກັບ​ຄອບ­ຄົວ​ສັງ­ຄົມ ຍົກ​ສູງ​ບົດ­ບາດ​ຍິງ-ຊາຍ ໃຫ້​ມີ​ສິດ​ເທົ່າ​ທຽມ​ກັນ​ໃນ​ການ​ສຶກ​ສາ ລວມ​ທັງ​ວຽກ​ງານ​ຂະ­ແໜງ­ການ​ອື່ນໆ.</p> <p style="text-align: justify;"> ກ່ອນ​ໜ້າ​ນີ້ ກໍ​ຄິດ​ວ່າ​ຈົບ ມ.7 ແລ້ວ ຈະ​ຮຽນ​ອັນ​ໃດ​ດີ ເພາະ​ຄິດ​ວ່າ​ເປັນ​ຜູ້­ຍິງ​ແດ່ ຈະ​ຮຽນ​ກົດ­ໝາຍ​ຢ້ານ​ບໍ່​ເໝາະ​ສົມ ແຕ່​ຖ້າ​ຈະ​ໄປ​ຮຽນ​ວິ­ຊາ​ອື່ນ​ຕົນ​ເອງ ພັດ​ບໍ່​ມັກ​ປານ­ໃດ ພໍ​ສັງ­ເກດ​ເຫັນ​ບັນ­ດາ​ການ​ນຳ​ຫຼາຍ​ທ່ານ​ທີ່​ເປັນ​ສຸ­ພາບ​ສະ­ຕີ ໂດຍ​ສະ­ເພາະ​ໃນ​ຂົງ­ເຂດ​ວຽກ​ງານ​ຂະ­ແໜງ­ການ​ທາງ​ດ້ານ​ກົດ­ໝາຍ ກໍ​ເລີຍ​ຕັດ­ສິນ​ໃຈ​ເຂົ້າ​ມາ​ຮຽນ​ຢູ່​ສະ​ຖາ​ບັນ​ການ​ສຶກ​ສາ​ແຫ່ງ​ນີ້ ໂດຍ​ເລືອກ​ຮຽນ​ໃນ​ຂະ­ແໜງ​ອາ­ຍາ ເພາະ​ເຫັນ​ວ່າ​ເປັນ​ວິ­ຊາ​ທີ່​ຕິດ​ພັນ​ກັບ​ການ​ດຳ­ລົງ​ຊີ­ວິດ​ໃນ​ສັງ­ຄົມ.</p> <p style="text-align: justify;"> ຕະ­ຫຼອດ​ໄລ­ຍະ 5 ປີ​ຂອງ​ການ​ສຶກ​ສາ​ຄົ້ນ​ຄ້ວ​າ​ຮ່ຳ­ຮຽນ​ຕົນ​ເອງ ໄດ້​ປະ­ກອບ­ສ່ວນ​ວຽກ​ງານ​ການ­ເຄື່ອນ­ໄຫວ​ທຸກ​ກິດ­ຈະ­ກຳ ຄຽງ​ບ່າ​ຄຽງ​ໄຫຼ່​ກັບ​ອ້າຍ​ນ້ອງ​ເພດ​ຊາຍ ເຖິງ​ແມ່ນ​ວ່າ­ການ​ຮຽນ​ອາດ​ຈະ​ບໍ່​ໂດດ​ເດັ່ນ ຫຼື ຮຽນ​ເກັ່ງ​ຄື​ຄົນ​ອື່ນ​ກໍ​ຕາມ ແຕ່​ກໍ​ສູ້​ບໍ່​ຖອຍ ຕັ້ງ­ໃຈ​ຄົ້ນ​ຄ້ວ​າ​ຮ່ຳ­ຮຽນ ພ້ອມ​ກັບ​ການ​ຕີ​ຖອຍ​ປະ­ກົດ​ການ​ຫຍໍ້­ທໍ້ ບໍ່​ຫຼິ້ນ​ກິນ​ໃຊ້​ຈ່າຍ​ຟຸມ​ເຟືອຍ ເງິນ​ທຸກ​ກີບ​ທີ່​ຄອບ­ຄົວ ຍາດ​ພີ່­ນ້ອງ​ສົ່ງ­ເສີມ​ໃຫ້​ຮຽນ ແມ່ນ​ໃຊ້​ໃຫ້​ເກີດ​ປະ­ໂຫຍດ​ທີ່​ສຸດ.</p> <p style="text-align: justify;"> <strong>ລາວ​ກ່າວ​ຕື່ມ​ວ່າ: </strong>ບັນ­ຫາ​ທ້າ​ທາຍ​ໃນ​ການ​ຮຽນ​ແມ່ນ​ມີ​ຫຼາຍ ບໍ່​ວ່າ​ຈະ​ເປັນ​ເພດ​ຍິງ ຫຼື ຊາຍ ກ່ອນ​ອື່ນ​ຕ້ອງ​ສູ້​ກັບ​ຕົນ​ເອງ​ກ່ອນ ໂດຍ​ສະ­ເພາະ​ບັນ­ຫາ​ສະ­ຕິ​ຄວາມ​ຮັບ­ຜິດ­ຊອບ ຄວາມ​ເປັນ​ເຈົ້າ​ການ ຕ້ອງ​ມີ​ຫຼັກ​ໝັ້ນ ເຕືອນ​ຕົນ​ເອງ​ຕະ­ຫຼອດ​ເວ­ລາ ຕັ້ງ​ເປົ້າ​ໝາຍ​ການ​ຮຽນ​ໃຫ້​ແນ່­ນອນ ບໍ່​ຄອນ​ແຄນ​ກັບ​ສິ່ງ­ແວ­ດລ້ອມ​ອ້ອມ​ຂ້າງ ຖ້າ​ຫາກ​ສາ­ມາດ​ເອົາ​ຊະ­ນະ​ຕົນ​ເອງ​ໄດ້ ກໍ​ຈະ​ສາ­ມາດ​ເອົາ​ຊະ­ນະ​ອຸ­ປະ­ສັກ ແລະ ສະ­ພາບ​ແວດ​ລ້ອມ​ອ້ອມ​ຂ້າງ​ໄດ້.</p> <p style="text-align: justify;"> ປັດ­ຈຸ­ບັນ ຖື​ວ່າ​ຕົນ​ເອງ​ໄດ້​ຍ່າງ​ກ້າວ​ຜ່ານ​ຈຸດ​ນັ້ນ​ມາ​ໄດ້ ແລະ ພວມ​ຈະ​ກ້າວ​ເຂົ້າ​ສູ່​ບັນ​ໄດ​ຂັ້ນ​ຕໍ່​ໄປ ເຊິ່ງ​ທັງ​ໝົດ​ນີ້ ບໍ່​ແມ່ນ​ຜົນ­ງານ​ຂອງ​ຕົນ​ພຽງ​ຄົນ​ດຽວ ຕົ້ນ­ຕໍ​ກໍ​ແມ່ນ​ຄູ-ອາ­ຈານ ພະ­ນັກ­ງານ​ທຸກ​ທ່ານ ໃຫ້​ວິ­ຊາ​ຄວາມ​ຮູ້​ໃຫ້­ການ​ແນະ­ນຳ ຕັກ­ເຕືອນ ລວມ​ທັງ​ໜູ່​ເພື່ອນ​ທຸກ​ຄົນ​ໃຫ້­ການ​ຊ່ວຍ­ເຫຼືອ ພິ­ເສດ​ສຸດ​ກໍ​ແມ່ນ​ຄອບ­ຄົວ ຍາດ​ພີ່­ນ້ອງ​ເປັນ​ກຳ­ລັງ​ຊຸກ­ຍູ້ ຖ້າ​ມີ​ໂອ­ກາດ​ຕົນ​ເອງ​ຈະ​ບໍ່​ຢຸດ​ຢູ່​ພຽງ​ເທົ່າ​ນີ້ ຍັງ​ຈະ​ສືບ­ຕໍ່​ສຶກ​ສາ​ຄົ້ນ​ຄ້ວ​າ​ຮຽນ​ຕໍ່­ໃຫ້​ສູງ​ກ່ວ​າ​ນີ້​ອີກ.</p> <p style="text-align: justify;"> <strong>ໂດຍ: ແວ່ນ​ຂາວ</strong></p>

ຂ່າວທີ່ກ່ຽວຂ້ອງ