ຂ່າວຫຼ້າສຸດ

ລະວັງກະຕ່າຂອງຂວັນ

1.781 16 ມ.ກ. 2012 ນານາສາລະ

<p style="text-align: justify;"> ກະ­ຕ່າ​ຂອງ­ຂວັນ ແມ່ນ​ຕົວ​ແທນ​ທີ່​ມີ​ຄຸນ­ຄ່າ​ທາງ​ຈິດ­ໃຈ ມອບ​ໃຫ້​ແກ່​ບຸກ­ຄົນ​ທີ່​ຕົນ​ຮັກ​ເຄົາ­ລົບ​ນັບ­ຖື​ຢ່າງ​ສູງ ແລະ ມີ​ຄວາມ​ໃກ້­ຊິດ​ເປັນ​ຢ່າງ​ດີ​ເຊັ່ນ: ພໍ່​ແມ່ ຫົວ­ໜ້າ​ຂັ້ນ​ສູງ ທີ່​ຮ່ວມ​ເຮັດ​ວຽກ​ງານ ຄູ-ອາ­ຈານ ອ້າຍ​ນ້ອງ ເພື່ອນ​ຮັກ ຄົນ​ຮັກ ຜູ້​ໄວ້­ໃຈ​ອື່ນໆ ກະ­ຕ່າ​ຂອງ­ຂວັນ​ບໍ່​ມີ​ຄຸນ­ຄ່າ​ທາງ​ວັດ­ຖຸ​ພໍ​ປານ­ໃດ ແຕ່​ຊ້ຳ­ພັດ​ວ່າ​ມີ​ຄຸນ­ຄ່າ​ທາງ​ຈິດ­ໃຈ ຢ່າງ​ບໍ່​ມີ​ຂອບ​ເຂດ ເພາະ​ມັນ​ໄດ້​ຖອດ​ເອົາ​ຄວາມ​ຮັກ ຄວາມ​ຊົງ​ຈຳ ສິ່ງ​ດີໆ​ໃນ​ຈິດ­ໃຈ​ມອບ​ແດ່​ຜູ້​ຮັບ ດ້ວຍ​ຄວາມ​ປາ­ຖະ­ໜາ​ດີ ໃນ​ກະ­ຕ່າ​ຂອງ­ຂວັນ​ອາດ​ມີ​ດອກ​ໄມ້​ລ້ວນໆ ໝາກ​ໄມ້​ທີ່​ສົດໆ​ເປັນ­ຕາ​ແຊບ ມີ​ເຂົ້າ­ໜົມ​ຫຼາຍ​ຊະ­ນິດ​ຈາກ​ໂຮງ­ງານ ແລະ ເຄື່ອງ​ດື່ມ​ປະ­ເພດ​ບຳ­ລຸງ​ສຸ­ຂະ­ພາບ ບາງ­ເທື່ອ​ກໍ​ມີ​ເຫຼົ້າ​ຕ່າງ­ປະ­ເທດ ເຊິ່ງ​ໄລ­ຍະ​ຫຼັງໆ ຄົນ​ສ່ວນ​ໃຫຍ່​ບໍ່​ນິ­ຍົມ​ເຮັດ​ແລ້ວ ເພາະ­ວ່າ​ການ​ໃຫ້​ເຫຼົ້າ​ນັ້ນ ມີ​ສື່​ຄວາມ​ໝາຍ​ຕໍ່​ການ​ທຳ­ລາຍ​ສຸ­ຂະ­ພາບ​ຂອງ​ຜູ້​ຮັບ ໃນ​ປັດ­ຈຸ­ບັນ​ກະ­ແສ​ທີ່​ສວນ​ທາງ​ຂອງ​ຄົນ​ສັງ­ຄົມ​ໄປ​ແລ້ວ ນອກ­ຈາກ​ກະ­ຕ່າ​ຂອງ­ຂວັນ ກໍ​ມີ​ຫໍ່​ຂອງ­ຂວັນ ສິ່ງ​ທີ່​ລະ­ນຶກ ບັດ​ອວຍ­ພອນ ແລະ ວັດ­ຖຸ​ທີ່​ເປັນ​ຕົວ​ແທນ​ທາງ​ຈິດ­ໃຈ​ອື່ນໆ.</p> <p style="text-align: justify;"> ຍ້ອນ​ຄວາມ​ເຄົາ­ລົບ​ນັບ­ຖື​ຂອງ​ຜູ້​ມີ​ຈິດ­ໃຈ​ອວຍ­ພອນ​ເຊິ່ງ​ກັນ ແລະ ກັນ​ມີ​ຫຼາຍ ເລີຍ​ສ້າງ​ໃຫ້​ທຸ­ລະ​ກິດ​ດ້ານ​ນີ້​ຂະ­ຫຍາຍ­ຕົວ​ຫຼາຍ​ຂຶ້ນ ເພື່ອ​ບໍ­ລິ­ການ​ລູກ​ຄ້າ​ໃຫ້​ວ່ອງ­ໄວ ສວຍ​ງາມ ມີ​ຄຸນ​ນະ​ພາບ ການ​ໃຫ້​ຂອງ­ຂວັນ​ມີ​ຂຶ້ນ​ຕໍ່​ເນື່ອງ​ໃນ​ໂອ­ກາດ​ຕ່າງໆ ນັບ​ແຕ່​ວັນ​ສະ­ຖາ­ປະ­ນາ ສປປ ລາວ ວັນ­ຊາດ​ປະ­ເທດ​ອື່ນໆ ວັນ​ປີ​ໃໝ່​ສາ­ກົນ ປີ​ໃໝ່​ຫວຽດ­ນາມ ຈີນ ປີ​ໃໝ່​ລາວ ຂຶ້ນ​ເຮືອນ​ໃໝ່ ຮັບ​ໜ້າ­ທີ່​ໃໝ່ ແລະ ງານ​ສີ​ລິ​ມົງ​ຄົນ​ອື່ນໆ ຕະ­ຫຼອດ​ປີ​ທຸ­ລະ​ກິດ​ດ້ານ​ນີ້​ຈຶ່ງ​ພໍ­ໄດ້​ຂາຍ ໂດຍ​ສະ­ເພາະ​ປີ​ໃໝ່​ສາ­ກົນ ແລະ ວັນ­ຊາດ ແຕ່​ໃນ​ຂະ­ນະ​ທີ່​ທຸ­ລະ​ກິດ​ນີ້​ໄປ​ໄດ້​ດີ​ຢ່າງ​ງຽບໆ​ນັ້ນ ກັບ​ມີ​ຜູ້​ຄ້າ­ຂາຍ​ຫົວ​ໃສ​ຈຳ­ນວນ​ໜຶ່ງ ເຮັດ​ໃຫ້​ປາ​ຕົວ​ດຽວ​ເນົ່າ​ໝົດ​ຂ້ອງ ເອົາ​ປຽບ​ຜູ້​ບໍ­ລິ­ໂພກ ດ້ວຍ​ການ​ຕື່ມ​ສິນ­ຄ້າ​ເສຍ​ຄຸນ ສິນ­ຄ້າ​ໝົດ​ອາ­ຍຸ​ໃສ່​ກະ­ຕ່າ ກາຍ­ເປັນ​ພິດ​ໄພ​ແກ່​ຜູ້​ບໍ­ລິ­ໂພກ ແລະ ເຮັດ​ໃຫ້​ຜູ້​ມອບ​ພອຍ ໄດ້​ຮັບ​ຜົນ​ກະ­ທົບ​ດ້ານ​ລົບ​ທາງ​ຊື່​ສຽງ​ໄປ​ນຳ ເລີຍ​ທຳ​ຄຸນ​ໄດ້​ໂທດ ໂຜດ​ສັດ​ໄດ້​ບາບ​ໄປ​ຕາມໆ​ກັນ ດັ່ງ­ນັ້ນ​ໄລ­ຍະ​ຕໍ່​ມາ ຈຶ່ງ​ເກີດ​ມີ​ຜູ້​ຊື້​ຂອງ­ຂວັນ ຕ້ອງ​ຢືນ​ເຝົ້າ​ເບິ່ງ​ຄົນ​ຈັດ​ໃສ່​ກະ­ຕ່າ​ໃຫ້ ວ່າ​ຄັກ ຖືກ­ຕ້ອງ ມີ​ຄຸນ​ນະ​ພາບ​ດີ​ບໍ ສິ່ງ​ນີ້​ເລີຍ​ພາ­ໃຫ້​ຊັກ​ຊ້າ​ເສຍ​ເວ­ລາ​ຍ້ອນ​ລ້າໆ ແຕ່​ບາງ​ຮ້ານ​ທີ່​ພໍ​ໄວ້​ເນື້ອ​ເຊື່ອ​ໃຈ ກໍ​ຍັງ​ມີ​ຜູ້​ນິ­ຍົມ​ໄປ​ຊື້​ໂລດ​ກໍ​ມີ​ຫຼາຍ ບໍ່​ສະ­ເພາະ​ແຕ່​ຂອງ­ຂວັນ ຄຸ​ເຫຼືອງ​ສັງ­ຄະ​ທານ​ຂອງ​ພະ­ສົງ ກໍ​ຍັງ​ເຮັດ​ປອມ​ຢ່າງ​ບໍ່​ຢ້ານ​ບາບ ໂດຍ​ເອົາ​ເຄື່ອງ​ເສຍ​ຄຸນ​ໃສ່​ຖວາຍ​ແກ່​ພະ­ສົງ ເປັນ​ແນວ​ນີ້​ຖື​ວ່າ​ແລ່ນ­ນຳ​ເງິນ​ເກີນ​ໄປ ຊຶ່ງ​ຈະ​ພາ​ໄປ​ສູ່​ການ​ທຳ­ລາຍ​ພາບ​ລວມ​ກະ­ຕ່າ​ຂອງ­ຂວັນ​ວັນ​ສຳ­ຄັນ​ນັ້ນ​ເອງ.</p> <p style="text-align: justify;"> ດັ່ງ­ນັ້ນ ການ​ທຳ​ມາ​ຫາ​ກິນ​ທີ່​ຖືກ­ຕ້ອງ​ເທົ່າ​ນັ້ນ ທີ່​ຄົນ​ຍ້ອງ​ຍົກ­ຍໍ ແຕ່​ຖ້າ­ວ່າ​ເຮັດ​ບໍ່​ຖືກ​ເອົາ​ປຽບ​ຜູ້​ບໍ­ລິ­ໂພກ​ເກີນ​ໄປ ລະ­ວັງ​ກົດ­ໝາຍ​ຜູ້​ບໍ­ລິ­ໂພກ​ຜ່ານ​ສະ­ພາ​ແລ້ວ ອາດ​ຈະ​ມີ​ການ​ແຈ້ງ​ຄວາມ​ເອົາ​ຜິດ​ກໍ​ໄດ້​ເໝືອນ​ກັນ ຫາກ​ເຫັນ​ວ່າ​ສິ່ງ​ດັ່ງ­ກ່າວ​ເສຍ​ຄຸນ​ທຳ­ລາຍ​ສຸ­ຂະ­ພາບ.</p>

ຂ່າວທີ່ກ່ຽວຂ້ອງ