ຂ່າວຫຼ້າສຸດ

ສລຍ ປະກອບສ່ວນສ້າງທັກສະຄວາມຮູ້ ດ້ານການບໍລິຫານທຸລະກິດ

2.633 11 ມ.ກ. 2012 ສຶກສາ

<p style="text-align: justify;"> ສະ​ຖາ​ບັນ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ ລາວ-ຍີ່­ປຸ່ນ (ສລຍ) ແມ່ນ​ພາກ­ສ່ວນ​ໜຶ່ງ​ທີ່​ໄດ້​ປະ­ກອບ­ສ່ວນ​ຢ່າງ​ຕັ້ງ­ໜ້າ ເຂົ້າ​ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ໂດຍ​ສະ­ເພາະ​ແມ່ນ ການ​ປະ­ກອບ­ສ່ວນ​ຊ່ວຍ​ສ້າງ​ທັກ​ສະ​ຄວາມ​ຮູ້-ຄວາມ​ສາ­ມາດ ດ້ານ​ການ​ບໍ­ລິ­ຫານ​ທຸ­ລະ​ກິດ ໃຫ້​ແກ່​ບັນ­ດາ​ພະ­ນັກ­ງານ​ໃນ​ຂົງ­ເຂດ ຫົວ­ໜ່ວຍ​ທຸ­ລະ​ກິດ ພາກ​ເອ­ກະ​ຊົນ ແລະ ອົງ​ການ­ຈັດ­ຕັ້ງ​ພາກ​ລັດ ໂດຍ​ຜ່ານ​ການ​ເຝິກ­ອົບ­ຮົມ​ຫຼັກ­ສູດ​ບໍ­ລິ­ຫານ​ທຸ­ລະ​ກິດ ແລະ ໄດ້​ຮັບ​ຟັງ​ການ​ບັນ­ຍາຍ​ຈາກ​ຜູ້​ຊ່ຽວ­ຊານ​ຍີ່­ປຸ່ນ ໂດຍ​ການ​ສະ­ໜັບ­ສະ­ໜູນ​ຈາກ ອົງ­ການ​ຮ່ວມ​ມື​ສາ­ກົນ​ຍີ່­ປຸ່ນ ປະ­ຈຳ​ລາວ (ໄຈ​ກາ).</p> <p style="text-align: justify;"> ຕະ­ຫຼອດ​ໄລ­ຍະ 10 ປີ­ຜ່ານ­ມາ ໄດ້​ມີ​ຜູ້​ສຳ­ເລັດ​ການ​ເຝິກ­ອົບ­ຮົມ​ຫຼັກ­ສູດ​ບໍ­ລິ­ຫານ​ທຸ­ລະ​ກິດ​ຈາກ ສລຍ ຈຳ­ນວນ​ເຖິງ 2.600 ຄົນ ສະ­ເພາະ​ປີ 2012 ນີ້ ທາງ ສລຍ ໄດ້​ມີ​ແຜນ​ເປີດ​ຊຸດ​ອົບ­ຮົມ​ຫຼັກ­ສູດ​ບໍ­ລິ­ຫານ​ທຸ­ລະ​ກິດ​ແບບ​ໃໝ່​ຂຶ້ນ ໃນ​ເດືອນ​ມັງ­ກອນ​ຫາ​ເດືອນ​ເມ­ສາ 2012 ເຊິ່ງ​ຫຼັກ­ສູດ​ທີ່​ຈະ​ເປີດ​ດັ່ງ­ກ່າວ ໄດ້​ແບ່ງ​ອອກ​ເປັນ 2 ຊຸດ​ຕໍ່​ປີ ແລະ ໃນ​ແຕ່​ລະ​ຊຸດ​ຈະ​ມີ 9 ວິ­ຊາ​ຮຽນ​ຄື: ການ​ບໍ­ລິ­ຫານ​ການ​ຕະ­ຫຼາດ ການ​ສ້າງ​ແຜນ​ທຸ­ລະ​ກິດ ການ​ບໍ­ລິ­ຫານ​ການ​ຂົນ­ສົ່ງ ຍຸດ​ທະ​ສາດ​ການ​ບໍ­ລິ­ຫານ ການ​ບັນ­ຊີ ການ​ບໍ­ລິ­ຫານ​ບຸກ​ຄະ­ລາ​ກອນ ການ​ບໍ­ລິ­ຫານ​ການ​ເງິນ ການ​ບໍ­ລິ­ຫານ​ລະ­ບົບ​ຂໍ້​ມູນ​ຂ່າວ­ສານ ແລະ ການ​ບໍ­ລິ­ຫານ​ທຸ­ລະ​ກິດ​ຫຼັກ​ຊັບ ເຊິ່ງ​ການ​ບັນ­ຍາຍ​ແມ່ນ​ມີ​ອາ­ຈານ​ຈາກ​ສອງ​ຝ່າຍ ແລະ  ພິ­ເສດ ຫຼັກ­ສູດ​ບໍ­ລິ­ຫານ​ທຸ­ລະ​ກິດ​ຂອງ ສລຍ ແມ່ນ​ຈະ​ຖ່າຍ​ທອດ​ເຕັກ­ນິກ​ການ​ບໍ­ລິ­ຫານ​ແບບ​ຍີ່­ປຸ່ນ ທີ່​ເນັ້ນ​ໃສ່​ພາກ​ປະ­ຕິ­ບັດ​ຕົວ​ຈິງ ພ້ອມ​ທັງ​ຊ່ວຍ​ວິ­ເຄາະ​ພາກ​ທຸ­ລະ​ກິດ ແລະ ໃຫ້​ຄຳ​ປຶກ­ສາ ເພື່ອ​ແນະ­ນຳ​ວິ­ທີ​ການ​ປັບ­ປຸງ​ແກ້​ໄຂ​ບາງ​ບັນ­ຫາ​ໃຫ້​ແກ່​ຜູ້​ບໍ­ລິ­ຫານ ແລະ ເຈົ້າ​ຂອງ​ທຸ­ລະ​ກິດ ຫຼື ນັກ​ສຳ​ມະ​ນາ​ກອນ​ທີ່​ເຂົ້າ​ຮ່ວມ​ໃນ​ຫຼັກ­ສູດ​ດັ່ງ­ກ່າວ ນອກ­ຈາກ​ນັ້ນ ຜູ້​ທີ່​ເຂົ້າ​ຮ່ວມ​ການ​ເຝິກ­ອົບ­ຮົມ​ໃນ​ແຕ່​ລະ​ຫຼັກ­ສູດ ຍັງ​ສາ­ມາດ​ນຳ​ເອົາ​ຄວາມ​ຮູ້​ທີ່​ໄດ້​ຮຽນ​ນັ້ນ ກັບ​ໄປ​ນຳ​ໃຊ້​ໃນ​ວຽກ​ງານ​ຕົວ​ຈິງ​ໃນ​ອົງ​ກອນ​ຂອງ​ຕົນ ຢ່າງ​ມີ​ປະ​ສິດ­ທິ​ຜົນ.</p> <p style="text-align: justify;"> ທ່ານ​ອາ­ຈານ ສຸດ​ຖະ­ໜອມ ພິນ​ສະ­ຫວາດ ຫົວ­ໜ້າ​ພະ​ແນກ​ຫຼັກ­ສູດ​ບໍ­ລິ­ຫານ​ທຸ­ລະ​ກິດ ສລຍ ກ່າວ​ວ່າ ເພື່ອ​ເປັນ​ການ​ກຽມ​ຄວາມ​ພ້ອມ ໃນ​ການ​ເຊື່ອມ​ໂຍງ​ເສດ­ຖະ­ກິດ ເຂົ້າ​ກັບ​ບັນ­ດາ​ປະ­ເທດ​ອາ​ຊຽນ ໃນ​ປີ 2015 ທີ່​ຈະ​ມາ​ເຖິງ​ນີ້ ນັກ­ທຸ­ລະ­ກິດ​ລາວ ຕ້ອງ​ມີ​ຄວາມ​ພ້ອມ​ໃນ​ການ​ພັດ­ທະ­ນາ​ທຸ­ລະ​ກິດ​ຂອງ​ຕົນ ກໍ​ຄື​ເສດ­ຖະ­ກິດ​ຂອງ​ປະ­ເທດ ໃຫ້​ມີ​ຄວາມ​ເຂັ້ມ­ແຂງ​ຢູ່​ໃນ​ພາກ​ພື້ນ ແລະ ສາ­ກົນ ເພາະ­ສະ­ນັ້ນ ພວກ​ເຮົາ​ຕ້ອງ​ໄດ້​ຮ່ວມ​ກັນ​ປະ­ກອບ­ສ່ວນ​ຊຸກ­ຍູ້ ແລະ ສະ­ໜັບ­ສະ­ໜູນ​ໃຫ້​ເກີດ​ມີ​ຜູ້​ປະ­ກອບ​ທຸ­ລະ​ກິດ​ໃໝ່ ແລະ ຊ່ວຍ​ປັບ­ປຸງ​ທຸ­ລະ​ກິດ​ທີ່​ພວມ​ດຳ­ເນີນ​ຢູ່ ໃຫ້​ມີ​ຄວາມ​ສາ­ມາດ​ໃນ​ການ​ແຂ່ງ­ຂັນ​ສູງ​ຂຶ້ນ ຢູ່​ໃນ​ສະ­ພາບ​ແວດ​ລ້ອມ​ທຸ­ລະ​ກິດ​ພາກ​ພື້ນ ເພາະ​ທັງ​ສອງ​ໜ້າ­ທີ່​ດັ່ງ­ກ່າວ ແມ່ນ​ມີ​ຄວາມ​ສຳ­ຄັນ ໃນ​ການ​ພັດ­ທະ­ນາ​ເສດ­ຖະ­ກິດ​ລາວ​ໃຫ້​ດີ​ຂຶ້ນ ແລະ ຍັງ​ເປັນ​ການ​ສ້າງ​ວຽກ​ເຮັດ​ງານ​ທຳ​ເພີ່ມ​ຂຶ້ນ​ອີກ.</p>

ຂ່າວທີ່ກ່ຽວຂ້ອງ