ຂ່າວຫຼ້າສຸດ

ການເຮັດໜັງສືຜ່ານແດນ

2.798 11 ມ.ກ. 2012 ນານາສາລະ

<p style="text-align: justify;"> ເພື່ອນ​ຜູ້​ອ່ານ​ທີ່​ໃສ່​ນາມ​ວ່າ: ..ຫວັດ..! ສົ່ງ ຈ.ມ ເອ​ເລັກ​ໂຕຼ​ນິກ E-Mail ເຖິງ​ຄໍ​ລຳ​ພວກ​ເຮົາ​ເລື່ອງ: ການ​ເຮັດ​ໜັງ­ສື­ຜ່ານ­ແດນ Passport ລຳ­ບາກ ຕ້ອງ​ລໍ­ຖ້າ​ເປັນ​ເດືອນ ໂດຍ​ສະ­ເພາະ​ຜູ້​ຢູ່​ຕ່າງ​ແຂວງ ຈະ​ມີ​ວິ­ທີ​ແກ້​ແນວ­ໃດ ?.</p> <p style="text-align: justify;"> ມື້­ກ່ອນ​ນີ້​ວັນ​ທີ 6 ມັງ­ກອນ 2012 ຖື​ໂອ­ກາດ​ເຂົ້າ​ໄປ​ບ່ອນ​ເຮັດ​ໜັງ­ສື­ຜ່ານ­ແດນ ຢູ່​ກະ­ຊວງ​ການ​ຕ່າງ­ປະ­ເທດ ກໍ​ເຫັນ​ວ່າ​ຄົນ​ຫຼາຍ ແລະ ມີ​ການ​ບໍ­ລິ­ການ​ເປັນ​ຢ່າງ​ດີ ຈາກ​ເຈົ້າ​ໜ້າ­ທີ່.. ສັງ­ເກດ​ວ່າ​ມີ​ກຸ່ມ​ຄົນ​ເປັນ​ນາຍ​ໜ້າ​ຮັບ​ບໍ­ລິ­ການ ກໍ​ຖື​ວ່າ​ເປັນ​ເລື່ອງ​ດີ​ໃນ​ກົນ​ໄກ​ຕະ­ຫຼາດ​ນໍ ? ໃຜ​ບໍ່​ມີ​ເວ­ລາ...ບໍ່​ຮູ້​ເລື່ອງ ຄົນ​ພວກ​ນີ້​ເຂົາ​ກໍ​ຈະ​ຊ່ວຍ ແຕ່​ບັນ­ຫາ​ຢາກ​ຕັ້ງ​ຂຶ້ນ​ແມ່ນ <strong>ຄ່າ​ບໍ­ລິ­ການ.</strong></p> <p style="text-align: justify;"> ຄ່າ​ບໍ­ລິ­ການ​ນີ້ ບໍ່​ແມ່ນ​ກົມ​ກົງ­ສຸນ​ເນີ ! ເປັນ​ສະ­ເພາະ​ຂອງ​ບຸກ­ຄົນ​ແລ່ນ​ບໍ­ລິ­ການ​ຢູ່​ແຖວ​ນັ້ນ ເຊິ່ງ​ຜູ້​ບໍ່​ຮູ້​ເລື່ອງ​ກໍ​ເຄີຍ​ຖືກ​ເຂົາ​ກົ່ງ​ລາ­ຄາ ສະ­ນັ້ນ ການ​ຈັດ​ສັນ ແລະ ອອກ​ລະ­ບຽບ​ການ​ໃຫ້​ຜູ້​ວິ້ງ​ເຕັ້ນ​ບໍ­ລິ­ການ​ເປັນ​ເລື່ອງ​ສຳ­ຄັນ.</p> <p style="text-align: justify;"> <strong>ແນວ​ລາວ </strong>ມີ​ຄຳ​ເຫັນ​ວ່າ ຄວນ​ຈັດ​ພວກ​ບໍ­ລິ­ການ​ໃຫ້​ເປັນ​ກຸ່ມ​ຄັກ­ແນ່ ? ອອກ​ໃບ​ອະ­ນຸ­ຍາດ... ຕິດ​ບັດ​ແນະ­ນຳ​ໃສ່​ຖົງ​ເສື້ອ ວ່າ​ເປັນ​ຜູ້​ຊ່ວຍ​ບໍ­ລິ­ການ... ແລ້ວ​ການ­ຈັດ­ຕັ້ງ​ກ່ຽວ­ຂ້ອງ ກໍ​ເກັບ​ອາ­ກອນ​ລາຍ​ວັນ​ຈາກ​ພວກ​ເພິ່ນ​ກໍ​ຄົງ​ເປັນ​ເລື່ອງ​ດີ ມີ​ລາຍ​ຮັບ​ທັງ​ຮັບ­ປະ­ກັນ​ເລື່ອງ​ເອ­ກະ­ສານ ເພາະ​ພວກ​ນີ້ ມີ­ໜ້າ​ທີ່​ພົວ­ພັນ​ໂດຍ​ກົງ​ນຳ​ການ­ຈັດ­ຕັ້ງ ການ​ທີ່​ມີ​ຄວາມ​ຄິດ​ເລື່ອງ​ນີ້ ແມ່ນ​ມີ​ຂ່າວ​ວ່າ ເອ­ກະ­ສານ​ທີ່​ຍື່ນ​ເຂົ້າ​ມາ ມີ​ບາງ​ເອ­ກະ­ສານ​ປອມ​ແປງ​ວ່າ​ຊັ້ນ ! ຄັນ​ແມ່ນ​ການ­ຈັດ­ຕັ້ງ​ເຮົາ​ເຂັ້ມ­ແຂງ ກຳ​ໄດ້​ນາຍ​ໜ້າ ຫຼື ຜູ້​ເຂົ້າ​ມາ​ຍື່ນ​ເອ­ກະ­ສານ ກໍ​ສາ­ມາດ​ຊອກ​ຮູ້​ກຸ່ມ​ເປົ້າ​ໝາຍ​ທີ່​ກະ­ທຳ​ແນວ​ບໍ່​ດີ ບໍ່​ງາມ​ດັ່ງ­ກ່າວ... ການ​ຈັດ​ເປັນ​ກຸ່ມ​ນີ້ ຄິດ​ວ່າ​ເບື້ອງ​ກົມ​ກົງ­ສຸນ ແລະ ເຈົ້າ​ໜ້າ­ທີ່ ປກສ ສາ­ມາດ​ປະ­ສານ​ງານ​ກັນ​ຈັດ​ຕັ້ງ​ຂຶ້ນ​ໄດ້​ນໍ ?.</p> <p style="text-align: justify;"> ສ່ວນ­ວ່າ​ເລື່ອງ​ລຳ­ບາກ​ຊັກ​ຊ້າ​ນັ້ນ ເມື່ອ​ໄປ​ເບິ່ງ​ຕົວ​ຈິງ ກໍ​ບໍ່​ຍາກ​ພໍ​ປານ­ໃດ ? ເຈົ້າ​ໜ້າ­ທີ່​ເພິ່ນ​ເອີ້ນ​ເຂົ້າ​ໄປ​ສຳ­ພາດ​ເທື່ອ​ໜຶ່ງ​ກໍ​ຫຼາຍ​ຄົນ... ແຕ່​ຍອມ­ຮັບ​ວ່າ​ຜູ້​ຢູ່​ຕ່າງ​ແຂວງ ກໍ​ຕ້ອງ​ເສຍ​ເວ­ລາ​ຫຼາຍ​ກ່ວ​າ​ຄົນ​ຢູ່​ນະ­ຄອນ­ຫຼວງ​ວຽງ​ຈັນ ບັນ­ຫາ​ນີ້​ອາດ​ແກ້​ໄດ້​ໂດຍ​ທາງ​ເຈົ້າ​ໜ້າ­ທີ່​ກ່ຽວ­ຂ້ອງ ອາດ​ຈັດ​ຕັ້ງ​ຄະ­ນະ​ວິ­ຊາ​ການ​ເຄື່ອນ​ທີ່ ໄປ​ເຂດ​ໃດ​ເຂດ​ໜຶ່ງ​ໃນ​ທົ່ວ​ປະ­ເທດ ແລ້ວ​ຈັດ​ຕັ້ງ​ອອກ​ໜັງ­ສື­ຜ່ານ­ແດນ​ກັບ​ທີ່­ຢູ່​ເຂດ​ນັ້ນ​ກໍ​ເປັນ​ໄດ້!.</p> <p style="text-align: justify;"> ກໍ­ລະ­ນີ​ນີ້​ກໍ​ງ່າຍ ເພາະ​ດຽວ­ນີ້ ຢູ່​ແຕ່​ລະ​ແຂວງ​ມີ​ພະ​ແນກ​ຕ່າງ­ປະ­ເທດ ພຽງ​ແຕ່​ວ່າ​ພະ​ແນກ​ຕ່າງ­ປະ­ເທດ​ສົມ­ທົບ​ກັບ​ເຈົ້າ​ໜ້າ­ທີ່ ປກສ ອອກ​ແຈ້ງ​ການ ຫຼື ປະ­ກາດ​ໃຫ້​ຮູ້​ວ່າ ຢູ່​ແຂວງ​ຕົນ​ມີ​ບໍ­ລິ­ການ​ອອກ​ໜັງ­ສື­ຜ່ານ­ແດນ ແລ້ວ​ກໍ​ຮິບ​ໂຮມ​ສະ­ເໜີ​ມາ​ຍັງ​ສາຍ​ຕັ້ງ ໃຫ້​ເພິ່ນ​ລົງ​ໄປ​ແກ້​ໄຂ​ກໍ​ເປັນ​ໄປ​ໄດ້.</p> <p style="text-align: justify;"> ຂໍ​ໂທດ​ເນີ ! ຍົກ​ຄຳ​ເຫັນ​ເບື້ອງ​ຕົ້ນ... <strong>ບໍ່​ແມ່ນ​ສອນ​ແຂ້​ລອຍ­ນ້ຳ... </strong>ພຽງ​ແຕ່​ໄປ​ເຫັນ ແລະ ຟັງ​ຫຼາຍ​ຄຳ​ເຫັນ ເລີຍ​ຄິດ​ວ່າ​ພໍ​ເປັນ​ໄປ​ໄດ້​ແລ້ວ​ນຳ​ມາ​ສະ­ເໜີ.</p> <p style="text-align: justify;"> ທີ່​ຜ່ານ​ມາ​ຂໍ​ຊົມ­ເຊີຍ​ເຈົ້າ​ໜ້າ­ທີ່​ກ່ຽວ­ຂ້ອງ ຫາກ​ທຽບ­ໃສ່​ຫຼາຍ​ປີ​ກ່ອນ ດຽວ­ນີ້​ເຮັດ​ໜັງ­ສື­ຜ່ານ­ແດນ ສະ­ດວກ​ສະ­ບາຍ​ກ່ວ​າ​ເກົ່າ​ຫຼາຍ.</p>

ຂ່າວທີ່ກ່ຽວຂ້ອງ