ຂ່າວຫຼ້າສຸດ

ລະວັງ ! ການສວຍໃຊ້ຄວາມເຊື່ອຖື

1.675 10 ມ.ກ. 2012 ນານາສາລະ

<p style="text-align: justify;"> ໝູ່­ຄູ່​ລົມ​ກັນ​ເລື່ອງ​ຫຍໍ້­ທໍ້​ໃນ​ສັງ­ຄົມ ໂດຍ​ສະ­ເພາະ ບັນ­ຫາ​ສວຍ​ໃຊ້​ຄວາມ​ເຊື່ອ​ຖື ການ​ຫຼອກ​ລວງ​ໃຫ້​ຫຼົງ​ເຊື່ອ​ທາງ​ໃສ​ຍາ​ສາດ ແລະ ອື່ນໆ​ທີ່​ຝືນ​ວິ­ທະ­ຍາ­ສາດ​ນັ້ນ ພວມ​ແຜ່​ເຂົ້າ​ສູ່​ວົງ​ສັງ­ຄົມ​ຢ່າງ​ໜ້າ​ຕົກ­ໃຈ ມີ​ບາງ​ຄົນ​ຮຽນ​ຮູ້​ມາ​ໃນ​ລະ­ດັບ​ສູງ... ເຄີຍ​ນຳ­ພາ​ໃນ​ລະ­ດັບ​ອັນ​ແນ່­ນອນ... ເປັນ​ອາ­ຈານ​ສອນ​ຢູ່​ຂັ້ນ​ມະ­ຫາ­ວິ­ທະ­ຍາ­ໄລ ແຕ່​ສຸດ​ທ້າຍ​ກໍ​ມາ​ຕົກ​ເປັນ​ທາດ​ຂອງ​ຄວາມ​ເຊື່ອ​ແບບ​ຫູ­ໜວກ​ຕາ­ບອດ...</p> <p style="text-align: justify;"> ການ​ເຊື່ອ​ຖື​ທີ່​ຂາດ​ວິ­ທະ­ຍາ­ສາດ​ນີ້ ທຸກໆ​ສາດ­ສະ­ໜາ​ບໍ່​ໄດ້​ມີ​ການ​ບອກ​ໃຫ້​ເຊື່ອ​ສາດ­ສະ­ໜາ​ພຸດ ໃຫ້​ເຊື່ອ​ໃນ​ເຫດ ແລະ ຜົນ ສາດ­ສະ­ໜາ​ອື່ນ​ກໍ​ເຊັ່ນ​ກັນ.</p> <p style="text-align: justify;"> ປະ­ກົດ​ການ​ຫຍໍ້­ທໍ້​ນີ້ ອັນ­ຕະ­ລາຍ​ຫຼາຍ ເພາະ​ມັນ​ບັ່ນ​ທອນ​ຄວາມ​ເຂັ້ມ­ແຂງ​ຂອງ​ສັງ­ຄົມ ເຮັດ​ໃຫ້​ຄົນ​ໃນ​ສັງ­ຄົມ​ອ່ອນ​ລ້າ ແລະ ອອກ​ນ້ຳ​ເຢັນ​ໃນ​ທີ່​ສຸດ ເຮັດ​ຫຍັງ​ກໍ​ເຊື່ອ​ແຕ່​ວາດ​ສະ­ໜາ ບໍ່​ບຸກ​ບືນ ມີ​ແຕ່​ລໍ­ຖ້າ​ບຸນ ຫຼື​ສ່ຽງ​ໂຊກ​ຈາກ​ການ​ພະ­ນັນ​ຂັນ​ຕໍ່ ເກີດ​ຄວາມ​ກຽດ­ຄ້ານ ແລະ ດຳ­ລົງ​ຊີ­ວິດ​ແບບ​ຕາມ​ມີ​ຕາມ​ເກີດ.</p> <p style="text-align: justify;"> ໃນ­ຕໍ່­ໜ້າ​ນີ້ ການ­ຈັດ­ຕັ້ງ​ຕ້ອງ​ໄດ້​ຕິດ­ຕາມ​ຢ່າງ​ໃກ້­ຊິດ ບັນ­ດາ​ປະ­ກົດ​ການ​ຕ່າງໆ​ທີ່​ມາ​ໃນ​ຮູບ​ແບບ​ຂອງ​ນັກ­ບຸນ​ທັງ­ຫຼາຍ ເພາະ​ເຫັນ​ວ່າ ຂະ​ບວນ​ການ​ອັນ​ນີ້ ພວມ​ແຜ່​ລາມ​ເຖິງ​ຂັ້ນ​ມີ​ບໍ­ລິ­ສັດ​ຮັບ​ເໝົາ​ຈັດ​ງານ​ບຸນ​ວັດ ວັນ​ເຮັດ​ພິ­ທີ​ລົງ​ບື­ສິມ... ໂດຍ​ມີ​ການ​ແບ່ງ­ປັນ​ຜົນ​ປະ­ໂຫຍດ​ຄັກ­ແນ່ ? ບາງ​ບ່ອນ​ຄູ­ບາ​ອາ­ຈານ​ທີ່​ເປັນ​ເຈົ້າ​ອາ­ວາດ​ວັດ ບໍ່​ຮູ້​ເລື່ອງ​ກໍ​ຫາກ​ມີ.</p> <p style="text-align: justify;"> ບໍ່​ທໍ່​ນັ້ນ ຍັງ​ມີ​ຂະ​ບວນ​ໂຄ­ສະ­ນາ​ຊວນ​ເຊື່ອ​ໃຫ້​ຄົນ​ເຮັດ­ບຸນ ໃຫ້​ຄົນ​ປຸກ​ເສກ​ວັດ­ຖຸ​ມົງ​ຄຸນ​ຕ່າງໆ ແລ້ວ​ເຮັດ​ແບບ​ການ​ຄ້າ... ມີ​ຄົນ​ຈຳ­ນວນ​ໜຶ່ງ ອ້າງ​ຕົນ​ເປັນ​ຜູ້​ມີ​ບຸນ​ມາ​ເກີດ... ຜູ້​ກັບ​ຊາດ​ເກີດ ເປັນ​ນາງ​ທຽມ ທຳ​ການ​ໂຄ­ສະ­ນາ ແລະ ເຮັດ​ພິ­ທີ­ກຳ​ຫຼອກ​ລວງ​ຄົນ​ໃຫ້​ຫຼົງ​ເຊື່ອ.</p> <p style="text-align: justify;"> ຂະ​ບວນ​ການ​ອັນ​ນີ້ ຢູ່​ໃນ​ສັງ­ຄົມ​ໃດ​ກໍ​ຫາກ​ມີ​ນໍ ? ເວ­ລາ​ປົດ​ປ່ອຍ​ໃໝ່ໆ​ນັ້ນ <strong>ແນວ​ລາວ </strong>ເອງ​ກໍ​ເຫັນ​ເປັນ​ຂະ​ບວນ​ພໍ​ສົມ­ຄວນ ແຕ່​ຍາມ​ນັ້ນ​ຖືກ​ກະ­ແສ​ປະ­ຕິ­ວັດ​ທີ່​ມາ​ແຮງ ສະ​ສາງ​ລ້າງ​ສວ່າຍ ຈຶ່ງ​ດັບ​ມອດ​ໄວ... ດຽວ­ນີ້​ບໍ່​ແມ່ນ​ວ່າ​ຊິ​ບໍ່​ຖືກ​ດັບ​ມອດ​ເນີ້ ! ແນ່­ນອນ​ການ­ຈັດ­ຕັ້ງ​ບໍ່​ປະ­ປ່ອຍ​ດອກ !.</p> <p style="text-align: justify;"> ແຕ່​ຍົກ​ບັນ­ຫາ​ນີ້​ຂຶ້ນ​ມາ ກໍ​ເພື່ອ​ຢາກ​ຕັກ­ເຕືອນ​ກັນ​ໃຫ້​ມີ​ສະ­ຕິ​ລະ­ວັງ​ຕົວ ! ບໍ່​ຕົກ​ເປັນ​ທາດ​ຂອງ​ຄວາມ​ງົມ­ງວາຍ​ທັງ­ຫຼາຍ​ທັງ​ປວງ... ຈະ​ເຊື່ອ​ຫຍັງ ? ຈະ​ເຮັດ​ຫຍັງ ກໍ​ຄວນ​ໃຫ້​ມີ​ການ​ສຶກ​ສາ​ເບິ່ງ​ເຫດ ແລະ ຜົນ​ຄັກ­ແນ່ ? ບໍ່​ສົມ­ຄວນ​ເຊື່ອ​ກໍ​ບໍ່​ເຊື່ອ ຄັນ​ຫາ​ກວ່າ​ພວກ​ເຮົາ​ບໍ່​ເຊື່ອ ບໍ່​ສະ­ໜັບ­ສະ­ໜູນ​ແລ້ວ ຂະ​ບວນ​ການ​ອັນ​ນີ້​ໄປ​ບໍ່​ລອດ.</p> <p style="text-align: justify;"> ຄໍ​ລຳ​ພວກ​ເຮົາ​ເຄີຍ​ຂຽນ​ເລື່ອງ​ໝໍ​ດູ​ແຄມ​ທາງ ຄັນ​ແມ່ນ​ເກັ່ງ ແລະ ແມ໋ນ​ຢຳ​ແທ້ໆ ບໍ່​ຈຳ­ເປັນ​ມາ​ແຄມ​ທາງ... ນັ່ງ​ຢູ່​ເຮືອນ​ກໍ​ມີ​ຄົນ​ໄປ​ຫາ ! ອັນ​ນີ້​ມັນ​ແມ່ນ​ການ​ຄ້າ​ເນີ ! ບໍ່​ແມ່ນ​ຫຼົບ​ຫຼູ່​ໝໍ​ດູ​ແຄມ​ທາງ​ເນີ ຂໍ​ຍ້ອງ​ວ່າ​ເຂົາ­ເຈົ້າ​ເກັ່ງ ຮູ້​ເຮັດ​ການ​ຕະ­ຫຼາດ ຫາ​ເງິນ​ນຳ​ຜູ້​ມັກ­ງ່າຍ​ເຊື່ອ​ໄວ​ທໍ່​ນັ້ນ.</p>

ຂ່າວທີ່ກ່ຽວຂ້ອງ