ຂ່າວຫຼ້າສຸດ

ພັດທະນາເດັກໄວກ່ອນຮຽນ ມີຄວາມສອດຄ່ອງຕໍ່ການເພີ່ມອັດຕາເຂົ້າຮຽນ

2.609 05 ມ.ກ. 2012 ສຶກສາ

<p style="text-align: justify;"> ອົງ­ການ​ແພຼນ​ສາ­ກົນ ປະ­ຈຳ ສປປ ລາວ ໂດຍ​ຮ່ວມ​ມື​ກັບ​ກົມ​ອະ­ນຸ­ບານ-ປະ­ຖົມ​ສຶກ​ສາ ກະ­ຊວງ​ສຶກ​ສາ​ທິ​ການ ແລະ ກີ­ລາ ບັນ­ດາ​ພະ​ແນກ​ສຶກ​ສາ​ທິ​ການ​ແຂວງ ແລະ ບັນ­ດາ​ຫ້ອງ­ການ​ສຶກ​ສາ​ທິ​ການ­ເມືອງ ໄດ້​ສົ່ງ­ເສີມ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ສຶກ​ສາ ແລະ ການ​ພັດ­ທະ­ນາ​ສຳ­ລັບ​ເດັກ​ກ່ອນ​ໄວ​ຮຽນ​ໃນ​ໄລ­ຍະ 5 ປີ (2007-2012) ເພື່ອ​ເສີມ​ສ້າງ​ຄວາມ​ເຂັ້ມ­ແຂງ​ໃຫ້​ແກ່​ການ​ພັດ­ທະ­ນາ​ເດັກ​ຮອບ­ດ້ານ ແລະ ການ​ກຽມ​ຄວາມ​ພ້ອມ​ໃຫ້​ແກ່​ເດັກ​ກ່ອນ​ເຂົ້າ​ຮຽນ​ລະ­ດັບ​ປະ­ຖົມ ໂຄງ­ການ​ໄດ້​ສຸມ​ໃສ່​ເດັກ​ອາ­ຍຸ​ຕ່ຳ​ກ່ວ​າ 6 ປີ ແລະ ພໍ່​ແມ່​ຜູ້​ປົກ­ຄອງ​ຄູ ປັດ­ຈຸ­ບັນ​ໂຄງ­ການ​ໄດ້​ດຳ­ເນີນ​ວຽກ​ງານ​ຢູ່​ຫ້ອງ­ການ 61 ແຫ່ງ ໃນ​ນັ້ນ ນະ­ຄອນ­ຫຼວງ​ວຽງ​ຈັນ ມີ 20 ແຫ່ງ ຢູ່​ເມືອງ​ສັງ​ທອງ ແຂວງ​ບໍ່​ແກ້ວ ມີ 41 ແຫ່ງ ໃນ​ນີ້ 19 ແຫ່ງ ຢູ່​ເມືອງ​ຜາ​ສຸກ 9 ແຫ່ງ ຢູ່​ເມືອງ​ປາກ​ທາ ແລະ 13 ແຫ່ງ ຢູ່​ເມືອງ​ເມິງ.</p> <p style="text-align: justify;"> ຜ່ານ​ການ​ສະ­ຫຼຸບ​ຜົນ​ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ໄລ­ຍະ 5 ປີ​ທຳ​ອິດ ສາ­ມາດ​ປະ​ເມີນ​ຜົນ​ໄດ້​ວ່າ: ມີ​ເດັກ​ຫຼາຍ​ກ່ວ​າ 3.000 ນ້ອງ​ໄດ້​ຮັບ​ການ​ສຶກ​ສາ­ກ່ອນ​ໄວ​ຮຽນ ແລະ ຜູ້​ປົກ­ຄອງ​ເດັກ​ຫຼາຍ​ກ່ວ​າ 600 ຄົນ ໄດ້​ຮັບ​ການ​ຝຶກ​ອົບ­ຮົມ ການ​ດູ​ແລ​ເດັກ​ຜ່ານ​ການ​ຝຶກ​ອົບ­ຮົມ ຜູ້​ປົກ­ຄອງ​ເດັກ​ມີ​ຄວາມ​ເຂົ້າ­ໃຈ​ຕໍ່​ການ​ສຶກ​ສາ­ກ່ອນ​ໄວ​ຮຽນ ແລະ ໃຫ້​ເດັກ​ສືບ­ຕໍ່​ການ​ສຶກ​ສາ​ຫຼາຍ​ຂຶ້ນ​ໃນ​ໄລ­ຍະ​ປະ­ຖົມ​ຂັ້ນ​ຕົ້ນ ນອກ​ນີ້​ຍັງ​ມີ​ການ​ສ້າງ​ຄວາມ​ເຂັ້ມ­ແຂງ​ໃນ​ຂັ້ນ​ບ້ານ ຂັ້ນ​ເມືອງ ແລະ ຂັ້ນ​ສູນ​ກາງ ຕໍ່​ຄວາມ​ສຳ­ຄັນ​ຂອງ​ການ​ພັດ­ທະ­ນາ​ເດັກ ໜ້າ­ທີ່​ຂອງ​ຊຸມ​ຊົນ ທັກ​ສະ​ໃນ​ການ​ຝຶກ​ອົບ­ຮົມ ແລະ ຈັດ​ຕັ້ງ​ປະ­ຕິ­ບັດ​ວຽກ​ງານ​ການ​ປະ​ເມີນ​ຜົນ ຍັງ​ສະ­ແດງ​ໃຫ້​ເຫັນ​ເຖິງ​ໂຄງ­ການ ທີ່​ໄດ້​ປະ­ກອບ­ສ່ວນ​ເຂົ້າ​ໃນ​ການ​ສ້າງ​ຄວາມ​ຄືບ​ໜ້າ ຂອງ​ການ​ພັດ­ທະ­ນາ​ນະ­ໂຍ­ບາຍ ຍຸດ​ທະ​ສາດ ແລະ ລະ­ບົບ​ແຫ່ງ​ຊາດ.</p> <p style="text-align: justify;"> ທ່ານ ສົມ­ບູນ ມາ​ສຸ­ວັນ ຮອງ​ຫົວ­ໜ້າ​ກົມ​ອະ­ນຸ­ບານ-ປະ­ຖົມ​ສຶກ​ສາ ຜູ້​ຊີ້​ນຳ​ວຽກ​ງານ​ໃຫ້​ແກ່​ອົງ­ການ​ແພຼນ ໄດ້​ຍົກ​ໃຫ້​ເຫັນ​ຈຸດ​ພົ້ນ​ເດັ່ນ​ຄວາມ​ສຳ­ເລັດ​ຂອງ​ໂຄງ­ການ​ວ່າ: ໂຄງ­ການ​ນີ້​ແມ່ນ​ມີ​ຄວາມ​ສອດ­ຄ່ອງ​ຕໍ່​ວຽກ​ງານ ການ​ເພີ່ມ​ອັດ­ຕາ​ການ​ເຂົ້າ​ຮຽນ ແລະ ການ​ກຽມ­ພ້ອມ​ໃຫ້​ແກ່​ເດັກ ແລະ ຫຼຸດ­ຜ່ອນ​ອັດ​ຕາ­ຄ້າງ​ຫ້ອງ ນອກ​ນີ້ ໂຄງ­ການ​ຍັງ​ໄດ້​ຂະ­ຫຍາຍ​ໂອ­ກາດ ແລະ ຫ້ອງ​ກຽມ ໂດຍ​ສະ­ໜັບ­ສະ­ໜູນ​ການ​ປຸກ​ສ້າງ​ສ້ອມ­ແປງ ຝຶກ​ອົບ­ຮົມ​ຄູ​ດ້ານ​ການ​ຮຽນ-ການ​ສອນ ໃຫ້​ຄວາມ​ຮູ້​ແກ່​ພໍ່​ແມ່​ໃນ​ການ​ລ້ຽງ​ດູ​ເດັກ ແລະ ເຮັດ​ວຽກ​ຢ່າງ​ໃກ້­ຊິດ ຮ່ວມ​ກັບ​ຄະ­ນະ​ພັດ­ທະ­ນາ​ການ​ສຶກ​ສາ​ຂຶ້ນ​ບ້ານ ແຕ່​ຍັງ​ກ່າວ​ຕື່ມ​ວ່າ: ເຖິງ​ແມ່ນ​ວ່າ​ໂຄງ­ການ​ຈະ​ສາ­ມາດ​ເຂົ້າ​ເຖິງ​ເດັກ​ທີ່​ທຸກ​ຍາກ ແຕ່​ກໍ​ຍັງ​ບໍ່​ທັນ​ເຂົ້າ​ເຖິງ​ກຸ່ມ​ທີ່​ທຸກ​ຍາກ​ທີ່​ສຸດ ເຊິ່ງ​ແມ່ນ​ກຸ່ມ​ເດັກ​ພິ­ເສດ ແລະ ເດັກ​ທີ່​ອາ­ໄສ​ຢູ່​ຊຸມ​ຊົນ ທີ່​ຫ່າງ​ໄກ​ສອກ­ຫຼີກ ສິ່ງ​ນີ້​ແມ່ນ​ສິ່ງ​ທ້າ​ທາຍ​ຂອງ​ໂຄງ­ການ ໃນ​ການ​ວາງ​ແຜນ ແລະ ຈັດ​ຕັ້ງ​ປະ­ຕິ­ບັດ​ວຽກ​ງານ​ໃນ­ຕໍ່­ໜ້າ​ສຳ­ລັບ​ປີ (2013-2017).</p> <p style="text-align: justify;"> <strong>ໂດຍ: ສົມ​ສະ­ຫວັນ</strong></p>

ຂ່າວທີ່ກ່ຽວຂ້ອງ