ຂ່າວຫຼ້າສຸດ

ຂາຍໝ້ຽງອົມ ກໍມີລາຍຮັບດີ

9.622 29 ທ.ວ. 2011 ຫຼຸດຜ່ອນຄວາມທຸກຍາກ
ຂາຍໝ້ຽງອົມ ກໍມີລາຍຮັບດີ

<p style="text-align: justify;"> ຫາກ​ທ່ານ​ໃດ​ທີ່​ເດີນ­ທາງ​ໄປ​ຫຼວງ​ພະ​ບາງ ເມືອງ​ມໍ­ລະ­ດົກ​ໂລກ ຢ່າ​ລືມ​ແວ່​ຊິມ​ໝ້ຽງ​ອົມ 4 ຄຳ​ຕໍ່ 1 ພັນ​ກີບ ຂອງ​ນາງ ນ້ອຍ ຂ້າງ​ຕະ­ຫຼາດ​ມືດ​ຫຼວງ​ພະ​ບາງ ຮັບ­ຮອງ​ວ່າ​ແຊບ​ຖືກ​ໃຈ ເພາະ​ມີ​ຫຼາຍ​ລົດ​ຊາດ ຫຼາຍ​ປະ­ເພດ​ໝ້ຽງ​ໃຫ້​ເລືອກ​ຊິມ.</p> <p style="text-align: justify;"> ນັບ​ວ່າ​ເປັນ​ໂອ­ກາດ​ດີ​ທີ່​ໄດ້​ເດີນ­ທາງ​ໄປ​ຢ້ຽມ­ຢາມ​ເມືອງ​ມໍ­ລະ­ດົກ​ໂລກ ເນື່ອງ​ໃນ​ໂອ­ກາດ​ບຸນ­ມະ­ໂຫ­ລານ​ຮູບ­ເງົາ​ແຂວງ​ຫຼວງ​ພະ​ບາງ ກໍ​ຄື​ງານ​ແຂ່ງ­ຂັນ​ກີ­ລາ​ແຫ່ງ​ຊາດ​ຄັ້ງ​ທີ IX ທີ່​ຫຼວງ​ພະ​ບາງ​ເປັນ​ເຈົ້າ­ພາບ​ຈັດ​ໃນ​ປີ​ນີ້ ເລີຍ​ມີ​ໂອ­ກາດ​ໄດ້​ເລາະ​ທ່ຽວ​ຊົມ​ຫຼວງ​ພະ​ບາງ ບໍ່​ວ່າ​ຈະ​ເປັນ​ແຫຼ່ງ​ທ່ອງ​ທ່ຽວ​ວັດ­ທະ­ນະ­ທຳ ແລະ ທ່ອງ​ທ່ຽວ​ທຳ​ມະ​ຊາດ ທີ່​ຂາດ​ໄປ​ບໍ່​ໄດ້​ກໍ​ແມ່ນ ເລື່ອງ​ອາ­ຫານ​ການ​ກິນ ມີ​ຫຼາກ​ຫຼາຍ​ເຕັມ​ບ້ານ​ເຕັມ​ເມືອງ ຈົນ​ບໍ່​ຈັກ​ຊິ​ເລືອກ​ຊິມ​ອັນ​ໃດ​ດີ ເພາະ​ແຕ່​ລະ​ຢ່າງ ແຕ່​ລະ​ຮ້ານ​ກໍ​ລ້ວນ​ແຕ່​ຫ້າງ​ຫາ​ກະ­ກຽມ​ຄວາມ​ພ້ອມ ທັງ​ລົດ​ຊາດ ແລະ ການ​ບໍ­ລິ­ການ​ທີ່​ດີ​ໄວ້​ຄອຍ​ບໍ­ລິ­ການ.</p> <p style="text-align: justify;"> ແຕ່​ມີ​ສິ່ງ​ໜຶ່ງ​ທີ່​ຖືກ​ໃຈ​ຂອງ​ບັນ­ດາ​ຜູ້​ຄົນ​ທຽວ​ທາງ​ຍ່າງ​ກາຍ­ໄປ​ມາ​ແຖວ​ເສັ້ນ­ທາງ​ໂຮງ­ຮຽນ ມ.ສ ປະ­ຊາ­ທິ­ປະ­ໄຕ ໃກ້​ໂຮງ­ແຮມ​ພູ​ສີ ກົງ­ກັນ­ຂ້າມ​ກັບ​ຕະ­ຫຼາດ​ມືດ​ຫຼວງ​ພະ​ບາງ ມີ​ຮ້ານ​ຈີ່​ກ້ວຍ ປີ້ງ​ມັນ ຖັດ​ມາ​ກໍ​ແມ່ນ​ຮ້ານ​ຂາຍ​ໝ້ຽງ​ອົມ​ຂອງ​ນາງ ນ້ອຍ ຊຶ່ງ​ລາວ​ກ່າວ​ວ່າ: ເມື່ອ​ກ່ອນ​ກໍ​ຂາຍ­ເຄື່ອງ​ຢູ່​ຂອງ​ກິນ​ຢ່າງ​ອື່ນ ແຕ່​ມາ­ໄລ​ຍະ​ຫຼັງ​ລອງ​ມາ​ຂາຍ​ໝ້ຽງ​ອົມ​ລອງ​ເບິ່ງ ເພາະ​ເຫັນ​ວ່າ​ຢ່າງ​ໜ້ອຍ​ກໍ​ແມ່ນ​ຂອງ​ກິນ​ຫຼິນ​ທີ່​ຂຶ້ນ​ຊື່​ຂອງ​ຫຼວງ​ພະ​ບາງ ຊະ­ນິດ​ໜຶ່ງ​ທີ່​ຜູ້​ຄົນ​ມາ​ຢ້ຽມ­ຢາມ​ກໍ​ມັກ​ຈະ​ເອີ່ຍ​ຫາ ທັງ​ວັດ­ຖຸ​ດິບ​ກໍ​ຫາ​ງ່າຍ ຕົ້ນ​ທຶນ​ກໍ​ບໍ່​ສູງ​ປານ­ໃດ​ກໍ​ເລີຍ​ຢຶດ​ອາ­ຊີບ​ນີ້​ມາ​ຫຼາຍ​ປີ​ແລ້ວ.</p> <p style="text-align: justify;"> ສຳ­ລັບ​ໝ້ຽງ​ທີ່​ຂາຍ​ກໍ​ມີ​ຫຼາຍ​ຊະ­ນິດ ໃຫ້​ເລືອກ​ຊິມ​ອັນ​ເປັນ​ຫຼັກ​ກໍ​ມີ 2 ຊະ­ນິດ ຄື: ໝ້ຽງ​ອົມ​ທີ່​ເຮັດ​ດ້ວຍ​ເຂົ້າ­ໜຽວ ແລະ ໝ້ຽງ​ອົມ​ທີ່​ເຮັດ​ດ້ວຍ​ໝາກ­ເຂືອ​ປະ­ສົມ ເຂົ້າ­ໜຽວ ທີ່​ເພິ່ນ​ເອີ້ນ​ຕາມ​ພາ­ສາ​ເມືອງ​ຫຼວງ​ວ່າ: <strong>ໜີ​ກ້ວຍ​ພັນ </strong>ສ່ວນ​ເຄື່ອງ​ປະ­ສົມ​ກໍ​ມີ​ເຂົ້າ­ປຸ້ນ ຖົ່ວ­ດິນ ໝາ​ກວ່າ ໝາກ­ເຜັດ​ຂົ້ວ ເອົາ​ໄວ້​ກິນ​ກັບ​ທີ່ ຂາດ​ບໍ່​ໄດ້​ແມ່ນ​ຫົວ­ສີ­ໃຄ ອັນ​ທີ່​ເວົ້າ​ວ່າ: ມີ​ໝ້ຽງ​ອົມ​ຫຼາຍ​ຊະ­ນິດ​ໃຫ້​ເລືອກ​ນັ້ນ ໝາຍ​ເຖິງ​ຜັກ​ທີ່​ໃຊ້​ພັນ​ໝ້ຽງ ມີ​ຫຼາຍ​ຊະ­ນິດ​ໃຫ້​ເລືອກ​ຕາມ­ໃຈ​ລູກ​ຄ້າ ເຊັ່ນ: ຜັກ​ສະ​ລັດ ຜັກ​ກະ​ລ່ຳ ໃບ​ທອງ ໃບ​ມັນ­ຕົ້ນ ແລະ ໃບ​ອີ່​ເລີດ.</p> <p style="text-align: justify;"> ສຳ­ລັບ​ລາ­ຄາ​ຂາຍ​ກໍ​ບໍ່​ແພງ 4 ຄຳ​ຕໍ່​ໜຶ່ງ​ພັນ​ກີບ​ເທົ່າ​ນັ້ນ ລາຍ​ໄດ້​ມື້­ໜຶ່ງ ຖ້າ​ຂາຍ​ໝົດ​ໄດ້​ປະ­ມານ 2-3 ແສນ​ກີບ ແຕ່​ພິ­ເສດ​ແດ່​ໄລ­ຍະ​ຍາມ​ມີ​ບຸນ​ມີ​ງານ ໂດຍ​ສະ­ເພາະ ງານ​ແຂ່ງ­ຂັນ​ກີ­ລາ​ມື້­ໜຶ່ງ​ກໍ​ໄດ້ 3Œ4 ແສນ ຫຼື ບາງ​ມື້​ກໍ​ໄດ້​ຮອດ 5 ແສນ​ກີບ​ກໍ​ມີ.</p> <p style="text-align: justify;"> ເຖິງ​ແມ່ນ​ວ່າ​ລາຍ​ໄດ້​ອາດ​ບໍ່​ຫຼາຍ ແຕ່​ມັນ​ກໍ​ເປັນ​ລາຍ​ໄດ້​ທີ່​ປົກ­ກະ­ຕິ ເປັນ​ການ​ທຳ​ມາ​ຫາ​ກິນ​ແບບ​ສຸດ­ຈະ­ລິດ ເປັນ​ອາ­ຊີບ​ໜຶ່ງ​ທີ່​ແບ່ງ​ເບົາ​ພາ­ລະ​ຄອບ­ຄົວ ເພື່ອ​ແກ້​ໄຂ​ຊີ­ວິດ​ການ​ເປັນ​ຢູ່​ໃຫ້​ນັບ​ມື້​ດີ​ຂຶ້ນ.</p> <p style="text-align: justify;"> <strong>ໂດຍ: ລູກ​ຊາຍ​ດຽວ</strong></p>

ຂ່າວທີ່ກ່ຽວຂ້ອງ